عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

إضافة رد
 
LinkBack أدوات الموضوع طريقة العرض
قديم(ـة) 15-08-2009, 03:36 AM   #1
عضو مبدع
 
صورة <همس المحبة> الرمزية
 
تاريخ التسجيل: Aug 2006
البلد: ************
المشاركات: 1,782
قوة التقييم: 0
<همس المحبة> is on a distinguished road
Angry النظرة الشرعيه للولد مو لأمه‎

السلام عليكم ورحمة الله وبركاته,,,


اليوم بقول لكم قصة وحدة من البنات
بس هذي القصه انا متأكده انها حاصله في كل بيت فيه بنت في سن الزواج
و اخوانا الشباب ما حسو لا فينا ولا في خواتهم

و كل ام حاسه ببناتها بس احساسهم مايغير شي بالموضوع

مابي أطول عليكم بدخل بالقصه على طول









ام عبير اتصلت عليها حرمه تخطب لولدها خالد

و تمدح فيه و تمجده كأنه أحسن ولد في العالم
وتسئل عن عبير تقول :
والله يا ام عبير يقولون بنتك عبير حلوه صدق؟؟

ام عبير ترد :الحمدالله بنتي جميله و مايعيبها شي :)
ام خالد : عساها طويله ؟ عساها بيضاء؟ شعرها ناعم ؟
كيف جسمها
بالله وصفيها لي

ام عبير تحاول تجامل وتمسك اعصابها

ام خالد : ها يا ام عبير متى يناسبكم نجي نشوف البنت !!
ام عبير: والله يا ام خالد عبير تفضل ان الولد يجي وبعد مانسئل عنه هو يشوفها


ام خالد : وشوووووووو من جدك اصلا البنت مالها راي الشور شور اهلها وانا لازم اشوف الي ولدي بياخذها يناسبكم باتسر؟؟

ام عبير برد لك بكرا
تنتهي المكالمه وتنادي الأم بنتها وتقولها ها وش رايك موافقه

عبير : على ايش؟
الأم :على الولد
عبير : لا شفته ولا عرفت عنه شي وشلون اوافق
الأم :خلاص بواعد اهله وشوفيهم
عبير : وش ابي بأهله باخذه هو ولا اهله
و بعدين فكينا من سالفة الأهل احنا اتفقنا اي موضوع يكون بينا وبين الولد على طول
انا ماابي اعرض نفسي على الحريم انا انسانه مو ناقه مميزه جايين يشترون و البيع ل أعلى سوم
كم مره دخلت على حرمه و حرمه يجووون ساحبين خواتهم و بناتهم وقهوه وشاهي و معجنات وحلا وكركره والفرجه بلاش
وبعدها يروحون ولا نعرف ردهم
خلاص انا مليت انا انسانه عندي كرامه و مشاعر و احاسيس مابي هذا الوضع يمه خلاص




الأم مصر على انهم يجوون وش تسوي تبي الستر لبنتها !!

عبير تستسلم زي العاده

بعد ماقالت لها امها جهزي لبسك مانبي لا بنطلون زي اول مره يمكن كان هو السبب
ولا تنوره قصيره زي ثاني مره
و شعرك لاتخلينه كيرلي هذولي يحبون الناعم
و دهني بفكس خلي لونك يفتح تراهم يحبون البياض !!!

عبير جوابها !!لاتعليق

تاخذ عبير جوالها وتكلم صاحبتها ساره
و تطلب منها لبس يناسب اصحاب المعالي لأن ملابسها ماتتوافق مع المقاييس العالميه للأم السعوديه

و يعلنون حالة استنفار في البيت لأستقبال الضيوف الموعودين

الأطفال يرسلونهم لخوالهم و صياني الحلا و الموالح تتجهز و البخور يتولع

و يجون الضيوف و تستقبلهم الأم

طبعا ام الولد و توابعها اختها بنتها بنت خالتها اللي يجي
ماهي الفرجه بلاش

بعد السوالف و القهاوي
تدخل عبير
و العيون تراقب
داخله وهي كأنها تقول شوفوني عساني عاجبتكم
عساني مطابقه للمواصفات و المقاييس !!
تطلع و يطلعون وراها

من ذلك منزل الذي احتفاء بهم وكرمهم وعرض لهم سلعه من سلعه والابن ينتظر هاه عساهم جازتلكم
(( و ((اه بس يامخفه لو بتشتري سياره انت اول من يحددها
يمر يوم يومين ثلاث اربع ولاحولك احد
محد دق ولاحد اتصل وبنت تقول خلاص ميئوس منهم
وتمر الاشهر والبحث جاري مابين بيوت خلق الله مافيه بيت ماطقوه ولافيه عائله ماشوفوا منها
والابن في انتظار
و البحث جاري و المشاعر مالها حساب عندهم
البنت تبدا توسوس وش فيني
انا شينه؟
طيب الكل يقول عني حلوه؟
ياربيه
معقوله اعنس؟
معقوله محد يبيني!!

طيب ليه ما ردو !!
ويبقى السبب مجهول

و عبير خاطرها مكسور

مين يواسيها !!
امها الي ضايق صدرها اكثر منها على كسرة خاطر بنتها ولا الخطيب المجهول !!الي يمكن حتى هو مايدري ان اهله جايين يشوفون له


طبعا محد رح يواسيها
صديقاتها مثلها ماهما سعوديات بعد و النظام ماشي عليهم
يعني لا تشكيلي واشكيلك ولا تبكيلي و ابكيلك

ولا صاحبتها اللبنانيه عشان تضحك عليها و تقولها لك شو هالتخلف

..............


يا ناس حرام عليكم
الله و رسوله ما قالو كذا

ليه أجازو النظره الشرعيه لأن الولد نظرته غير عن امه


مره حريم رايحين يشوفون وحده لولدهم و والولد هو الي موديهم
لمى شافه الأبو عند الباب سلم عليه و دخله
واعجب بأسلوبه
وقاله بنادي لك بنتي
و شافها وشافته

طلعو اهله من بيت البنت وهم يقولون
البنت ما تصلح شينه
الولد قال الا تصلح و انا شفتها و اعجبتني


و تزوجو و انسترو






مايستفاد من الحكي هذا كلو و القصه
ياناس احنا بنات حمايل ولنا نسايب وعايشين ونتنفس
اسئلو عنا وبتجيكم مواصفاتنا
بعدين يجي هو وشووله تجون
انا باخذكم واالا باخذ ولدكم
ياعالم متى تحسون بهالوضع تراه جدا مزري ومدمر نفسيا وغير لائق اخلاقيا
لا ومصيبه بعضهم يشوفونك شهر 5 ويسكتون يجي شهر 12 يدقون يقولون نبغاها
محلات وهي محلات 3 ايام مهله بعدها معاد يلتفتون لك وهي جماد
ياناس حسووووا
ليش مانعالج هاالمشكله
لو كل بنت ترفض ان الأهل يجون و تشرط ان الولد بس الي يشوفها رح يتغير الوضع
التعارف بين الأهل يتم ان شاءالله اذا تمت موافقة البنت و الولد وشافو بعض
كل وحده لازم تفكر في غيرها اخوك اذا جاء يخطب حاولي تفتحين مخ اهلك
الي يبغاك يجي يشوفك هذا الجاد والي شاريك وشاري اخلاقك ونسبك
واذا شافك ولد كملت وصارت لمظهرك ولو ماصار شئ فخلاص القرار صدر من صاحب الشان مو من 3 الوكلاء الي يجون

وانت ياعريس الغفله ليه ما تقرر بنفسك كم وحده ووحده راحت عليك وكان ممكن تسعدك و تسعدها و تعجبك و تعجبها بس ذوق خالتك ولا امك ما كان نفس ذوقك
انت الي بتتزوج ولا اهل البيت !!

م..ن..ق..و..ل

للفائدة والنقااااااااااااااااااش الجااااااد <<<<<عااااد انا خبري بكم ماشاء الله خخخخخخخخ



<همس المحبة> غير متصل   الرد باقتباس

 
قديم(ـة) 15-08-2009, 05:36 AM   #2
عضو مميز
 
تاريخ التسجيل: Jul 2008
المشاركات: 108
قوة التقييم: 0
تميميهـ is on a distinguished road
هههههههههههههههههههههههههههههههههههههههههههههههههه ههههههههههههه

ياحبيلك بس

والله انك صادزه

تجي جدته السابعه عشان شوفه بس

ليييييييتهم يحسون ويتفطنون عقب موضوعك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
تميميهـ غير متصل   الرد باقتباس
قديم(ـة) 15-08-2009, 07:18 AM   #3
عضو بارز
 
صورة *أبو سمير* الرمزية
 
تاريخ التسجيل: Oct 2008
البلد: الرياض
المشاركات: 689
قوة التقييم: 0
*أبو سمير* will become famous soon enough*أبو سمير* will become famous soon enough
والله ان الموضوع مهم جدا و يستاهل النقاش فيه .....ايوالله

لكن الله يفرجها عليكم يا اخواتي و نترك عادة التخالف اللي حنا فيها والاستعباد الحريمي اللي حنا فيه كل ما نزين شي دخلنا هالعجر فيه

و انا اطالب بحمله توعوية نسمية ((بص بصتك وشوت عمتك))

واطالب بمظاهرة نطلق عليها (( حنبص حنبص واللي مش راضي........ يطس))


ملاحظة : (يمه - خالتي - عمتي) اذا كنتي تقرين هالرد حقي تأكدي انه مو من قلبي <<<<خررررر .

*أبو سمير* غير متصل   الرد باقتباس
قديم(ـة) 15-08-2009, 08:11 AM   #4
عضو متألق
 
صورة باسل التميمي الرمزية
 
تاريخ التسجيل: Sep 2008
البلد: القصيم _ الـــرس
المشاركات: 779
قوة التقييم: 0
باسل التميمي is on a distinguished road
والله ان الموضوع مهم جدا و يستاهل النقاش فيه
__________________
باسل التميمي غير متصل   الرد باقتباس
قديم(ـة) 15-08-2009, 12:25 PM   #5
عضو مبدع
 
صورة عيون رساوية الرمزية
 
تاريخ التسجيل: Dec 2005
المشاركات: 1,426
قوة التقييم: 0
عيون رساوية is on a distinguished road
كلامك عين الصواب...
واشوا الحمدلله ماسوينا كذا يوم نخطب لاخوي صحيح انا اخترت البنت لكن ماشفتها ابدا وكنت اعرف خواتها بس وبنيت فكرتي عنها من خلال الاوصاف اللي كانو يقولونها لي اللي سالتهم عنها
ورحت طرحت الكلام كله عند اخوي وقلتله نكلمهم تروح تشوفها...
لانك لوفكرتي اصلا صعبه ادق واقول ابجي انا اشوف بنتكم ولو رحت على اساس اني ابخطبها لاخوي بديهي انها ماراح تطلع عشان اشوفها ..
والحمدلله شافها وارتاح ورحنا عاد خطبنا وشبكنا وشفناها بالشبكه
الحقيقه كرأي شخصي مااعجبتنا لكنها اعجبت اخوي والحمدلله تزوجوا وعيلوا وهذا اهم شي الله يوفقهم ويديمها عليهم
__________________
عيون رساوية غير متصل   الرد باقتباس
قديم(ـة) 15-08-2009, 01:13 PM   #6
عضو مبدع
 
صورة ورد وزهر الرمزية
 
تاريخ التسجيل: Dec 2008
البلد: مع الأحباب
المشاركات: 1,856
قوة التقييم: 0
ورد وزهر is on a distinguished road
Angry

والله يانا اكره هالحركه ....
او اذا جو يجيبون الشبكه اللي اصلا ماله داعي يجيبون لتس جمس مليان من هالحريم عشان طقم او طقمين ,,,
مايستحن على وجيههن ذولي ,,,
حتى لو عزمتس احد تقدرينه عادي تعتذرين منه ,,,
رهيب موضوعتس واكثر الناس اللحين صاروا كذا ,,,
الله يعافيهم ولايبلانا...
__________________
ورد وزهر غير متصل   الرد باقتباس
قديم(ـة) 15-08-2009, 02:44 PM   #7
عضو مبدع
 
صورة <همس المحبة> الرمزية
 
تاريخ التسجيل: Aug 2006
البلد: ************
المشاركات: 1,782
قوة التقييم: 0
<همس المحبة> is on a distinguished road
الله يعطيكم العااااااااافيه على التعلقااااااااااااااااات الحلوه
بس ليش نقلتوه من العاااااااااام يا مشرفين
<همس المحبة> غير متصل   الرد باقتباس
قديم(ـة) 15-08-2009, 03:58 PM   #8
عضو مبدع
 
صورة هادي رغم الضجيج الرمزية
 
تاريخ التسجيل: Aug 2008
البلد: الرس
المشاركات: 1,317
قوة التقييم: 0
هادي رغم الضجيج is on a distinguished road
هذا التطور اللي تبونه ان البنت هي اللي تخطب ماهو الولد

بعدين امك واختك وعمتك وخالتك وشلون انخطبو يعني خلاص راح الحياء عند بناتنا لازام هي اللي تشوف الرجال اول شي

اهم شي ان امي العريس ترضاء على زوجة ولدها بعدين عاد الشوفه الشرعيه للولد
__________________
بلا خرابيط


هادي رغم الضجيج غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
.. آآآهـ لـيـه مـتــ غ ـــير ..؟! روعـــه المنتدى الأدبي والشعر و الألغاز 1 08-08-2009 11:09 PM


الساعة الآن +3: 04:55 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19