LinkBack أدوات الموضوع انواع عرض الموضوع
قديم 13-09-2009, 06:21 AM   رقم المشاركة : 1
معلومات العضو
سعودي غير
عضو بارز
 

إحصائية العضو







Thumbs up كيف تصيدين لج عريس؟



هلا وغلا بالحلوين والحلواااات اليوم جبت لكم موووضع إن شاء الله يكون خفيف على قلبكم
يلا بسم الله نبتدي التفلسف:-

طبعاً كل شي راح يصير بأمر الله وكل شي على النصيب وكتبة الله وهذا الأمر في يد الله سبحانه وتعالى

يلا نبتدي ألحين

شلون تصيدين لج معرس


=كيف تصطادين المعرس دون اللجوء إلى الاساليب السقيمه من التلميح الي ماله سنع
=أهم شي تتقربين من العجوز الي تدور لولدها عروس ثم نفذي مايلي:

1_خلج مع امج ولاتروحين مع البنات صبري عنهم جم شهر لين تتم العملية.

2_امشي وانتي حاطه راسج بين كتوفج ولا ترفعينه ابد حتى لو عورج خلي الفكس دايما في متناول ايدج.

3_كلمه خاله خليها دايما على لسانج خاصة لام المعرس عشان تحس بنوع من التميز عن باقي العجايز.

#ملاحظه .لامانع تنادين عجوز ثانية (السبير) بخالة عشان اذا مانجحت الخطه مع العجوز نمبر 'ون' تنجح مع نمبر 'تو' الاحتياط واجب وانا اخوج.


4_اذا بدت امج تتكلم انغزيها بكوعج عشان تدخلج فالسالفة حتى لو مالج داعي تطبيقا للمثل <كثر الدق يفج اللحام>دارية المث ماله داعي بس مالقيت غيره.

5_اخوانج الصغار لاحقيهم وطامري معهم وين مايروحون حتى لو ماهي عادتج بس تصرفي معهم كأنج امهم عشان العجوز تاخذ فكره انج حريصة على ذريتك .

6_كل ما اكلت امج من اكله زينه خليها تقول:نفس الأكله الي تسويها بنتي حتى لو الأكل من مطعم صيني او م***كي.

7_اذا جيتي بتمدين ايدج توجعي وخلي امك تقول:قايلتلك وانا امج ماله داعي تنظفين جدران البيت الخارجية {اقول نظفي غرفتج اول الي تقولين ثايره فيها قنبلة ذرية}.

8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسج وايد اخاف تروحين فيها واصير قتلت نفس بغير حق}.

9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.

10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.

11_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.

#مثال:تقول العجوز:بوش متقهوي عندنا البارح
قوليلها:وليش ماعلمتينا ياخاله نجي نساعدكم؟!

12_اذا يه طاري السوق وهو لازم اييي الطاري لانه ملح الجلسه عند الحريم خلي امج تقول:بناتي مايحبون يطلعون السوق ابوهم ايييب اغراضهم.

=الحين العجوز بتكون وقعت فالفخ.


نروح للمعرس الحين:




1_قعدي في بيت اهلج ولا تطلعين واذا جا المعرس بيشوفج خلي ابوج يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب
2_ قبل يجي اليوم الي بيشوفك فيه بحوالي اسبوع او اكثر{حسب شين الوجه} طامري من صالون لصالون صبغ تنظيف بشره..إلخ.

3_اذا يه المعرس خلي اخوج يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.

4_في نهاية المشهد خلي ابوج يقول:معليش وانا عمك ترى البنت شوي محيوسه{معليه يالشايب تنصب عالمسكين}..

وبهاللحظه الولد بينط على راس أبوج ويبوسه لين يشفط مخه ويقول متى العرس ياعم؟

{تحذير مهم}
#ابتعدي عن امهات العيال المتعلمات راعيات الجنطه نفس لون الجوتي هذولا يبيلهم خطط بعيدة المدى.


















التوقيع

رد مع اقتباس
قديم 14-09-2009, 07:32 AM   رقم المشاركة : 2
معلومات العضو
يزيد الخليوي
عضو بارز
 

إحصائية العضو







افتراضي

هههههههههههههههههههههههههههههههههههههههههاي

عز الله رحنا فيها ههههههه

اجل الدعوه تميلح بتميلح

مشكور ع موضووووعك يا ابو الفخوووخ

رد مع اقتباس
قديم 17-09-2009, 06:04 AM   رقم المشاركة : 3
معلومات العضو
سعودي غير
عضو بارز
 

إحصائية العضو







افتراضي


المشاركة الأصلية كتبت بواسطة يزيد الخليوي

هههههههههههههههههههههههههههههههههههههههههاي

عز الله رحنا فيها ههههههه

اجل الدعوه تميلح بتميلح

مشكور ع موضووووعك يا ابو الفخوووخ


شكرااااااااااااااااا يزيد على مرورك

تقبل ودي قبل ردي


















التوقيع

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 01:36 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8