تغطية فطور مسجدنا صلة بن أشيم....وظهور السعلو

[هزيم الرعد]

سلام عليكم
.
.
يوم الأحد الثالث والعشرين من شهر الخير والعطاء ... شهر الرحمة والمغفرة والعتق من النار
أقام جماعة مسجد حينا ...مسجد صلة بن أشيم الإفطار الجماعي لجماعة المسجد ...ولله الحمد كان فطورا طيبا شهيا في جو أخوي جميل ولطيف لم يسلم منن الكفشات والضحكات والسويليفات
لا أطيل عليكم ... هذي صور من هالفطور الطيب مع الشكر والتقدير للجميع على تعاونهم وتشريفهم للفطور
وحسب كلام أبو هاني الفريدي يقول ... لاتخلوننا من يوم 28 شوال يبي يبدأ فطور الست ويبي يكون جماعي بالمسجد كل يوم
* تنويه ...عذرا لمن لم أذكر اسمه .. فانا لا أعرف جميع الأسماء << من زين الجار
>> مهوب ذا صيدي بس صيدي اني فعلا ما اعرف كل الأسماء ..وأستحي انشد
<< خلاص لايكثر







.
.
على اليمين ريان الخليفة وعبدالله الشبنات وأبوعلي الغفيلي ...وبالمناسبة نحب أن نبارك لعبدالله الشبنات التعيين ...مبروك يابوراشد تستاهل كل خير ...







.
.
من اليمين أبوهاني الفريدي صاحب الهمة الكبيرة لإقامة هذا الإفطار وأبو أسامة الخليفة وأبوناصر الزيدي







.
.
عامل ...وبعده عاجم ...وبعده محمد الفلاح وإبتسامة تدل على الرضى عن مستوى الهلال هذا العام







.
.
أبناء أبوصالح الخليفة حفظهم الله ...وأبو صالح الخليفة ...وابوعبدالعزيز العقيل







.
.







.
.
الشباب يسولفون ويتحدثون ويتذكرون ايام رمضان قديما يوم كانت حارتنا طين







.
.
أبوعبدالرحمن الفلاح ...وجارنا الجديد عذرا لعدم معرفة الإسم ...وياسر العقيل







.
.
دحومي وصلوحي وأبوهاني الفريدي وأبوسليمان الفلاح في قفشة من قفشات أبوسليمان ...ولسان حال أبو هاني يقول تكفى يابوسليمان وخر البخور ...صدري ...انكتمت..







.
.







.
.
اللي بالوسط محتار يقول ياربي وش آكل ... ياربي وش آكل







.
.
كل أنواع تسريحات الشعر موجودة بهالصورة







.
.
أسامة يهوجس ويقول ..إإإإإإإإيه يالدنيا ...منول نفطر على كمبو همبرجر دجاج وهالحين تطورنا وصرنا نفطر تمر وقهوة







.
.
أحس إن وسام وده يهاوش بهالصورة ...وسام اللي لابس مخطط << كل الدعوى شخبط شخابيط ...اقصد وسام اللي لابس مخطط بس مهوب اتحادي << مايدري وش اسم اللون







.
.







.
.
على اليمين سليمان الفلاح ...و ....الفريدي ..والحوشاني ...ورئيس بلدية الرس الجار العزيز المهندس سليمان الخليفة أبو ريان







.
.
صالح الخليفة ....ووليد البطي ...والحوشاني اخوان







.
.







.
.
أبووليد ..خالد البطي ...وأبوناصر المطيري ...وأبومحمد الحوشاني







.
.
واصلهم هرج ان كل واحد منهم عنده انفلونزا الخنازير وخايفين من بعض







.
.

[هزيم الرعد]

نكمل لكم الصور

.
.

.
.
الأطباق المشاركة في غزو الفضاء ... قصدي في الفطور الجماعي المبارك
سمبوسة بف تنادي الضايع ...يامال العافية

.
.
تاوة ...مشروبي المفضل ... قصدي وجبتي المفضلة برمضان بس لو انه تصلح بالفرن أو على الصاج تسان ياسلام
يامال العافية

.
.
يالله وبالله تلاحقنا الباقي عشان نصوره ماشاء الله أكلووووه بسرعة ..حتى قلنا لو ماأمدانا عليه ناخذهم للمستشفى ونسوي لهم أشعة عشان تشوفون هالطبق مع التقرير
يامال العافية

.
.
شوربة ...أحد الأطباق الرئيسة على موائد رمضان << لاتفوتكم الرئيسة يعنني أعرف لغة عربية فصحى
يامال العافية والله

.
.
هذا المشروب نال استحسان الجميع ...وكيف لا وهو من عمل آل هزيم آل رعد
لعمري ان جغمة منه تنسيك العطش لمدة حولين كاملين ...أما إسم هذا العصير فهو شـ سعودي استغفر الله
يامال العافية والله

.
.
طبق من الفطائر المتنوعة
يامال العافية والله

.
.
للحين متحسف اني ما أخذت منه لو حبة .... عسيلة ...أليس كذلك ؟
يامال العافية والله

.
.
شوربة جمبري ...يامال العافية والله يابوناصر ...ويقال بأن شوربة الجمبري كانت مشهورة عند الأغريق ...على طاري الأغريق .هالحين الإبريق الفواح بكم سعره ؟
ماعلينا ..يامال العافية والله

.
.
الشوربة في الصحون اسعتدادا لتقديمها

.
.
سينابون كذاب ... الله يسامح اللي جابه << فاهم غلط
بس الطعم مية مية
يامال العافية

.
.
تاهو ....قصدي تاوة
يامال العافية

.
.
جب نية ...وعلى ماقال القايل ...ترى النية مطية
جبنية ...يامال العافية

.
.
هذا الطبق لا أعلم ماهو ولم استطعمه ...لكن يبدو انه طيب ...خبرونا يالربع عنه ؟
يامال العافية

.
.
قرصان من أبو ناصر الزيدي ..يامال العافية والله ...ودي لو اني مقلطن يدي بس مستحي

.
.
هذا نفس اللي شفت بإفطار الأعضاء ...رايق بالحيل بقت هالحبة وتماكناه قبل تروح وصورناه
يامال العافية

.
.
تراي أنا اللي جايب البيرة << حركات بزران

.
.
الله يعينكم على كثر الصور للأشياء اللي أنا جايبه
هذي صورة ماكرو ..يازين الثلج وهو سايح شوي على القارورة ...تلقاه بااااااااااردة

.
.

[هزيم الرعد]

أبوعبدالله الشبنات أبوصالح البطي أبوريان الخليفة أبو هاني الفريدي عبدالله الشبنات وليد البطي



.
.
ما أعرف كل الأسماء لذلك العذر والسموحة لعدم ذكرهن



.
.

أبوهاني الفريدي وعبدالله الشبنات ...ويبدو بالصورة ترمس ماء والذي يدعي أبو هاني أنه ماء زمزم ...فكذبه البعض



.
.
ولكن بعد التحري والتدقيق ...قمنا بـ الـ " ويقان " بوسط الترمس فوجدنا أنه فعلا ماء زمزم وهذا هو الدليل القاطع ...كما هو معروف بأن ماء زمزم شفاف ..إليكم الصورة



.
.
عاجم و الجار العزيزأبوسليمان الفلاح وعامل ما أعرف اسمه وتحت يبدو وسام إبن أبو سليمان الفلاح





.
.
عبدالله الخليفة ومحمد الفلاح أبديا استغرابهما من طريقة السطل والبيرة فقلت لهما أنها خبرة نقلتها بعد أن كنت أدرس الدراسات العليا في ولاية متشجان في دولة المكسيك<< ودك يصير فيه بالمكسيك ولاية متشجان فعلا هههههههههههههههه



.
.
دكتور المستقبل القريب إن شاء الله ... ريان الخليفة ..حبيب الكل



.
.
أبوعبدالله الشبنات وابوريان الخليفة وأبوهاني الفريدي



.
.
هنا كان موقف مضحك



.
.
لاتعليق



.
.
الفلج والبيرة والنعناع ... إلياذة خالدة



.
.
وأخيرا وليس آخرا ...كان هذا الشهم الهمام وسام في استقبال الجيران بمبخرة عبقها الود والتقدير والإحترام ...شكرا لك ياوسام يابطل



.
.
جماعة مسجد صلة بن أشيم يشكرون لكم وقتكم الثمين ويقولون كل عام وأنتم بخير وتقبل الله منا ومنكم الصيام والقيام





وقبل أختم اللقاء تفضلوا معي على هالأصابع اللذيذة المحشية بجبنة الكيري والمغطاة بالعسل الطبيعي ...طعم لايقاوم



.
.



شكرا لكم ...كان معكم من أرض الحدث ... هزيم الرعد ...الأثري

[واثقـــ الخطـــــــى ـــة]

ماشاء الله.... الله يديم الألفة والمحبة بينكم صور رائعة وتعليق اروع
شكرا لك

[عاشق المجاهيم]

يا هلا با أبو صالح وبتقاريره الممتعه (( هاه الحين مسموح الرد ؟؟!!))

ادام الله الألفه والمحبة بينكم يا أبناء حي غرناطه :) << هو اسمه كذا

بادرة رائعة جعلها الله في ميزان حسنات القائمين عليها

مشكور على تقرير الذي لا يمل ، وبطلب منك طلب : نبي منك تقرير عن العيد إن شاء الله ، صور عيدكم وعطنا تقرير ، مثل عيد الأضحى قبل العام وهالتقرير وتقرير فطور العام ورحلات أبهاء وغيرها مما تتحفنا بها

أكرر شكري لك يالأثري

[أبو عليان]

°°°°°°

أعلق وأصفق .. مش ممكن هزيم الرعد وجماعتهم ..


إنه العصير الأكثر فلة في العالم [قلب]

°°°°°°

[فيصل العلي]

ماشاء الله....

الله يديم الألفة والمحبة بينكم

صور رائعة وتعليق اروع شكرا لك

[قـــرحـش]

.. ماشاء الله عليك ياأبوصالح ..

.. تقرير هو الأطعم والألذ << واحد تقاطر سعيبيلاته بس مايحصل تو المغرب !!

.. ماشاء الله عليك ياهزيمووووه .. الظاهر ماصليتو المغرب الا قبل صلاة العشاء ؟؟!!

.. لله درك من أثري .. والله يديم الجمعه والخميس بينكم << لاتشره موآصل وأنا أخوك ..

.. سلملي على أبو هاني << عز الله أنه تحفه ..

[أبوجعفرالمنصور]

ما شاء الله تبارك الله
اجتماع مبارك

لكن عندي سؤال
عن السطل
77

جيم سؤال ألحين السطل هذا للبيع؟
لأني والله ودي أعبيه شوربه وأقدمه هديه
لعزيزي سماحة الشيخ
مفرش أقصد قرحش

ياعيني عليك ياهزيم لكن لا أرى لك أي
تاوه ذهبيه
ولا توه ما نشنشت بالزيت
وأشكرك على المعلومات القيمه
تصدق أول مره أدري أن ماء زمزم لونه شفاف
سبحان الله شكلك ياهزيم بروفيسور
من ورانا


&&&&&&

[شبابي]

لمه حلوه الله يتقبل منا ومنكم ومنور (ابوراشد)