العودة   منتديات الرس اكس بي > منتديات الرس اكس بي > الرحلات و التصوير و التقنيات
التعليمـــات التقويم اجعل كافة الأقسام مقروءة

الملاحظات

الرحلات و التصوير و التقنيات الرحلات البرية و هواة التصوير و التقنيات

إضافة رد
 
أدوات الموضوع انواع عرض الموضوع
قديم 13-12-2009, 11:45 PM   #1
هزيم الرعد
عضو أثري
 
تاريخ التسجيل: May 2002
الدولة: غير معروف
المشاركات: 11,493
معدل تقييم المستوى: 0
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
افتراضي كشتتنا لم عرق الدخول ...

بسم الله الرحمن الرحيم
هذه المشاركة ستكون باللغة العربية الفصحى
همانا هكاليوم تواعدت انا واثنين خونة على اننا نبي نروح لم مهرجان الزيتون بمنطقة الجوف
ومير يعطونن اشكل قالوا خل نروح لما يصير هالزيتون مخلل ويكون المهرجان اسمه مهرجان خل الزيتون <<< خلخل الله وريد العدو بلى خلخل الله وريد العدو ...مجهزن اموري من الى ماخليت شي والموتر مجهز والشنطة مليانتن ثياب ومستعد نفسانيا وجسمانيا وعقليا وكل شي وبالأخير تقولون هونا ؟؟؟
هين ...ان ما هونت اجي لأقرب اجتماع منكم ما اكون ابوصالح << عسا ماتكلفت >> لا عادي
.
.

.
.
كان الهدف هو بدايات نفود الدهنا من عند الطريق مابين قبة وسامودة
سبب اختيارنا لهالمكشات هو بأنه اصابه بفضل الله المطر الطيب وشعيب السهل مشى ...كما أننا أحببنا هذه المنطقة عندما هكاليوم العام واللي قبله كشتنا بها ...خصوصا عرق الدخول ...
حركنا من عند الاستراحة صباحا ووصلنا النفود ظهرا ...لما مسكنا طريق قبة سامودة اول ما بدا النفود نزلنا يسار ومشينا تقريبا اثنين كيلو ومية وثمان وعشرين متر وقفنا وقررنا اننا نتكي بهالمكان الطيب...النفود بلاطة رابص على كيفك لاتغرك الصور تراي لاعبن بهن بالفوتوشيب << مير صدقوك
بهالنفود شب من هالارطا واستانس وياسلام ..ومع ذلك ...وإمعانا في الاستعداد الجيد وخوفا من اي ظرف طارئ كنا قد تزودنا بالحطب السمر بكمية لابأس بها ...تخبرون الواحد مقبلن على لواهيب الله يكفينا واياكم شر النار
صورة اول ماوقفنا بهالمكان

.
.

.
.
وإذا بي فوق طعيس ..وإذا بي تجين فكرة ...قلت ورى ما اجرب الزوم حق الكاميرة واشوف وش النتيجة ...
وعشان بعد أقهر بعض الناس
هذي الصورة وشاهدو السواد الموجود حدر السهم

.
.
ماهو ياترى ..ماهو ...هل ياترى عرفتوا وش يكون ؟
كأني سمعت أحدهم يقول عرفنا وش هو ...هذا شجرة ارطا ثمانية سلندر ...اقول له مرماع بس مالك لوا
.
.
هذي الصورة بعد الزووووووووووووووووم ..ناس كاشتين حولنا ...

.
.
واحد من الشباب ...مابه صبر ويبي يمخمخ على القهوة والشاهي ولاهوب صابر لمين نصلحن ...راح لمكان سبقنا له ناس يبي يصلح قهوة بمشبهم اللي مازال حار وفيه جمر

.
.

.
.
وقررنا نجرب المظلة هذي ...وجزى الله من اهداني اياها خير الجزاء ماقصر

.
.
يقال لك حركة

.
.
هذا المنتج حاز على رضا البعض ...شطاف الوضوء من جروهي

.
.
إتز تايم فور كبسة

.
.
معاميلنا

.
.
الجبسة السعودية

.
.
همن شبينا بالارطا

.
.
وبعد الغدا والشويهي ...مشروع تزويع

.
.
أنا من الناس اللي يستانسون اذا صار حولهم أحد بالبر ....خطيرن اروح انام بينهم ككككككككككككك

.
.
الشباب يتمشون بعد الغداء وقت العصير الجميل

.
.
وكان هناك وشوشة ونميمة ...ومحاولة لزرع الفتنة بين اثنين من الشباب حتى يخلوا الجو لأبوفهد ويبتل هو أمير الرحلة
حيث كان أمير رحلتنا هو أول واحد يقوم من النوم الصبح ....أبو فهد من يوم مشينا من الرس لمين رجعنا مانام ابد ... ولو اثر الأمارة تبي
هنا أبودحيم وأبوفهد يخططون كيف يوقعون الفتنة بين ابوعلي وابوراشد

.
.
وهنا اقبل عليهم ابو علي ...وهو حاس ان فيه شي مهوب طبيعي بالكشتة

.
.
وهنا رؤوس الفتنة بعد ما لعبوا لعبتهم على ابو علي وصدقهم ...ويظهر يمين الصورة المخدوع والمكذوب على لسانه ابوراشد ياحول مايدري وش السالفة

.
.
وحدث ما كنا نخشاه ... فقد هجم أبوعلي على أبوراشد في محاولة منه لجغنه جغنة في الصميم ترديه كتيلا ...ويظهر أبو فهد وهو يبتسم ابتسامة خبيثة وقد تحقق له من خطط له ...قاتل الله الامارة التي تسبب الشحناء والبغضاء

.
.
تدخل العقلاء ....وتوقفت الهوشة دون ان يكون هناك اضرار وتم توضيح الأمر لأبوعلي وان ماحدث ماهو إلا وشاية واشي
فاعتذر ابوعلي من ابوراشد وتخاما << تخامموا بس هذي للمثنى
وهذي صورة بعد زوال اللبس ويبدو ابو فهد بالوسط مقهور ولسان حاله يقول خرب مخططي خرب مخططي << إلا هو كم ارض ياخوك ؟ ككككككككك



.
.
.
.
__________________
هزيم الرعد غير متواجد حالياً   رد مع اقتباس
قديم 13-12-2009, 11:46 PM   #2
هزيم الرعد
عضو أثري
 
تاريخ التسجيل: May 2002
الدولة: غير معروف
المشاركات: 11,493
معدل تقييم المستوى: 0
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
افتراضي

حطبة كبيرة جلسنا نكسرها عشان نبي نشب بها << معقولة !

.
.
والتجول بالهللي للبحث عن الحطب وصيده

.
.
ومن هنا نفجت الحطبة بس ضيعناها

.
.
قبيل الغروب .... يالي من شخص محترف تصوير ..المفروض معي كاميرة d 65039

.
.

.
.
وسمرنا سمرة طيبة

.
.
قررت ارقى فوق واخذت معي الكاميرة وصورت هالصورة وتلاحظون النور اللي يسار فوق هذا نيزك كككككككك
امزح هذولا شباب يدوجون بالليل

.
.
وقربت شوي الزوم

.
.
وهذا العشاء .... دجاج مشوي ودجاج على الصاج

.
.
تعشينا ...وتكينا ...ونمنا ...وقمنا الصبح وصلينا وتكينا نتقهوى
فنجال قهوة من عمل امير الرحلة ... يقولون انه مصلح القهوة من الساعة ثنتين بالليل من الفراغ ككككككككك

.
.
والقشد الطيب

.
.
وخبز التنور الشهي جدا

.
.
بعد الفطور قررنا التحرك شمال تقريبا لعرق الدخول ...ويبعد عن الخط تقريبا 40 كيلو
وفي الطريق لقينا هالمليح

.
.
مع هالمليحات

.
.
توقف لتحديد المكان المناسب

.
.
يازين شبة الضوية

.
.
أبودحيم يقول لما تكشت لحالك ومالقيت احد يمسك لك اللحمة سو مثل تسذا ...ويقول انه تعلم هالطريقة من برنامج التميت سرفايفل ككككككككككككك

.
.
قمت اصور مكاننا الجديد والشباب منهمكين بإعداد الطعام ...ماشاء الله مشروع تسمين ...
لكن نغص علينا الذبيحة اللي شراها لنا واحد من الشباب ...شراها بـ 200 ريال ...وش هالاسعار ؟؟

.
.
مقلقل أبودحيم

.
.

.
.
سموا بسم الله

.
.
الشباب الليلة الماضية ازعجهم الطَل ... فقرروا بناء الخيمة

.
.
الوقدة

.
.
التستس

.
.
كانت الطيارات تمر من فوقنا ...ورغم اننا نصوت لهم ونلزم عليهم بالقهوة إلا انهم مانزلوا ...ممكن يكونون مستعجلين او شي

.
.
تكية الليل ...ليالي قمارية

.
.
كنت اقرطع من هالبريدز شويهي رايق

.
.
بينما الشباب

.
.
همن قاموا الشباب بعمل بطاطس جمري بالقصدير ...ولا اروع منه

.
.
حتى انه اصبح يلازمنا بالطلعات عقبه من زينه
.
.
مستوي مرة مرة

.
.
__________________
هزيم الرعد غير متواجد حالياً   رد مع اقتباس
قديم 13-12-2009, 11:47 PM   #3
هزيم الرعد
عضو أثري
 
تاريخ التسجيل: May 2002
الدولة: غير معروف
المشاركات: 11,493
معدل تقييم المستوى: 0
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
افتراضي

بعد ذلك قررنا عمل قرص او مجمار او مايسمى بهذا الوقت هارديسك

.
.

.
.

.
.

.
.
وفي الصباح المشرقي

.
.
الهارديسك

.
.
كنه وجه منغولي حزين

.
.
حاز على رضى البعض فقط

.
.
هاللي بالحطب بيض ويش ؟

.
.
قررنا اننا نفطر فطور متأخر وبعدها نتوجه للرس عشان نوصل الرس ويمدينا نخلص بعض الاشغال قبل العشاء
وهذي صور فطورنا

.
.
ولما خلصنا ولله الحمد من الفطور كان عندنا فائض تونة ...فقمنا بوضعه بمكان قريب من جحر النمل ووضعنا لهن لافتة باللغتين العربية الإنجليزية للوصول إليه

.
.
وبعدها حرصنا على ان يكون المكان كما جيناه نظيفا
هذي مجموعة من الصور المتحركة انتظر شوي لمين يتحركن

.
.
.

وبهذا ينتهي هذا التقرير البسيط
مايستفاد من التقرير
اولا / اذا كان معك ناس نومها بسيط فحتما ستخسر الامارة كل يوم
ثانيا / لما تجتمع ظروف مثل النفود الممطور الليالي القمارية الجو المناسب فلا تفوت الفرصة على نفسك بالخروج إلى البر والاستمتاع به
ثالثا / الحمد لله على نعمه التي لاتعد ولاتحصى
رابعا / حر ....ودي اقولها للخونة
تاسعا / فالي جائزة أحسن تقرير ككككك
سادسا / شكرا لكم جميعا
__________________
هزيم الرعد غير متواجد حالياً   رد مع اقتباس
قديم 14-12-2009, 12:18 AM   #4
الوسم#
مشرف المنتدى الأدبي
 
الصورة الرمزية الوسم#
 
تاريخ التسجيل: Apr 2008
الدولة: العاقر
المشاركات: 5,405
معدل تقييم المستوى: 18
الوسم# will become famous soon enoughالوسم# will become famous soon enough
افتراضي

والله تقرير أكثر من رااائع
وتعليقات حلوة أضفت على الموضع الكثير والكثير
وبالنسبة للخونة .. واحد يموون
لا يهمونك والله يستر عليهم وترا الطلعات والجزمات يبن
ويمكن حريمهم عين ماتدري
تحسب كل الحريم مثل هزيمة
وبعدين دامك طلعت واستانست وفليته انت والرجال اللي معك
وهذا اهم شي
والله تقرير روعة والتقاطات جميلة واحترافية
واعجبتني لوحة النمل
تسلم والله على التقرير الجميل
__________________
اشـــري ونـاســة خـاطــري من حـلالــي
ولحدن يحاسبني على النقص والزود
[RAMS]https://sites.google.com/site/anaf1234567/%D8%A7%D9%84%D9%88%D8%B5%D9%8A%D9%87.MP3?attredire cts=0&d=1[/RAMS]
الوسم# غير متواجد حالياً   رد مع اقتباس
قديم 14-12-2009, 12:19 AM   #5
نبض المشاعر
مشرفة سابقة
 
الصورة الرمزية نبض المشاعر
 
تاريخ التسجيل: Jan 2008
الدولة: الرس
المشاركات: 11,892
معدل تقييم المستوى: 0
نبض المشاعر is a name known to allنبض المشاعر is a name known to allنبض المشاعر is a name known to allنبض المشاعر is a name known to allنبض المشاعر is a name known to allنبض المشاعر is a name known to all
Talking ألف شكر للخونة خلوا هالكشتة تطلع .. أبرك من زيتون الجوف ككككككككك

..

وااااو ياهزيم
تقرير يجنن ويوسع الصدر << هذا همك
أوووما التصوير حركااات << إلا وش القصة كل المنتدى شارين كميرات للبر












والصورة هاذي خقق :)

بس غريبة مامعكم جيب << أحس الكشتة لازم جيب ..!!
بعدين الصراحة مكانكم الأول يخوّف شكلة مقطعة بقوووه << أحسه بالليل يممممه
مشكور هزيم ع هالتقرير الرايق .
__________________
أهلّي بـ الموآجع كل مآ أنسآقت من [ الأقدآر ]
و أقـول يحلّها الليْ حطهآ لـ آلقلب / مكتوبة .!
.

.

التعديل الأخير تم بواسطة نبض المشاعر ; 14-12-2009 الساعة 12:33 AM
نبض المشاعر غير متواجد حالياً   رد مع اقتباس
قديم 14-12-2009, 01:26 AM   #6
نيتروجين
مشرف منتدى التغطيات والافراح والمناسبات
 
الصورة الرمزية نيتروجين
 
تاريخ التسجيل: Nov 2007
المشاركات: 3,365
معدل تقييم المستوى: 16
نيتروجين has a spectacular aura aboutنيتروجين has a spectacular aura about
افتراضي



ما شاء الله ، تبارك الله يابو صالح ..

ألف الحمد لله ع السلامهـ ..

وكشتتـن محكورة لمكان محكور ويازين النفـود لاصار ممطور ..

وشكلكم راجعين بحطب أكثر من الي أخذتوا ^_^




يا حركـآت .. صاج وشوي وقرص والكبسات على طول ..

وش خليتوا ..



بصراحة صور وتصوير خيآلي .. تسلم إيدياتك يا ملك العدســة :)

وموضوع وتعليقات ولا آحلـى ..

وفالـك الجائزة الأولى يارب ..


تستـآهـل ***** نجوم


أسجل اعجابي بهالتقرير ^_^


تحيـاتــي’’’


نيتروجيـن ’’’
نيتروجين غير متواجد حالياً   رد مع اقتباس
قديم 14-12-2009, 05:21 AM   #7
حصة ام قصة
عضو بارز
 
تاريخ التسجيل: Dec 2008
المشاركات: 364
معدل تقييم المستوى: 0
حصة ام قصة is on a distinguished road
افتراضي

الصراحة رهيييييييييييييب ماشالله عليك تقرير روعة ودمك شراباااااااااااااااااااااات _ماقول الا ياحظكم يالرجال ماشاللله مايردكم شي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
حصة ام قصة غير متواجد حالياً   رد مع اقتباس
قديم 14-12-2009, 01:56 PM   #8
ريحانة الدار
عضو متألق
 
الصورة الرمزية ريحانة الدار
 
تاريخ التسجيل: May 2009
المشاركات: 911
معدل تقييم المستوى: 0
ريحانة الدار is on a distinguished road
افتراضي

تقرير رااااااااايع ماشاء الله عليكم
__________________
اللهم لك كما ينبغي لجلال وجهك وعظيم سلطانك
ريحانة الدار غير متواجد حالياً   رد مع اقتباس
قديم 14-12-2009, 02:01 PM   #9
عآزف الآوتآر
عضو فذ
 
الصورة الرمزية عآزف الآوتآر
 
تاريخ التسجيل: Dec 2008
الدولة: بـًـيـًـن آح ــًـآسسيسكـ’’
المشاركات: 7,924
معدل تقييم المستوى: 0
عآزف الآوتآر is on a distinguished road
افتراضي

ما شاء الله ، تبارك الله يابو صالح ..

ألف الحمد لله ع السلامهـ ..

وكشتتـن محكورة لمكان محكور ويازين النفـود لاصار ممطور ..

وشكلكم راجعين بحطب أكثر من الي أخذتوا ^_^
__________________
لست اللذي يرجوآ الوصآل أذآ تغنو بّ الصدود
ولست اللذي يبكي ع خل مضى حتى يعود ...
عآزف الآوتآر غير متواجد حالياً   رد مع اقتباس
قديم 14-12-2009, 02:07 PM   #10
**كلي دلع**
عضو اسطوري
 
الصورة الرمزية **كلي دلع**
 
تاريخ التسجيل: Jul 2008
المشاركات: 10,481
معدل تقييم المستوى: 0
**كلي دلع** is just really nice**كلي دلع** is just really nice**كلي دلع** is just really nice**كلي دلع** is just really nice
افتراضي

تقرير رائع ..
وتغطيه اجمل .
يعطيك الف عافيه .
...
.
__________________
* إنه الموت .. صاحب ( الذوق الأرقى ) إذ ينتقي الأجمل و الأغلى في معظم الأحوال .. ويمضي بهم !
د.شيرين العبيشي
**كلي دلع** غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:01 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir