LinkBack أدوات الموضوع انواع عرض الموضوع
قديم 01-03-2010, 03:08 PM   رقم المشاركة : 1
معلومات العضو
okok
عضو ذهبي
 

إحصائية العضو







افتراضي تكاليييييييييييييييييييييييييييييييييييييييييييييف الزواج


اول حاجه بعطيكم نبذة عن طريقة تكاليف الزواج عندنا في السعودية
لكثر القبائل والفئات الاجتماعية في المملكه تختلف طريقة التكلفة
فبعض الناس التكلفة اجمالا على الزوج والبعض الاخر على الزوجة
او حسب الاتفاق المبرم بينهم
يتقدم الشاب لخطبة الفتاه واول الصعوبات اللي تواجهه المهر
طبعا جميع الاباء يدورون الستر لبناتهم وتهمهم اخلاق الشاب قبل كل شي
لكن يختلفون في نقطة تحديد قيمة المهر بعض الناس تقول اذا مادفع العريس دم قلبه في الزواج ماراح يحس بقيمة العروس وبعض الاهالي مايطالعون في هذي الناحيه ويطالعون لحالة الشاب الاجتماعيه
واهم شي عندهم انه قادر يفتح بيت ويصرف عليها



وطبعا اغلب الاهالي اللي يطلبون مهور عاليه تكون البنت هي السبب في هذا الشي لان بعض البنات الله يهديهم تضغط الشاب في اموركمالية وهو باقي يالله يلملم روحه
وعشان تفهمون أكثر خلونا ندخل للظاهره من مدخل ثاني :
حكايه بعض (وأكرر بعض) البنات اللي مايقدرون اهلهم يحطون لهم
زواج كشخه , تقعد تصيح وتحن وترن على أهلها (لازم تحطون لي عرس)
لا فلانه ولا علانه احسن مني !!
طيب يابنت الحلال الوالد منتف حرام تظلمينه منين بيحطلك عرس بشىء وشويات
ماحد قاله يجي يخطب دامه ماهوب قادر على طلباتي
طيب وبعدين كل ماجا عريس وهي على هذا الموال لحد ماتقعد في حلق اهلها ويضيع العمر بسبب اشياء ماانزل الله بها من سلطان يابنات الستر زين والتقدير والمراعاه لضروف الشباب احسن من العنوسه ماراح تنفعك لافلانه اللي زواجها في صاله ملكيه ولاعلانه اللي راحت شهر العسل في باريس



ونجي لقصر الافراح بعض القصور اجار الليله الوحده 70 الف وشرايكم يابشر هذا معقول ؟
70 الف تجيب لك كامري 2010 من الوكاله


وماخفي كان اعظم
تكلفت في البوفيه
لازم يحطون (البعض) زفه وكوشه وباتشي >---وتوزيعات شموع وورد وبالونات على المنصه ودفتر ذكريات يوقعون فيه العرسان علشان يتذكرون ليلة القراده
وشاهي وغجر ويانسون وليمون وزنجبيل وكمون وبهارات وحليب وكابتشينو
....(هاهاها)
بالاضافه الى التمريات والسكريات والفطائر والكيك (وكل مالز وطاب )
وش بقى !!!!!!!!! ( مابقى إلا يوزعون مسامير ومفكات )


هل تتوقع الناس ماراح تتركك لحالك
والله هالناس حاشين فيك حاشين
سواء تكلفت والا ماتكلفت

وهات يازعل من حكايه البطاقات الشخصيه (انواع المجازر)
مطاقق وهواش , انا اعرف مليون حرمه من اقاربي متزاعلين ...
والرجال متهاوشين والبزارين صار فيهم عقد وتوحد من سالفه
( ممنوع اصطحاب الاطفال ) اذا شافوها دعو على العرسان


وياحليله حارس القاعه الضعيف !!!!!!!!!!!!!!!!!!!!!!
تجي له وحده (ماإنعزمت أصلا ) ومعبيه جمس من الحريم وكلهن بيدخلن
يقول الحارس يامدام معليش لازم بوطائه مئدرش أدخلك أم العروصه
منبهه علي مادخلش حد )
تقول الحرمه : (وخّر أهوه ,, هجوم يابنات ,, ويوطونه
ويدخلون --------------------------------- الى البوفيه )



نجي للعروس ( اللي قلبها يدق 220 ) خوفا من فشل الحفله , تلاقيها محبوسه
بغرفه مع الكوافيره (وهات ياصياح ومطاقق البنيه وش ملحها وشعرها ناعم
وتبغى تسريحه حلوه مثل صوره اختارتها , وبعدين تجيك الميكانيكي ((عفوا
الكوافيره)) ماتقصر تحوس الشعر وتلخبط المكياج
وتقول : انتي طلبتي كده
والعروس : لا انا ماطلبت كذا .............. وهات ياهواش )
وطبعا في محل الكوافير الكل وده يتصلح امها وخواتها وبنات القبيله بعضهم تطغى على العروس في المكياج
الوحده احيانا تدخل محل كوافيره مبتسمه للحياة متفائله والبوك مليان فلوس
تطلع مفلسه وشعرها حوسه ومنتف ( تتمنى عزرائيل ذيك اللحظه )


واحيانا تتأخر لحد ماتنرفز اللي يستناها ويقرر هو يصلح التسريحه بطريقه ثانيه

وبعض الحضور تتكلف بفستان فوق ال3000 الاف علشان تروح تجلس ساعتين
ولاحضرت الوحده الزواج تشوف نفسها احسن المعازيم وتقعد تمدح نفسها لكن من اللي يصدق

وبعدين تجي (بعض المصورات النصابات ) , تلهف ألوفات وتقول
هذي عشان تصيري حلوه طبعا تصويرنا مو أي تصوير(شعارنا السريه
وعنواننا الخصوصيه) , ومن بكره صوره البنت وزوجها واصله سكان
اللرجنتين وكوكب عطارد !! ( وهذا عند بعض الاستوديهات )
*************************************8
وراعين الكوشات علومهم علوم (بعضهم متخصص وفنان) لكن البعض
الاخر لاعب على هالضعوفه , تشوف البنت كوشه وش حلاتها
واذا جاء التنفيذ شىء اخر تماما , مثلا :
تبغى البنت كوشه على شكل اهرامات , يجيب لها الاخ كراتين تايد
وقراطيس أولكر ويقول هذي أهرامات (إيه هين أهرامات)
وبنت تبغى كوشه ثلج يقطع لها كم قطنه من شنطه الاسعافات الاوليه
ويقول هذا ثلج !!!!!!!!!!!
وبنت تبغى كوشه أدغال (البنيه شايفتها بعرس وعاجبتها ) يقوم يسرق لها
من اقرب حديقه كم شجره ونبته ونمر بلاستيك من ألعاب ولده وقماش منقط
من ابو هلله وربع ويقول يالله ايديك على 40 ألف , عشان احنا مسوين حركه جديده ماحصلتش ...


وأم العروس حكايتها حكايه من كثرة مشاكل الحريم , تجيها (متلازمه داون
)


ما راحت ذيك الليله على خير , الكل ناشب في حلقها هذي تجي تصيح
دخلي ولدي تراه عند الباب حرام عليك ماعنده احد بالبيت
واللي تقول عليك الله قوليلهم يقفلون المسجل مااسمع اغاني ( طيب اقعدي في بيتكم )
وهذا غير العاملات اللي بالقصر الوحده ماده بوزها شبرين ماهم راضين يشتغلون يستنون البخشيش ومطاردة الصغار اللي طالعين نازلين يقطعون الزينه اللي على الكوشه
والطقاقه اللي ماتجي في موعدها زفو العريس ودخلو على العشا والطقاقات توهم داخلين القصر
صاحت بكلمتين ترددها في كل الزواجات وابو صالح سرى ليله وتاخذ حول ال10 الاف

وإلا عاد الحضور انواع واشكال :
حريم تقعد على الطاوله تلف الحلا كله وتدف وراه الفطائر (هذا غير
المسروق بالشنطه !! ) وتشفط كل ترامس القهوه والشاي
ونوع من قعدو وهم مبققين عيونهم عشان يقلدون بعروسهم القادمه
ونوع يسجلون كل الاحداث ( حتى مايرمشون من التركيز )
لزوم الحش ( والتحليل الرياضي اذا رجعو للبيت ) , والحسنات رايحه
جايه ......
وفيه نوع مهذب مؤدب راقي محترم يحضر بأدب وينصرف بأدب
وهذا هو الغالب
( وطبعا تتراوح هذه النسب مابين خفيفه الى متوسطه الى غائمه جزئيا
حسب مستوى الحضور)
وياويل البنت اللي شعرها حلو (تكتب على شعرها السلام) اذا حدث
ونجت بأعجوبه , فانها تطلع من العرس وشعرها مثل شعر ولد عبدالله السدحان
في حلقه ( آباء نت ) , وفيه بعض الحريم المشاكسات واللي شايفات انفسهم
تشوفها من بعيد لابسه طقم يهبل أقل شىء 50 ألف ( ألماز يقنن يأخواتي )
وإذا تبقشت العلوم تلاقيه على بسطات الحريم مع الصواريخ والفشا فيش


وفي الختام يابنات ياحلوين القادره منكم مافيه مانع
تحط اللي نفسها فيه , لكن اللي ماتقدر لاتحمل نفسها واهلها وعريسها مالا
يطيقون لانه لا الاباء ولا الزواج قادرين على تحمل المصاريف مع ارتفاع غلا المعيشه

والله ماأحد داري عنك أنتي عايشه بنعيم ,والا عذاب مقيم
والناس مايفيد فيهم والله لو تحطينهم بافخم قاعه وتقدمين لهم المن والسلوى
وإلا باستراحه والطق بتنكه وتقدمين عيش وجبنه
الناس مثل العلك تشيله من أيدك
يلزق بشعرك.....
عشان كذا خلو زياده المصاريف بشهر عسل زي العسل , تنبسطين
فيه انتي وزوجك

والله يوفق الجميع الى مايحبه ويرضاه ويديم السعاده على كل العرسان
( اكيد الشباب انبسطو


















التوقيع

رد مع اقتباس
قديم 01-03-2010, 03:31 PM   رقم المشاركة : 2
معلومات العضو
ابو صالح الرس
عضو اسطوري
 
الصورة الرمزية ابو صالح الرس
 
 

إحصائية العضو








افتراضي

والله تكاليف موب سهلة
ان شاء الله اذا جيت ابعرس ابحط عرس عائلي الا اذا كان اهل العروسة يبونه فله حجاج فيحطونه من حسابهم
مكلوف انا وجهي اجل قصر افراح 50000 ريال ياخوي انا اذا جيت اشتري جوال قعدت ثلاث شهور اجمع فلوس
علشان اقدر اشتري لا بعد نص الفلوس سلف اجل وشلوووون العرس


والله البنت العاقلة ولي يهمه الستر ما تفكر بالاشياء هذي واعرف اذا لقيت مثل البنت هذي انه هي الي راح تحفظ مالك
وراح تعزك وتحبك


















التوقيع

وما انا سوى عابر
سأمضي يوما تاركـ خلفي احلاماً ،اوجاعاً،ذكرياتـ ، وطيف يجول في طرقات قلوب احبــابــي ...
توتر m_s_aldhalaan
رد مع اقتباس
قديم 01-03-2010, 03:36 PM   رقم المشاركة : 3
معلومات العضو
الاء
عضو فذ
 
الصورة الرمزية الاء
 
 

إحصائية العضو








افتراضي

والله الموضوع جدا جميل

وانا عن نفسي رافضة لفكرة العرس والطنه والرنه

باذن الله ان تزوجت بخليه عشى رجال بس

وماله داعي التبذير الزايد



















التوقيع

اللهم لك الحمد على كل حال ..

رد مع اقتباس
قديم 01-03-2010, 03:38 PM   رقم المشاركة : 4
معلومات العضو
الاء
عضو فذ
 
الصورة الرمزية الاء
 
 

إحصائية العضو








افتراضي


المشاركة الأصلية كتبت بواسطة ابو صالح الرس


والله تكاليف موب سهلة

ان شاء الله اذا جيت ابعرس ابحط عرس عائلي الا اذا كان اهل العروسة يبونه فله حجاج فيحطونه من حسابهم
مكلوف انا وجهي اجل قصر افراح 50000 ريال ياخوي انا اذا جيت اشتري جوال قعدت ثلاث شهور اجمع فلوس
علشان اقدر اشتري لا بعد نص الفلوس سلف اجل وشلوووون العرس

والله البنت العاقلة ولي يهمه الستر ما تفكر بالاشياء هذي واعرف اذا لقيت مثل البنت هذي انه هي الي راح تحفظ مالك

وراح تعزك وتحبك



الله يرزقك من واسع فضله

ويسر امرك


















التوقيع

اللهم لك الحمد على كل حال ..

رد مع اقتباس
قديم 01-03-2010, 03:39 PM   رقم المشاركة : 5
معلومات العضو
ابو صالح الرس
عضو اسطوري
 
الصورة الرمزية ابو صالح الرس
 
 

إحصائية العضو








افتراضي


المشاركة الأصلية كتبت بواسطة الاء الدنيا

والله الموضوع جدا جميل

وانا عن نفسي رافضة لفكرة العرس والطنه والرنه

باذن الله ان تزوجت بخليه عشى رجال بس

وماله داعي التبذير الزايد
والله ونعم التفكير اهنئك على رجاحة عقلك


















التوقيع

وما انا سوى عابر
سأمضي يوما تاركـ خلفي احلاماً ،اوجاعاً،ذكرياتـ ، وطيف يجول في طرقات قلوب احبــابــي ...
توتر m_s_aldhalaan
رد مع اقتباس
قديم 02-03-2010, 01:37 AM   رقم المشاركة : 6
معلومات العضو
دمرتني طيبتي
عضو ذهبي
 
الصورة الرمزية دمرتني طيبتي
 
 

إحصائية العضو








افتراضي

صراحه كلام صحيح
وللاسف الكل يعرف هاشي وجربه باخت او اخو ومع ذالك لاجاء زواجه قال ابي
زواج فخم انا مدري وشو الفخم هذاء



















التوقيع

رد مع اقتباس
قديم 02-03-2010, 06:11 AM   رقم المشاركة : 7
معلومات العضو
okok
عضو ذهبي
 

إحصائية العضو







افتراضي

بوصالح الرس ..الاالدنياء..دمرتني طيبتي .... تشرفة في مروركككككككككككككككككككككككككككككككككككككككككم



















التوقيع

رد مع اقتباس
قديم 03-03-2010, 01:36 AM   رقم المشاركة : 8
معلومات العضو
منتدى
عضو متألق
 

إحصائية العضو








افتراضي

موضوع رائع .....فعلا بعض الناس يبالغون في تكاليف الزواج وهذا مو مطلوب عند كثير من الناس لكن يجب التقيد بحديث الرسول صلى الله عليه وسلم (اظهروا الفرح ولو بشاة) فيما معناه ............................

رد مع اقتباس
قديم 03-03-2010, 10:11 AM   رقم المشاركة : 9
معلومات العضو
ريم محمد
عضو بارز
 

إحصائية العضو








افتراضي

الموضوع فعلان رائع

رد مع اقتباس
قديم 03-03-2010, 11:22 AM   رقم المشاركة : 10
معلومات العضو
ابولين
عضو بارز
 
الصورة الرمزية ابولين
 
 

إحصائية العضو







افتراضي

موضوع رائع بس مثل ماذكرت بعض العوائل


باعتقادي اللحين الوضع تغير اللحين الكل يسوي زواجه عائلي


الله يوفق العزاب ويعينهم على تكاليف الزواج

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 10:06 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8