LinkBack أدوات الموضوع انواع عرض الموضوع
قديم 21-03-2010, 10:37 AM   رقم المشاركة : 1
معلومات العضو
كاندي
عضو
 

إحصائية العضو







افتراضي اختك عندها لاب توب وبلاك بيري وتثق فيها؟؟انتبه تراالشيطان شاطر

جائتني بسررررعه ودخلت غرفة الارشاد وهي تبكي
:استاذه ممكن ادخل ؟
قلت:خير ان شاء الله استأذنتي من معلمتكم ؟
قالت:استاذه تكفين خليني ادخل .....ثم انهارت بالبكاء
قلت :تفضلي خير يا..........خير تعبانه ؟فيكي شي؟
قالت بالحرف الواحد:حسبي الله على شباب الرس!!!
قلت:نعم؟استغفر الله وش السالفه يا..............تراك خوفتيني
قالت:حسبي الله على كل ام وابو واخو غافل عن اخته!!!
انا ضعت يااستاذه ضعت!!
وانهارت بالبكاء ثم مسحت دموعها وقالت :استاذه اهلي وثقوا فيني ثقه عمياء وفروا لي كل شي دش اقلب فيه القنوات علىكيفي لاب توب واخيرا بلاك بيري وهذي النتيجه!!!
الشيطان شاطر وانا يااستاذه عجزت اقاوم ماقدرت ....ماقدرت
زميلاتي هنا بالمدرسه اذا انتي ماتكلمين او مالك علاقه مع واحد فأنتي متخلفه معقده مسكينه ويبعدون عني!
حتى بنات خوالي وعماني كل وحده معها البلاك بيري وتراسل خويها او خوي فلانه وعلانه!!!
اهلي يحسبون اني عاقله ورزينه وقدامهم وش حليلي يحسبون اطهر الارض اللي امشي عليها
ومايدرون اني لي علاقه مع.......وانهارت وبكت
وبعدين قالت لي علاقه مع 4 شباب من الرس و1 من البدايع!!!
اكيد بتنصدمين يااستاذه مني بس بقولك شي ترا الشكل والرزانه اللي من الظاهر مو دليل
والله العظيم ان ثلاثة ارباع المدرسه اللي عندهم لاب توب وبلاك بيري يكلمون
تلقين الام تثق ببنتها والاب يوافق من الحاح الام ويعتمد على الام والام اصلا همها المظاهر وتوفير كل شي لبنتها عشان ماتكون اقل من غيرها !!!وهذي نهاية الثقه!!
تعرفين يااستاذه بنت فلان وفلان اللي ابوهم مطوع تراها تكلم وعندي الدليل!!
شوفوا لنا حل!!
المشكله واحد قاعد يهددني بصوري يااستاذه تكفين وش اسوي!!
وبعدييييين سكتت وقعدت تبكي وقالت: امانه يااستاذه لاتعلمين احد عن اسمائنا !!قلت مستحيل !!
قالت ترا زميلتي فلانه تطلع مع شباب بالرس اذا ناموا اهلها واحيانا تقول لاهلها بروح لزميلتي او بنت خالتي بذاكر عندها او اي كذبه من هالكذبات وتروح شوي وتواعد خويها هناك يمرها وياخذ فيها كم لفه يدور بها على الحاره والله العالم وش يصير بالسياره يااستاذه!!!
وابحاول اقنعها تنزل عندك لانها متورطه معاه بورطه وخااااايفه مررره
قلت طيب اللحين انتي كيف تكلمين وين اهلك عنك؟
قالت اسجل اسمه باسم بنت عشان اذا دق الجوال يحسبون انه زميلتي واكلمها على اساس انها بنت
او اذا رحنا عزايم والا لبنات خالي اطلع شريحتي الثانيه واكلم
ياابلا ترا فيه الف طريقه وطريقه وين عايشه انتي؟؟؟<<<<<عجبتني بكلمتها فعلا فتحت عيوني على اشياء ماكنت ادري عنها
قلت لها شوفي لازم تستغفرين وتتوبين وتصدقين بتوبتك وان شاء الله ربي بيساعدك ويستر عليكي وانا بحاول اساعدك
ثانيا:اذا الولد يهددكي بصورك وعارفه اسمه وكل شي اختصري الطريق ودقي على الهيئه وبلغيهم هم يتصرفون
قالت:بس اخاف يفضحوني قلت:لا تخافين الهيئه همهم اكبر من كذا وراح يساعدونك ويفكونك منه والولد راح ياخذ عقابه!!
قلت لها طيب انقلي اذا انتي منتي مرتاحه هنا!!
قالت والله يااستاذه انك ماتدرين عن شي!!
قلت وشو؟
قالت انا لي بنات خالات وخوال وعمات وش كثرهن ماشاء الله كلهن بمدارس الرس والله ان اغلبهن يكلمن ويتفاخرن بهاالشي وكل وحده معاها بلاك بيري ولاب توب ادهى وامر!!!
حتى بنت عمي اللي داخله بتحفيظ القران تكلم شباب!!
قلت :بس لاتكملين
قالت:اسفه يااستاذه بس والله هذا الواقع شوفوا لنا حل حنا نضيع بسبب الدشوش واللاب توب والسهر وطلعاتنا لبنات خالاتنا واعمامنا وبسبب البلاك بيري والام والاب والاخو اللي يشد فيه الظهر كللللللهم غافلين عنا ولا رقيب ولا حسيب
للحديث بقيه!!!!
هي كلمه بقولها
الله المستعان راح زمن الاخو اللي تخاف منه اخته وتسمع كلمته وتسوي له الف حساااااب!!!
الا من رحم ربي!!!
من جد بديت اخاف من هالزمن!!!!


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 21-03-2010, 10:50 AM   رقم المشاركة : 2
معلومات العضو
تروبيكانا
عضو بارز
 
الصورة الرمزية تروبيكانا
 
 

إحصائية العضو







افتراضي

هههههههههههههه

الموضوع يفكرني باسلوب اعتقدت انه انتهى وولى
سبحان الله
لكن
على كل حال الحبكة الدرامية للقصة جميلة



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 21-03-2010, 11:06 AM   رقم المشاركة : 3
معلومات العضو
كاندي
عضو
 

إحصائية العضو







افتراضي

اختي تروبيكانا اسعد الله صباحك
قرأت ردك على الموضوع
واعتقدت فعلا انك تحلمين مع هذا الصباااح
لا ارى اي شي مضحك في الموضوع!!!
فعلا
كل رد يدل على صاحبه



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 21-03-2010, 11:10 AM   رقم المشاركة : 4
معلومات العضو
تروبيكانا
عضو بارز
 
الصورة الرمزية تروبيكانا
 
 

إحصائية العضو







افتراضي


المشاركة الأصلية كتبت بواسطة كاندي

اختي تروبيكانا اسعد الله صباحك
قرأت ردك على الموضوع
واعتقدت فعلا انك تحلمين مع هذا الصباااح
لا ارى اي شي مضحك في الموضوع!!!
فعلا
كل رد يدل على صاحبه


صباحك عسل يا كاندي
اسحب الضحكة من تعليقي السابق


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 21-03-2010, 11:16 AM   رقم المشاركة : 5
معلومات العضو
الذهب
عضو لم يُفعل
 

إحصائية العضو







افتراضي

الأسلوب هذا لازال باقي !!!!
قصص الوعض المنشئه ولا زمانه ,,,ماعاد احد يقتنع فيهن
اسلوب المراقبه اسلوب قديم ولا يعالج المشكله يزيده بلا اذا الولد او البنت تبي تنحرف ماحد يقدر يرده ابد.

رد مع اقتباس
قديم 21-03-2010, 11:19 AM   رقم المشاركة : 6
معلومات العضو
دمرتني طيبتي
عضو ذهبي
 
الصورة الرمزية دمرتني طيبتي
 
 

إحصائية العضو








افتراضي

للاسف هذا واقع الكثير من البنات
اما هيبة الاخو فارى ان السبب فيها الام والاب
لا تقول لختك شي ماعليك منه خله تستانس
هذا الواقع وهم من غير قصد يظنون ان الزمن نفس زمنهم
اتمنى ان تعود رقابة الاخ والاب وكل ترجع له هيبته
يعطيك العافيه
موضوع رائع



















التوقيع

رد مع اقتباس
قديم 21-03-2010, 11:23 AM   رقم المشاركة : 7
معلومات العضو
راعي الفود
عضو بارز
 
الصورة الرمزية راعي الفود
 
 

إحصائية العضو







افتراضي

ماقول الا الله يصلح الجميع

رد مع اقتباس
قديم 21-03-2010, 11:40 AM   رقم المشاركة : 8
معلومات العضو
abu naif
مشرف سوبر
 

إحصائية العضو








افتراضي

الاخوان طال عمرك يبون اللي يراقبهم



















التوقيع

.
.
رد مع اقتباس
قديم 21-03-2010, 11:49 AM   رقم المشاركة : 9
معلومات العضو
فارس555
عضو مبدع
 
الصورة الرمزية فارس555
 
 

إحصائية العضو








افتراضي

القادم أدهى وأمر ... الله يستر على بنات المسلمين ويهديهن



















التوقيع

رد مع اقتباس
قديم 21-03-2010, 12:19 PM   رقم المشاركة : 10
معلومات العضو
ابو حسونا
عضو مميز
 

إحصائية العضو







افتراضي

حتى لو الموضوع قصه دراميه ولا شي

الا بالمجتمع الحين الاخت ماتخاف من اخوه والسبب الام والاب

واشوف ان الاخو قريب للاخت اكثر من الام والابو

ومتى ماتحسن علاقة الاخت مع الاخو كلما قطعت علاقة الشباب مع البنات

ويا شباب الي عنده اخت لا يبخل عليه بشي

بالعربي يعطيه وجه ويسولف معه ويحسسه انه مهتم له

انتهى 00



















التوقيع

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 01:36 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8