عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 18-04-2010, 06:39 PM   #1
مشرف المنتدى العام
عضو مجلس الإدارة
 
صورة سيف الرعد الرمزية
 
تاريخ التسجيل: Nov 2003
البلد: رساوي حفراوي نجداوي شمالي
المشاركات: 14,742
قوة التقييم: 31
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
شــــــــذى في رحـــــــــاب الحـــــــرم

شــــــــذى في رحـــــــــاب الحـــــــرم




كل أسبوع تكشت !!
وحنا ماغير قاعدين بالبيت دورنا بالإجازة خذنا لمكة نبي نعتمر ،،،،،
أمر من الداخلية غير قابل للنقض والتأجيل ،،
نفذنا الامر ومشينا وعسى لا يحرمنا وياكم الأجر ،،،،،،،
مبطي عن مكة الله يشرفه ،،،،،
احرمنا من المدينة وقبل كنت بجولة على الشقق المفروشة
حول الحرم وكل ما تدخل شقة تقل بالقاهرة
او في بومباي في الكاونتر اجانب وصوت الدشوش
اغاني وافلام ومسلسلات هندية ومصرية ولا معتبرين لقدسية
وجوار الحرم أي اعتبار طبعا ماهب كل الشقق ,,,,
وتوجهت للميقات احرمت وأخذت لي ولكم الكرامة نعااااال
يوم لبستهن وإلا متغيرات ماهب الزنوبا اللي عليهن العلم حتى الغش
وصل النعااااال بخمسة رياااااااال والله ما يسون ولا خمس هلل قلت
عساهن يوصلنن الحرم ،،،،،،
خابر الاولات بعد العمرة نأخذهن ونستفيد منهن بدورات المياه ببيوتنا
ويقعدن مدة طويلة نكرفهن ولا اذكر قبل سنين رحنا للسودان نصيد
وأخذنا معنا كراتين منهن نوزعهن على المحتاجين ولصبرهن
على المشي تقضي من تحت ويرقعونه بلصتك،، أما الموجود هالحين
يبيعهن بنقلاديشيين صراحة ما ادري منهين هم مستوردينهن
اخاف هم مصنعينهن بخناتيبهم ما ينقال عليهم ..
لا رقابة ولا شي وعسى الله يخلف على المساكين المعتمرين
اللي جايين من كل مكان ولا يدرون عن شي وخمسة الريالات تثقل عليهم !!
قلت لبناتي ان شفتو معتمر ماسط على ظهرة ورجليه فوق تراه انا ...
هالنعال وصلنن لباب الحرم بسلام زين والصراحة بعد العمرة ما دورت
عليهن قلت أروح حافي للسيارة ابرك من إني امسط على ظهري !!
دخلت الشركة وعلى المواقف وكلن يناظرن
بس محرم أكيد بيقولون مسروقة نعاله !!

يتقولون معقول سرقة نعال بالحرم ؟
أقول لكم إيه
تجيكم سالفة شذى كانت لابسة صندل زين توه شاريته له اميمته
ما أحرمت البنية وفرحه بهن يوم دخلت مع أمه وخواته
جمعن صنادلهن وحطنهن بكيس بالدروج اللي عند باب الملك فهد
وبعد العمرة راحن يبن صنادلهن وإلا ما فيه إلا مكانهن ،،،
طارن عادي الصنادل دايم ينوخذن وكثير من المعتمرين تلقاهم
معهم نعالهم بيديهم بوسط الحرم ,,,شذى مثلي راحت للشركة حافية القدمين ،،،،،،،
قلنا نبي نتغدى بمطاعم الشركة وإلا وش نتغدى يا حليلك يالبيك وينك وينك ؟
هم ورى ما يفتحون بالقصيم فروووع؟

طلبنا غدا وإلا ما فيه مكان نجلس فيه انتظرنا ذيك الطاولة
يوم جلسنا وبغينا نسمي إلا وذيك الشحاذه ما بقى إلا وتمد يدها بصحنا أخذته
وعطيته إياه وقلت قمنا ما نبي غدا،، نتغدا بالطريق..
ويوم ركبنا السيارة ويوم بغينا نطلع من المواقف
ولمنا عشرين ريال نبي نحاسب أجرة وقوف السيارة
قال المحاسب زدها ميه قلت كيف قال زدها مية قلت أنا جاي اليوم قال معلووووم
وعندك خمس ساعات وعشر دقائق وقت وقوف السيارة
وأجرة الساعة عشرين رياااااااال قلت طيب سامحني

عن العشر دقايق قااااال أول العشرين ريال بعدين الميه بغيت
ارجع وأوقف عناد خمسين دقيقة بس وراي مشوار طلعنا مع الزحمة
ونصيحتي للي يبي يأخذ عمرة هالايام يوقف سيارته بعيد ويأخذ تاكسي
ينزله عند باب الحرم وإلا يأخذ له شقه بعيدة بعد وكل ما بغى الحرم بتكسي
أريح وأسهل طلعنا بعد عناء من الزحام والباصات تقل بحج مع الإجازة
وحنا متوجهين لجدة فجرتها مدوية شذى والله ما أحبهم السروقين والله لا أصيح لا
رحت للبيت ليش يأخذون صندلي
ضحكت وقلت ورى ما تصيحين الحين قالت لا تضحكون
علي وردت أنا ما أحبهم السروقين ليش يا خذون صندلي ،،،
قلت خلاص نجيب لك أحسن منهن قالت لا أبي حقاااتي قلت عااااد منبن نجيبهن ،،
ختاما هل كل من يأتي للحرم يبحث عن التوبة والمغفرة والعفو من ربه أم هناك
من يأتي وله مأرب أخرى !!!تشوف البعض وهو بالطواف وجوالة بذنه وما غير يقرق،،،
والا بعض الحريم كحلة ومطلعه عيونه مرسومة وعباة مدري تسيف هي صايره
ما ادري وش تبي عند الكعبة وبحرم الله حسبي الله على ابليس ،،،،،،


تحيتي
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متصل   الرد باقتباس

 
قديم(ـة) 18-04-2010, 06:51 PM   #2
عضو مبدع
 
صورة YASSER..20 الرمزية
 
تاريخ التسجيل: Jul 2007
المشاركات: 1,938
قوة التقييم: 0
YASSER..20 will become famous soon enough
بالبدايه الحمد لله على السلامه يا ابو محمد .. ومقبولن سعيكـ ..

بالنسبه لموضوعكـ
من ناحية الجزم وانتم بكرامه حدث ولا حرج بالسرقات ..
ما يسلمن الا اذا شلتهن معكـ .. حتى مرات تفرقهن تحط كل وحده بجهه ويروحن عليكـ ..
ولا هوب كله سرقات .. بعض المرات عمال الحرم يجمعون اللي ورى البيبان واللي يمين ويسار ويحطونهن بمكان واحد ..
لكن ما دمت حاطهن بالرفوف 100% مسروقات ويعوضك الله هع ..



بالنسبه للي يجون للحرم ويسرقون ما نقول الا الله يبلانا ..
قبل تقريبا 10 سنوات .. كانت وحده من قريباتي معه بناته الصغار ..
وبينما الأم تصلي جا حدى هالحراميه ومعط الذهب من يدين البنت الصغيره ..
جرح يدينه واخذ ذهبه .. ولا له اثر ..
الجوالات حدث ولا حرج << وسبق وانسرق لي جوال بالحرم ..

مره احد المشائخ يقول لنا قصه ..
يقول ان احد الأشخاص راح هو واهله لمكه ..
وبينما هم يطوفون جا واحد من الشباب يضايق بنته
فقال الأبو للشاب " يا اخي .. حنا نذنب بديارنا ونجي هنا نتووب ... لكن انت وين تتوب ؟؟ "

فعلا اذا ما خاف الله وغازل او سرق او او او بأطهر واعظم مكان .. وين بيخاف الله .؟؟


بالنسبه لمواقف السيارات.. ما مثل محبس الجن ..
وقف سيارك بالمضلات ولا عليه خلاف ان شاء الله ..
واطلع بتكسي للحرم ..
والا انتظر لين تخلص توسعه الحرم الجديده لأنهم بيحطون مواقف نفس طريقه المدينه هع


__________________
سبحان الله وبحمده .. سبحان الله العظيم



YASSER..20 غير متصل   الرد باقتباس
قديم(ـة) 18-04-2010, 06:56 PM   #3
مشرف منتدى التربية والتعليم
عضو مجلس الإدارة
 
صورة ابو جود الرمزية
 
تاريخ التسجيل: Mar 2008
المشاركات: 14,333
قوة التقييم: 29
ابو جود is a name known to allابو جود is a name known to allابو جود is a name known to allابو جود is a name known to allابو جود is a name known to allابو جود is a name known to all


قلبهم شذووو .. يالب هالطله وياحسافة الصندل
الله يخليه لكـ ياابو محمد ويصلحة .
أقول وينكـ ..!
وأنا أشوف أبوعيون فالٍ بالزرق ..!! أثركـ منتب حوله
وكل ماذكرت ياقلبهم .واقعي جداً ويحصل للجميع
للأسف السرقة تحصل في أطهر بقعه ..!
لايخافون الله عزوجل . فيجب ضربهم بيد من حديد
مقبول سعيكم . والحمدلله على السلامة
تحياتيـ
__________________



Twitter
abojoodxp@
InstagraM
ABOJOODXP


ابو جود غير متصل   الرد باقتباس
قديم(ـة) 18-04-2010, 07:00 PM   #4
عضو ذهبي
 
صورة فهد ابن أبيه الرمزية
 
تاريخ التسجيل: Mar 2010
البلد: الرس
المشاركات: 2,241
قوة التقييم: 0
فهد ابن أبيه is on a distinguished road
مشاء الله عليه شذووو

كل وجهه روحانيه

الله يجعله عمرة مقبوله
وتعودن لنا سالمين يارب
لا تنسوننا من صالح دعائكم
فهد ابن أبيه غير متصل   الرد باقتباس
قديم(ـة) 18-04-2010, 07:08 PM   #5
عضو فذ
 
صورة عآزف الآوتآر الرمزية
 
تاريخ التسجيل: Dec 2008
البلد: بـًـيـًـن آح ــًـآسسيسكـ’’
المشاركات: 7,950
قوة التقييم: 0
عآزف الآوتآر is on a distinguished road
ماشاء الله
الحمدلله على السلامه يابو محمد والله يسهل عليكم انشاء الله
__________________
لست اللذي يرجوآ الوصآل أذآ تغنو بّ الصدود
ولست اللذي يبكي ع خل مضى حتى يعود ...
عآزف الآوتآر غير متصل   الرد باقتباس
قديم(ـة) 18-04-2010, 07:17 PM   #6
عضو مبدع
 
تاريخ التسجيل: Dec 2005
البلد: الوكاد بالبيت اجل بالشارع
المشاركات: 1,458
قوة التقييم: 0
عاشق الأسمر is on a distinguished road
هههههههههاي ..

يابو محمد رايح تاخذ عمرة ولا تشكي لنا ...

ياحليلك والله قسم بالله ان سواليفك كنه سواليف عجوز بأول الصبح وعنده كراث وشاهي ...

نجي لسواليفك :: النعاااال ههاي مير من متى الواحد يحط نعال ويجي يلقاهن بالحرم ! معروف النعال حطهن تحت الآباط ويادوب
تلقى وحدة لان الثانية تطيح من التعب..

وشذووووو الله يخليه ويصلحه صارت ضحية وانت قبلها ضحية ..!

واما بالنسبة للذياب اللي تدور الحريم فأقول مايدورون الا فيه ريح !!!

ياخوي هالحريم بلونا بلوى حتى بالحرم !!! نروح للمستوصفات للمستشفيات بالشارع بالبقالة بكل مكان تلقى هالبنات الله يصلحن لبس

اغراء بإغراء !!! والله يصلحهن ياحي ياقيوم ..

والله يعينك ويعيننا ...ادعو لنا بالله ....
__________________
سبحان الله وبحمده .. سبحان الله العظيم
عاشق الأسمر غير متصل   الرد باقتباس
قديم(ـة) 18-04-2010, 07:25 PM   #7
مشرف سابق
 
تاريخ التسجيل: Jul 2008
البلد: الصحافـة
المشاركات: 3,310
قوة التقييم: 0
عدسة خالد will become famous soon enough
اسمعيني ..!






أبقول لك شيء ..





مضطر أقوله لأني ماأدري أنا أشوفك بعدين وإلا لا ؟




الصراحة اني ما إرتحت إلا معك ..




ولا أعتقد اني أبرتاح مع غيرك ..




لكن أبيك تذكريني بالخير ؟




































( محشش يودع نعاله عند باب الحرم ) !









ككككك .. الحمدلله على السلامة يابومحمد ، ومقبول السعي *_^ والحديـد بدالـه حديـد

لي عـوده






.
__________________
عدسة خالد غير متصل   الرد باقتباس
قديم(ـة) 18-04-2010, 07:38 PM   #8
عضو ذهبي
 
صورة سحاب الشمال الرمزية
 
تاريخ التسجيل: Aug 2006
المشاركات: 2,121
قوة التقييم: 0
سحاب الشمال is on a distinguished road
Talking ياقلبهم حمدالله على السلامة انت والعائله الكريمه

[

يقول الشاعر ناصر القحطاني
ابو محمد يقصد في شذى
ربي حفظها ربي حفظها
إن يوفقها في الدنيا ولاخره
إن تغنت صارت الطرقه قصيره
وإن تغلت صارت جروحي عطايب
وإن بكت ناش الفضا طهر الستيره
وإن شكت راح الحكي مثل الذهايب
وإن توارت متل الأسرار الخطيره
صار لوني مثل الأيام العصايب
ديرة ماهي بها ماهي بديره
لو ثراها عشب وأعلاها سحايب
مقبول سعيكم . والحمدلله على السلامة[
سحاب الشمال غير متصل   الرد باقتباس
قديم(ـة) 18-04-2010, 07:51 PM   #9
عضو ذهبي
 
تاريخ التسجيل: Oct 2008
البلد: في رحاب الله
المشاركات: 3,297
قوة التقييم: 0
نبض مشارك is on a distinguished road

ياابن الحلال بهوى الشحـّاطات ,
حنّا فيذا تنسرق عند المسجد أم 50 ريال , أتلاها قبل لايدخل الترم هذا شريت تركيات بـ 85 ريال ومامر أسبوع إلا وأنسرقن عقب صلاة الجمعه ,

ولاهيب أول مرّه ياما وياما الله لايبلانا ,
لكن الحمد لله لقيت لي موزّى مامثــله , أدعسهن فيه كل صلاة جمعه , واتحدى الجني الأسود يلقــاهن

والله وشوقتنا ياأبو محمد الحمد لله على سلامتكم وتقبل الله سعيكم ,
إلا وش أخبار الشقق مافيه تخفيظات !!




__________________


عن أبي هريرة رضي الله عنه قال :
" أوصاني خليلي بثلاث لا أدعهن حتى أموت ، صوم ثلاثة أيام من كل شهر ، و صلاة الضّحى ، و نوم على وتر "

المحاضرة التي بدلت حياتي ★★★★★
نبض مشارك غير متصل   الرد باقتباس
قديم(ـة) 18-04-2010, 09:00 PM   #10
مشرف المنتدى العام
عضو مجلس الإدارة
 
صورة سيف الرعد الرمزية
 
تاريخ التسجيل: Nov 2003
البلد: رساوي حفراوي نجداوي شمالي
المشاركات: 14,742
قوة التقييم: 31
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
اقتباس:
المشاركة الأساسية كتبها yasser..20 مشاهدة المشاركة
بالبدايه الحمد لله على السلامه يا ابو محمد .. ومقبولن سعيكـ ..

بالنسبه لموضوعكـ
من ناحية الجزم وانتم بكرامه حدث ولا حرج بالسرقات ..
ما يسلمن الا اذا شلتهن معكـ .. حتى مرات تفرقهن تحط كل وحده بجهه ويروحن عليكـ ..
ولا هوب كله سرقات .. بعض المرات عمال الحرم يجمعون اللي ورى البيبان واللي يمين ويسار ويحطونهن بمكان واحد ..
لكن ما دمت حاطهن بالرفوف 100% مسروقات ويعوضك الله هع ..



بالنسبه للي يجون للحرم ويسرقون ما نقول الا الله يبلانا ..
قبل تقريبا 10 سنوات .. كانت وحده من قريباتي معه بناته الصغار ..
وبينما الأم تصلي جا حدى هالحراميه ومعط الذهب من يدين البنت الصغيره ..
جرح يدينه واخذ ذهبه .. ولا له اثر ..
الجوالات حدث ولا حرج << وسبق وانسرق لي جوال بالحرم ..

مره احد المشائخ يقول لنا قصه ..
يقول ان احد الأشخاص راح هو واهله لمكه ..
وبينما هم يطوفون جا واحد من الشباب يضايق بنته
فقال الأبو للشاب " يا اخي .. حنا نذنب بديارنا ونجي هنا نتووب ... لكن انت وين تتوب ؟؟ "

فعلا اذا ما خاف الله وغازل او سرق او او او بأطهر واعظم مكان .. وين بيخاف الله .؟؟


بالنسبه لمواقف السيارات.. ما مثل محبس الجن ..
وقف سيارك بالمضلات ولا عليه خلاف ان شاء الله ..
واطلع بتكسي للحرم ..
والا انتظر لين تخلص توسعه الحرم الجديده لأنهم بيحطون مواقف نفس طريقه المدينه هع
فعلا اللي ماخاف الله بهذا المكان
في اطهر مكان
ورجى عفوه
متى بيخافه ويرجيه

شكرا لاضافتك وتعليقك


تحيتي
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 01:39 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19