LinkBack أدوات الموضوع انواع عرض الموضوع
قديم 19-04-2010, 11:01 AM   رقم المشاركة : 1
معلومات العضو
عبود 2005
عضو مميز
 
الصورة الرمزية عبود 2005
 
 

إحصائية العضو







افتراضي ياسعود تكفى لايفكون الاطناب.......


ياسعود تكفى لايفكون الاطناب
ياسعود تكفى قلهم بس ليله
نفسي تشلع كل ماشلع منساب
طواري الفرقا علينا ثقيله
يومٍ طويتوا فرشكم خافقي ذاب
كن الضماير وسط حر المليله
ياسعود شفي من هوى البر ماطاب
خلوا حبيس الدار يبرد غليله
يكفيه من طول السنه صكت الباب
ويكفيه من طول السنين المحيله
خلوه يسلى عن همومه والاتعاب
ويسج رجله بالفياض الظليله
والصبح يشرف له على راس مرقاب
ويشم ريح الشيح وسط الخميله
خميلةٍ خضرا تقل مابها تراب
فيها الزبيدي مثل روس النثيله
وريح البختري والنفل مثل الاطياب
تنعش قلوبٍ بالحنايا عليله
وبالليل حول النار تلتم الاصحاب
وتبدا السوالف والعلوم الجميله
وكن الكواكب فوقنا والقمر غاب
جمرٍ تنثر في مهب المسيله
وماحلى الصبا لجت مع الصبح تنساب
يحوشها ضوح الفجر في شليله
بالبر نسلى عن هوى تلع الارقاب
اللي على شوفه نسوق الجليله
ونسلى عن هموم المدينه والانشاب
ونرتاح من بعض النفوس الرزيله
يالله طلبتك يالولي رب الارباب
تديم انعامٍ علينا جزيله
وتغفر ذنوب اللي من الذنب قد تاب
يارب وفقنا لدرب الفضيله
والخاتمه صلوا على سيد الاحباب
رسول رب البيت راعي الوسيله

مما راق لي
رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 09:57 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8