LinkBack أدوات الموضوع انواع عرض الموضوع
قديم 08-05-2010, 10:15 PM   رقم المشاركة : 1
معلومات العضو
فتون
عضو ذهبي
 
الصورة الرمزية فتون
 
 

إحصائية العضو








افتراضي اعذروني لو بكيت....

وصرت أبكي واعذروني لو بكيت


باكتب أوجاعي على رمل النفود
حتى أنساها وتروح
واكتب أفراحي على صم الجبال
لجل تبقى .... وما تروح بس ..... ما اقدر
إيه ما اقدر والألم بالقلب عمَّر
وصرت أبكي
واسمحوا لي لو بكيت


***

صرت أتذكر جراحي لا غفيت
عندها دموعي تسيل
وصرت أبكي
واسمحوا لي لو بكيت

***

ما لي بعد الله سوى هذي الدموع
لجل أنسى هالطعون
ويبقى عندي للفرح عيد وشموع

***

آآآآآآآآآآآآآه يا دنيا المواجع
كل ما فيها فواجع
ومن فقدتك يا يبه
والحزن للقلب رااااااجع
وصرت أبكي
واسمحوا لي لو بكيت

***
كيف أنسى يا يبه يوم إني جيتك
وآنا كلي شووووووق لا اقبِّل يدينك
وصرت غافي وانتظرتك
بين عينٍ تفتدي ماطاة رجلك
وبين قلب يدعي الله
يا عسى بلطفه يعينك
وصرت أبكي
واسمحوا لي لو بكيت

***
دقت الساعة ثمان
للأسف يا زاير ارحل انتهى وقت الزيارة
وصرت أبكي
واسمحوا لي لو بكيت

***
كيف أرحل
وانا بعدي ما سألته
يا يبه بشرني عنك؟؟
يا يبه طمني عنك؟؟
كيف حالك؟؟
المرض زلزل كيانك
يا عساه يكون فيني ولا فيك
وصرت أبكي
واسمحوا لي لو بكيت

***
كيف أنا بصبر لباكر
وآنا متعود أشوفه
يبتسم ثم يحمد الله
ليه يا عيالي تجون
ما أبيكم تتعبون
أنا طيب
يعني باطلع
واجتمع معكم في بيتي لما أرجع
وصرت أبكي
واسمحوا لي لو بكيت

***

يالله يا وليدي مشينا
ما لنا بها الديرة مقعد ...انتهينا
والله يمه !!!
يانا مشتاق لْـ ابها
إي نعم مشتاق حتى لمزرعتنا
وبيتنا اللي به تربينا وجمعنا
مع ابوي على فكرة .. وين ابوي ؟؟
هو طلع وإلا بنمرَّه
ناخذه ويروح معنا
وصرت أبكي
واسمحوا لي لو بكيت

***
الله يمه !!!
ياهو مشتاقٍ لبيته
أتذكر يوم جيته
قال :اسمع يا وليدي
لا يجي في بالك إنك
تترك ابها وتروح
وصار حب ابها يمه
جزء من حبي لبوي
وصرت أبكي
واسمحوا لي لو بكيت

***
بس يمه ليه دمعاتك بعينك؟؟
يا عساني ما انحرم لمسة يدينك
صار شي وما أعرفه ؟؟؟
قولي يمه وين ابوي ؟؟
أسألك بالله يمه .. وين أبوي؟؟
جاوبتني وهي تبكي الله يغفر له توفى
وما قدرت أحكي خلاص
وصرت أبكي
واسمحوا لي لو بكيت

***

كيف يمه !!!؟
جيته البارح وهو غافي
يا يمه وما قدرت آحب راسه ..
خفت يصحى يا عسى نومه عوافي
قلت باكر لما اجيه راح أضمه حيل
من شوقي عليه
وصرت أبكي
واسمحوا لي لو بكيت

***

آآآآآآآآآآآآآه يمه ..
وش بقى لي غير
إني أدعي الله في جنانه
يا عسانا نلتقيه
وصرت أبكي
واعذروني لو بكيت
مما راق لي


















التوقيع

سلام اذا حان وقت مماتي ... وغطى التراب الطهور رفاتي
وصرت بظلمة قبري وحيدا ... ولا من شفيع سوى حسناتي
فلا تذكروني بسوء فيكفي ... الذي قد جنيت طوال حياتي

رد مع اقتباس
قديم 08-05-2010, 10:59 PM   رقم المشاركة : 2
معلومات العضو
الطموح
مشرف المنتدى الأدبي
عضو مجلس الإدارة
 

إحصائية العضو








افتراضي

نقل موفق يا فتون
وأهلا بك في الأدبي



















التوقيع

هنا ذكريات جميلة .. وأحلام قلب.. وأغنيات الصداقة
هنا الحاضر المؤلم
هنا المسقبل المجهول
وهناك أحلام تولد al6amooh@

رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 12:48 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8