العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

موضوع مغلق
 
أدوات الموضوع انواع عرض الموضوع
قديم 10-05-2010, 10:30 AM   #1
عضو متلطم
عضو اسطوري
 
الصورة الرمزية عضو متلطم
 
تاريخ التسجيل: Sep 2006
المشاركات: 16,374
معدل تقييم المستوى: 32
عضو متلطم is a jewel in the roughعضو متلطم is a jewel in the roughعضو متلطم is a jewel in the roughعضو متلطم is a jewel in the rough
Talking نقزت رصيف وصبخت عمود .. والعواقب كانت فللله يعني احتمال اعيد الصدمه مره ثانيه ض1

يا ولكم يا ولكم
صبحكم بالخيييير يالعمآل العمآليه .... آلخ

آخبآركم علومكم وش مسوين وش من جديد

طبعا جآيبن لكم سآلفه ..
تسد مرت عليكم آتوقع
الوكـآد آني جبته وسويت له سمكرهـ وتعديل بسيط وترهيم لا اقل ولا اكثر

مالي بالمقدمات مير تعالوا اقولكم وش حصل معي هكالصبحيه

في احد الايام من ايام اللهاب الباردة قمت من فراشي وكلي نشاط وحيوية
ومن زود النشاط رجفت شرشفي ووأثره متعلق فوق المروحة
نقزت ورحت لدريشة غرفتي وانا لابس بيجامتي الفوشية ذات الاكمام الطويلة الي واصله الى أظافر يدي << اغدي كشنه
وقفت امام الدريشة واخذت نفس عميق وقمت امارس بعض التمارين الرياضية مع العلم اني من زمان وانا ودي اسوي هالحركة
قاهريني الممثلين في الافلام الامريكية إلا قاموا يتميلحون بعضلاتهم قدام الدريشة ثم يجيب لنا المخرج لقطة لبنت جيرانهم الي تقوطر ملح وزين وهي تناظر بعيون كلها شفاحة ودها تاكل هالشاب الوسيم الي قاعد يتمرن بفنيلته العلاقي اه بس لا ذكرت هاللقطة أكح تقول ددسن داخله ماء !!

فجأهـ قطع حبل الغسيل آآآآآآسف آقصد التفكير صوت مبحوح متحشرج مبحوح ( كل المردافات الي تضيق الصدر فيه )
و يقول وبكل بجاحة : اروح ملح ياحلو ماودك تفتر وتسوي تمارين الاطالة ؟؟ (تفتر يعني تلقينا ضهرك لغير الناطقين بلغة الأم ) !!
كان هذا الصوت صوت السربوت الدحمي ولد جيرانا ، ! ايضا وللمرة الثانية قمت اكح تسني ددسن داخله ماء !!
ماشعرت بنفسي الا وانا أأشر له بيدي مفرق اصابعي على رقم خمسة وهذه علامة معناه كش على وجهك
وبحركة غير ارادية صبخت بالدريشة على وضع الاغلاق ! سد نفسي الدحمي وأهانني في اغلى شي الواحد يملكه الا وهو الكرامة والشرف
والي قاطع قلبي زيادة اني البارح شايف مسلسل مصري يقول فيه نور الشريف (هو احنا حيلتنا اية غير الشرف) !!
نزلت مع الدرج وانا أحضرم واتكلم بيني وبين نفسي واقول ليش ذالدب الامريكي يطلع له بنت وانا يطلع لي ذا الداشر ؟ياربي انا وش سويت في حياتي وش حليلي ولانيب اوذي احد
حتى بالمنتدى مانيب اشتشت في المواضيع ولانيب ادخل بيوزارت انتحارية واتميصل على الاعضاء ولانيب ادخل منتدى الشكاوي واقول لهم :خلوا منتداكم يراجع مستوصف الطايع !

وتزت مع باب البيت اشوف لايكون الدحمي واقف عند بابهم
<< اللي عرف كلمة وتزت يدق بيجر
يوم ماشفته قلت الله يستر لايكون حاط نفسه على وضع التخفي << انتم لاحضتوا التأثر والا للحين ..!؟
ركبت سيارتي وانا صدري يكح للمرة الثالثه وتسنه ددسن داخله ماء !
انطلقت بسيارتي متجهاً الى دوامي بكل نشاط وحيوية محلق في سماء الخيال وانا استمع الى رائعة (سنخوض معاركنا معهم )<< امحق معارك الي تبي تخوضها وانت تويتز مع الباب الابغيت تطلع
ماحسيت بنفسي الاوانا اضرب بيدي وبكل قوة على الدركسون خشيت جو مع الاغنية صرت ادعس واكمخ في الدركسون ادعس واكمخ في الدركسون
حتى وصلت الفرقة الى الكوبلية الي يقول (وسنمضي جموعا نردعهم )
ففي هذا المقطع بالذات وصلت الى ذروة الحماس وصرت اردد كلمة نردعهم نردعهم وادعس مادريت الاوانا ناقزن بالرصيف !!
نعنبو ذالبلدية وتحويلاتها الظاهر ان الي يحطهن يهودي اجل عمركم شفتوا تحويلة بنص اللفه بالله

نزلت و ترجلت من سيارتي الفارهة ناظرت يمين ويسار ماشافني احد يعرفني !
هذا كان اهم شي عندي ولا الحديد مافكرت فيه
اشوى مافيه احد يعرفني اطمئنيت وارتاحت نفسي في هاللحظة. عاد فكرت في الحديد عسى ماجا السيارة شي ..!؟
المسجل انا متاكد ماجاه شي لاني يوم انزل والشباب يردحون وما جابو خابر الصدمة
لفيت جهة الركن الايمن وانا داق اللطمة واثر الدعوى بسيطة سلامات ماغير عفط بسيط بالرفرف يوم شفت الدعوى تسذا زينة واناظر تحت الكفر اخاف لااكون واطي نملة ماودي والله اضر مسلم بصراحه
<< من منطلق ارحموا من في الأرض يرحمكم من في السماء

المهم وانا مدنق مادريت الابأصبع ينغزني مع ظهري !!
خفت انا وما جاء في بالي الا الدحمي ولد جيرانا قلت عزالله انه هذا هو يبي يستغل الموقف ويبدا شغل الابتزاز ..!!
ما إلتفت على بالي ابضيع وقت ويمل ويروح مادريت الاوالنغزة جايتني مرة ثانية بس هالمرة معها صوت يشق الجبهه
الصتز ما اخفيكم تراعش جلدي وانا اسمع هالصوت يقول : يالاخو لو سمحت ..!؟
الصوت بناتي يطق لصوت جدتي عجيجه الله يرحمه باصبع
قمت وانا اناظر في الارض وقلت نعم ولا ذا الشمحوطة الي لابسه عباية مدري وشلون قايله وعليها ذالطرحة المطرزة وذالعيون الي ماودك الاتناظرهن
انا اشهد انه صادق الي يقول اشتر طول والمتن يجي بعدين << مانتب عاقل واهجد اقول
ناظرت تحت مستحي ماقدر احط عيوني في عيونها ينعن شكله ماهيب ترمش ولا توخر عينه
ولا تحت جنااااااان لابسة صندل ورجليها بيض ولا فيه ازين من رجلين البنت البيضا اذا صارت لابسة صندل وبعد حاطه مناكير احمر .. يعني تحلف آنك تشوف سروال عجوز كشخه يعني
فكيت اللطمة وقعدت اعدل في العفطة الي في الرفرف يعنني ماهتميت واتميلح واعدل طقم الباركر الي بمخباتي
اشوى اني شاريه امس من شارع الرشيد لاني بغيت اهون قعدت اكاسر الحضرمي ساعة وبالملعونه واخته نزل السعر كان وش ابشخص به هالحين
واذكر السبحة الي شاريها من البرده وادوره بمخباتي مالقيته عسى ماطارت مع الصدمة !!
بس لا اذكر ان خالي عادل اخذهـ من قبل يسافر يامصله ذالادمي وصلتني مضرته حتى وهو بعيد !!
كان يمكن ان البنت تجوز لها السبحة وتقول الله يازينها واقول لها تامرين عليه واعطيه اياه عقب ما انقش الرقم على الخرزة الوسطانية
بادرتني البنت وقالت لوسمحت توديني الكلية لي ساعة واقفة ابي ليموزين ولا مر ولا واحد
وانا عندي اختبار نهائي ومليت وانا انتظر قلت يارب ان احد يصدم في الرصيف علشان اتجرأ واطلب منه انه يوديني الجامعة !! << الله يخلف

مير ماعطتن وقت اقول ايه او لا !!
راحت للسيارة وركبت لا وقدام بعد
الضاهر انه درت اني ماعندك احد رحت انا كرض عشان اطفي المسجل اخاف تسمع النشيد وتنقد علي تحسبن ارهابي
ركبت وما امدان افتح افمي واقول خير ان شالله وش السالفة الاوهي ناقزتن لي يالله يالله بسرعة ترى وراي اختبار امش وخل عنك البرود ترى البرود مهوب زين في الرجال

انا يوم سمعته تقول البرود مهوب زين في الرجال وادعس بس قمت اقلبه براسي وش تقصد هالبنت ان البرود مهوب زين بالرجال تشجعت وقلت لها اي كليه تبين اللي وين ..!؟ قالت اللي في جنبي !!
عطيته ضحكه تسكيته وقلت ضحكت على الذبة حقتس مهوب علشانه زينه لا لان الي قايلته انتي ترا بس !!
هالحين عرفت ليش يركزون في الدعايات على البنات لو يجيبون دعاية حراثة خلو بنت تسوقها نجحت
حتى النشرة الجوية نتابعها بالام بي سي ونسحب عليه اذا شفنا كراني مسيكين والله يانا ارحمه هالكراني عشرين سنة ماحد يتابعه ولا أحد يدري وشو يقول ..!!

كالعاده يقولون حاطن وجيه واجد
تعالوا نكمل تحت بس :(
__________________
.
تَوَقَعْتُ بِأَنْ يَرْسُمُ الأَمَلْ فِيِ سَقْفِ يَوْمِيِ فُتْحَةٌ لِلتَنَفُّسْ وضِحْكَةِ لِقَاءْ ..!
وَلَكِنَّهُ كَاَنَ قَدْ عَقَدَ مُؤَامَرَةً مٌسْبَقاً ,،بِـ/ سَحْبِ الهَوَاءْ ، ومُضَاعَفَةِ الاِخْتِنَاقِ
بِـ/ مَصْلِ الغِيَابْ ..!

التعديل الأخير تم بواسطة مـيـدو ; 10-05-2010 الساعة 01:16 PM سبب آخر: بطلبـ منـ لطمطمـ
عضو متلطم غير متواجد حالياً  
قديم 10-05-2010, 10:31 AM   #2
عضو متلطم
عضو اسطوري
 
الصورة الرمزية عضو متلطم
 
تاريخ التسجيل: Sep 2006
المشاركات: 16,374
معدل تقييم المستوى: 32
عضو متلطم is a jewel in the roughعضو متلطم is a jewel in the roughعضو متلطم is a jewel in the roughعضو متلطم is a jewel in the rough
افتراضي

المهم واكمل لكم السالفه
البنت ماخذه راحتها على اخر ايراط على قولة المصاريا
وحاطه رجل على رجل وتناظرن وانا اسوق وماغير تعلك بهالعلك واللي يشوفن انا وياها يقول ذولا لهم عشر سنين متزوجين
انا فسرت الوضع بان البنت درت اني ماحولك احد << ما تنلام الصتز

ويوم حنا طالعين من شارع بندهـ ومتجهين للدروازه هناك
قالت لي البنت ليش انت ساكت ..!؟
قلت ابد ضايق صدري عقب مارقيت الرصيف << الا ما لقيت سالفه وانت الصاتز
ضحكت البنت وبكل غنج ودلال حتى اني صكيت القزازة لان جنبنا وحنا واقفين عند الاشارة ذاك الخال الي يروع عيونه حمر خفت يسمع ضحكتها ويطمع بي انا واياه

قالت يارجال وسع صدرك اذا سلم العود فالحال تعود كم رقمك بس ..!؟
عطيتها الرقم ودقت علي وسكرت قلت وانا على بالي ذيب من هالحين بدينا ندق ونسكر
ضحكت ضحكة ومير اني اضطريت انزل من السيارة وافتح باب سيارة الخال واسكر قزازته علشان مايسمع الضحكة
بعد مارجعت وركبت السيارة قالت يالثور هذا رقمي علشان تتصل علي اذا حبيت نتقابل
ضحكت وتبسمت وقلت مير الله يسلمك مايحتاج ودنا نتعرف عليك لان معرفة الرجال تجارة << يمديكم ع الأسلوب

ومير اني مدري وشلون ودخلت بين حواري قديمه وتسذا
ودايم وسط الحواري الشعبية تكون البقالات صغيرة تسنه بسطة عجوز بسوق الثلاثاء ودايم تلقى هالبقالات بالركن
قالت صديقتي << ما عاقت صارت صديقته
ايه قالت صديقتي طلبتك لاتفشلن قلت تم من دون تفكير فمجرد اني اناظر عيونها اتنوم تنويم مغناطسيسي قالت بصوت مبحوح وكلة انوثة ورقة (والله الي مهوب صوت الدحمي ) : وقف عند حدى هالبقالات الصغار من زماااان وانا امر من عندهن وودي اوقف عند وحد منهم واشتري حلويات او اي شي

قلت ابشري بــااااس واصفط جنب وحدة من البقالات واطفي موتري واسحب المفتاح
<< ذيب اخاف يسرق موتري وحد من ذالحونشية وابلش بعمري بهالحاره ومعي بنت بعد والله ياشيكاغو ارحم
دخلنا البقالة نقول البقالة تجاوزا والا هي بسطة
قامت البنية تمد يدها وتجمع في ذا البساكيت جالكسي وسنكرز وغيره وراعي البقالة يناظر يده الظاهر انه اول وحدة بيضا تشتري منه
انا قمت اغطي يده بعباته هي تمد وانا اغطي وصار ماله شغلة ألا تمد وانا مالي شغلة الا اغطي
لفت انتباهي ان في ذا البقالة كت كات ابو قصديره على طول هالمرة انا الي مديت يدي وخذته
حاسبت راعي البقالة وطلعت انا واياه وركبنا السيارة وقامت تلهم من ذا البساكيت

قالت : ليش ماتاكل ..!؟ قلت بعدين قالت لا لازم اوكلك وبيدي بعد
فكت الكت كات وطلعت الاصبع الاول ودخلته في فمي وانا ماسكن يده مستحي وما في بالي الا جورج سيدهم الله يرفعه بالعافية في مسرحية المتزوجون والله يا فيها نعومة لو يوزعونها على الافغانيين ان يشكشكون كلهم

وانا اقول بس ياعمري وهي تقول ها العرمة بس ياحياتي
ورحت انا وطي مابين عمري وحياتي
وصار صدري << ترى ان قلت يكح تسنه ددسن داخله ماء بنحذف موضوعك
ايه اقولكم صار صدري يرقع تسنه مكينة جمس نقل مخبط
فجأه حسيت ببلكة طايحة على رجلي واصرخ ذيك الصرخة يوم فتحت عيوني ..!!!!
ولا هذي امي توكلن جريش وتقول بس هاللقمة ياعميري قلت يمة وين انا فيه : قالت انت بالمستشفى صابخن لك عمود ومتكسرة رجليك وبغيبوبة
ولولا ان سلوم ولد خالك عادل الله يصلحه طاح على رجلك المنكسره وهو يلعب كان مابعد صحيت الا هالحين
قمت اتلمس شنباتي كود اني القى اثر شوكلاطة لكن ماش الاثر اثر جريش حتى ان الوالدة الله يجزاه خير متوصيه بالكشنة الين صارت خشتي تقوطر سمن تسنه صرة ددسن تسعة وسبعين
ماحسيت بنفسي لا وانا اتفلت على عمار واقوله : الله يلعنك انت وابوك ما امصل منك الا ابوك هو خرب علي في بأول القصة وانت بآخره لابوكم لابو اللي يصير ولد اختكم

المهم الفائدة من القصة :
أذا سمعت نور الشريف يقول (هو احنا حيلتنا ايه غير الشرف ) فقل له يجيب الله مطر !

عاد لا تشرهون واجد هماه
ترى الدعوى كله سواليف وضحك

موب بعد شوي بالكليه يسألن واحد يقول صتز راكبه معك بنت
لأني بتسذب وبقول ايه راكبه

خلاص عاد خلصنا

اعجبكم وتبي تردون وتقيمون والله هذا اللي ودنا
ماجاز لكم عاد الشكوى لله وش اسوي اذا امي مطلعتن بثر تسذا

انتهى وهذي نقطه اهه .
__________________
.
تَوَقَعْتُ بِأَنْ يَرْسُمُ الأَمَلْ فِيِ سَقْفِ يَوْمِيِ فُتْحَةٌ لِلتَنَفُّسْ وضِحْكَةِ لِقَاءْ ..!
وَلَكِنَّهُ كَاَنَ قَدْ عَقَدَ مُؤَامَرَةً مٌسْبَقاً ,،بِـ/ سَحْبِ الهَوَاءْ ، ومُضَاعَفَةِ الاِخْتِنَاقِ
بِـ/ مَصْلِ الغِيَابْ ..!
عضو متلطم غير متواجد حالياً  
قديم 10-05-2010, 02:01 PM   #3
الجوهرة
عضو فذ
 
الصورة الرمزية الجوهرة
 
تاريخ التسجيل: Jul 2008
الدولة: في بيتــــــــــــــــنا
المشاركات: 7,833
معدل تقييم المستوى: 0
الجوهرة has a spectacular aura aboutالجوهرة has a spectacular aura aboutالجوهرة has a spectacular aura about
افتراضي

سبــــــــــــــــــاحين وش زينهن

جبت بيبسي وفيشار وقعدت اقرا>> حشى سينما كككككككك



يطق لصوت جدتي عجيجه الله يرحمه باصبع

مير ابسالك جدتك عجيجه



ثااااااانكس على هالسواليف الحلوة
الجوهرة غير متواجد حالياً  
قديم 10-05-2010, 02:08 PM   #4
Rsawi Mkawi
Banned
 
تاريخ التسجيل: Jul 2009
الدولة: At KFUPM
المشاركات: 14,296
معدل تقييم المستوى: 0
Rsawi Mkawi is a glorious beacon of lightRsawi Mkawi is a glorious beacon of lightRsawi Mkawi is a glorious beacon of lightRsawi Mkawi is a glorious beacon of lightRsawi Mkawi is a glorious beacon of lightRsawi Mkawi is a glorious beacon of light
افتراضي

هههههههـ
إيه ذي السوآلف اللي تفتح النفس بعد المتعسة

شف عآد المره الثآنية خذن معك آويلآهـ

ومير مشكور كثير مع مرتبة الشرف
~> توني متعلم مرتبة الشرف وودي آقولهآ عندكم مآنع
Rsawi Mkawi غير متواجد حالياً  
قديم 10-05-2010, 04:27 PM   #5
إأرتوأْء
عضو فذ
 
الصورة الرمزية إأرتوأْء
 
تاريخ التسجيل: Nov 2009
الدولة: لَا يُهِمُّ أينَ أكُونْ ..,
المشاركات: 7,068
معدل تقييم المستوى: 0
إأرتوأْء is a jewel in the roughإأرتوأْء is a jewel in the roughإأرتوأْء is a jewel in the roughإأرتوأْء is a jewel in the rough
افتراضي

هههههههههههههههه

الله يوسع صدرك مثل ما وسعت صدري

والله اني اسفهليت وتقل ان عنزي سرحت ,,


ياملا العافيه على السباحين ,,

ولك اطلق تقييم
إأرتوأْء غير متواجد حالياً  
قديم 10-05-2010, 04:40 PM   #6
أمواج القـدر
عضو ذهبي
 
الصورة الرمزية أمواج القـدر
 
تاريخ التسجيل: May 2008
الدولة: مُ ـوادِعـه ..!!
المشاركات: 3,862
معدل تقييم المستوى: 0
أمواج القـدر is on a distinguished road
افتراضي

اقتباس:
المشاركة الأصلية كتبت بواسطة عضو متلطم مشاهدة المشاركة
موب بعد شوي بالكليه يسألن واحد يقول صتز راكبه معك بنت
يعني صتز ركبت بنت << بتنجلد

والله يالاميمه وجريشه ابرك من بنات الدنيا << جايبة شي جديد

وش نفعنك به التخيلات والدحمي بعد ماراح عليك الرفرف

طيب صار بك كسر من طيحة سلوم وإلا شعر << قولوا له سباحين تراااه مصدقه

صراحة استمتعت بالقراءه قد البحــــر

عساك منب قايله كل يوم واصير طماعه كل اسبوع تروق وتسبحن علينا
__________________
..

عن نظرتي
......... ..... غابوا مَعازيم وحضُور
أمواج القـدر غير متواجد حالياً  
قديم 10-05-2010, 05:01 PM   #7
][ S ... A ... Q ][
عضو متألق
 
الصورة الرمزية ][ S ... A ... Q ][
 
تاريخ التسجيل: Sep 2007
الدولة: الرس
المشاركات: 945
معدل تقييم المستوى: 0
][ S ... A ... Q ][ is on a distinguished road
افتراضي

ههههههههههههههههههههههه ..~

وقسمن روقآآآآن ياخبل ..~

الله يوسع صدركـ مثل ماوسعت صدووورنا ..~

يمن العافيه والله عبووود ..~
][ S ... A ... Q ][ غير متواجد حالياً  
قديم 10-05-2010, 05:42 PM   #8
т з я ο
عضو ذهبي
 
تاريخ التسجيل: May 2009
المشاركات: 2,490
معدل تقييم المستوى: 0
т з я ο is on a distinguished road
افتراضي

اقتباس:
قالت يارجال وسع صدرك اذا سلم العود فالحال تعود كم رقمك بس ..!؟
عطيتها الرقم ودقت علي وسكرت قلت وانا على بالي ذيب من هالحين بدينا ندق ونسكر

مــيـــر مــــآ عـنــدكـَ وقــت

~> مـسســـكـتَ خـــطَ ,,,


قـــهـــر يـــآ لـيـتهـَ مـــآ خـلـــصـــتَ

~> وشش تـبــيــنَ آكـــثـــرَ ,,,

مـيـــر فـتــحـــت نـففــسسيَ للدرآآسسهـَ

يـعــطـيــكـَ آلـــعــــآفيهـَ قـصـــهـَ بـطـلـــهـَ (L)
т з я ο غير متواجد حالياً  
قديم 10-05-2010, 07:35 PM   #9
عساس
عضو اسطوري
 
الصورة الرمزية عساس
 
تاريخ التسجيل: Jul 2003
الدولة: في آًمِوًآجَ الاحزان
المشاركات: 15,237
معدل تقييم المستوى: 36
عساس is just really niceعساس is just really niceعساس is just really niceعساس is just really niceعساس is just really nice
افتراضي

سولافه تونس يامتلطم
والحمدالله على السلامه
والشيء اللي يقهر إذا كان حلم خيال ورعه ثم يجي بزر يخرب عليك أو يدق الجوال
مثل مره تحلمت اني جالس مع حاكم مشهور بالمره وضحك وسوالف بس دق الجوال وحاس علي الحلم

شكرا لك ابو لطمه
__________________
رحمك الله الديموو
عساس غير متواجد حالياً  
قديم 10-05-2010, 09:16 PM   #10
°● حــنـــيــن ●°
عضو خبير
 
تاريخ التسجيل: Jun 2006
الدولة: داآخل جرة عـسل~
المشاركات: 5,033
معدل تقييم المستوى: 0
°● حــنـــيــن ●° is a jewel in the rough°● حــنـــيــن ●° is a jewel in the rough°● حــنـــيــن ●° is a jewel in the rough
افتراضي

ههههههههههههههههههههههههههههههههه

متلطم يسلموووووو على هيك موضوع

رووعه قصم يامت ضحك هع هع

مشكور ماقصرت

وهاك تقييم :s_45:
°● حــنـــيــن ●° غير متواجد حالياً  
موضوع مغلق

الكلمات الدلالية (Tags)
باحتراء التفجير ياقوي p:, بوه نآس مقيمه آحمر بفجربه, عبود عبود هوه هوه:)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:26 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir