عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 14-05-2010, 06:44 PM   #1
عضو متواجد
 
تاريخ التسجيل: Sep 2007
المشاركات: 40
قوة التقييم: 0
مكتئبه is on a distinguished road
احذروا ميــــــــــد

السلام عليكم

اظن اغلبكم تروحون لميد

طيب قد رجعتوا تشيكون على الحساب من بعده ؟

انا ماودي اظلم هـ المحل بس اقسم بالله ماعمري رحت لهم الا واكتشف انهم غاشيني وماخذين ع الاقل زيادة ريالين ثلاثة كل الفرعين

طيب خليني احسن النية واقول غلطانين بالحساب اللي اعرفه اللي يغلط مرة مرتين موب يبتل يغلط


امس رحت للفرع اللي جمب بندة اخذت كم شكولاتة وخرابيط بسيطة وجيت بحاسب قالي الهنندي هاتي 45 ونص

قلت خلاص عطني علك عشان النص الا ويلتفت بحركة مدري وش تبي قال اوووو انا مافي يحسب كيسة البيبسي

يله هاتي 52 قلت له بس انا شايفتك حاسب كل الاكياس قال لا مافي يسوي

قلت طيب عيد الحساب بتأكد قام ينافخ مسوي معصب ويقول خلاص احسب انتا قلت بيني وبين نفسي خلاص شكله صادق يابنت حسيت اني ظلمته وكنت مستعجلة بعد ووراي ناس بتحاسب ماودي اعطلهم واسوي شوشرة

بس وانا طالعة يقالي بخليه يراجع نفسه لو كان ضاحك علي قلت ترا اذا رجعت البيت بعيد الحساب

قال خلاص مافي مشكلة

المهم وارجع البيت واعيد الحساب اكتشفت انه ماخذ مني زيادة 9 ريال تخيلوا

حسبي الله عليك ياحرامي 9 ريال مرة وحدة اللي اعرفه حتى اللي ماعنده ضمير وغششاش يسرق ريالين ثلاثة عشان ماينكشف اما هذا تحسسسسونه يسرق بضمير واخر همه

المشكلة اني ماقدرت ارجع والا وربي مااسكت له لاطلع التسعة من عيونه الحرامي

بس احقاقا للحق الفرع الثاني اللي عند كودو كان يبيع فيه واحد غشششاش اتوقع اسيوي بس غيروه واللي الحين موجود محترم ويعطي بيتزا مجانا بعد

اما هذا الهندي قاهرني ماانكشف للحين عشان كذا لاحد يتعامل مع هـ الفرع ولو انحديتوا عليه تأكدوا من الحساب مية مرة قبل لايضحك عليكم

اجل يبيع الجلكسي اللي بيريالين ونص بثلاثة حتى مجلة زهرة الخليج اللي بثمانية يبيعها بـ 15 يسمع بالغششششش الاخ

قسسم بالله وقاحة ماقد شفت مثلها

حسبي الله عليه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مكتئبه غير متصل   الرد باقتباس

 
قديم(ـة) 14-05-2010, 07:08 PM   #2
عضو فذ
 
صورة هـــوتــ شـــوكلتــ الرمزية
 
تاريخ التسجيل: Nov 2008
البلد: NewYork,Time Square
المشاركات: 6,419
قوة التقييم: 0
هـــوتــ شـــوكلتــ has a spectacular aura aboutهـــوتــ شـــوكلتــ has a spectacular aura about
القانون لايحمي المغفلين يعني المفروض انك راجعتي الحساب عنده علشان ماتجلسين تقولين سرقن
وثاني شي بما اننا من مدمنين المجلات ابقولك ان سعر زهرة الخليج الصادرة من ابو ظبي سعرها 15 ريال سعودي
وبأشتراك سنوي 1756 درهم في جميع دول مجلس الخليج
وبصراحة ماعمري اشتريت مجلة بـ 8 ريال اقل شي 10 ريال واللي هي مجلة روتانا واكثر شي 25 ريال والي هي مجلة لنا

وبس
__________________

يسلمووو ياذوووق ع التوقيع الحلووو $
هـــوتــ شـــوكلتــ غير متصل   الرد باقتباس
قديم(ـة) 14-05-2010, 07:15 PM   #3
عضو بارز
 
تاريخ التسجيل: Oct 2008
المشاركات: 414
قوة التقييم: 0
mar7 is on a distinguished road
ميد معروف انه اغلى من غيره بالنسبه للاسعار
فيه له اكثر من بديل

اما السرق حسبي الله عليهم .. ولازم ترجعين له عشان يدري اننا مب اغبياء ينهك علينا


مشكوره ع التنبيه
__________________
سبحان الله وبحمده ... سبحان الله العظيم ..
mar7 غير متصل   الرد باقتباس
قديم(ـة) 14-05-2010, 08:00 PM   #4
عضو متواجد
 
تاريخ التسجيل: Sep 2007
المشاركات: 40
قوة التقييم: 0
مكتئبه is on a distinguished road
اقتباس:
المشاركة الأساسية كتبها هـــوتــ شـــوكلتــ مشاهدة المشاركة
القانون لايحمي المغفلين يعني المفروض انك راجعتي الحساب عنده علشان ماتجلسين تقولين سرقن
وثاني شي بما اننا من مدمنين المجلات ابقولك ان سعر زهرة الخليج الصادرة من ابو ظبي سعرها 15 ريال سعودي
وبأشتراك سنوي 1756 درهم في جميع دول مجلس الخليج
وبصراحة ماعمري اشتريت مجلة بـ 8 ريال اقل شي 10 ريال واللي هي مجلة روتانا واكثر شي 25 ريال والي هي مجلة لنا

وبس
قلت قبل واعيد ماكان ودي اعطل غيري واحسنت الظن فيه ماتوقعت ان في احد بهالوقاحة ممكن يسرق 9 ريال عيني عينك

ومو معقولة اني كل مادخلت عندهم بقعد اراجع الحساب ليش الغش من اصله

المفروض ينحط حد لسرقتهم مو تقعد تحط لهم مبررات وكأني انا الغلطانة طول عمري ادخل باقي البقالات ولا عمر احد تجرأ ياخذ مني قرش زيادة كل واحد يعرف حدوده اما هذولي اكبر غشششاشين

بعدين اسمح لي اقول انهم ضاحكين عليك مين قالك اصلا ان زهرة الخليج ب15 انا من اكبر مدمني زهرة الخليج وكل اسبوع اشتريها بـ 8

حتى فرع كودو الثاني يبيعها بثمانية الا هذا الحرامي حاط سعرها دبل على باله مخفات

وسجل عندك ترا في مجلات بخمسة و4 مثل مجلة لها

الا اذا سعر الاشتراك يختلف هذا شي ثاني ماعندي فكرة مع انه المفروض اقل

عموما شكرا على المرور

اقتباس:
ميد معروف انه اغلى من غيره بالنسبه للاسعار
فيه له اكثر من بديل

اما السرق حسبي الله عليهم .. ولازم ترجعين له عشان يدري اننا مب اغبياء ينهك علينا


مشكوره ع التنبيه
انا اصلا مو من كثر مااروح لهم وتوبة اروح لغششاشين مرة ثانية

ولو قلبو هذا واجبنا ومشكورة على التعليق
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مكتئبه غير متصل   الرد باقتباس
قديم(ـة) 14-05-2010, 08:33 PM   #5
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
معروف ميد بغلاء الأسعار
كما ان سياستهم غريبة عجيبة يعرضون بضائع محددة ما أدري ليش مايعرضون كل شي
مرة شريت منهم بسكويت بـ 3 ريال ....استغربت سعره ...وحت شريته من تموينات ثانية بـ ريال واحد فقط
بسوكيت لوكر اللي يجي نكهات شوكولاتة وفانيلا وبندق وغيره
__________________
هزيم الرعد غير متصل   الرد باقتباس
قديم(ـة) 14-05-2010, 09:27 PM   #6
عضو مميز
 
تاريخ التسجيل: Dec 2009
المشاركات: 246
قوة التقييم: 0
قمر 11 is on a distinguished road
{من امنا العقوبه اساء الاداب }
قمر 11 غير متصل   الرد باقتباس
قديم(ـة) 14-05-2010, 09:32 PM   #7
مشرف منتدى عالم السيارات
 
صورة الامبراطور الرمزية
 
تاريخ التسجيل: Sep 2007
البلد: • بَينٌ أروٍقةٌ آلحيًآةْ «●•
المشاركات: 4,373
قوة التقييم: 15
الامبراطور is on a distinguished road
وش حدنا ع ميــد الله يخلي لنــا سلتــي بسس ..
الله يعوضك ان شاء الله عـن ال 9 ريـال ..
__________________




آستغفر آلله العظيم و آتوب إليـه ..
الامبراطور غير متصل   الرد باقتباس
قديم(ـة) 14-05-2010, 09:40 PM   #8
عضو فذ
 
صورة إأرتوأْء الرمزية
 
تاريخ التسجيل: Nov 2009
البلد: لَا يُهِمُّ أينَ أكُونْ ..,
المشاركات: 7,500
قوة التقييم: 0
إأرتوأْء is a jewel in the roughإأرتوأْء is a jewel in the roughإأرتوأْء is a jewel in the roughإأرتوأْء is a jewel in the rough
*


من امن العقوبه اساء الادبـ

لا حول ولا قوه الا بالله ..






-
إأرتوأْء غير متصل   الرد باقتباس
قديم(ـة) 14-05-2010, 11:39 PM   #9
عضو متألق
 
تاريخ التسجيل: Sep 2006
المشاركات: 784
قوة التقييم: 0
المودماني is on a distinguished road
وين فيه بروح لمه غديه يسرق مني شئ
ياليته يسرق مني على شان اطبع السعر بجبهته
الله لا يوفقه ان كان حرامي
والله حنا عندنا ثقه عمياء بالعمال
حبيبي مع الاجانب وهم يضحكون علينا
ياخوان لا تغركم اشكالهم ولحاهم واللي مسوي مطوع وغيرهم
ترى مابالفار فار طاهر انتبهو منهم وخاصة انتم يالحريم
المودماني غير متصل   الرد باقتباس
قديم(ـة) 15-05-2010, 01:24 AM   #10
عضو بارز
 
صورة almasa الرمزية
 
تاريخ التسجيل: Apr 2010
المشاركات: 637
قوة التقييم: 0
almasa is on a distinguished road
المفروض خليتي أحد أخوانك يروح له ويوقفه عند حده مالعب فينا الإ هالاجااانب
__________________
almasa غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 07:38 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19