عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 15-05-2010, 06:38 PM   #1
عضو فذ
 
صورة هـــوتــ شـــوكلتــ الرمزية
 
تاريخ التسجيل: Nov 2008
البلد: NewYork,Time Square
المشاركات: 6,419
قوة التقييم: 0
هـــوتــ شـــوكلتــ has a spectacular aura aboutهـــوتــ شـــوكلتــ has a spectacular aura about
Talking نجاح + وظيفة + خطوبة + زواج + سفر + طلعه وروحه وجيه = اجحددد ولا تعلم !

بسم الله الرحمن الرحيم
تسيف حالكم يالزقرت والزقرتيآت لعل حالكم تمام

المهم وش رايكم بسالفة الجحادهـ الي منتشرهـ بين الناس
وودي ادري بس ليش بعض الناس الجحادة تمشي بعروق دمهم
واكثر شي عند الحريم ,, يعني تحصلونهم يجحدون
عرس وخطوبة ووظيفة ونجاح وسفر وكشته وطلعه وروحه وجيه
حتى بالطبخات يجحدون ولا يعلمون احد لا الطريقة ولا المقادير
حتى والواحد صغير تحصلون امه تقوله لاتعلم وان سئلوك قلهم مدري
تتوقعون هم خايفين من العين مثلاً ؟
صحيح ان عيون الناس ماترحم بس حلو أن الواحد يؤمن بوجود العين
ويحافظ على أذكاره ويتوكل على الله ويعيش حياته طبيعي وعادي

ولاننسى قول الله تعالى{ قل لن يصيبنا الا ماكتب الله لنا }
والعين مذكورهـ بالقران والله يكفينا شره
وحنا مالنا غير التحصين والدعاء
اما سالفه الكذب واللف والدوران والجحادهـ ماله سنع
يعني اضرب لكم امثله

وحدهـ من الحريم ولدهـ يالله يتدربى من الشحوم
وهي تحلف وتقسم ايمان مغلظة عند كل من شافه
ان ولدهـ مايذوق شي طيب احد سئلك ؟؟
وبعدين اذا كان ولدك مايأكل على قولتك من وين طلعن له هالجنوب ؟
أوتجيك وحده كل مارحت عن أحد او جاهـ أحد قالت
تصدقون أمس عيالي نامو ماتعشو ولاتغدو ولاأفطرو
وانتم لو تشوفون عياله كل واحد اسمن من الثاني
يعني وشلون صارو كذا وانتي تقولين طول اليوم مايأكلون شي
لاتصيرين تنفخينهم بهواء
والي يرفع الضغط بشششكل مهب طبيعي
الي تنخطب وتتملك وماتعلم احد الا اذا بقى 3 ايام على زواجه وتبداء تعزم
سلامااااااااااااااااااات وش تحسين فيه !!
وشلون الناس راح يستعدون لزواجك
وانتي ماعطيتيهم خبر يجهزون انفسهم ويفصلون او يشترون ملابس
علشان يحضرون زواجك
والحين يوم انك جاحدهـ ومكتمه على هالخبر تحسبين ان الناس ميتين عليك
ولا يبون يسرقون رجلك منك
يا انجلينا جولي ياللي راح تأخذين براد بت
مالت عليتس انتي ورجلتس وماراح نطب عرسكم يالجحودهـ
ولا الي تتملك وتعرس ولا احد يدري عنه
يختي اعرسي وطسي محد يبي يهاوشك

ولا احد يبي يقولك ليش تعرسين قبلي
بس وشوله هالجحادهـ
واللي يفقع التسبد ويجيب مرض فقدان الذاكرهـ
اذا جتكم وحدهـ كرشته ناطه قدامه اربعه امتار
واذا احد سئله وقاله ماشاء الله انتي بأي شهر
قالت هاهـ !! ايه توي بالشهرالرابع
وهي تسذب تحصلونه بالشهر التاسع ومابقى على ولادته الا كم يوم
بس هذا مرض الجحادهـ ومايسوي واعلمتس عاد على هالجحادهـ
تراتس تبين تجيبين بزر منتب جايبه ملك او ولي العهد يوم انك تجحدين
وحتى بعضهن يجحدن الحمل ولايبن احد يدري كل هذاء من خوفهن من العين
يالله لك الحمد تراتس حامل بالحلال المفروضين انك تفرحين وتعلمين مهب تجحدين
وحتى بالسفر يجحدون الظاهر انهم مايدرون ان كل الناس الحين يسافرون
حتى الفقير والغني ومافيه احد احسن من احد
وحتى مقادير الطبخات يجحدون به
لو تقولون لهم الله وش هالطبخة الحلوة مين الي سواهـ ووش مقاديرهـ
تحصلينهم يالله يطلعون الكلمه او يقولون مدري ؟؟
سلااامات وشو الي مدري احد يجيب طبخه ويقول مدري
او تحصلون ناس بزرهم نجح وجاب نسبه زينه
عاد تجي امه تقوله اسمع يالصلحي< اسم الدلع هع
لاتعلم احد انك اخذت هالنسبة الممتازة هماهـ ياوليدي
ويجي هو ويقوله ان شاء الله يمه وهي تقوله ايه ابوي انت
وتروح تحذر اخوانه وخواته وتقولهم ياويلكم لو تقولون ان الصلحي جاب نسبة زينه علشان ماينحتونه
وش ينحتونه عليه ياحسرهـ
وهو يالله لك الحمد لاوجه ولا قفى
وماجاب هالنسبة الزينه الا من هالمدرسة الاهلية
يعني ماجابه من ذكاهـ الخارق امحق من ذكاء

وحتى بطلعاتهم للأستحراحات او للقشيع او للمراجيح يجحدون بهن
وان احد سئلهم قال وينكم الخميس نتصل على بيتكم ولا تردون
تلقون الوحدهـ يتغير وجهه وتتمتم بقلبه وتقول بقلبه
وش عليتس منا وين حنا بوهـ يوم الخميس حبتس ابليس

ايه ايه والله بدارنا ماطلعنا بس لاهيتن بالعيال والمطبخ
ولا سمعنا التليفون
< وهي تسذب
والي يسمعه يقول رايحتن لملاهي دزني يوم انتس تجحدين
وبعض الحريم الله يعافيهن ولا يبلانا كل كلامهن صارعن العين
علشان كذا صارن يجحدن كل شي
تقل مافيه الا هم احسن الناس بالدنيا كله
تراء والله محدن مااااااااايت عليكم عشان يعطونكم عين
العالم وصلوا للقمر وأنتم تجحدون على سفر وحمل وعرس وخطبة ووظيفة
وحتى من قوة الجحادهـ عند الحريم يقولون ان فيه عجوز
طق عليه موظف التعداد السكاني
وقاله معك التعداد وعندي اسئلة وابي صاحب البيت يجاوب عليهن
قالت العجوز صاحب البيت مهب فيه طالع
وانا اجاوبك على اسئلتك .. قاله طيب كم عدد الأشخاص الي ساكنين بالبيت
قالت العجوز انا وبنتي ومعنا خمسة جذاعين
وهي اصلن تكذب مافيه ساكن بالبيت الا هي وبنته
ويوم سئلوهـ الجيران قالو له وراتس يادافع البلا جاحدهـ عن راعي التعداد
وماقلتي له ان ماسكن بالبيت الا انتي وبنتك بس
وشوله تستذبين عليه وتقولين بوهـ خمسة جذاعين معنا
قالت تبونن اقوله انا وبنتي لحالنا ثمن يقمز علينا تالي الليل ههههههه
وانا اجزم ان اكثر العوائل يسوون مثله يجحدون عن موظف التعداد
مثل اعداد التلفزيون واعداد اجهزة الكمبيوتر و و و .. الخ
واغلب الحريم عندهم قاعدهـ بحياتهن وهي ابجحد عنهم مثل مايجحدون عن
وبعض الناس يجحدون عنك اشياء تافهه وماله داعي انه تنجحد
واذا سئلتهم وقلت لهم ليش تجحدون !!
قالك يا اخي انا ماجحدت بس الرسول صلى الله عليه وسلم قال :
(( اقضوا حوائجكم بالكتمان))
يعني حياتهم صارت كله كتمان بكتمان
و يحرمون انفسهم من متعه حقيقيه وهي مشاركة الناس لهم افراحهم
وبعضهم يقول ان الرسول يقول .. العين حق علشان كذا نضطر اننا نجحد
صحيح ان الرسول قال احذورها بس ماقال صيرو موسوسين
وتراهـ مايحسد الا الي يخاف من العين
وفي نهايه الموضوع اقول ,, الله لايخلينا من الجحااااااااادهـ
وسؤال اليوم .. هل أنت من الناس الذي يعيش كل حياته على الجحادهـ
للإجابه أرسل كلمه ( شقليطهـ ) على الأرقام التاليـه
777 للجوال
777 موبايلي
777 زين
777 شين

وتحياتي لجميع الجحودين والجحودااااات

__________________

يسلمووو ياذوووق ع التوقيع الحلووو $
هـــوتــ شـــوكلتــ غير متصل   الرد باقتباس

 
قديم(ـة) 15-05-2010, 06:45 PM   #2
عضو فذ
 
صورة الاء الرمزية
 
تاريخ التسجيل: Dec 2008
البلد: في زمن يحدك للسكوت
المشاركات: 6,417
قوة التقييم: 0
الاء is a jewel in the roughالاء is a jewel in the roughالاء is a jewel in the rough
ربما خوفا من العين كما ذكرت

لكن انا اقول (اعقلها وتوكل )

(قل لن يصيبنا الا ماكتب الله لنا )

صح العين حق لكن من يحافظ على ورده اليومي
ومن قال كل يوم (اعوذ بكلمات الله التامه من كل شيطان وهامه ومن كل عين لامه ) 3 مرات ما تصيبه العين باذن الله

لكن فيه امور : لا يحبذ اطلاع الناس عليها حتى تتم

يعطيك العافيه
__________________
اللهم لك الحمد على كل حال ..

آخر من قام بالتعديل الاء; بتاريخ 15-05-2010 الساعة 06:58 PM.
الاء غير متصل   الرد باقتباس
قديم(ـة) 15-05-2010, 06:48 PM   #3
عضو ذهبي
 
صورة الجنرال x الرمزية
 
تاريخ التسجيل: Nov 2008
المشاركات: 2,075
قوة التقييم: 0
الجنرال x is on a distinguished road
هوت شوكلت

ليتك ايها العزيز تضع يدك بيدي وبأيدي الاعضاء الاخرين
لنبدأ في محو هذه الافكار والثقافات التي سيطرت على بعض العقول
وأصبحت مسألة الحسد هي الشغل الشاغل لدى الناس
والاساطير كثيرة والحكاوي اكثر التي تتحدث وتروي قصصا لا يمكن تصديقها
فكل فشل أو مرض أو اخفاق أو حادث ننسبه للحسد والعين

بارك الله فيك عزيزي وواصل ابداعاتك الى الامام
ودمت بخير
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً


العلم قوة
الجنرال x غير متصل   الرد باقتباس
قديم(ـة) 15-05-2010, 06:51 PM   #4
عضو بارز
 
تاريخ التسجيل: Apr 2007
المشاركات: 649
قوة التقييم: 0
mrsal9 is on a distinguished road
Smile

حلووووووووه بالصميم

اسلوب رائع.....

تحياتي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
mrsal9 غير متصل   الرد باقتباس
قديم(ـة) 15-05-2010, 06:54 PM   #5
عضو مبدع
 
صورة Miss Dior الرمزية
 
تاريخ التسجيل: Nov 2007
البلد: الـــــــــرس
المشاركات: 1,163
قوة التقييم: 0
Miss Dior is on a distinguished road


خخخخخخخخ موضوعك خطيير وبالصميم بعد
قسم يالناس اللحين عندهم مرض الجحاده ومنتشر بشكل مب طبيعي ولا انفلونزا جديده
__________________
بحسب المرء من الكذب أن يُحدِّث بكلِّ ما سَمِع
Miss Dior غير متصل   الرد باقتباس
قديم(ـة) 15-05-2010, 06:56 PM   #6
عضو اسطوري
 
صورة ابو صالح الرس الرمزية
 
تاريخ التسجيل: Aug 2007
البلد: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,533
قوة التقييم: 41
ابو صالح الرس has a spectacular aura aboutابو صالح الرس has a spectacular aura about
فيه بعض الاشياء تجحد به وفيه اشياء ما تستاهل انك تجحد بس فيه بعض الاشياء لازم تجحد
مثل اذا كنت مقدم على وظيفة اذا كنت رايح تخطب اذا كنت ناوي تشتري سيارة وامثله كثيرة هذي انصح ان الواحد يجحد به لين الله يوفقه بالشي

استعينوا على قضاء حوائجكم بالكتمان فإن كل ذي نعمة محسود
__________________
وما انا سوى عابر
سأمضي يوما تاركـ خلفي احلاماً ،اوجاعاً،ذكرياتـ ، وطيف يجول في طرقات قلوب احبــابــي ...
توتر m_s_aldhalaan
ابو صالح الرس غير متصل   الرد باقتباس
قديم(ـة) 15-05-2010, 06:57 PM   #7
عضو متألق
 
صورة تروك2010 الرمزية
 
تاريخ التسجيل: Mar 2010
المشاركات: 737
قوة التقييم: 0
تروك2010 is on a distinguished road
والله الناس ما تعطي خير وبعدين فيه اسئله من بعض الحريم ما ادري وش تبي يعني ازين شي انك تجدعوه بمخرج
ومشكور على الموضوع الرائع
__________________
[SIZE="6"]البارحه ربي كتبلي ومريت....دربن عليه ادروب الاجباب زاحت

يااااليتني في لهفت الدرب ذل.....يت كاان الدموع من العيون استراااحت[/SIZE
]
تروك2010 غير متصل   الرد باقتباس
قديم(ـة) 15-05-2010, 06:58 PM   #8
عضو ذهبي
 
صورة فهد ابن أبيه الرمزية
 
تاريخ التسجيل: Mar 2010
البلد: الرس
المشاركات: 2,241
قوة التقييم: 0
فهد ابن أبيه is on a distinguished road
يا اخوان
يمكن كل اللي يسوونه هذا

من مبدأ تطبيق
قول الرسول صلى الله عليه وسلم (( استعينوا على قضاء حوائجكم بالسر والكتمان ))


يعافيك ربي هوت شوكلت
فهد ابن أبيه غير متصل   الرد باقتباس
قديم(ـة) 15-05-2010, 07:01 PM   #9
مشرف منتدى التربية والتعليم
عضو مجلس الإدارة
 
صورة ابو جود الرمزية
 
تاريخ التسجيل: Mar 2008
المشاركات: 14,333
قوة التقييم: 29
ابو جود is a name known to allابو جود is a name known to allابو جود is a name known to allابو جود is a name known to allابو جود is a name known to allابو جود is a name known to all
الجحادة :: أعتبرها مرض عصري ..!!
إذا تجاوزت حدود المعقول ..! وأصبحت ديدننا في كل شي نعمله .بحجة الخوف من العين .!
موضوع واقعي و بالصميم .
.
.
لايزال .. هت شوكلت
يواصل حضوره وبقوة بمواضيع تلامس الواقع
شوكلاتة .. شكراً لكـ . ولاتكفي
طرح يستحق التقييم
دمت بجحادة
__________________



Twitter
abojoodxp@
InstagraM
ABOJOODXP


ابو جود غير متصل   الرد باقتباس
قديم(ـة) 15-05-2010, 07:25 PM   #10
Banned
 
تاريخ التسجيل: Jul 2009
البلد: At KFUPM
المشاركات: 14,448
قوة التقييم: 0
Rsawi Mkawi is a glorious beacon of lightRsawi Mkawi is a glorious beacon of lightRsawi Mkawi is a glorious beacon of lightRsawi Mkawi is a glorious beacon of lightRsawi Mkawi is a glorious beacon of lightRsawi Mkawi is a glorious beacon of light
‎‍‍‌


البلآغة يمكن تحدك للجحآدة ^^

وشعب مكة الحمد لله مآ بهم لا بلاغة ولا جحآدة !!
إلا جحآدتهم إذا قلت وش إسم أمك ـكككـ

ومير مشكور هوت عـ الطرح =)



‍‍‌
Rsawi Mkawi غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 05:02 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19