عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 30-05-2010, 02:46 PM   #1
عضو فذ
 
صورة هـــوتــ شـــوكلتــ الرمزية
 
تاريخ التسجيل: Nov 2008
البلد: NewYork,Time Square
المشاركات: 6,419
قوة التقييم: 0
هـــوتــ شـــوكلتــ has a spectacular aura aboutهـــوتــ شـــوكلتــ has a spectacular aura about
Angry ياناس تروشو ,, ياناس تنظفو ,, ياناس تعطرو

السلام عليكم
الله يعيننا على هالحر الي يعكرالمزاج
ويشوي الواحد شوي ويخليه يستوي صح
حتى من زود هالحر عيوني الزرق انقلب لونهن اسود
وزيادة على هذا كله كثرة هالملابس اللي حنا نلبسهن معشر الرجال بهالجو الحار
ثوب وسروال سنة وسروال قصير وفنيلة وشماغ وطاقية وشراب وجزمات اعزكم الله
خلاص ابدلي البس وزرهـ وفنيله علاقي علشان ما احس بالحر
الا ماتلاحظون ان اللي يبي يشوف لبسنا من هالأجانب
يبي يقول هذولا
عايشين بديرة
يهفهف عليه هالهواء البارد هفهفه
على كثر هالقطع اللي نلبسهن
سروال طويل وسروال نص وفنيله وثوب ووو...الخ
مايدرو اننا عايشين بصلخخخخخخخ
لكن مااقول الا الله يعيننا على هالحر ويعيننا على
روائح وخياس بعض هالناس اللي تحوم التسبد وتسد الشهية
واللي الواحد منهم ماعمر الماء طب جلده
ولايعرف شي اسمه شامبو او مزيل عرق
صز والله وراهـ بعض هالعالم تسذا
مايتنظفون ولا يتعطرون
ياناس تنظفوا وانشرو السعادة على اللي حولكم بدال منتب خانقينهم بريحتكم
وتراء ارخص مارخص الله هالشامبوات ومزيلات العرق
شوفوهن بالصيدليات وانصح العجازين اللي مايتروشون الا كل جمعة
يشترون كريم كلارو من الصيدلية على 12 ريال

ويجلس لمدة اسبوع ســاد على مسام عرقه ســـد
واللي يبي مزيلات صح وروائح تفتح النفس
يروح لبدي شوب فيه مزيلات عرق ريحتهن جنان
واسعارهن على 40 ريال تقريباَ
لكن بعض هالناس مصتصعبين المسألة ومستخسرين كم ريال
علشان يخلون ريحتهم مثل ريحتي حلوة هههههههه
وبعض الناس متعلمين هالوصاخه اب عن جد وراثه
من كبيرهم الى صغيرهم حتى لامر احدهم من جمبك
تشم ريحه زباله تمشي ( وانتم بكرامه )
ولو تشوفون شعورهم يابسة تقل ليفه مواعين
مايعرفون شي اسمه ماء وشامبو
وزين ان مالقيتو قمل وبعارين وغنم بوسط شوشهم
وحتى ريحه بيتهم خياس بخياس تقل ريحه محرقه البلدية
مهب ريحه بيت اوادم
يامل اللي منب قايل تراء فيه شي اسمه بخور وفيه عطورات فواحه للبيوت
وبعض هالناس ان تروش صب على جسمه ماء بدون شامبو وخلاص
سلاماااااااااات يالحبيب يقالك مسوي شي هالحين
تراء الماء مايسوي شي للعرق يعني لازم شامبو يا لبى قلبك
لكن الشرهه مهب عليك الشرهه على اللي جالسين عندك ومعاشرينك
ويشمون ريحتك المروحــــه

وبعض الناس من برا الله الله ومن جوا يعلم الله
يعني ملابسهم نظيفة وريحتهم الله لايوريك تصك الراس
تراهـ يالطيب لبس الملابس على وصاخه ماتكفي
لأن الناس لهم خشوم يشمون ريحتك انت توحي يابعد حيي
ولا اجيب عصا المكنسة
وانا من خلال هالموضوع اقول لكل < أم >
تنظفي وتروشي وتعطري وعطري افمك من ريحه هالكراث
وخلي زوجك يستانس اذا شافك ولايتهرب منك
علشان ريحتك اللي لو شمه ذباب جته اعاقه
وتحسسين زوجك انه متزوج له خنفسانه من هالروائح الكريهه
وربي بزارينك على النظافة وعلميهم وشلون يتروشون
وتراء بزارينك وزوجك هم واجهتك قدام الناس
وانت يا ابو البزارين خلك قدوة لعيالك وتنظف وعطر افمك
من ريحه هالفصفص وهالبصل

واسعد زوجتك هالضعيفة اللي بريحتك هالمروحه تحسسه
انه متزوجة صرصور ماتزوجت ادمي
وتراك ماراح تكلف على عمرك شي
بس كل اللي عليك انك تشتري لك صابون ديتول للجسم
علشان يشيل جراثيمك ووصاختك
ولاتنسى مزيل العرق اللي قلت عنه قبل
وانصحك تشتري بعد من بدي شوب ليفه على شكل قفاز
وتفرك به جسمك فرك علشان يصير جسمك يلق لق من النظافة
وانا اضمن لك ان الناس مايصرفون انفسهم اذا شمو ريحتك هالزينه
اللي تفتح النفس ويبون يجلسون جمبك ويسولفون معك
ويقولون ماشاء الله وش هالريحه الحلوة يا ابو فلان
وهالكلام السابق يشملك بعد ياست الحسن والجمال
يعني للجميع رجال وحريم
وسؤال اليوم @
ليش الواحد اذا انهبل من شي يقول يمه ليش مايقول يبه
وللأجابة على هالسؤال ارسل كلمه ( هتهوت لبيع التوت ) على الأرقام التالية :
888 للجوال
888 موبايلي
888 زين
888 مملوح
888 شين
ودمتم جميعاً بروائح حلوة وتهبل
__________________

يسلمووو ياذوووق ع التوقيع الحلووو $
هـــوتــ شـــوكلتــ غير متصل  

 
قديم(ـة) 30-05-2010, 02:55 PM   #2
عضو ذهبي
 
صورة M6NOoO5 الرمزية
 
تاريخ التسجيل: Oct 2008
البلد: في المملكة العربيه السعودية - القصيم - محافظة الرس
المشاركات: 2,817
قوة التقييم: 0
M6NOoO5 is on a distinguished road
وانا اقول وش هالريحه الخياس >> اثره من موضوعك اللي ريحته تهبل خخخ



عليك مواضييع مادري وش تحس فيه


ريحه وشامبوا ...... ومادري ايش

اضحك الله سنك ياهتوتي

__________________
M6NOoO5 غير متصل  
قديم(ـة) 30-05-2010, 02:55 PM   #3
عضو متألق
 
صورة هامور الرس الرمزية
 
تاريخ التسجيل: Apr 2010
المشاركات: 1,036
قوة التقييم: 0
هامور الرس is on a distinguished road
أفا عليك بس يا شوكلاتة المنتدى
والله ما توقعتها منك

العرق لا صار نتيجة شغل ومكدة فهو شرف يا بعد حيي
وريحة العرق لا صارت نتيجة تعب وشغل بالحقل وبالمزرعة
تكون اطيب من ريحة الايفسان لوران

افا عليك بس يا شوكلاتة
كيف نسينا شلون كنا قبل خمسين سنة فقط
شلوزن كان ابوي وابوك وجدي وجدك

ترا بقولك كلمة يا هوت النظافة حلوة ومطلب للجميع
لكن المياعة والتعطر على كل طلعة ونزلة والتروش عشر مرات باليوم
خوفا من أأأوووف ريحة عرق ياي
كل هالامور ترا هي اللي ضيعت البعض ومحت رجولتهم الله المستعان

وكله يهون عند الكريمات
وش هالحكي والخرابيط يا شوكلاتة
كريمات للرجال ؟؟؟
ناقص تقول حط لك تسريحة جوار سريرك يكون فيها كريم قبل النوم وكريم لتنعيم لابشرة
وكريمات الصباح وكريمات لليدين والانامل




ونفس الكلام موجه للي رد عقبي ( الامبراطور )
حلو لما قال ( وربي الجو حار ) يعني بالله عليك
هذا جونا ولا جو السويد
من سابع جد من جدانك وهو بهالحر والصحرا
تيجي يا امبراطور زمانك وتقول ( ياربي والله حررر )

سبحان الله
هامور الرس غير متصل  
قديم(ـة) 30-05-2010, 02:57 PM   #4
مشرف منتدى عالم السيارات
 
صورة الامبراطور الرمزية
 
تاريخ التسجيل: Sep 2007
البلد: • بَينٌ أروٍقةٌ آلحيًآةْ «●•
المشاركات: 4,373
قوة التقييم: 15
الامبراطور is on a distinguished road
والله انك صااادز يا هوت والشئ الي يقهرك اذا جاك اجنبي وصلي جنبك وععععع وريحته والله تصررع الطير من السماء والله بعض المرات انحد واترك الصلاة واطلع للجهة الثانيه من الريحه ..
وغير كل هذاا اذا جينا للطلاب الي معنا بالفصل وش اقولكم بسس يجي الواحد من الديره وقذله والثوب اصفر واذا هرج ودك تسكته باي شئ بس هو يسسكت والا الي يجي تسنا منهم يلبس لي جزمة الله يكرمكم واذا فضخها بالصلاة تشم هالروائح عاد ريحة الشراب حدث ولا حرج
والشئ الثالث الي ما يتروش الا الجمعه خلالاص الحين تروشوا من يوم وراء يوم وربي الجو حررر ومشمس ومحرق للجلد والمفروض والواجب باليوم اقل شئ مرتين بس هنا عندك اعرابيا ما يتروش الا من يمعه الي يمعه الله يعينا بس ع هالحاله ويصبرنا ويحملنا هالروائح الوغده ..
مشكور يا صقيقي هوتـ ع الموضوع الي اجمل من رائع ولا شئ جديد ع ابداعك ..
جواب السؤال :
لان كلنا متربين باحضان ماما الله يخليها لنا ودائم معها من يوم كنا صغار ومتعودين ع كلمة يمه اما ابوي ما اشوفه الا باليوم مره او مرتين بعد ..
__________________




آستغفر آلله العظيم و آتوب إليـه ..
الامبراطور غير متصل  
قديم(ـة) 30-05-2010, 02:58 PM   #5
عضو فذ
 
صورة هـــوتــ شـــوكلتــ الرمزية
 
تاريخ التسجيل: Nov 2008
البلد: NewYork,Time Square
المشاركات: 6,419
قوة التقييم: 0
هـــوتــ شـــوكلتــ has a spectacular aura aboutهـــوتــ شـــوكلتــ has a spectacular aura about
اقتباس:
المشاركة الأساسية كتبها عـاشـق الـبـر مشاهدة المشاركة
وانا اقول وش هالريحه الخياس >> اثره من موضوعك اللي ريحته تهبل خخخ



عليك مواضييع مادري وش تحس فيه


ريحه وشامبوا ...... ومادري ايش

اضحك الله سنك ياهتوتي
هلا بك ياعاشق وتشرفت بمرورك العطر
__________________

يسلمووو ياذوووق ع التوقيع الحلووو $
هـــوتــ شـــوكلتــ غير متصل  
قديم(ـة) 30-05-2010, 03:01 PM   #6
عضو فذ
 
صورة هـــوتــ شـــوكلتــ الرمزية
 
تاريخ التسجيل: Nov 2008
البلد: NewYork,Time Square
المشاركات: 6,419
قوة التقييم: 0
هـــوتــ شـــوكلتــ has a spectacular aura aboutهـــوتــ شـــوكلتــ has a spectacular aura about
اقتباس:
المشاركة الأساسية كتبها هامور الرس مشاهدة المشاركة
أفا عليك بس يا شوكلاتة المنتدى
والله ما توقعتها منك

العرق لا صار نتيجة شغل ومكدة فهو شرف يا بعد حيي
وريحة العرق لا صارت نتيجة تعب وشغل بالحقل وبالمزرعة
تكون اطيب من ريحة الايفسان لوران

افا عليك بس يا شوكلاتة
كيف نسينا شلون كنا قبل خمسين سنة فقط
شلوزن كان ابوي وابوك وجدي وجدك

ترا بقولك كلمة يا هوت النظافة حلوة ومطلب للجميع
لكن المياعة والتعطر على كل طلعة ونزلة والتروش عشر مرات باليوم
خوفا من أأأوووف ريحة عرق ياي
كل هالامور ترا هي اللي ضيعت البعض ومحت رجولتهم الله المستعان

وكله يهون عند الكريمات
وش هالحكي والخرابيط يا شوكلاتة
كريمات للرجال ؟؟؟
ناقص تقول حط لك تسريحة جوار سريرك يكون فيها كريم قبل النوم وكريم لتنعيم لابشرة
وكريمات الصباح وكريمات لليدين والانامل
هامور هلا بك واذا كانت ريحه العرق تعبر عن الرجوله اقولك من الحين ان الرجوله قول وفعل
مهب عرق وخرابيط ويكون بعلمك ان فيه ناس يقولون ان اللي يحلق الشنب مهب رجال
لأن الشنب دليل رجوله وكلامهم مهب صحيح لو الشنب يعبر عن الرجوله كان شفنا الصرصور ارجل واحد على طول شنبه
ولاتنسى ان النظافة من الأيمان
وتشرفت بمرورك
__________________

يسلمووو ياذوووق ع التوقيع الحلووو $
هـــوتــ شـــوكلتــ غير متصل  
قديم(ـة) 30-05-2010, 03:03 PM   #7
عضو مبدع
 
صورة رساوى فى باريس الرمزية
 
تاريخ التسجيل: Oct 2007
البلد: الـــــღღــــرســــــــــــــــ
المشاركات: 1,909
قوة التقييم: 0
رساوى فى باريس is on a distinguished road
هههههههههههههههههههههههههههههه
مآشآء الله موضوع في الصميم
لي رجعة هع
__________________
لاحول ولا قوة إلا بالله .
سبحآن الله والحمد لله ولاإله إلا الله والله اكبر ~
اللهم صلي على نبينـا ~ محمد ~
رحمك الله يامعاذ || وإنا على فراقك لمحزونون
اللهم إغفر له وارحمه وعافه واعف عنه
رساوى فى باريس غير متصل  
قديم(ـة) 30-05-2010, 03:04 PM   #8
عضو بارز
 
صورة almasa الرمزية
 
تاريخ التسجيل: Apr 2010
المشاركات: 637
قوة التقييم: 0
almasa is on a distinguished road
هههههه موضوع جميل شكرا على الطرح والواحد يقول يمه لأن الام هي الامان بالنسبه لنا بس وش دخل ذا بالموضوع بس عندي سؤال ماشاء الله وشلون تحط كل هالألوان اللي يبيلها ثلاث ساعات وانت تنسق
__________________
almasa غير متصل  
قديم(ـة) 30-05-2010, 03:06 PM   #9
عضو متألق
 
صورة هامور الرس الرمزية
 
تاريخ التسجيل: Apr 2010
المشاركات: 1,036
قوة التقييم: 0
هامور الرس is on a distinguished road
اقتباس:
المشاركة الأساسية كتبها هـــوتــ شـــوكلتــ مشاهدة المشاركة
هامور هلا بك واذا كانت ريحه العرق تعبر عن الرجوله اقولك من الحين ان الرجوله قول وفعل
مهب عرق وخرابيط ويكون بعلمك ان فيه ناس يقولون ان اللي يحلق الشنب مهب رجال
لأن الشنب دليل رجوله وكلامهم مهب صحيح لو الشنب يعبر عن الرجوله كان شفنا الصرصور ارجل واحد على طول شنبه
ولاتنسى ان النظافة من الأيمان
وتشرفت بمرورك
هوت شكلت وراك معصب حبيب ألبي
ثم من اللي قال ان العرق رمز للرجولة
ارجوك أقرا ردي ثم جاوبني تأبر ألبي

أما رمز الرجولة هذي مدري منين جاية ؟؟
هامور الرس غير متصل  
قديم(ـة) 30-05-2010, 03:17 PM   #10
عضو بارز
 
صورة *لسعه شقاوهـ* الرمزية
 
تاريخ التسجيل: Nov 2009
البلد: بيتناااا<<<
المشاركات: 363
قوة التقييم: 0
*لسعه شقاوهـ* is on a distinguished road
يسلمووو ع الموضوع الحلووو
__________________
*لسعه شقاوهـ* غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 05:04 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19