LinkBack أدوات الموضوع انواع عرض الموضوع
قديم 04-06-2010, 02:01 AM   رقم المشاركة : 1
معلومات العضو
 

إحصائية العضو








افتراضي ديوان الشاعر / مشاري رفاعي النثري

بسم الله الرحمن الرحيم

مساءكم شعر وطيبه وإحساس

أقدم لكم هذا الديوان الشعري لـ شاعر متميز أصبح حضوره مطلب للأمسيات روعة أختياره

يتميز بالقصائد الجميلة والحس الشعري الفريد .. لا أريد أن أطيل إليكم السيرة الذاتية ..




الأسم : مشاري النثري
الميلاد : 1985
المولد : عريفجان (هجرة الشيخ ناصر الشغار)
ترعرع في هجرة الهمجه التي أسسها
الشيخ حمود النثري
الواقعه غرب نفي 30 كم
السكن حاليا : الرس (القصيم)

شهد له الكثير من مشايخ واعيان المجتمع الخليجي والسعودي خاصه

قالو عنه :

الشيخ بندر بن حميد : أنه من مكاسب مزاين الهيلا " قالها بعد ألقاء قصيدته في المزاين
حبيب العازمي : كتب عنه صفحة ثناء في منتدى المرقاب
محمد بن الذيب : الشاعر الذي لفت نضري من الشباب
الشاعر مرير الحبيل : ابشر عتيبه بمولد شاعر كبير
الشيخ نايف بن نماس : افضل شعراء شباب عتيبه
مدغم ابو شيبه : قال بعد أنتهاءه من ألقاء قصيدته في عتيبه
" على الطلاق انها فريدة من نوعها ونادره من شكلها


أرسل له الشاعر والأستاذ حمد السعيد عضو لجنة تحيكم شاعر المليون قصيدة اعتذار بعد خروجه الغير مبرر من تصفيات شاعر المليون الاولى ولم يصلنا الا هذه الابيات




[POEM="type=1 font="bold medium Tahoma, Verdana, Arial, Helvetica, sans-serif""]العذر يالنثري مـن الله ثـم منـك=حاولت في شتا الطرق لكن ازريت
واحد وهم واجد وهرجتهـم عنـك=لاشـك ماجتنـي علـى ماتمنيـت
والله لو للشعـر ياصاحبـي بنـك=اليا طغى رصيدك فيه ياذايع الصيت[/POEM]



إليكم الديوان ..


( الفاتنه )

[POEM="type=1 font="bold medium Tahoma, Verdana, Arial, Helvetica, sans-serif""]دخيلـك البعـد لحظـه لاتهوجـس بـه=خـل المقاديـر لاتشغـل بهـا فـكـرك
الناظر اللـي ظـلام الليـل دامـس بـه=وش عذرك اليا جرحه الدمع وش عذرك!!
تراي ألي مجلس(ن) بظلاله اجلـس بـه=اليا أنفهق ليلك المنسـاب عـن بـدرك
يسريبي الشوق مع رمش(ن)تناعس بـه=وآطيح من سحرك الغامض على سحـرك
عقد(ن)على عنقك أنـواره تعاكـس بـه=ايـذوب مابيـن عاتقـك وسنـا جمـرك
حـلاك مافيـه عيـب الا العقـل يسبـه-وجسمك مابه ضيّق الا عنقـك وخصـرك
عاتب يمحلا عتابـك يـوم تهمـس بـه=وخل الهبايب تعبث فـي طـرف شعـرك
الساحـل الآمـن تعيـش النـوارس بـه=ونوارسـي تآمـن بساحلـك وفبـحـرك
البعـد لاظلّـم بفكـري وعسعـس بــه=قمت اشعلك في لهيب الشوق وانصهـرك
اجيك من غربـة ابـلاد(ن) مئيـس بـه=لين اني آقف علـى دارك وانـا مـادرك
ادور لوصلك ايـة شـي (ن) آنـس بـه=في دايـرة شارعـك وبواجهـة قصـرك
حتى الهوى اللي بصـدري آتنفـس بـه=اقـول هـذا لعلـه جـاي مـن صـدرك[/POEM]

( يا مسافره )
[POEM="type=1 font="bold medium Tahoma, Verdana, Arial, Helvetica, sans-serif""]المنظرالخلاب مربـاع القلـوب المستحـب=بعيون ترفات البنات اللي خواصرهن ضمـر
وأنا خذتني كلمـة أقلـط ياهلابـك يارحـب=على شفى مزيونة ٍ تبختـرة بيـن الزهـر
قريت لي بعيونها مشاعـر ولهفـه وحـب=وأبحرة مع غموضها أبحار السفينه فالبحـر
أنا عيوني ضاميه وعيونها أضلال وسحـب=سحب ٍ تكون من مشاعر فالعيون وتنهمـر
استقبلتني عاشق ٍ ينسج لها العشق ومحب=تجمع بقايـا ضيقتـه وتفلهـا فـل الشعـر
حتى سجع طير الحزن على غصونه وانتحب=وانهارة جسور الفرح بعيوننا جسر جسـر
يوم استعدت للرحيل وجهها الطاهر شحـب=قلت الغلا مايخلفه عن واقعه حتـى السفـر
يامسافره صدري يبا يبقى لمنزالـك رحـب=تجتال ساحاته طيوفك في صبح ولا عصـر
وأنا لاشفت فلول وصلك من دياري تنسحب=ماني بشاكي دمعة ٍ تسقط ولا ضيقة صـدر
مدام يوم الحشر كلا ٍ ينحشر مع من يحـب=روحي فمان اللي خلقنا واللقا يـوم الحشـر[/POEM]


( يا وجودي )

[POEM="type=1 font="bold medium Tahoma, Verdana, Arial, Helvetica, sans-serif""]ياوجودي كيف اسامحك ياعيد رمضان=اغربت شمسك ماشفت الغزال النافـره
أتنقل لجلها مـن مكـان اليـا مكـان=لين دوّى الليل واقفى النهار بسافـره
معظم نجوم السما اللي تجلّـت للعيـان=قمت اراعيها وهي بالافـاق مسافـره
النفوس بعيدهـا تحتفـل بالمهرجـان=وانا في صدري جموع الحزن متضافره
كل ماسرجت الخيالات واطلقت العنـان=اصطدمـت بعالـم الهجـر وبتنافـره
الحزن في عالمي له مقـر وبرلمـان=فارض(ن) حكمه على صدري وقوافره
ليتها يوم انثنت مثل عـود الخيـزران=ماتمادى رمشها بطعن روح (ن) زافره
الغلا فاحت دلالـه بريـح الزعفـران=واروة ضلوع (ن)بفوح المحبه طافـره
البنات عيونهن بر خوف وبـر امـان=ميـر هـذي كلهـا عندهـا متوافـره
لاجرحت بعيونها ادّاوي بكلمة حنـان=المشاعر مسلمه والوصايـف كافـره[/POEM]



( الجادل )



[POEM="type=1 font="bold medium Tahoma, Verdana, Arial, Helvetica, sans-serif""]الجادل اللـي سـرة والنيـه النيـه=تغيرة وجهـت دروبـي بمسراهـا
خلتنـي اعيـش حـب الأنعزاليـه=ساعت سرة واخذة الخافق وخاواها
سرتبهـا لكـززٍ بيضـاً خليجـيـه=اللي عن الريح مرخيـت ٍ زواياهـا
مضى عليها ثلاث شهور وشويـه=وانا على شرفة القصـر اتحراهـا
اخذ لها صـورة ٍ فالبـال مطويـه=وافلهـا فـي خيالـي واتهجـاهـا
شاشة خيالي تعرض اطيوفهـا ليـه=لين اني اقف على مرقـاب فرقاهـا
الشوق ناره لازالت فالحشـا حيـه=والبعد بسهومه اعيا النفس واضناها
اثر الهوى سطوته ماهـي بعاديـه=تمرض بها النفس لين تزور مثواها
اليا سطى بنظرة العيـن الحياويـه=يفلج ضلوع الصدور ويسهج حماها
هذي ضلوعي يادوب تضمها يديـه=من حربة ووداعها وفعـول يمناهـا
يمكن لو طعونهـا بالعيـن مرئيـه=تقدر تمد النظر مـع درب شلفاهـا[/POEM]


( مايسة القد )

[POEM="type=1 font="bold medium Tahoma, Verdana, Arial, Helvetica, sans-serif""]ياوجودي ياصبـا نجـد العذيـه=لاقبلت كـن النسايـم دافعتهـا
في ضلوعي نار نظرتها البريـه=تعبث بعوج المحاني واروقتهـا
والله اني مانزعجت بكـل كيـه=ولا نويت احراجهـا ومعاتبتهـا
لانها من صغر سن وطيب نيـه=تجهل ابعاد الحيـاه ومعمعتهـا
ماتعرف مـن المهـد للثانويـه=غير ابوها وامهـا ومذاكرتهـا
لادعاها الشوق ساقتها الحميـه=وانفرش وردٍ من الجوري تحتها
عودهـا الريـان كلـه جاذبيـه=لاطرقتها النود بالشوق املكتهـا
فارعٍ من كثر ماهـي ضامريـه=ينشبك في خصرها عقد رقبتهـا
لاتثنّت بيـن ريضـان ٍ نديـه=فاحت عطور الزهور وعانقتهـا
وادرجت خطواتها شويه شويـه=كن وراها صحيبـة ٍ متحريتهـا
في فياض العشق لوماهي جريه=اجذبتها ورودهـا واستدرجتهـا
وقادها من اصطبلها الخافق عليه=لين كفـي بالعنـان استقودتهـا
في ميادين الغـرام الشاعريـه=اتحفاهـا واخـاف مضايقتهـا
روحها في ضف والدها طريـه=مابعد مرت بضيقـه والفحتهـا
لو مشاعرهـا زجاجـه واقعيـه=كان حتى نظرة عتاب اكسرتهـا[/POEM]



عندما زار في احد المرات قصر الامير سعود ال سعود بدعوة الامير سلطان بن سعود ال سعود ووجد والد الجميع الامير سعود بن محمد ال سعود والامير عبد العزيز بن سعود (السامر) قال مخاطبا الامير سلطان بن سعود ال سعود



[POEM="type=1 font="bold medium Tahoma, Verdana, Arial, Helvetica, sans-serif""]سلام يامجلس زحول الرياجيـل=اللي تمثـل فالحكومـه حكومـه
ديوانكم يجمع ضيا الصبح والليل=مثل الفلك بالحجم وانتم نجومـه
انت بسماه الجدي والسامر سهيل=وابوك شمسن واضحه ومعلومه
مداه ماتلحقـه حتـى الدرابيـل=ماطال من مد النظـر مايرومـه
الزل ربيعن عطره البن والهيـل=والعود الازرق بالمباخر غيومـه
وانهار بنـن تنهمـر بالفناجيـل=ما تختلف مابيـن ليلـه ويومـه
ارجومه ظهور البعارين والحيـل=اللي لها من زومة الحال زومـه
على سما رحابه تشـع القناديـل=ويسير ركب العز فيـه بعمومـه
ممشاي فيه يطول خطاي تطويل=واطاول الكوكب براسي واهومـه
متنكبن بشتن كمومـه مسابيـل=عن صكة الايام تـذري كمومـه
علاقتي معهـم معـزه وتبجيـل=موقعه علـى الفخـر ومختومـه
هذي حكومات الفخر والمواصيل=اللي تصدى للزمـان وهجومـه
وانا بضف شعوبها شاعر الجيل=واللي يلوم النثـري الله يلومـه[/POEM]

( الفراق )





[POEM="type=1 font="bold medium Tahoma, Verdana, Arial, Helvetica, sans-serif""]السما من غيمة الوصل جاء فيه صحوه=كل شجره قام يمش الضمـا بعروقهـا
انكسر وجه السماء في عواتقها ضحوه=واقفت الافـراح برعودهـا وبروقهـا
الفراق اللي نحى الشمس للياس نحوه=نكّس اعـلام شعـار المحبـه فوقهـا
واعذابي كان مالي من الحـزن لهـوه=من ضروف ٍ تقصر احلامنا وتعوقهـا
والله اني مشته ٍ صوتها العذب شهـوه=لكن العشاق بعض الحضوض تبوقهـا
جادل ٍ للحسن فيهـا طـراوه وزهـوه=حسنها حتى بحـور الخيـال يفوقهـا
جسمها كيكن مغلف وهرجتهـا قهـوه=مرهي ٍ منها لكنـي عجـزت اذوقهـا[/POEM]



( الطائرة )




[POEM="type=1 font="bold medium Tahoma, Verdana, Arial, Helvetica, sans-serif""]الهموم اللي نبت حزنها بصدري نبـوت=كل ماقلت صفحت عن خفوقي ماصفحـت
مايفرّق جمعهـا ليـن يجعلهـا شتـوت=غير من تدني بعيـد المسافـه لانتحـت
الجناح جناح طاير لو ان الشكـل حـوت=تشبهه لاناحـرت بالشكـل ولا سنحـت
الجوانب حجمها ضخم والخشـم معفـوت=عن مصادمته هوى الجو منخفض ٍ تحت
لارزمت وسط المدرّج تـرزام الخفـوت=ومالت الساعه لوقت المغـادر وارجحـت
استلمهـا كابتـن ٍ بالثقـه كلـه ثبـوت=واستقل بها للاجوى البعيـده واجنحـت
تعزل عنها طفوح المـزن حتـى تفـوت=مثل ماتعزل رغاة الحليب اليـا طفحـت
غادرة في رحلة ٍ تنبي بزيـن البخـوت=يوم اقلتنـا علـى متنهـا ثـم سبحـت
لي ثلاث سنين صابر على ضيم الوقوت=واتلزى عن سموم الهواجـس لالفحـت
ودي اتمكن بفرصة لقاهـا قبـل أمـوت=واسمع طيور الغلا فالروابـي لاصدحـت
فارع ٍ لافضفضت لي نواظرها السكـوت=احتداها الصمت عن فضفضتها واستحت
المشاعـر يمهامبحـره مثـل اليخـوت=ماحرفتها امواج بحر ٍ من الهـم طفحـت
كن خيالي شاشه وكن طاريهـا رمـوت=وين ماينحـى خيالـي طواريهـا نحـت
صار طاريها شـراب ٍٍ لخفاقـي وقـوت=اتقوابه على اوضاع وقـت ٍ ماصلحـت
ايه ياسلمـان والعشـق جبـار ٍبهـوت=لابطـش جلالتـه فالقلـوب استجرحـت
في ثراه اتعبنا الافكارواحفينـا السبـوت=لين حطت عند باب الفـراق ولابرحـت
وانهدم حلمي بليل ٍ مـن الفرقـا مقـوت=اسفهلـت بالامانـي نجومـه وادبحـت
واتركتنـي للسهـر ولتمتـاع الشمـوت=لين ضاقت بي من الهم الارض وما طحت
اشرف المرقاب بالهم واسـج الخبـوت=وافتح الثوب لهبوب الشمال اليا نفحـت
المحبه بعضها قبـر والهجـران مـوت=والنفوس اليا دخلها الغـرام استذبحـت[/POEM]

ملاحظه : سلمان بن محمد السليمي الحربي



قصيده موجهه للشيخ / حمدان بن محمد بن راشد آل مكتوم




[POEM="type=1 font="bold medium Tahoma, Verdana, Arial, Helvetica, sans-serif""]راكب اللي كنها فـي مـدارات الفضـا=سابـح ٍ فـرّق يديـه وفهـق مناكبـه
مايلاحـظ شكلهـا لاعتلـت غيرالحظـا=في مسار ٍ تعبر مـع السحـب مراكبـه
صوتها لادوى وراهـا بالافـاق ومضـا=صوت موجـة رادو ٍ ماهـي بمتراكبـه
ماركبها غير مونس علـى كبـده لظـا=مـن همـوم ٍ نارهـا بالخفـا تنحاكبـه
برّكت باقصى ضلوعه عصر مثل النضا=لين وجّه فـي سمـاه الدجـى مواكبـه
ماله من بروكها لا عويـن ولا إعوضـا=حتـى ليلـه بالآمـال إنتحـت كواكبـه
وإنتهابه ليل الأوهـام فـي بـر ٍ فضـا=خرمسيا ً تـذري الريـح مـع مناكبـه
ليل همه مايزيحـه ضيـا نجـم ٍ يضـا=غير شمس ٍ نورها يصعـب الادراكبـه
عقب يافزاع هوجاسـه بذكـرك حضـا=واصطغى فكره على مجـدك ومرقاكبـه
جاك حاديه العنا مـن حواسـد وبغضـا=وانت فعلـك ماكـذب واحـد ٍ زكاكبـه
لا أظلمت بالياس الافاق والصبر إنقضـا=جـر طيبـك لانبلـج تنـور الافلاكبـه
جاك من بطش الصواديف وأسباب القضا=ومن كثر ماواجهـه فالزمـان وواكبـه
يصطلي بأعماقه من الغضب جمر الغضا=لولا صـدره ذابـت ازراره المتواكبـه
معتل ٍ له كونكـرد ٍ مايلحقهـا الشضـا=من سلاح اللي مركـز ونفسـه هاكبـه
غادرت دار ٍ عليها من العفـو الرضـا=وإ هبطت دار ٍ عليها السحب متساكبـه[/POEM]



( الخوه )




[POEM="type=1 font="bold medium Tahoma, Verdana, Arial, Helvetica, sans-serif""]علام الشعر يوم اقطف بيوته مثل قطف الزهر=مايجلاعنـي همـوم ٍ برتنـي بـري برايـه
الياسجيت مع قافه وقته مثـل قـود المهـر=تنحت بي عن السجه دروبه واخلف خطايـه
ودخّلني على آفاق ٍ من آفاق الحزن والسهـر=وقمت اغني الالحـان ليـن اضيّـع غنايـه
الاياوجد حالي يوم اغني من غبـون وقهـر=ياليت الزله اللي جات ماجـات مـن خويايـه
حدتني لين ورتني بطعنتهـا نجـوم الظهـر=وسرتني بليل الهم مسـرى الضامـي التايـه
ادورلي عذر واجهر بصوتي يوم انادي جهر=ولاسمع في مهب الريح صوت ٍ جاوب اندايه
وانا اللي للصداقه ريف وضلال ٍ ضليل ونهر=اعل فياضها وابني صروح امجادهـا بنايـه
مقامي عن طمان القاع في جو المعالي شهـر=لوان اللي حصل يبحث خفاي ويلحق اقصايـه
حدى اركابي على فجوج ٍ بلاقيع ٍ طواها الدهر=سراب فجوجها يلمـع بعينـي لمعـة مرايـه
بروك ٍ في محاجيها همـوم ٍ سرهـا ماظهـر=تصالي صدري بنار ٍ مـن الاحـزان لضايـه
بعضها كل مايصهر ضلوعي بالسعاير صهـر=قعدة افهق شماغي وآتحامـل فـوق مركايـه
لكن الصحبه اللي سيرتنـا بالنقـا والطهـر=مايخدش جدرها يدين ٍ صرح الطيـب بنّايـه
لاجتني زلة ٍ محد ٍ نهرها قبـل تظهـر نهـر=لقت صدر ٍ رحيب ٍ ماتحد ارحابـه اعضايـه
مدايه عن مضايقهم بعيد ٍ مثـل بعـد الدهـر=يبا يعيشون ويموتون ماوصلوله نـه نهايـه[/POEM]


قصيدة متواضعه في صاحب السمو الامير : سلطان بن سعود آل سعود



[POEM="type=1 font="bold medium Tahoma, Verdana, Arial, Helvetica, sans-serif""]حنة رعود الشعر في صدري وعديـت الرفـاع
في مدح شيخ ٍ شايخ ٍ مجـده بـراس الطايلـه
امضى من السيف الحدب واشد من بطش السباع
واكرم من المـزن المصـدّق لارتخـة همايلـه
خصايله تمدح بها الشعّـار فـي شتـى البقـاع
مافيه شخص ٍ يمـدح الافـي حـدى خصايلـه
ولافيه طيب ٍ ورّث من آدم وعاش بلا انقطـاع
ياكـود طيـب ٍ ينتقـل بالـورث مـن سلايلـه
لاسمه مهابه من مهابة سطوته خطـل الـذراع
لاقيل سلطـان مـع الآسمـا زاد هيبـة قايلـه
سلايل سعود الكريم الوافـي الشهـم الشجـاع
اللي وسم خـد المراجـل مثـل وسـم الحايلـه
ياسيدي سلطان لـو امدحـك قـدر المستطـاع
والله مايوفـي جنـابـك شـعـري ومثايـلـه
لو ان شاعرك اليا غنى القاف في عال الرفـاع
قصيدتـه تاخـذ وسـام الزيـن مثـل النايلـه[/POEM]



ملاحظه : النايله احد ابرز ابل فنجال الشيباني


( الولا والمحبه )





[POEM="type=1 font="bold medium Tahoma, Verdana, Arial, Helvetica, sans-serif""]يا ذا الجلال اللي لوجهك يخضعون الراكعيـن=تعزعبـدالله وترجـع للبـلـد وال عـهـده
حكام دار الدعـوة ودار النبـي والمسجديـن=اللي من أصقاع الدول تهوي اليهـا الأفئـده
من عظمها حتى العلم لونه مع الناس اجمعين=كنّه وسم فخـر ٍ مـن الله جاعلـه فـالأورده
ياسيـدي سلطـان بغيابـك ترانـا متعبيـن=اصدورنا من لفح نيران الفراق ألهـا وقـده
يامن عليك شرود هاجوسي مخالجها الحنيـن=ماتستريـع ألا علـى طـاري سمـوك لاوده
وانت المدايح في جنابك ريح مسك وياسميـن=مرصعـات ٍ بــالآل وبالنـجـوم مقـلـده
من كثر ماتزهى المـدح بمعلقـات المادحيـن=شوي ويصير المدح في فعل غيـرك منقـده
انت الصباح اللي مايحجب وين ماترحل تبيـن=ماترتفع شمسـك ياكـود بمجـد ولامحمـده
وانت الدجى اللي بين قبضاته عداك محاصرين=مال المعادي منك ملجـأ ويـن ماكـان بلـده
وحدك تكبر بالفخر والنـاس تكبـر بالسنيـن=وحدك تعطي من رها والناس تعطـي مجهـده
عن البخل بعدك مهوب من الثرى للفرقديـن=بعدك من آدم طولـه ليـوم القيامـه ووعـده
لون نور الشمس مركز مصدره يدك اليميـن=ظني بيقضي ماقضـى جـود ٍ بكفـك تنفـده
المزن ترجيه الصحاري بس من حين ٍ لحيـن=وانته ماياقف جودك بوبلـه وبرقـه ورعـده
لرعاية الايتـام وإيغاثـة بيـوت العاجزيـن=صدرك مخازن خير ويدينك جسـور مشيّـده
وانا على سلامتـك قبـل ماهـن المسلميـن=على مدايحك بقصيـدي اشكـر الله واحمـده[/POEM]

( معلقة الشعر الثامنه )





[POEM="type=1 font="bold medium Tahoma, Verdana, Arial, Helvetica, sans-serif""]تجلـت عظامـة قـدرة الواهـب الـدوام=الـه تسـاوى بعزتـه فـوق كرسـيـه
بعد مانشى بامره سحـاب ٍ مـن الالهـام=يغطـي مسـاحـات الخـيـال الفلكـيـه
ثقيـل ٍ مقاديمـه لهـا بالآفـاق ركــام=تـقـول ٍ ربـانـه جـبـال ٍ جليـديـه
دوي الرعـد باطرافـه يصحـي النـيّـام=ولـو زاد صـدّع بالمبـان الزجاجـيـه
ولمعـة بروقـه نورهـا يجلـي الاظـلام=لالاحت بـروق المجـد باغلـب نواحيـه
بعـض خطهـا مثـل التواقيـع بالاقـلام=تشـوق المخيّـل لاحتـمـة باشتعالـيـه
من الغرب حدّر لين وجـه بشكـل ٍ عـام=تنـاحـا مقاديـمـه وتـزمـي توالـيـه
يسوقه هبوب ٍ هـادي ٍ مشيهـا وانسـام=تلملـم شتـاتـه وتـحـداه بشمولـيـه
هبوب ٍلوان الرجـل يرقـب بضلـع ٍ زام=يحـرك هواهـا شماغـه شويـه شويـه
بعد ماوصل دار ٍ عربهـا ضمـي وحيـام=ركد عنه مـد الريـح وارخـى عواليـه
تهاما على ارض ٍ وجهها بالضمى منضام=بوبـل ٍ يحـد الشـوف كثـرة تهامـيـه
وقامت بدون سدود تجـري مـع الآنـام=فرايـد خيـال ٍ ماسبـح بالفضـا زيــه
خيال ٍ فلك لاقيس حجمـه مـع الاحجـام=ماخذ منه حجم الافـق عشريـن بالميـه
مع رحابه يصير السما بحجمـه المتـرام=مثل حجم الارض مع الرحـاب السماويـه
تعبره بيوت الشعر مثـل الضيـا فالجـام=ليا سـار موكـب ركبهـا مـن محانيـه
بيوت ٍ مرصعت ٍ بعـاج وذهـب ورخـام=وزنهـا يعـادل وزن الارض الكـرويـه
تعرض المشاعر مثـل ماتعـرض الافـلام=على هامش احـدث الظـروف الحياتيـه
ماغرتنـي بعظمـة منازلهـن الاوهــام=ولاسمـع هـروج الساذجيـن الاقلـيـه
مدام النفوس احيـان ماتصـدق الاحكـام=علـى ماتـوده تنـجـرف لاشعـوريـه
لكـن الحقيقـه وجههـا ماعليـه اقتـام=تجلى على ارض الواقع بشمسهـا الحيـه
غمـوض الليالـي معـول ٍ للامـل هـدام=ولكـن ثقتنـا راسيـه مـثـل ماهـيـه
نعرف ان رحلات السفن في بحرها الطـام=تواجـه صعوبـه قبـل ترسـي موانيـه
هذا الياس يحدى الركب من ماضي الاعوام=ولاطـال هامـات الطمـوحـات مولـيـه
اخذ من مدانـا اللـي ماينقـاس بالارقـام=كثر مالغصن ياخذ من الشمـس لـه فيّـه
لكن الفياض اللـي لهـا نتعـب الاقـدام=ويهمى السحاب برحبهـا كـل عصريـه
مصير الزمـان بجوهـا ينحـي الاجـرام=وتبقـى الكواكـب فالرحـاب الفضائـيـه
وانا عن دروب الظـن والشـك والايهـام=جنح بي على فيـض الصـدور الربيعيـه
قصيـد ٍ سـواة الدهـر وبيوتـه الايـام=تـوارد هواجيـسـه وتتـبـع معانـيـه
ادلـع بـه الترفـات واطربّـه الحـكـام=وتعتق به ارقـاب ٍ مـن السيـف مدنيـه[/POEM]


( العنود )





[POEM="type=1 font="bold medium Tahoma, Verdana, Arial, Helvetica, sans-serif""]لبيه ياطلة عنود ٍ تخلـف العقـل الرزيـن=يوم اقبلت تنثر ورود الحسن محـد ٍ قدهـا
عليها من لبس الترف نعومه ورقـه وليـن=لاصار حتى العقـد يجهـد حيلهـا ويهدهـا
شاهدتها بين الغلا والورد والعطـر الثميـن=حتى عبرنـا بالغـلا آفـاق ٍ بعيـد حدهـا
ولا خذاني من مداري فـي مـدار الفرقيـن=الا مضاليـل ٍ معلـق ناضـري مسـودهـا
لاجيت اصد عيوني أعن عيونها النعاستيـن=قعدة اصد بوجهي وعينـي عليهـا اصدهـا
رقيقة ٍ ماينجرح فيهـا شعـور المستحيـن=الا ليا ناظرتهـا تبـش الدمـا فـي خدهـا
صورة نعيـم اوصافهـا سحـر ٍ الناظريـن=ابدعبها اللي رافع ٍ فالنـاس حـظ مودهـا
بدر ٍ تجلى به يشع مـن العواتـق للجبيـن=يعكس شعاع الشمس لو الشمس ماهي ضدها
ومجدل ٍ قام يتناثر من يسـار ومـن يميـن=لاغطى غرتهـا استمالـت وفهقتـه بيدهـا
فيها من الظبي التفاتة خوف ومن الحر عين=ومن الذلـول اهيامهـا والخيزرانـه قدهـا
وضاهر ايديها فالكموم اتقول ضاهر قطنتين=الياقصرة عنهـا الكمـوم اتشدهـا وتمدهـا
تحاكت وسر الغلا في حكيهـا عيـا يبيـن=ووقفت لي لحظات ماعرف مزحها من جدها
لاناظرتني شفت في نظراتها شوق وحنيـن=وانسولفت قامت تمنّـع كـن ماهـو ودهـا
ماتعطي الاحرف مداها غير من حين ٍ لحين=كن الحروف اللي تساقط من شفاهـا تعدهـا
وامسيت بين ايدينها طليق ٍ بحالـة سجيـن=ارسـل مراسيـل الغـلا لعماقهـا وتردهـا
ماضمه الحرير من حشمه وتركيبـه وزيـن=امثقلـه هيبـة جلالتهـا وشيخـة جـدهـا[/POEM]


( الثلج )



[POEM="type=1 font="bold medium Tahoma, Verdana, Arial, Helvetica, sans-serif""]ياصاحبي تـاج الحسـن واللباقـه=مع فارع ٍ تدلج بعقل الرجل دلـج
فيها من اهل الشام حسن ورشاقه=حسن ً صباحه في دجى شعرها يلج
خذتني بسحـر النظـر والاناقـه=لين أفلجت صدري بنظراتها فلـج
عيونهـا خـدره وفيهـا زراقـه=كنهن زجاجات ٍ محيطمبهـا ثلـج
ألها على حصون القلوب اختراقـه=مثل الليازر تبلج حصونهـا بلـج
لين القلوب يصير فيهـا انحراقـه=وتبات ليل الحزن بجروحها خلـج[/POEM]


( الخصر )

[POEM="type=1 font="bold medium Tahoma, Verdana, Arial, Helvetica, sans-serif""]ياهل البلاد اللي تحصر الرغد حصر=رغـد بلدكـم مايعـادل رغـدهـا
مزيونة ٍ لقيتهـا صدفـه العصـر=تمشي بريضـان المفاتـن وحدهـا
ميّاسة ٍ لاطـول فيهـا ولا قصـر=تسحـر بممشاهـا ورزة جسدهـا
ظني لو تقيس الاساور على الخصر=مشت سوى من ردفهـا لانهدهـا
تميل ميل الورد على نهـر مصـر=وتفوح فوح المسك من بطن يدهـا
ماقول في صدري بنت للهوى قصر=اقول صـدري صـار كلـه بلدهـا[/POEM]



قصيده فالرسول صلى الله عليه وسلم

[POEM="type=1 font="bold medium Tahoma, Verdana, Arial, Helvetica, sans-serif""]الشعر ثروة هاجس ٍ تتعب سوابيح الفكـر=مثل الجواهر تحت غبات البحـور العاكـره
اليا دوت غر المعانـي فالخيـال المبْتكـر=يبقى صداها فالمسامع وتحفظهـا الذاكـره
والفخر مدحك للرسول وتاج فخرك لانذكـر=اليا صعـد منابـره ولا احشـدة عساكـره
والشاعر بمدح النبي لو يحكروصوفه حكـر=مثل العمى اللي ياصف الشمس بوحا مفاكره
يشهر خيالي في سما مجده ويرجع للوكـر=يبي كواكب طيبه ويرجع بيئـس لـماكـره
بعيوننا مثل النظـر نقرابـه آيـات الذكـر=وبصدورنا مثل الدم يغذ القلـوب الذاكـره
شموخ مجده مايهزه نظرة اصحاب المكـر=نبينا يكرم عـن ارذال الشعـوب الماكـره
نور الهـدي بعقولنـا مايحجـب ولاينكـر=لو النهار تغيب شمسـه والظـلام ايباكـره
متجلي ٍ بين الصحابه لاحتمى الجو وعكـر=مثل الجدي حوله انجوم ً للرجـم متجاكـره
اشدهم علـي وعثمـان وعمـر وابوبكـر=اللي شموخ امجادهم مافيـه فكـر ٍ حاكـره
شعري تزكى بمدحته والحمـد لله والشكـر=اللي مايشكر ربه بيمـوت محـد ٍ شاكـره[/POEM]


( عتيبه )





[POEM="type=1 font="bold medium Tahoma, Verdana, Arial, Helvetica, sans-serif""]يالشعر تكفى لانخاك الفكـر نخـوة معتصـم=عطني بنـادرة البيـوت اجزالهـا واسمانهـا
شوارد ٍمافوقهـا الا شاهـد النثـري وسـم=اللي حداهـا ليـن طاعتلـه وشـد ارسانهـا
قصيـدة ٍمثـل الخـرز بالفكرناظمهـا نظـم=حتى العتيبـي كـل ماغنـى يجـر الحانهـا
الله يجملنـي مـع عتيبـه بعيديـن الهـمـم=مدام راسي حـي بيـن اشيوخهـا واعيانهـا
الملتقى عنـدي مهـم لكـن شوفتهـم اهـم=ساعة عتيبـه خيمتبـه واعرضـة ذيدانهـا
فـي موقـع ٍ زوارتـه تقـول زوار الحـرم=مافيه ديـره غيرجايـن وفـد مـن سكانهـا
كن الجيوب سجود مسجد عيد الاضحى لازدحم=قدام بيبان المضايـف مـن كثـر ضيفانهـا
الحيل تذبح والدلال تصـب والضـو يشتعـم=وكلمة هلا ينطحبها الضيفـان مـع بيبانهـا
والعود الازرق كنه الضباب فـي كـل مخيـم=مطايبه دوب العيـون تشـوف مـن دخانهـا
هـذي عوايـد للعتيبـي لاخــلا ولاعــدم=من غير قاصـر بالقبايـل وبفعـل شجعانهـا
حنا هل البـل والمراجـل والفعايـل والشيـم=وانى الفخر بخيار ذيـدان العـرب وازيانهـا
وشلون مانفخـر وحنـا بالزمـان المنصـرم=نغزي وناخذها بحد السيـف مـن مرحانهـا
نفخر بوضح ٍتدحـم الاخصـام بـالاول دحـم=كم هجمة ٍ عجزة على الاول تصف اوزانهـا
غزايز ٍ من كثر مايردم عليهـا مـن الشحـم=كن اقبب المساجـد اتثنـى علـى حجبانهـا
ونفخر بصفر ٍ ماطمع فيهـا شـواوي الغنـم=من غليها نص العـرب مايقـدرون اثمانهـا
عرب ٍ تقول ارقابهنّ سيوف ٍ تقـص العظـم=لاخضبتهـا ايمـان قـوم ٍ ماتـذل ايمانـهـا
ونقوة مجاهيم ٍ تقـول اجنـاح ليـل ٍ مدلهـم=عن دربها تعزل الضيـا باشكالهـا والوانهـا
وشعل ٍ تقول اهضاب نجد اللي علاويها دهـم=اليا سطعت شمس العصر بضهورها وامتانهـا
هذي مراجل ربعـي الهيـلا قوييـن العـزم=قبيلـة ٍ وسـط الجزيـره راجـح ٍ ميزانهـا
امجادنا فـوق الكواكـب مالهـا حـد وحجـم=حتى الكواكب تصغر الهـا ويتقلـص شانهـا
الطيب كان انه جبل حنا علـى القمـه علـم=هاماتنا من فوق هامـات السحـب تيجانهـا
كم من فقير ٍ من عطانا جـاد بالمـال وكـرم=وكم من نفوس ٍ من غضبنا كفنـت بكفانهـا
مرسين في نجد العذيه جعل يسقيهـا الوسـم=دار ٍ تنفسنا غلاهـا مـن شـذى ريضانهـا
ويوم الاوامر صدرة بالرقم من قصـر الحكـم=تقديـر ٍ الوقفـة عتيبـه ولوفـا جدانـهـا
قمنـا بتحطيـم الرقـوم الكايـده رقـم رقـم=بعزوم قـوم ٍ ياصـل السبّـع سنـا نيرانهـا
والله يحفظ المملكـه ويديـم بالامـن النعـم=تحـت قيـادة حاكـم ٍ دار البـلاد وصانهـا[/POEM]



( الحياه )




[POEM="type=1 font="bold medium Tahoma, Verdana, Arial, Helvetica, sans-serif""]يالله ياللي قدرتـك فـوق إحتمـالات العقـل=عجزت تخيّلهـا العقـول إخفافهـا وإثقالهـا
ولا وصل علمـك جبـروت التقـدّم فالـدول=اللي ماتكبحهـا الظغـوط ولاتهـزّ إرجالهـا
أسماك من عظمك إثقال ٍ حملها ماهو سهـل=لـولاك كـان نفوسنـا تنهـار ماتشتالـهـا
ياذا الجناب اللي به إنظاف الضماير تستظـل=من حرّ زفرات الجحيم اللـي تجـرّ أغلالهـا
تعلم بما تخف ِ الصدور اللي بملهـا تشتغـل=وأنته على عرشك تعرف أسرارها وأعمالهـا
يارب زوّدنا الصبر لا زاد بالنفـس الزعـل=حتـى الليالـي ماتهـدّ أحلامنـا بأهوالـهـا
الوقت قام يسوقنا على العسر سـوق الجمـل=لين الديار اللـي نبيهـا بيّـن إضمحلالهـا
وأهل العزوم اللي تفوق إعزومها كوكب زحل=تموت غبن إليا حداهـا الوقـت دون آمالهـا
ولاّ القلوب اللاهيـه يلعبّهـا طيـش الجهـل=ماهمّها عـز النفـوس المكرمـه وإذلالهـا
الناس حسب إعقولها تعمل وتِجهـد فالعمـل=ويّبيـن وجـه التجربـه بأفعالهـا وأقوالهـا
لو كان تلبس من ثياب الطهر زاهيـة الحلـل=قلبي يعـرف إطبوعهـا بإقفايهـا وإقبالهـا
الكذب فاللي ما أسلمت بآخر ديانات الرسـل=والصدق فاللي يمّ بيـت الله تشـد إرحالهـا
والطيب تسعى لـه إرجـال ٍ لاتكـلّ ولاتمـل=وأهل الحظوظ إبلا جهود إحظوظها تسعى لها
والكبر يطغى فالنفوس اللي معايشها الفشـل=ولاّ التواضع في نفـوس ٍ عالـي ٍ منزالهـا
والعشق ليل ٍ يسهره من يرتجي فجر الوصل=إليا غفت عنه العيون اللـي مايِحمـد فالهـا
وإن عاش حلم المرتجي مابين ياس وبين أمل=تفنيـه دورات الزمـن بأيامهـا وإليالـهـا
الوقت يجري بالظـروف القاسيـات وينتقـل=والأرض قامت تختلف مع إختـلاف أجيالهـا
وجه الكرم ماعاد له حق ٍ على وجـه البخـل=ولايهزّه قـدر شرهـات اللحـى وإسبالهـا
وتبدلت بيض المعـام النـزّه بسـود العقـل=الـي تـورد للعـرب بحجامهـا واشكالهـا
حتى الحجاج المسفهل معقود ماهو مسفهـل=أمسى من الدنيا يحسب إقصارهـا وإطوالهـا
العمر مـرّه كـل مايـزداد يقـرب للأجلـل=و الهقاوي يتعبـون أهـل العـزوم إجمالهـا
يالله عسى وجه السنين المقبله وجه ٍ خجـل=مايخطي بحـق الآمـال ولايقـص إحبالهـا
وإن خان قلنا ( قـدّر الله وماشـاء فعـل )=هذي حظـوظ ٍ للبشـر بأعمالهـا وأحوالهـا[/POEM]

هذا ما أستطعنا جمعه من نقطة في بحر الشاعر : مشاري النثري

أتمنى أن يحوز العمل على رضاكم

منقول لذائقتي الشعريه وذائقتكم ...



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 04-06-2010, 02:14 AM   رقم المشاركة : 2
معلومات العضو
. Dell .
عضو ذهبي
 
الصورة الرمزية . Dell .
 
 

إحصائية العضو








افتراضي

يعطيك العافيه ابو نافع اليافع على الديوان ومشاري من الشعراء الذين برزوا بشاعر المليون ولم يحالفه الحظ وشهادتي فيه مجروحه اتمنى لمشاري النثري التوفيق ...



















التوقيع

" ليًسِ بُآلضَرٍوٍرٍهُ كل مٍآ اكََُتَبه ..
يًعُگسِ حِيًآتِيً آلشُخٍصِيًهُ ... "
رد مع اقتباس
قديم 04-06-2010, 10:31 AM   رقم المشاركة : 3
معلومات العضو
غرااام الليل
عضو خبير
 
الصورة الرمزية غرااام الليل
 
 

إحصائية العضو








افتراضي


يعطيك ألف عافيه يا أبو نافع على هذا الطرح المتميز
إختيارات رائعه وقصائد جميله
والشاعر مشاري النثري غني عن التعريف
/
تحياتي لك
...


















التوقيع

:
:
:
{..قُلْت مَابْي ..وَكَفَى
..
رد مع اقتباس
قديم 04-06-2010, 10:45 AM   رقم المشاركة : 4
معلومات العضو
فهد ابن أبيه
عضو ذهبي
 
الصورة الرمزية فهد ابن أبيه
 
 

إحصائية العضو








افتراضي

ياليت الشعر والكلام الموزون
يرجع لنا اللي راح
ياليته يرجع الأقصى
او بغداد أو دول اسلاميه حل بها الخراب ولكن هيهات هيهات لا تعود بكلام موزون ومرصوف

وألا الشعراء اصبحوا أعدادهم بالملايين تدخل مجلس فيه 10 رجال تجد 9 شعراء
ولكن كغثاء السيل

لا اقصد احد بعينه

ولكن هذا ما جادت بها ايامنا

ومشكور ابو نافع

رد مع اقتباس
قديم 04-06-2010, 02:14 PM   رقم المشاركة : 5
معلومات العضو
الرجل الحديد
عضو ذهبي
 
الصورة الرمزية الرجل الحديد
 
 

إحصائية العضو








افتراضي

ماشاء الله تبارك الله


صح لسانك ولسان الشاعر

مشاري النثري علم على رأسه نار وغني عن التعريف


ابو نافع شكرا لك اتعبت من بعدك في فعلك هذا فقليل في زمننا الوفاء للصديق ومن صور الوفاء ابراز ماتميز به هذا الصديق
ومن ضمنها ماكتبت


شكرا.


















التوقيع



إنني لم أعكر صفو حياتهم أبدا ,, إنني فقط أخبرهم بالحقيقة .. فيرونها جحيما .. !
رد مع اقتباس
قديم 05-06-2010, 10:09 PM   رقم المشاركة : 6
معلومات العضو
 

إحصائية العضو








افتراضي


المشاركة الأصلية كتبت بواسطة deel

يعطيك العافيه ابو نافع اليافع على الديوان ومشاري من الشعراء الذين برزوا بشاعر المليون ولم يحالفه الحظ وشهادتي فيه مجروحه اتمنى لمشاري النثري التوفيق ...

الله يجزاك خير والشاعر النثري ظهر بمشاركة شاعر العرب ومشى للمراكز المتقدمه لكن الحظ ماحالفه


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 05-06-2010, 10:11 PM   رقم المشاركة : 7
معلومات العضو
 

إحصائية العضو








افتراضي


المشاركة الأصلية كتبت بواسطة غرااام الليل


يعطيك ألف عافيه يا أبو نافع على هذا الطرح المتميز
إختيارات رائعه وقصائد جميله
والشاعر مشاري النثري غني عن التعريف
/
تحياتي لك
...


مشكوره على المرور ياختي وجزاكي الله خيرا


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 05-06-2010, 10:15 PM   رقم المشاركة : 8
معلومات العضو
 

إحصائية العضو








افتراضي


المشاركة الأصلية كتبت بواسطة فهد ابن أبيه

ياليت الشعر والكلام الموزون
يرجع لنا اللي راح
ياليته يرجع الأقصى
او بغداد أو دول اسلاميه حل بها الخراب ولكن هيهات هيهات لا تعود بكلام موزون ومرصوف

وألا الشعراء اصبحوا أعدادهم بالملايين تدخل مجلس فيه 10 رجال تجد 9 شعراء
ولكن كغثاء السيل

لا اقصد احد بعينه

ولكن هذا ما جادت بها ايامنا

ومشكور ابو نافع
مشكور على المرور ولكل مقاما مقال ياخوي وكل أناء بما فيه ينضح اذا اتت قصايد الشاعر بالاسلام فهذا يدل على اهتمامي بالاسلام وسمو خلقه

شكرا على مرورك ياخوي


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 05-06-2010, 10:18 PM   رقم المشاركة : 9
معلومات العضو
 

إحصائية العضو








افتراضي


المشاركة الأصلية كتبت بواسطة الرجل الحديد

ماشاء الله تبارك الله


صح لسانك ولسان الشاعر

مشاري النثري علم على رأسه نار وغني عن التعريف


ابو نافع شكرا لك اتعبت من بعدك في فعلك هذا فقليل في زمننا الوفاء للصديق ومن صور الوفاء ابراز ماتميز به هذا الصديق
ومن ضمنها ماكتبت


شكرا.
مشكور على المرور المشرف والذي افرحني وصح بدنك وشكرا على اطرائك

شكرا مرة اخرى


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 05-06-2010, 10:20 PM   رقم المشاركة : 10
معلومات العضو
 

إحصائية العضو








افتراضي اكمالا للديوان الشعري للشاعر مشاري النثري .....

مرثية الشاعر : مشاري النثري في أخيه مشعل بن رفاعي النثري " رحمه الله "

المتوفى الاربعاء 8/5/1431اثر حادث في مدينة ابوجلال


[poem="type=1 font="bold medium tahoma, verdana, arial, helvetica, sans-serif""]لاواعناي من السهوم العطيبات=اللي ماتاسعها الضلوع المحاني
ياليتني ميّت ومن ضمن الاموات=ولا انفجعت بواحد ٍ من اخواني
اللي خذته ايام بقعا المريرات=واقفى وخلانا بفقده نعاني
واللي معلمني به ابوي بالذات=يوم اتصلبي فالرياض ودهاني
يقول مشعل صار له حادث ومات=ووقفت من هول المصيبه ثواني
ماسمع ياكود اصبر وبعض التنهات=وثره يقصّر بنهتانه عشاني
وانهل دمع العين غارات غارات=حاولت ارده بالرموش وعصاني
تشوف لآثاره رسوم وعلامات=الخد فيه رسوم والوجه حاني
نعم .. من الفرقا وكثر المعانات=بكيت حتى من عرفني بكاني
ماهو جزع باقدار رب السموات=لكن في نفسي بقايا أماني
اما وداعه قبل موته بلحظات=ولا قبل ياخذه .. موته خذاني
قرم ٍ حماسه لكتساب الجمالات=اعز من تحقيقها بالمعاني
الله فيه من الوفا والمروات=والله فيه من العطا والتفاني
يعرف وش ابغى قبل اقوله بنظرات=واطوع على تنفيذته من بناني
لو فيه مخلوق ٍ خدم بالصلوات=ان كان حتى في صلاتي كفاني
عساه بالجنه رفيع الدرجات=وانّه يعين بما بقى من زماني
موته بطش بالخافق وحطّم الذات=وتهبيطته وسط القبر موت ثاني[/poem]


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 01:40 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8