عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

إضافة رد
 
LinkBack أدوات الموضوع طريقة العرض
قديم(ـة) 04-06-2010, 03:00 PM   #1
عضو نشط
 
تاريخ التسجيل: Oct 2009
المشاركات: 93
قوة التقييم: 0
اصول is on a distinguished road
مقالب الليلة الأولى من الزواج



الموقف الأول : بوكيه ورد

هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسوون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
ألف ألف مبروك الزواج .. وأتمنى لك التوفيق في حياتك الجديدة
..أموله..

انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!

يعني خربوا عليه أول ليلة في حياتهم .. بسبب هالتصرف !!!!!

الموقف الثاني : خمسين ألف ريال

هذا الله يسلمكم واحد تزوج وكانت اموره كل شي زي اللوز ، وكل شي عدا على خير
أخذ زوجته وراحوا لبيتهم الجديد ... وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نبارك لك بالقصر .. لأن حنا جايين من الديرة .. وضيعنا الطريق شوي .. ويوم وصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
يا ابن الحلال ... عدل بدل ،، الرجاااال مصرّ الا يجون
البنت طبعا طااايرتن عيونها !! وش اللي تعالوا تعشوا عندي ..!! وش هالزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
البنت تطبخ وتصيح وتقول في نفسها .. بكره أنا في بيت أهلي .. وش هالعييييييشة
يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي
قالت وش ذولي ؟؟ قال هدية لك .. بمناسبة هالموقف اللي صار اليوم !! قالت شلون وش السالفة ؟؟

قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي

البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذت الدراهم .. بس وش الفايدة لا خربوا أول ليلة في حياتك الجديدة !!


الموقف الثالث : بخاري

هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب
الرجال قال أبد ياشباب ماتقصرون ويكفي شعوركم .. ومن هالكلام
واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه
بعد ماجلسوا فترة بالفندق .. رنّ الجرس وفتح العريس الباب وأثره خويه
والمصيبة إنه جايب له العشاء كيسة رز بخاري وبصل وجرجير
ويمدها له وهو ميت ضحك
وش موقف الزوج ؟؟؟؟؟؟؟؟؟؟ أترك لكم التعليق



الموقف الرابع : النور

هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور
يااااوك وش السالفة .. طلع الزوج وفتح الطبلون حق الكهرب واشتغل النور
رجع مرة ثانية .. وطفى النور .. وراح مرة ثانية وشغله
ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب ؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال



الموقف الخامس : مقلب عكسي

هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه
قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة
طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم ... وكتب فيها ان الزواج بيكون في البيت
الشباب اخذوا البطاقات .. وشكلهم كانوا ناوين يسوون فيه مقلب يوم زواجه
طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون
يوم صار من بكره .. اللي هو موعد الزواج الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب
دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!
ويروح واحد يسأل اخو العريس .. وين فلان ؟؟
قال .. سافر
قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟
قال .. زواجه امس ... وسافر اليوم الصبح هو وزوجته

وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحييكم
__________________
رَبِّ ابْنِ لِي عِنْدَكَ بَيْتًا فِي الْجَنَّةِ
اصول غير متصل   الرد باقتباس

 
قديم(ـة) 04-06-2010, 04:04 PM   #2
عضو مبدع
 
صورة n.S.G الرمزية
 
تاريخ التسجيل: Dec 2009
البلد: قــلــب الــيـآبــآأن ...
المشاركات: 1,277
قوة التقييم: 0
n.S.G is on a distinguished road
هههههههههههههههــآي

اذا ماتهنى ـآ بـأول يوم من زواجــه اجل متى بيتهنى ــآ خخ

يعطيك الع ــآفيه
n.S.G غير متصل   الرد باقتباس
قديم(ـة) 04-06-2010, 04:15 PM   #3
 
تاريخ التسجيل: Mar 2003
البلد: السعودية
المشاركات: 1,005
قوة التقييم: 0
تحت المجهر is on a distinguished road
في التسجيلات الإسلامية شريط اسمه ( مقالب)

للشيخ عبدالسلام العييري

جدير بالسماع



.
__________________
ما كان لله يبقى .... وما كان لما سواه يزول
تحت المجهر غير متصل   الرد باقتباس
قديم(ـة) 04-06-2010, 05:05 PM   #4
عضو متواجد
 
تاريخ التسجيل: Jan 2010
البلد: الرياض
المشاركات: 49
قوة التقييم: 0
بنت بوها is on a distinguished road
هههههههههههههه
بنت بوها غير متصل   الرد باقتباس
قديم(ـة) 04-06-2010, 05:16 PM   #5
عضو مبدع
 
صورة توفي الرمزية
 
تاريخ التسجيل: Jan 2009
البلد: رساويه مغتربه
المشاركات: 1,205
قوة التقييم: 0
توفي will become famous soon enough
حلوووه الله يوسع صدرك ياشينه لاصار الواحد على قولتك طاقته ام الركب وعلى اعصابه تجيه مثل هالمقالب
بس تبقى لها ذكرياتها
مشكور على هالموضوع الشيق
__________________
حسبي الله سيؤتينا الله من فضله أنا الى الله راغبونCOLOR="Indigo"][/COLOR]
توفي غير متصل   الرد باقتباس
قديم(ـة) 04-06-2010, 05:43 PM   #6
عضو بارز
 
صورة حــاااتم الرمزية
 
تاريخ التسجيل: Jun 2007
البلد: العـالم الثـالث ..
المشاركات: 566
قوة التقييم: 0
حــاااتم is on a distinguished road
اصول يعطـيك العـافـية ...
مـوقف بالحـقيقة صعـب ...
يبـي لها التفصـيل الممـل والاسـاليب المقنـعه ..
تحـياتـي ...
حــاااتم غير متصل   الرد باقتباس
قديم(ـة) 04-06-2010, 06:00 PM   #7
عضو متألق
 
صورة النجم الساطع الرمزية
 
تاريخ التسجيل: Jul 2008
البلد: ..من بين النجوم..
المشاركات: 993
قوة التقييم: 0
النجم الساطع is on a distinguished road
ههههههههههههههههههههههههههه

يعطيك العافيه

تقبل/ي مروري

تــــــــــ ح ياتي
__________________
النجم الساطع غير متصل   الرد باقتباس
قديم(ـة) 04-06-2010, 07:07 PM   #8
عضو مبدع
 
صورة عبدالرحمن بن مساعد الرمزية
 
تاريخ التسجيل: Oct 2009
البلد: يآرَب أُرزُقْنِي (حُسْنْ الخَاتِمَةُ)
المشاركات: 1,846
قوة التقييم: 0
عبدالرحمن بن مساعد is on a distinguished road
ههههههههههههههههههههههآآآآآآآآآآآآآآآي

روووووووووووووووووووووعه


زواج أخوي قريب وآنتظرو الموقف له
عبدالرحمن بن مساعد غير متصل   الرد باقتباس
قديم(ـة) 05-06-2010, 12:40 AM   #9
عضو نشط
 
تاريخ التسجيل: Oct 2009
المشاركات: 93
قوة التقييم: 0
اصول is on a distinguished road
شكرا لمروركم
__________________
رَبِّ ابْنِ لِي عِنْدَكَ بَيْتًا فِي الْجَنَّةِ
اصول غير متصل   الرد باقتباس
قديم(ـة) 05-06-2010, 12:09 PM   #10
عضو اسطوري
 
صورة ابو صالح الرس الرمزية
 
تاريخ التسجيل: Aug 2007
البلد: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,533
قوة التقييم: 41
ابو صالح الرس has a spectacular aura aboutابو صالح الرس has a spectacular aura about
ههههههههههههههه
حلوه
عــــوافي

تحت المجهر يعطيك العافية
__________________
وما انا سوى عابر
سأمضي يوما تاركـ خلفي احلاماً ،اوجاعاً،ذكرياتـ ، وطيف يجول في طرقات قلوب احبــابــي ...
توتر m_s_aldhalaan
ابو صالح الرس غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 01:37 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19