عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 07-06-2010, 08:13 AM   #1
عضو مشارك
 
تاريخ التسجيل: Jun 2010
البلد: الرس
المشاركات: 27
قوة التقييم: 0
جرح الزمـن is on a distinguished road
إلحقوووووني زوجي الصهيوني مايبيني ألتزم

اليوم بحكيلكم حكاية وحده إسمها مستوره
بس قبل ما أبدأ أود التنويه أنني سأقتبس قليلا من أسلوب البنات في الردود


نرجع لمستوره
مستوره حرمه ضعيفه وتعليمها على قدها تزوجت وهي باقي ماعرفت شي في ذا الدنيا وصارت كل ماصار هواش بينها وبين زوجها ماغير تشاور كل من توجس إنها مثقفه وعندها خبره في الحياه
وكانت أختها حصه هي مثقفة العايله ماشاء الله عليها مخلصه ثالث ثنوي بتقدير جيد جداااااا
مستوره إسم على غير مسمى <<فاضحه نفسها ورجلها وناشره غسيلها في كل بيت

وهي طيبه وعلى نياتها ودايم في مشاكل مع رجلها عبيد لأنها بطيبتها الزايده ماتفهمه ولا تعرف وش يبي منها ،،وهو حاس إنها فاضيه وماغير تلاحقه بإتصالتها وخوفها عليه
جاب لها كل شي ممكن تنشغل فيه وتريحه منها
جاب دش ،،جرايد،،مجلات
ومافاد فيها شي
لا تلفزيون أشغلها عنه ،،ولا جرايد ومجلات فكته منها
ولا شغل البيت هدها
دايم قاعدتله ومطفشته
وسمع عبيد من شلته في الإستراحه إن حريمهم مترززات قدام النت طول اليوم وماعاد يعرفون شي عنهم وطبعا هم فالينها
هنا فكر عبيد وقرر ورجع البيت ومعاه الكمبيوتر
وياليته ماسوا كذا ،،لأنها وببساطه بدال ماتنشر غسيلهم عند جاراتها ومعارفها ،،إلحين بتنشر غسيلهم على الهواء مباشره في النت
على طووووول طلبت مستوره المساعده من مثقفة العايله حصه
وجات حصه جري تعلم أختها على الكمبيوتر والنت
وقالت شوفي ياوخيتي كل ماصار لك مشكله مع عبيد لا تقولين لأحد إكتبي سالفتك للبنات هنا وهم مابيقصرون معك كلهم خبره وحكمه<<إيه هين أجل حكمه ،،المفروض إذا دخلنا هنا ناخذ معنا قدور علشان نغرف من الحكمه
الموهييييم قعدت مستوره تفكر وتفكر وتعصر مخها وش المشكله إللي تحتاج تستشير البنات فيها

إيييييييه تذكرت
بكتبلهم عن مشكلتي مع عبيد يوم بغيت ألتزم وزعل ياجعله إللي ماني بقايله
آآآآآآآآآآآآآآآه بس من ظلم الرجاجيل
(وقصتها ياطويلين العمر
إنها قامت من النوم في ظهر الجمعه وزينت ذاك الفطور وصحت عبيد علشان يفطر قبل الصلاه ،،،،قام عبيد مستعجل وعلى طوووول على المسجد علشان ماتفوته الصلاه
فجلست مستوره هي وبنتها يفطرون ويتابعون خطبة الجمعه وهي تدعي على ذولا الرجاجيل إللي مايستاهلون
أجل تسويله فطور ومايجبر خاطرها وياخذ لقمه على الماشي
ااااااااااااه يالرجاجيل
وكان الخطيب يتكلم عن إنشغال الناس بالدنيا ومتاع الدنيا وينسون حق الله عليهم
وهنا تأوهت مستوره كعادتها
وقررت من غير سابق إنذار إنها بتلتزم
وقالت في نفسها خلاص لازم أفكر في أخرتي
وجلست تنتظر عبيد ،،ااه متى يجي وأعلمه
وأول ماجا قلتله شوف ياعبيد أنا ناويه ألتزم خلااااص
قالها عبيد :الله يوفقك ويثبتك
إلا وش طرا عليك تلتزمين في ذا الظهريه
قالت :والله مليت ياحظي من ذا العيشه إللي تقصر االعمر ،،أبي على الأقل أضمن أخرتي كفايه حياتي كلها عذاب
ولاّ لا دنيا ولا أخره
صاح فيها عبيد :وش تقولين إنتي
صدق كفارات عشير
أنا معيشك عيشه تقصر العمر
وش قصرت عليك فيه ،،مصروفك ويجيك كل شهر ،،يكفيك ويكفي أربع مثلك
نسيتي ،،نسيتي يوم إني مسفرك لماليزيا ولسوريا وماخليت بلد ماوديتك له ،،وتنكرين
بس الحق علي إني متزوج وحده جاحده مثلك ،،الظاهر مابتعرفين النعمه إللي إنتي فيها إلا إذا صكيتك بمره ثانيه علشان تتأدبين 000)

وهنا بدأت مستوره تشكي وتحكي للبنات وتفضح المستوررر

العنوااااااااااااان
إلحقوووووني ياحريم زوجي الصهيوني مايبيني ألتزم
وتبدأ مستوره تكتب وطبعا بمساعده المصححه اللغويه حصه


زوجي ياحريم معيشني في عذاب مايبيني ألتزم يبيني أعيش معه في ظلال وسفور 000زعل مني وهددني إنه بيعرس علي وماعاد يصرف علي ،،لما قلتله إني أبي ألتزم بديني ،،يقول إنه يبي وحده تسافر معه لدول السفور ومايبي وحده ملتزمه زيي لأنها مابتوسع صدره

ومع ذا العنوان إللي يقطع القلب
بدأت الردود تهل زي المطر

تفاحه:الله يهديه ويسخره لك

مستوره إن شا الله ياتفاحه

آه يادنيا القهر:
وش ذا الكلام إللي تقولينوه000شوفي هاذا صهيوني مايخاف الله وش تبين بوه
تطلقي 000فاهمه إنتي ولا لا 000من بكره تتطلقين فاااااااااهمه إنتي

مستوره :شفتي ياحصه إن ماحد يقدر يصبر على رجل مثل رجلي
شفتي البنت تصيح بعلو صوتها وتقول تطلقي ،،،إييييييييه هاذا ماينقعد معه

سيوف إيمانيه: شوفي ياأخت مستوره لكل جواد كبوه
زوجك غلط بس هذا زوجك ولازم تتحملينه بعلاته

حصه :هاااااااه وش ردوا عليك البنات
مستوره :والله الأخت سيوف تقول زوجك عله00 بس لازم تصبرين عليه وأبشري بالجنه

حصه :متأكده سيوف قالتلك كذا
مستوره :إيييييييييه هي قالتلي كذ أجل ما أعرف أقرا أنا

أم سطام:الله يهديه 00مالك إلا الدعاء والإستغفار

مستوره :إيه والله إنك صادقه
والله إني أدعي عليه كل ما أصبحت وأمسيت وأتعوذ بالله من شره
أستغفر الله بس ولاّ هذا رجال ينقعد معه

زوجة سعد:الله يعينك على ذا الرجال
إدعيله بالهدايه

مستوره : إيه دايم أدعيله إن ربي يهديه ولاّ ياخذه ويريحني منه

مهره على كف الأقدار :
إنتي لازم تجلسين معه ..وتفهمين وجهة نظره..وتفهمينه إن الإلتزام بالدين لا يمنع الشخص من التمتع بالحياه



حصه :هاه وش تقولك
مستوره :ماأدري ،،أحس الكلام صعب مافهمت

إييييييييييييييه فهمت تقول لازم أجلس معه دايم وأشوف وجهة نظره وين ،،،،لا يناظر في وحده غيري ياجعل عيونه ال****

وبدأت مستوره بتنفيذ النصايح الموجهه لها
وفي كل صلاه تدعي على زوجها وتدعي إنه مايشوف غيرها
وتتعوذ بالله منه في كل وقت
ودايم في السوق تنتبه لوجهة نظره 0000زي ماقالتلها
مهره على كف الأقدار
لكن مافادت النصايح
ورجعت تشكي من إهمال زوجها في موضوع ثاني وتقول إنه مهملها وهي ماهي مقصره معه في شي دايم تدعي ومواظبه على الإستعاذه والإستغفار وتنتبه لوجهة نظره وهو مايعطيها وجه ولا يداني الجلسه معها

وبدأت الردود تنهل عليها

الأميره سنووايت :حاولي تهتمين فيه وتدلعينه وتفهمين إيش منفره منك

موزريلا :شوفي ياإختي الزلمه بدوا إللي تطيرلوا طبنات عألوا ،،،حتى مايشوف غيرا

جزاك الله خير ياموزريلا
إيه والله إن الوحده لازم تطير عقل رجلها وتخرش قلبه علشان مايقدر يفكر في غيرها

آه يادنيا القهر:
يووووووووووووووه منتس ياحرمه 00مو إنتي إللي ماخذتن الصهيوني
أنا ماقلتلك تطلقي 000إنتي ماتفهمين إنتي

أم سوسو:اقول يامستوره مو إنتي إللي رجلك صهيوني <<مسكين إنشهر الصهيونيشوفي إمكن رجلك يخاف تلتزمين ثم تهملين حركات الدلع والليالي الحمرا والخضرا والرقص ،،أهم شي الرقص هالله هالله فيه
إرقصي لرجلك ترى الرقص مو حراام

مستوره:تدرين ياحصه يقولون الرقص مو حرام ولازم أرقص لرجلي ولاّ بيناظر غيري

وثاني يوم تحزمت مستوره وحطت نانسي في المسجل
(عاد ندري إن الأغاني حرام بس الضرورات تبيح المحظورات)
<<هاذي وجهة نظر مستوره أنا مالي دخل
المهم تحزمت المسكينه وقعدت هي وبنتها ينتظرون عبيد متى يجي
وإنتظروا وإنتظروا 0000وحست مستوره إنها تعبانه شوي ،،طول اليوم وهي تشتغل وتحظر لذي الليله الحمراء
فقالت تغمض عيونها شوي ووصت بنتها وقالت شوفي يا مايا

(لاتستغربون من الإسم ،،في الزمن ذا عبيد ومستوره يسمون مايا ،،،ومسفر وخضرا يسمون ليندا <<آآه يازمن العجايب)
نرجع لموضوعنا

وصت بنتها وقالت شوفي يامايا أول ماتسمعين صوت باب الشقه ينفتح،، تشغلين نانسي وتصحيني من النوم
دخلت مستوره في النوم وفجأه ،،،
صحيت مستوره مفجوعه على صوت نانسي ومايا تصيح فيها ،،
وصحت وهي تعبانه بس ماتبي تعبها في تجهيز الليله يروح بلوشي
وهي خلاص متحزمه جاهزه،،طردت بنتها من الغرفه
وبدأت تهز مع نانسي
عبيد شاف مستوره وهي تقوم من النوم مفجوعه وتطرد مايا ورفعت يدينها في السما وهاتيك يارقص
ويا طبطب يادلع 0000
وعاد الرقص شويه تعبيري وشويه عجينة الفلاحه وشويه معلايه<<ضعيفه مع النعاس والفجعه فصل الفيوز

إنصدم عبيد من المنظر وقعد واقف عند الباب ساكت وخايف ومو قادر يدخل ،،يقول في نفسه إمكن الحرمه دخل فيها شي لأنها مشغله المسجل ونايمه وما تحصنت
وبدأت مستوره تطبق إللي تشوفه في التلفزيون وترقص وهي تقرب من عبيد شويه شويه
وتطالع فيه بنظرات خطيره
<<يقالها بتسوي إغراء

إنخرش قلب عبيد ،،وبدأ يقرأ أية الكرسي والمعوذات
ويطالع في مستوره ويقول في نفسه لابالله هاذي ماهي نظرات مستوره
وقعد يقرا ويقرا ومستوره تقرب وتقرب
وبدأ يقرا بصوت عالي وجرا على المسجل وقفله وطبعا القرايه مستمره وهنا إنفجرت مستوره صياح وبكا
إنت مو عاجبك شي بغيت ألتزم ما عجبك قلبتلك رقاصه وما عجبك
تطمن عبيد إن إلي قدامه مستوره ومافيها إلا العافيه
وهي فكت الشال إللي كانت متحزمه فيه ،،ولمت شعرها وناااااااااااااااااامت

وقررت إنها ماعاد تسمع نصايح البنات لأن مو كل الرجال زي عبيد ولا كل الحريم زيها
كل وحده حياتها مختلفه عن الأخرى ومو كل إللي أقدر أطبقه في حياتي يقدرون الباقيات يطبقونه في حياتهم 00تظل لكل حياة خصوصيتها
ولابد عند قراءه مشكلة إحدى العضوات لابد أن نقرا مابين السطور ونفهم أنها تحكي المشكله من وجهة نظرها هي
فلازم مانظلم إللي تشتكي منهم سواء زوج أوحماه أو أو0000

آخر من قام بالتعديل غريب الدار; بتاريخ 07-06-2010 الساعة 05:49 PM.
جرح الزمـن غير متصل   الرد باقتباس

 
قديم(ـة) 08-06-2010, 12:28 AM   #2
عضو اسطوري
 
صورة ســــاري الرمزية
 
تاريخ التسجيل: Aug 2006
البلد: .. الكوكب المسكوون ..
المشاركات: 36,682
قوة التقييم: 0
ســــاري is a jewel in the roughســــاري is a jewel in the roughســــاري is a jewel in the rough
::


كل وحده حياتها مختلفه عن الأخرى ومو كل إللي أقدر أطبقه في حياتي يقدرون الباقيات يطبقونه في حياتهم 00تظل لكل حياة خصوصيتها
ولابد عند قراءه مشكلة إحدى العضوات لابد أن نقرا مابين السطور ونفهم أنها تحكي المشكله من وجهة نظرها هي
فلازم مانظلم إللي تشتكي منهم سواء زوج أوحماه أو أو


خلاصة جميلة و نصيحة في مكانهااا

اهلا بك كأول مشاركة لك في منتدانا .. الحـزن الأكيـد ..

محبكم / ســــــــاري ،،،،
..


::
__________________
ربّ اغفر لي و لوالدي و بُنيّتي و اعلي درجاتهم في علييين،،



ســــاري غير متصل   الرد باقتباس
قديم(ـة) 08-06-2010, 12:33 AM   #3
عضو مبدع
 
تاريخ التسجيل: Nov 2007
المشاركات: 1,928
قوة التقييم: 0
سواااااح is on a distinguished road
الموضوع طويل وانا فيني نوم

لنا لقاء اخر اذا حصلت فرصه للقراءه

تقبل تحياتي
سواااااح غير متصل   الرد باقتباس
قديم(ـة) 08-06-2010, 10:37 AM   #4
عضو مميز
 
تاريخ التسجيل: Apr 2010
المشاركات: 288
قوة التقييم: 0
غـــديــر is on a distinguished road
الاحول لا قوة الابالله العنوان يخوف
غـــديــر غير متصل   الرد باقتباس
قديم(ـة) 08-06-2010, 11:17 AM   #5
عضو مبدع
 
صورة ريانة العود الرمزية
 
تاريخ التسجيل: Jun 2010
البلد: الــــــــــــــــــــــــرس
المشاركات: 1,107
قوة التقييم: 0
ريانة العود is on a distinguished road
فعلا لابد ان كل زوجه وزوج يعيشون حياتهم حسب امكانياتهم وظروفهم وماحد يناظر للي حوله
بس بعض الرجال علللللللللللللللله
ريانة العود غير متصل   الرد باقتباس
قديم(ـة) 08-06-2010, 01:28 PM   #6
مشرف منتدى تاريخ الرس
 
صورة [إبن الحزم] الرمزية
 
تاريخ التسجيل: Feb 2008
المشاركات: 9,672
قوة التقييم: 19
[إبن الحزم] is on a distinguished road

المسكين اللي يتزوج خبله

مع أول مشاركة

لك تحيتي
__________________
[[إبـن الحــــزم]]

[إبن الحزم] غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 03:58 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19