عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 22-06-2010, 12:29 AM   #1
عضو مبدع
 
صورة AROMA الرمزية
 
تاريخ التسجيل: Aug 2008
البلد: AMERICA
المشاركات: 1,262
قوة التقييم: 0
AROMA will become famous soon enough
Unhappy همـُوِم الإختبآرآتْ |~

.
.


السلام عليكم ورحمة الله وبركاته ..




مسآء الخير عليكم جميعا ..,





شخباركم بنوتات كيف النفسيه بالاختبارات
وكيف الهم والغثا اللي معكم .؟



يووه تخيلوا بنات ان اختباراتي اكثر من شهر ..!
طبعا قصدي الميد تيرم مع الفاينل أكثر من شهر وكـ عادتنا قسم الانجليزي متصله الميد تيرم مع الفاينل ..
وهذا يتعب نفسيتنا كثير نصير ما مدانا مخلصين من الشهري إلا وجاينا الفاينل ..

بصراحه اشوف النقطه هذي من صالحنا عشان ماننسى معلومات الشهري ..
بس ولو والله لو تجربونه تهد الحيل ..
لاحد يجي ويقول كلنا اختبارات اوكي ياحلوات كلنا ندرس وكلنا نتعب وكلنا نهلك وننحف ونشيل هم
ووجيهنا تشين وتتغير وتسمر وتنحف بعد ..
لكن والله ياللي تدخل هالقسم ان تذوق الموت ..

بنات مواد الانجلش كثيره حيل تهد الحيل ..

تخيلوا كم ساعه بالاسبوع ..!
تخيلوا بس كم ساعه بالاسبوع عندنا ..؟؟؟

والله انه 28 ساعه ..
بنات وش هالنظام هذا اللي يشغل الطالبه 28 ساعه خلال خمس ايام ..؟
والله اجراااام


المهم انا دخلت موضع الجامعه بدور عدد الساعات مالقيت
لكن شوفوا المواد ..

12ماده ..!




انتم بتقولون انتي اللي دخلتي القسم واتحمليه اوكي انا دخلت قسم (( لغه انجليزيه ))
مادخلت لغة عربيه ..

شدخلن انا بالثقافه الصحيه شدخلن بالمناهج وطرق التدريس ووش دخلن بالحاسب العملي والنظري وبالقران والتجويد .؟

معليش يعني شوفوا الاقسام الثانيه مع المواد المشتركه حوالي 7مواد ان كثرن ..
ومعهم ماده وحده انجليزيه موب متفرعه لكم ماده مثل مواد العربي اللي عندنا ..!!!!!

اما نا يالانجلش 12 ماده يعني 13 محاضره خلال 5 ايام (( مع الحاسب العملي ))
هذا غير بعض المواد اللي لها 4 اختبارات مثل الريدنق وعلم الأصوات والكونفرزيشن ..!

والله يا ناس تعبنا .. شوفوا لنا حل قللو موادنا انا مابي تحذفون ولا ماده انجليزيه خلوها بدرسه وبكرفه بعد
لكن مواد العربي اا ماطيقه ولاغيري يطيقه ..
مو انا دخلت هالقسم عشان ادرس واتعلم ادب وترجمة انجليزي وش دخلن بمواد العربي .؟

والله لنا اسبوعين نختبر فاينل والله شاهد علي ..
وباقي لنا أسبوعين ثانين احس خلاااااااااص موب قادره ادرس مليت مليت مليت من جد ..

وآخر اسبوع فيها 4 مواد .؟ آآآهـ


هذي اللي سـفهته امه وجت هنا تتشكى <<


قولوا لي من أقدر اشكي له كثره المواد وصعوبتها ..؟
شباب الجامعات الحين بدوا يصيفون واحنا يا بنات كلية الرس الادبيه مانعطل إلا بآخر أربعاء مع المدارس ..!
آآخ والله من جد طقت اكبادنا ..

اللي ترد وتلومن تكفى لاترد اللي بي مكفين ..


لا والله صدق بنات أقدر أشكي لأحد المواد هذي ..؟


..

هذي مشكلة المواد وقلنا ميخاااااالف ناكلهاااااااااا ..
نجي لشي ثاني ..

تصدقون ان الترم اللي راح عندنا مادة انجليزيه دراما جبت بالشهري 17 ونص من 20
المهم يوم جا النهائي واطلع واناضامنه +A
والله يا بنات اني تفاجأت بالـ C
يعني مقبول ..؟
حرررام عليكم تأثر على معدلي ..

والله معقوله اجيب مقبول وانا ضامنه الـ A .. والله بالكليه قلييييل اللي لهم ضمير ..
ياليت يصححون ويعطون كل بنت حقه والله أفضل ملينا من اننا ندرس ندرس ندرس ولا ننام الليل واخرته
نجيب أزززفت النتايج ..

نفس الكلام باللسنق اند سبيكنق
والله يا بنات بالميد تيرم حق السبيكنق 19 ونص
وجبت باللسننق 20 من 20 ..
والفاينل أحلا ما يكون روعه روعه روعه مادري إلا جايبه C وانا ضامنه الـ +A ..

لكن اقولها من الحين عسى الله لا يوفق ولا يسعد اللي تظلمن او تظلم غيري بالدرجات
والله ان شاء الله يوريها بأغلى الناس عنده ..

قولوا قاسية قلب قولوا ماتحس قولوا جافه لكن والله ماحد يحس بالموقف إلا اللي فيه ..
موب بس انا كثير بنات كذا درجاتهم ..
وترا مو كل من تخرجت مع مرتبة الشرف هي شاطره الله من بنات وبنات تخرجوا وهم ولا شي بالانجلش
والله من بنت وبنت دخلت القسم وهي داجه ماغير اخذت مكان غيره وهي دخلت على باله انه كشخه

ترا قسم الانجليزي مثله مثل غيره .. ماتوا اللي يحسون انه كشخه ..

أقدرأدخل معهد واتعلم احسن من الكليه لان على فكره الكليه ماتعلمك إلا مناهج علميه موب لغه ..
بس مانكر انك تستفيدين شوي أقله تاخذين جرأه وقدرة مناقشة الاستاذه بالانجليزي ..

شي ثاني ..

التعامل يا عالم يختلف من طالبه لـ طالبه
البنات الهاي هاي لهم تعامل خاص تغيب عن الاختبار عاااااادي ماهمه
وبكرا جايبه ورقه ان الاختبار يتم بالوقت اللي تبيه ..
والله قممممممممة التخلف ..!
ليه واحنا مو بشر واحنا يعني ماعندنا ضروف ..!
تخيلوا شوفي بعيني موب احد يقولي اختباره اليوم وبكرا تجي معه ورقه بتختبره باليوم الفلاني
ممكن عنده ضروف اوكي ماقلت شي لمن موب اول مره تحصل ..!
طقم هي وصديقته ..!


هذاشي



..



نجي لـ تعامل الاستاذات معنا بخصوص الماده ..

الاستاذه تتاخر عن المحاضره عشر دقايق ربع ساعه ثلث ساعه نص ساعه وانا كالعاده منطقين
بالكلاس ننتظر وننتظر وننتظر ولاطقت معنا وطلعنا هاوشونا وحطوا لنا غياب ..!
ليه .! تقول ماجيتي بدري .! طيب انا هنا انتظرك نص ساعه ولاجيتي .! تقول انتظريني لين اجي ..!
ليش من حضرتك آل سعود .؟؟ لايكون تبينن انتظر الى بكرا .؟

مع ان هذا الشي بيني وبينكم بصراحه يحصل قليل ..

الشي الثاني وش رايكم بالمدرسه اللي تقول الشهري معاكم واخرته ماتجيب ولاحرف منه بالاختبار ..!
يعني مادري وش المشكله لاقالت مو معاكم ليه تتعبيننا ليه تخلينا ندرسه من جد وجديد ..
على بالك ان مادتك هي بس المهمه ..والله يا عالم انقهرت بالاكزام اشوف ادور اقلب الورقه ابي القى فقره شي
من الشهري مالقيت .. والله حراموين الاحساس وين الانسانيه لا تنشين انك انتي مثلنا كنتي طالبه وتدرسين وتخافين
من رهبة الختبارت وتزملين للأسأله مادري وش السخافه هذي ..؟
مادة ( روايه ) بداية الامر قالت الشهري مو معاكم وفرحنا قلنا يالله الحمدلله هم وانزاح بعد اسبوعين قالت ترا معكم الشهري
قالوا البنات ليه مو انتي قايله انه مو معكم
قالت ليه فلانه تدخل لكم الشهري وانا لا ..!!
خخخخ شوي وانفجر ضحك حسيت انه تتعامل مع اولى او ثاني ابتدائي ..
عذر اقبح من فعل ..!!!
مع اني قلت للبنات متأكده انه ماراح تجيب لانه قالت لا داخل معكم قبل الاختبار باسبوعين واكيد حاطه وقاضيه من
الاساله بس تعرفون انتم لازم ندرسه على الاقل نقراه ونفهمه ..


الشي الثاني مادة الريدنق مستوى رابع صعبه حيل حيل
اوكي صعبه مانقول شي مادتنا كذا ونتحمله وماهب شي غريب من مستوى اول وحنا نكرف

لكن الاستاذه صراحه شي ثاااااني تعاملها مرهسيء مع الطالبه لدرجة ان الطالبه لو تبي تكلمه والله ثم والله
ماترفع راسع وتناضر فيها ..
يعنيخير مخلوقه من نور انتي .؟؟ ولا من وشو ..؟
ترا حالك حالنا ..
ياعالم اسالتها صعبه تعجيزيه والله ان كل ماسولفت على بنت عن مادة الريدنق المستوى هذا تقول ايييييه عندنا وعندكم
خير اللي 5 واللي 6 واللي 7 من 20 ..؟؟
والله الكل خايف اسالته صعبه مررررهـ
بتقولون ادرسي واكرفي والله اني ادرس والله اني مانام الليل لا انا ولا البنات بس مادري ليه اساله صعبه
طيب خلي بعضه صعب وبعضه سهل
طبعا الماده هذي مافيها شي ندرسه من الكتاب إلا الفوكابلري ( الكلمات والتعاريف )
والباقي كل الاساله من برا
تخيلوا نساله بالشهري نقول بتجيبين من الفوكابلري عشان ندرسه .؟ << طبعا انا ما ساله لاني ماحب , عندي احمل الماده ولا اترجى فلانه ولا علانه ..
قالت مادري قلنا شلون يعني هل ندرسهن او لا مانبي ندرس ونتعب ولا تجيـبين شي قالت ادرسوهن بس مادري
بالاخير ولعنة الجدف قالت ايه بجيب ..
عاد يوم قبلالاختبار بكم يوم تقول ترا هذا لطف وتكرم مني اني اقولكم هل هو بيجي من الفوكابلري او لا ..!
نسيتي انتي انك كنتي بيوم من الأيام طالبه ..؟
نسيتي انك كنتي تستصعبين أشياء بالماده ..؟
حطي حالك مكاننا شوفي كيف نحس بالخوف من حمل الماده وانتي تحملين البنات ماده ورا الثانيه ولا همك شعورهم
البنت تبي تنجح وتبي تاخذ الشرف مع الشهاده الجامعه وانتي تحملينها الماده ..!

عاد يوم شافت درجاتنا كذا بالشهري كان فيه اختبار من خمسه قالت ادرسوا الفوكابلري اختباركم عليه
حنا فرحنا فرح مو طبيع يوكلنا املنا بالخمسه والله ان كل البنات يحفضون الكلمه مع تعريفها سبلنق
خوفنا تجيب مصطلح
تفاجانا باساله صعبه .. ومعاني مختلفه جذريا عن اللي بالكتاب .. طيب جيبي بالمفهوم بس موب كذا
يعني مستخسره علينا 5 درجات .؟؟؟؟؟؟؟؟

ادري بتقولون انتي تبين اساله م الكتاب مباشره والله ياما نجحت بمواد الفهم اكثر من مواد الحفظ
لكن انه تصعب اختبار الخمسه حيل هذا شي مانقلبه ..!
مستكره علينا 5 درجات خمس خمس درجات ..؟؟؟؟؟؟؟؟؟؟
كان اقول بس انا الدبشهاللي ماجاوبت او انا اللي درجتي ززفت بالشهري لكن البنات اغلبهم كذا درجاتهم ..

هذي 25 وراجت يبقى 15 درجه عشا نكمل الاربعين
ويكون الفاينل من 60

جا اختبارنا العشره .. اللي هو نقرا وتسال اساله شفويه ..
طبعا ماكانت ذيك الصعوبه اللي مره .. لكن نقول مقبوله الحمدلله ..
بقى 5 على المشاركه والله يستر ..
عاد اختبار الفاينل الله من التبديع قسم بالله ان الوقت قصيررر خاصه مادة الريدنق يبيلك ساعه كامله على بالي ماتفهمين
الاساله وتترجمين وتربطين بين هذا وهذا ..
والله ان الوقت يخلص وحنا ماخلصنا نص الاساله والله اننا ندوخ وتصدع روسنا من كثر مانقرا القطعه عشرين مره
يجيك صداع موب طبيعي اذكر انا باالاخير ابدا احل من عندي من زود الصداع وكثير وقُـو التركيز ..
يعني انا مادري صراحه ماله قلب يومنه تحط الأختبار بالشكل هذا ماعنده احساس .؟؟؟؟؟؟

استاذه ان كنتي تسمعين يرحم اممممك سهلي الماده والله خايفين منها والحمدللهانه اخريوم عشان مانزفت بالاختبارات اللي بعده
ابي اعرف وش تستفيد الاستاذهـ لاصعبت الاساله .؟
والله ماتكسب غير دعوات البنات عليه ..
تخيلوا كل مافتحت المسن فلااااانه الله لايوفقك فلااانه الله يستر من أسألتك فلاااانه الله يفكنا منك فلانه ليتك تروحين ..
حرام والله حرام علييييك .. ..
مابنا حيل نحمل ريدنق وفوقه الشعر اللي كذبت علينا وقالت لاتدرسون شي ولا تحفظون افهموا بس وكل شي بيجيكم
صح وخطا ولا يوم جت الورقه والله اننا نسينا اللي فهمنا من صعوبة الاساله .!!!!

استاذه الشعر قبل كم يوم سوت نكته بالقاعه

اسالته كانت مره مره صعبه طبعا شعر انجليزي لاتحسبونه عربي ..
واسم الماده ( الشعر الميتافيزيقي وماقبل الرومنسيه ) طبعا انتم شعر العربي فيه كلمات كثيره تصير قديمه وغريبه عليك
فما بالك بانجلش .!!!

المهم كان فيه سؤال موب مفهوم ابد ابد كلنا استغربنا منه كاتبته وكاتبه فوق صححي ..!

المهم نسال اسال مافهمنا حتى اني سالت المراقبه اللي عندنا وتقرا وتقرا تقول واللللله مادري ياروما << كانت تفكر مستغربه

وتناديها بنت يوم مافهمت عليها قالت البنت نادي استاذه فلانه << خخخ تخاف يحذفون الموضوع
المهم وتدخل وهي نافخه ريشه
والله ثم والله اني مابالغ دخلت وقالت مييييييين مين يسال حنا تنحنااااا مره
قالت مين اللي يسال ..؟ وتجي بتتسال وهي ترتجف خخخ قالت السؤال هذا شلون صححي كل شي فيه صح ..!
قالت وريني اشووف ايش كتبتي انتي ايش كتبتي ماتفهمي السؤااال .؟؟
وشو اللي كل شي فيه صح انا جبت لك صححي يعني فيه شي خطا دوريه دوريه انتي لك عيون وتشوفي ..!
قالت وحده ممكن استاذه قالت وش تبين ايش تسالين عنوو كل شي واضح انتوا ليه تسالو ..!!
وحنا مستغربين من الهواش هذا ..
حتى ان مراقبه الكلاس انهبلت وتضحك هي وخويته ..
قالت يابنات مايحق لكم تسالون اييييييييييييي سؤال
والله اني انهبلت وكان ودي ارد عليه واقوله إلا يحق لنا بس خايفه تحملن الماده

قالت المراقبه لا لهم حق يسالون قالت لااااااااا مالكم حق وهي تمشي وتعطينا ظهرها وتقول لا تسالووووون خلاص كل شي واضح
حتى ان البنت اللي طالبته ماسالت ههههههههههههههههههههه وانا شوي واضحك ..
اصلا حتى ماتشرح بالمحاضره تخيلوا اول محاضره كتبت قصيده ووشرحت نصه بسسس بعدين كتبت 2 وقالت
يلله اكتبوهن بدفاتركم واشرحوا وطلعوا السجع والميوزيكال ديفايس والرايم سكيم والفـقيور اف سبيتش .. وحنا متنبلييييين


المهم تدرون وش طلع التصحيح بالسؤال حق الاختبار .؟
العنوان لازم نحطه بين قوسين وخطا اس الجمع وخطا ان كاتب القصيده متافيه قوسين ..! بالله هذا سؤال .؟
انا يوم قالوا لي البنات كذا حسبت اختباري رايتنق ..


إلا تخيلوا مره استاذهتشرح لنا الحروف كابتل وسمول ..
وحنا مانشارك سافهينه من سخافة المحاضره ماغير نناضر بعض ونضحك ..
وتجي تكتب جمله وتقول يالله من تصححه يابنات ..؟ وحنا ساكتييييييييين وتفشلت هي
قالت اكذب علييييكم مافيه شي خطا .. آآع
تحسبه يضحك ..









يعني منجد يا عالم نماذج بالكليه حرام انه تصير بالكليه
يعني انا عندي الاستاذه والدكتورههي وحده بالمكانه ويمكن الاستاذه تملك عقل حكيم بعكس الدكتوره
اللي يكون رأيه متعصب وتتمسك برأيه حتى لو كان خاطيء ولا تقبل النقاش ..

انا ذكرت المشاكل اللي بالكليه بالتفصيل الممل عشان ماكون مثل غيري تنقد وخلاص وعشان ماحد يكذب اللي قلته
قلت لكم مواقف وهذا شي قليل من اللي يصير ..
اشوف بناتهنا يقوولن انتم يابنات الكليه ماتكتبون إلا تسبون
حنا مانسب الله يجزاك خير بس اللي نشوفه يقهرنا ويشب النار بقلوبنا ..
وش شعوركم لو تشوفين تعامل الاستاذه غير عنك ..؟ وانتي ما ينقصك شي ..؟
وش شعورك لو تطلعين من الاختبار ضامنه A واخرته C او D مثل وحده من صديقاتي ..!!!

اجل خالييقول اعرف دكتوراقسم بالله ان ارمي الاوراق واقول لولد الصغير جبهم واللي يجيبهم ناجحين
ويقول اعرف واحد شخصيا يرمي الاوراق واللي تدخل منتحت الباب ناجح ..!!



وين اللجان المسؤوله ..؟
ليه مايكون فيه لجنة تراقب وتمشي خطوه بخطوه ورا الاستاذات مثل الثانوي ..؟
الثانوي ماتختلف عن الكليه كل اسالتهم فيها الصعبه وفيها السهله لكن الثانوي تاخذ حقك من ورا خشم الاستاذه
لكن الكليه لا ..
انا بالثانوي نسبتي ماتنقص عن 99 ونص والحمدلله
لكن الكليه لا ماقول اني ابي اعلى الدرجات لا لكن ابي حقي .. والله اني اصل الـ4 وزياده لكن حقي أكثر من كذا ..
انا ديني ولا دين الظلم ,, والظلم ظلمات يوم القيامه

رجاء ياعالم لاحد يحذف الموضوع او ينقله خلوه اقل شي 10 ايام بالعام لاني نزلته بمنتدى الكليه ولاحد شافه ..









قفله ../

ليه احمل الماده ..
د. مزااااجي ..!










لكن بالنهايه ماقول إالا الحمدلله على كل حال ..


.
.
__________________
]

ادعي عسَى الرحمن يسعِدك دآآيم .. وتخنقنيْ العبره وانا اقول آآمين
AROMA غير متصل   الرد باقتباس

 
قديم(ـة) 22-06-2010, 12:43 AM   #2
*صعبة قوية*
 
صورة *الـــعـالمـــيه* الرمزية
 
تاريخ التسجيل: May 2008
البلد: بقلوب أحبــــــتي,,
المشاركات: 7,777
قوة التقييم: 0
*الـــعـالمـــيه* is a name known to all*الـــعـالمـــيه* is a name known to all*الـــعـالمـــيه* is a name known to all*الـــعـالمـــيه* is a name known to all*الـــعـالمـــيه* is a name known to all*الـــعـالمـــيه* is a name known to all
أروما ياقلبي رووقي >>تخيلو تقول لهلالية ياقلبي
>>مو وقتك..بتجلدن أروما أدري
هي ويييين وأنا ويييين..


والله بعد موضوعك حسيت إني بنعمـــة ولله الحمد على كثر ماأتشكى لأهلي بس ماتوصل لكذا أبد


كنت ناويه أعلق على كل حته بس كل مانزلت لتحت طلعت لي مصيبة أكبر


بس سالفة الإختبار اللي له ولصديقتة>>لو صار قدامي راح أنتحر أقل شي


ومستغربة من المقبول أذكرهم إذا زفتت معهم ومالهم خلق التصحيح حطو على درجة الشهري
اذا حلوة مشيتي واذا شينه قعدتي:)
بس شكل اللي عندك يعكسون الدنيا :(


>>بس ماذكرتي لنا الجنسيات عشان نمخمخ بالحكم


وسؤال الشعر مالك حق ماحطيتية..!! أجل هذا التصحيح الله يخلف

اقتباس:
وش شعورك لو تطلعين من الاختبار ضامنه A واخرته C او D مثل وحده من صديقاتي ..!!!

لاتكفين لاتسألين
مدري بس اللي يرفع الظغط بجد تحط لي مقبول واللي أدج من تاخذ أحسن من >>بهالحالة أفكر أغير أسمي لان البلا أكيد به ولا عمياء ماتشوف حلي وش زينة وحل الناس الداجه وش شينة




من دخلت الجامعه وأنا أحس إني بعالم غيييييييير الثانوي والمتوسط
كنت أخذ حقي وزيادة أبي أعرف وش اللي تغير..؟؟
ليش اللي هنا عندهم ذمة واللي بالجامعات مافييييش.؟!



ياله بالتوفيق وشدي حيلك


واذا لك حق بتاخذينة:)


وبشرينا بنجاحك :)
__________________
لَآ إلَهَ الآ اللّهْ . . عددَ مَآكَآنْ . . وَعَددَ مآيكُونْ . . وَعَددَ الحَركآتِ والسّكُونْ


*الـــعـالمـــيه* غير متصل   الرد باقتباس
قديم(ـة) 22-06-2010, 05:43 AM   #3
عضو بارز
 
صورة الأموره123 الرمزية
 
تاريخ التسجيل: Jun 2010
البلد: ببيتـــنا..!
المشاركات: 435
قوة التقييم: 0
الأموره123 is on a distinguished road
{


كأنه اختي الى تهرررج

الله يرحم الحال بس هالترم هذا نفسيتها دمااااااار وقبل تعبانه من هالقرف ,,,


كل مادخل ولا اطلع عنده تقول عندي اختبااار

يالله يسهل عليكم اختباراتكم وينجحكم يااارب


اقتباس:
وين اللجان المسؤوله ..؟
اذا هي ماخافت من رب العالمين تبين لجنه تردعها عن الى تبي تسوويه


لكن يالله نقوول يااابخت من نام مظلووووووم موب ظاااالم \~
الأموره123 غير متصل   الرد باقتباس
قديم(ـة) 22-06-2010, 05:52 AM   #4
مشرف المنتدى التعليمي
 
صورة صرير القلم الرمزية
 
تاريخ التسجيل: Sep 2003
البلد: في قلوب المحبين
المشاركات: 11,166
قوة التقييم: 27
صرير القلم has a spectacular aura aboutصرير القلم has a spectacular aura about
بصراحة ضاق صدري من كثرة همومكم

الله يكون بعونكم

بس ان شاء الله اذا تخرجتوا نسيتوا كل هالهموم


يالله ........ما كان وقتنا تسذا

بس يالله لكل وقت زمانه ورجاله قصدي (ونساؤه)

بالتوفيق للجميع وعاما حافلا بالنجاح والرفاهية والانبساط

كن كرأس الشجرة.. بعيد عن أوساخ الدواب....
-.-.-.-.-،-.-.-.-.-.-.-.-.-.-،-.-



ًالاعاقة لا تمنع من العطاء . .*

__________________

Twitter
@sultanalhumud
صرير القلم غير متصل   الرد باقتباس
قديم(ـة) 22-06-2010, 06:11 AM   #5
عضو فذ
 
صورة الاء الرمزية
 
تاريخ التسجيل: Dec 2008
البلد: في زمن يحدك للسكوت
المشاركات: 6,417
قوة التقييم: 0
الاء is a jewel in the roughالاء is a jewel in the roughالاء is a jewel in the rough
الشكوى لله يا غاليه

اصبري وتحملي وعلى الاجر ان شاء الله

الله يعينكم ويسهل لكم كل صعب

وبالتوفيق غاليتي
__________________
اللهم لك الحمد على كل حال ..
الاء غير متصل   الرد باقتباس
قديم(ـة) 22-06-2010, 03:32 PM   #6
عضو ذهبي
 
صورة عسولهّہ الرمزية
 
تاريخ التسجيل: Jul 2008
البلد: في كِـِـِوكب العسِـِولآت مو من وراهـِ
المشاركات: 3,405
قوة التقييم: 0
عسولهّہ has a spectacular aura aboutعسولهّہ has a spectacular aura about
ياربي يسهل عليك قسمن معاناة

وشسمه الله لايوفق من اخذ حقنا وظلمنا قولي امين

اقتباس:
مادة ( روايه ) بداية الامر قالت الشهري مو معاكم وفرحنا قلنا يالله الحمدلله هم وانزاح بعد اسبوعين قالت ترا معكم الشهري
قالوا البنات ليه مو انتي قايله انه مو معكم
قالت ليه فلانه تدخل لكم الشهري وانا لا ..!!
هههههههههه صدز معتوهه ذا الدكتوره




العالميه وشوله تقول الجنسيه مايبي له المصريات داحيات الكليه دحي يامال الماحي
__________________
أستغفر الله وأتوب إليه
عسولهّہ غير متصل   الرد باقتباس
قديم(ـة) 22-06-2010, 05:19 PM   #7
عضو ذهبي
 
صورة الرجل الحديد الرمزية
 
تاريخ التسجيل: Aug 2009
البلد: بين لغة الطيور << تسني فاهم
المشاركات: 2,022
قوة التقييم: 0
الرجل الحديد is on a distinguished road
أعانكم المولى
__________________


إنني لم أعكر صفو حياتهم أبدا ,, إنني فقط أخبرهم بالحقيقة .. فيرونها جحيما .. !
الرجل الحديد غير متصل   الرد باقتباس
قديم(ـة) 22-06-2010, 05:55 PM   #8
مشرف منتدى التربية والتعليم
عضو مجلس الإدارة
 
صورة ابو جود الرمزية
 
تاريخ التسجيل: Mar 2008
المشاركات: 14,332
قوة التقييم: 29
ابو جود is a name known to allابو جود is a name known to allابو جود is a name known to allابو جود is a name known to allابو جود is a name known to allابو جود is a name known to all
أختي ღ Aro0oma ღ

أوقات صعبة أيام الإختبارات والجميع يعاني من المفاجأت عند خروج النتيجة ..!!
أسأل عز وجل لجميع بناتنا وأبنائنا التوفيق والنجاح في معركة الإختبارات
والحصول على أعلى الدرجات ..
.
.
الله يعينكم ..
__________________



Twitter
abojoodxp@
InstagraM
ABOJOODXP


ابو جود غير متصل   الرد باقتباس
قديم(ـة) 22-06-2010, 08:03 PM   #9
عضو مبدع
 
صورة AROMA الرمزية
 
تاريخ التسجيل: Aug 2008
البلد: AMERICA
المشاركات: 1,262
قوة التقييم: 0
AROMA will become famous soon enough
اقتباس:
أروما ياقلبي رووقي >>تخيلو تقول لهلالية ياقلبي
>>مو وقتك..بتجلدن أروما أدري
هي ويييين وأنا ويييين..
والله صدز انا وين وانتي وين ..





اقتباس:
والله بعد موضوعك حسيت إني بنعمـــة ولله الحمد على كثر ماأتشكى لأهلي بس ماتوصل لكذا أبد

كنت ناويه أعلق على كل حته بس كل مانزلت لتحت طلعت لي مصيبة أكبر

بس سالفة الإختبار اللي له ولصديقتة>>لو صار قدامي راح أنتحر أقل شي

والله العظيم انه عندنا بالقسم توصل لأكثر من كذا
والله يا قسم الانجليزي كله لعب بلعب ..
انا اسمع بنات العربي وبنات الاقتصاد كلهم يقولون استاذاتنا يساعدوننا يحددون يخططون ينجحون
إلا حنا , حنا مانبي لهم تخطيط وتحديد لكن تعطي كل بنت حقه لا تلعب بالدرجات على كيفه .. خييررررر

وبالنسبه للبنتين والله اني ماكذب على احد ..
سواء هن ولا غيره ..
لدرجه ان الاختبار ياجلونه ويصير لهن لحال .!!




اقتباس:
ومستغربة من المقبول أذكرهم إذا زفتت معهم ومالهم خلق التصحيح حطو على درجة الشهري
اذا حلوة مشيتي واذا شينه قعدتي:)
بس شكل اللي عندك يعكسون الدنيا :(
والله يحطون الـ D ..




اقتباس:
>>بس ماذكرتي لنا الجنسيات عشان نمخمخ بالحكم
بتشا بتشا يا بنت ..




اقتباس:
وسؤال الشعر مالك حق ماحطيتية..!! أجل هذا التصحيح الله يخلف
شفتي وشلون قد شفتي مادة شعر به صححي السبلنق ..؟؟؟؟
ولا شيلي اقواس ولا حطي اقواس .؟
كل البنات متحمسين على طريقة تقديم القصيده بالاخير يطلع كذااااااااا ..





اقتباس:
لاتكفين لاتسألين
مدري بس اللي يرفع الظغط بجد تحط لي مقبول واللي أدج من تاخذ أحسن من >>بهالحالة أفكر أغير أسمي لان البلا أكيد به ولا عمياء ماتشوف حلي وش زينة وحل الناس الداجه وش شينة
والله انه قهر .. يالله انا مدري شلون اوصف لكم القهر ذا ..
والله اننا نتعب بالدراسه واخرته نتايج مثل وجيههم ..




اقتباس:
من دخلت الجامعه وأنا أحس إني بعالم غيييييييير الثانوي والمتوسط
كنت أخذ حقي وزيادة أبي أعرف وش اللي تغير..؟؟
ليش اللي هنا عندهم ذمة واللي بالجامعات مافييييش.؟!
بلا ماوراهم لجان تلحطهم عند كل خطا
ماوراهم لجان تناضر درجة الاساله مابين الصعوبه والسهوله ..
اجل عندي اختبار قبل كم يوم تخيلي وش جابت
اخر درس جابته كلللللللللللللللللللللللللله كل كل كل شي فيه جابته
وتركت فصول ماجابت منهن شي ..!
يعني معليش جيبوا من كل فصل شي ماهب درس تاخذيته كل ابوه وفصل تتركينه قولي محذوب وبس ..





اقتباس:
ياله بالتوفيق وشدي حيلك

واذا لك حق بتاخذينة:)

وبشرينا بنجاحك :)


ياما ضاعت حقوق لي بالكليه
بس الشكوى لله ..!!
يادكتوره تحط غياب على كيفه او عشاني تاخرت 5 دقايق ..
والله اني ماتنهى بفطوري اني احيانا مافطر إلا الساعه 11 الظهر او قسم باله ارجع البيت وانا مافطرت من كثر
المحاضرات .. تصير عندنا محاضره من 8 الى 10 إلا عشر والمحاضره اللي بعده 10 ولا افطر اقول لا لين اخلص
وافطر 12 مادري إلا مخلصين 11 إلا عشر ولا يمدي اكل شي اروح انتظر الدكتوره بالقاعه لا تحط لي غياب ..
يعني اقسم بالله مذله من كلب ..
ياما قالت لي امي يا بنيتي اذا صار لك عند الكلب حاجه قولي له يا سيدي ..
بس والله اني ماتعامل بالمثل هذا ومثل ماقلت احب لي اني احمل الماده ولا اترجى فلانه وعلانه ..

والله كل بنت تشوفن بالكليه انه تقول ياكثر غيابك انتي واقعد اضحك اقوله الله لا يطيحك بمواد مثل موادي ..
بعذره ماتشوفن من المحاضرات باليوم 6 ساعاااااات محاضرات ..!!!

الله لايرحمكم ويوريكم مثل ماوريتونا ..

لا ووش تقول مدرة الشعر بوحده من المحاضرت بدت الساعه 10 يوم جت 11 ونص وخلصنا المحاضره قالت
انا ادري انكم تبون تطلعون لكن ماراح اطلعكم لانه هذي محاضرتي وبكيفي
ماحد يقدر يتحكم فيها بالعالم احد غيري
والله يحرمن والديي انه هذا اللي قالته بالحرف الواحد

يعني خير ان شاء الله انا مادري تتعامل مع ابتدائي ولا جامعه ..!!
حنا بنات كبار وعاقلات مايحتاج الهرج هذا ..
ودي اوقفه عند حده .. بس مادري شلون ..!!!
شكلي باخر سنه بالكليه بطلع كل اللي بقلبي لو توصل للهواش ..


.
.
__________________
]

ادعي عسَى الرحمن يسعِدك دآآيم .. وتخنقنيْ العبره وانا اقول آآمين
AROMA غير متصل   الرد باقتباس
قديم(ـة) 22-06-2010, 08:07 PM   #10
عضو مبدع
 
صورة AROMA الرمزية
 
تاريخ التسجيل: Aug 2008
البلد: AMERICA
المشاركات: 1,262
قوة التقييم: 0
AROMA will become famous soon enough
اقتباس:
{


كأنه اختي الى تهرررج

الله يرحم الحال بس هالترم هذا نفسيتها دمااااااار وقبل تعبانه من هالقرف ,,,


كل مادخل ولا اطلع عنده تقول عندي اختبااار

يالله يسهل عليكم اختباراتكم وينجحكم يااارب

اييييه انا قلت لك الميد تيرم مع الفاينل متصلااات ..
يذبح تجيب المرض ..
كلن يقولي هانت خلاص باقي اسبوع واقول بلاكم ماتدرون ان لي شهرين إلا اسبوع اختبر .. :@
والله صرت عصبيه أتأثر بأي شي نفسيتي تغيرت حيل البنات لاحضوا , فوق هذا كله ماحد يراعي ولا يقدر .!




اقتباس:
اذا هي ماخافت من رب العالمين تبين لجنه تردعها عن الى تبي تسوويه


لكن يالله نقوول يااابخت من نام مظلووووووم موب ظاااالم \~


ايه ليه مانحط لجان ..؟؟
فيه ناس الحين ماتسوي الحرام موب خوفن من الله خوفن من كلام الناس ..
فـ هنا ينفع لو نحط لجنه وراهم ..!!
على الاقل اذا ماخافت من الله تخاف من اللجنه ..

هذي درجات وشاهادات ومستويات ماهب على كيفه تلعب بالدرجات تعطي فلانه اللي تبي وفلانه لا ..!!



.
.
__________________
]

ادعي عسَى الرحمن يسعِدك دآآيم .. وتخنقنيْ العبره وانا اقول آآمين
AROMA غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



SEO by vBSEO 3.6.0 ©2011, Crawlability, Inc.