العودة   منتديات الرس اكس بي > منتديات الرس اكس بي > الرحلات و التصوير و التقنيات
التعليمـــات التقويم اجعل كافة الأقسام مقروءة

الملاحظات

الرحلات و التصوير و التقنيات الرحلات البرية و هواة التصوير و التقنيات

إضافة رد
 
أدوات الموضوع انواع عرض الموضوع
قديم 24-06-2010, 03:36 PM   #1
ابوعذاري
مشرف سابق
 
تاريخ التسجيل: Oct 2005
الدولة: الرياض
المشاركات: 215
معدل تقييم المستوى: 0
ابوعذاري will become famous soon enough
افتراضي رحـلـة الـعـمـر فـي احـضـان طـبـيـعـة سـويـسـرا وجـبـالـهـا الـشـاهـقـه


بعد تعب 5 ايام وانا وهالتقرير وبالاخير يالله طلع بعد طلعة الروح مابين اختيار الصور المناسبه وحذف بعضها وتنسيقها وترتيبها ..
لكن كل شي يهون لعيون منتدانا الغالي
طبعا البدايه كانت بالسفر على الخطوط السعوديه من الرياض الى جنيف يوم السبت 22/6/1431هـ الساعه العاشره صباحا والجلوس في جنيف 3 ايام بعدها التوجه الى المدينه الاهم والاجمل انترلاكن والجلوس فيها 5 ايام بعدها التوجه الى مدينة لوقانو القريبه من ايطاليا وقضاء يومين فيها بعدها التوجه الى مدينة ميلان الإيطاليه وقضاء يومين فيها بعدها العوده الى الرياض من ميلان الساعه الرابعه والنصف عصرا

طبعا الفنادق والسياره حاجزها من قبل السفر بناء على نصائح الأصدقاء اللي جربوا السفر الى سويسرا وفعلا السياره مهمه جدا في سويسرا

في البدايه صورمن الطائره لسلسلة جبال الألب السويسريه التي تعلوها الثلوج ومناظر رائعه جدا
















































بعد مانتهت الجبال وكل ماقربنا للأرض تبدأ مناظر الطبيعه الخضراء


















وهذي صور من شاطئ بحيرة جنيف الشهيره


















































بعدها صور من اعلى الجبل في جنيف وكان الصعود عن طريق التلفريك والجو في الأعلى كان جدا جميل ودرجة الحراره تقريبا 21 ويوجد مطعم واستراحه في الاعلى

































في اليوم الثاني توجهنا الى مدينة انسي الفرنسيه واللي تبعد عن جنيف 70 كيلو طبعا مافيه تفتيش او جمارك وانت داخل فرنسا بس ياخذون منك ضريبة دخول وانت بالسياره تقريبا 25 ريال
وهذي صور وحنا بالطريق والاجواء روووعه وامطار خفيفه طبعا المدينه تعتبر ريفيه ولافيها اي زحمه وتصلح للي يبي يغير جو ويعيش الطبيعه وجلسنا فيها حتى الساعه 7 بالليل ورجعنا لجنيف







































































التعديل الأخير تم بواسطة ابوعذاري ; 24-06-2010 الساعة 04:13 PM
ابوعذاري غير متواجد حالياً   رد مع اقتباس
قديم 24-06-2010, 03:39 PM   #2
ابوعذاري
مشرف سابق
 
تاريخ التسجيل: Oct 2005
الدولة: الرياض
المشاركات: 215
معدل تقييم المستوى: 0
ابوعذاري will become famous soon enough
افتراضي

واليوم الاخير حزمنا حقائبنا وتوجهنا الى مدينة انترلاكن وكانت تبعد عن جنيف تقريبا 230 كيلو بس سبحان الله الطريق ماتحس فيه ابد بسبب المناظر الرائعه والامطار يعني طريق يفتح النفس وماابالغ لو اقولكم اني مالقيت شي اسمه صحراء او غبار مثلنا

وهذي صوره قبل الوصول الى انترلاكن حيث تبدأ الجبال الشاهقه بالظهور حيث تتركز هذه الجبال في منطقة انترلاكن


























وهذي صور من الشرفه او البلكونه حقت الفندق اللي سكنا فيه وياهي اطلاله روووعه لوجود نهر يجري طوال العام والخضره والجبال .. منظر يرد الروح وطول محنا جالسين بالفندق كل جلستنا بالبلكونه ودرجة الحراره 21 حتى الفندق مافيه مكيفات واغلب فنادق انترلاكن مافيها بسبب برودة الجو المعتدله



































وفي هذه الصوره يتبين لنا احد الجبال العاليه جدا ويبلغ ارتفاعه حوالي 4200 متر تقريبا ويعتبر اعلى قمة في اوروبا ويسمى بقمة جونقفرو ودرجة الحراره فيه مابين
1 و صفر درجه مئويه يعني بارد جدا













طبعا اول يوم وصلنا فيه انترلاكن استقبلتنا بالأمطار وعلى طول اخذنا جوله على المدينه الصغيره جدا
وحنا نتمشى بوسط المدينه لقينا هذا متكي بالبراد على الدريشه وحاطين له فرشه بعد مدلعينه والغريبه انه طلعنا تمشينا ورجعنا للفندق وهو على جلسته






















في اليوم الثاني توجهنا الى الطريق المؤديه الى الجبال وكان طريق ممتع جدا وسبحان الله عندهم الانهار مستمره طوال العام وكلها تصب من اعلى الجبال

وهذي صورة اول شلال مرينا عليه طبعا عندهم شلالات كثيره وبدون مبالغه اللي شفناهن بس لايقل عن 20 شلال ومنظرها كان حلووو مره وهي تصب من فووووق وكل ماقربت من الشلال وكل ماتحس بالرذاذ اللي يجيك من فوق وكان بارد شوي































بعد ماخلصنا من الشلال الاول وحنا نتمشى بالسياره جت على بالي فكرة ركوب طائرة الهيلوكبتر في رحله استكشافيه للمدينه والصعود الى الجبال ومشاهدتها عن قرب
وفعلا ركبنا الطائره على انه كانت تخووووف اول ماصرنا فوووق مررره عشان اول مره اركبها بس مزعجه شوي صوت المروحه على انهم حاطين سماعات على اذانينا
بس انصح اللي يروح يركب الهيلوكبتر لأنه متعه جدا وتشوف اشياء ماتوصلها السياره


























































طبعا مسوي فيها قوي وراكب قدام عشان احس انه انا اللي اسوق



وهذا السواق حقنا ماقصر ماخلى مكان الا وخلانا نشوفه وقالنا اذا ترغبون تنزلون عند الجليد بس رفضت لأنه مالبسنا شي ثقيل وفوق بالجبل درجة الحراره 1 او 2 يعني برد مرره ومحنا ناقصين يدخلنا برد


التعديل الأخير تم بواسطة ابوعذاري ; 24-06-2010 الساعة 04:02 PM
ابوعذاري غير متواجد حالياً   رد مع اقتباس
قديم 24-06-2010, 03:41 PM   #3
ابوعذاري
مشرف سابق
 
تاريخ التسجيل: Oct 2005
الدولة: الرياض
المشاركات: 215
معدل تقييم المستوى: 0
ابوعذاري will become famous soon enough
افتراضي

بعدها العوده الى الفندق وقبل لانرجع تمشينا شوي بالسياره بالمناطق القريبه من انترلاكن
























































وهذي صوره لفندقنا اللي سكنا فيه يومين











في اليوم الرابع رحنا لطريق الجبال لمواصلة المشوار ومشاهدة باقي الشلالات

والصعود بالتلفريك لقمة شيلثرون والتي ترتفع عن سطح الارض تقريبا 3600 متر وعلى بال ماتوصل لهذي القمه يبيلك مشوار لأنه التلفريك الاول راح يوديك 900 متر بعدها تنزل وتركب تلفريك ثاني يوديك مسافة1100 متر بعدها تنزل وتركب التلفريك الاخير اللي يوديك لقمة شيلثرون بس للاسف يوم جينا نركب التلفريك الاخير مانصحونا نركبه لأنه الجو كان غيوم وضباب قوي ولاراح نستفيد شي لأنه ماراح نقدر نشوف وكانوا حاطين تلفزيون مباشر من اعلى القمه يبين لنا حالة الجو ودرجة الحراره قبل لانطلع وكانت درجة الحراره 7 درجات فوق
















































































بعدها توجهنا الى حديقة البحيره الزرقاء بس حديقه طبيعيه يعني مو مثل حدائقنا يزرعون ثيل ويحطون كم شجره ومراجيح للبزران
كل شي بفعل الطبيعه










































وهذي صور للتيوس حقاتهم شكلهن يصلح للمندي









































التعديل الأخير تم بواسطة ابوعذاري ; 24-06-2010 الساعة 03:54 PM
ابوعذاري غير متواجد حالياً   رد مع اقتباس
قديم 24-06-2010, 03:43 PM   #4
ابوعذاري
مشرف سابق
 
تاريخ التسجيل: Oct 2005
الدولة: الرياض
المشاركات: 215
معدل تقييم المستوى: 0
ابوعذاري will become famous soon enough
افتراضي

وفيه تلفريك قريب من البحيره الزرقاء ركبناه وكانت تمطر على الخفيف وحنا نرقى تشوفون الشلالات اللي تصب من فوق الجبال وكلها تصب في نهر واحد
ممكن ان الصور ماهي واضحه بالحيل بسبب الضباب














































بعدها من بكرا ودعنا انترلاكن وماكان ودنا ابد وتوجهنا الى مدينة لوقانو.. طبعا طوال الرحله الدليله حقنا هو القارمن عز الله انه ذيبااااان واللي يسافر من دونه يبي يتوهق
طبعا جميع احداثيات المناطق الجميله في سويسرا اخذت احداثياتها قبل السفر وحفظتها بالقارمن
المهم اني قلت لخويي القارمن ودنا لم لوقانو وماقصر قال توكل على الله وبديت امشي عليه.. المهم انه ودانا لطريق يقاله مختصر بس كان مخيف شوي ولازم ترقى الجبال اللي شفناها بأول التقرير اللي في قمتها ثلوج وانا ماكان ودي بس ماعرفت انه طريق الجبال الا يوم انتصفت بالمشوار وبعد ماقطعنا 100 كيلو وقلت خلاص نبي نكمل والمسافه كانت بين انترلاكن ولوقانو تقريبا 220 كيلو بس جلسنا 3 ساعات عشان نوصل بس الطريق كان ممتع جدا
وهذي صور من الطريق الى لوقانو والثلوج في اعلى الجبل ودرجة الحرارة كانت 9











وصلنا لوقانو تقريبا الساعه 4 العصر ورحنا لم الفندق مباشرة ونزلنا شناطنا واخذنا فترة راحه قبل لاننزل ونتمشى في المدينه
وهذي صورة من شرفة الفندق المطله على بحيرة لوقانو









وبعدها نزلنا نتمشى على شاطئ البحيره




































اليوم الثاني رحنا لم قرية سويسرا المصغره وهي عباره عن مجسمات يبين لك مناطق سويسرا


































































وفي لوقانو سلمت السياره هناك واخذنا قطار يودينا لميلان الايطاليه واللي تبعد عن لوقانو 70 كيلو

واول ماوصلنا ميلان اخذنا تاكسي ودانا الى ساحة الدومو الشهيره في ميلان واللي فيها اكبركنيسه في اوروبا والفندق اللي اخترته كان في الدومو نفسه عشان نفتك من التكاسي ويصير كل شي عندنا

واليومين اللي جلسناها في ميلان ماشفنا الشمس غيوم وامطار والمظلات ماكانت تفارقنا






































بس ميلان مافيها تمشي كثير وتعتبر منطقة تسوق اكثر من سياحه وماانصح الواحد ياخذ اهله هناك لأن الاسواق كثيييره مرره ولايعرفون الا الماركات العالمية ومنها الغالي ومنها الرخيص
بعدها رجعنا للفندق وحزمنا حقائبنا استعدادا للعوده الى الحر والغبار في الرياض

التعديل الأخير تم بواسطة ابوعذاري ; 24-06-2010 الساعة 03:56 PM
ابوعذاري غير متواجد حالياً   رد مع اقتباس
قديم 24-06-2010, 03:45 PM   #5
ابوعذاري
مشرف سابق
 
تاريخ التسجيل: Oct 2005
الدولة: الرياض
المشاركات: 215
معدل تقييم المستوى: 0
ابوعذاري will become famous soon enough
افتراضي

وهذي بعض مقاطع الفيديو

1 فيديو بعد الدخول بوسط الشلال
Copy of ط§ظ„ط´ظ„ط§ظ„.mp4

2 فيديو للشلال
Copy of ط§ظ„ط´ظ„ط§ظ„2.mp4

3 الثلوج في اعلى الجبل
Copy of ط«ظ„ط¬1.mp4

4 الضباب الكثيف
Copy of ط¶ط¨ط§ط¨.mp4

5 الطريق اللي يروح للشلال
Copy of ط· ط´ 2.mp4

Copy of ط·ط±ظٹظ‚ ط§ظ„ط´ظ„ط§ظ„ط§طھ.mp4

6 فيديو اثناء هطول المطر
Copy of ظ…ط·ط±.mp4

مقطعين اثناء التجول في الهيلوكبتر
Copy of ظ‡ظٹظ„ظˆظƒط¨طھط±1.mp4

Copy of ظ‡ظٹظ„ظˆظƒط¨طھط±2.mp4


ساحة الدومو في ميلان

Copy of ظپ5.mp4





- سويسرا احلى مافيها انترلاكن اما جنيف عاديه وحقها يومين بس

- اهل سويسرا كان تعاملهم جدا رائع والابتسامه ماتفارقهم ومحترمين جدا

- بس العيب الوحيد بسويسرا هو الغلاء.. الفنادق غاليه والمعيشه غاليه جدا واعتقد انه دول اوروبا عموما غاليه بس سويسرا غاليه مررره وقريبه من غلا فرنسا

- توقيت الرحله كان ممتاز جدا ومافيه زحمة مسافرين بالطياره او في نفس سويسرا.. وحنا رايحين عدد الركاب 17 وحنا راجعين 35
يعني تاخذ راحتك بالطياره يعني تاخذ لك المقعد اللي على يمينك ويسارك وتتمدد رجليك وخاصة انه المقاعد السياحيه ضيقه شوي

- الرحله كادت تخرب من اول يوم بعد مارفض مكتب تأجير السيارات اليوروب كار قبول بطاقة الفيزا حقتي وبالواسطات ومكالمات من مكتب اليوروب كار بالسعوديه وخليتهم يكلمون مكتب جنيف ويالله مشت الامور
والسياره طوال الرحله تقريبا اجارها 2750 ريال وياخذون تقريبا 800 ريال تأمين بس من ضمن شروطهم ترجع السياره مليانه بنزين وعشان تفللها يبيلك 260 ريال لأن البنزين غالي والديزل اغلى
ابوعذاري غير متواجد حالياً   رد مع اقتباس
قديم 24-06-2010, 04:10 PM   #6
ابو جود
مشرف منتدى التربية والتعليم
عضو مجلس الإدارة
 
الصورة الرمزية ابو جود
 
تاريخ التسجيل: Mar 2008
المشاركات: 13,496
معدل تقييم المستوى: 0
ابو جود is a name known to allابو جود is a name known to allابو جود is a name known to allابو جود is a name known to allابو جود is a name known to allابو جود is a name known to all
افتراضي




مبروووكـ ياقلبهم ... يا أبوعذاري
مع تمنياتي لكم بالسعادة والإستجمام ..
وشهر عسل رايق والصور تحكي ذلكـ .



ياويل قلبي .. وإبتدى الروقان ياقلبهم :)



منظر رايق وطبيعة وأجواء خيالية


واااااو روقان . خقيت ع الكوخ




والله هالمنظر يغني عن التعليق..!! . أويلاه هالأجواء عندنا لو يوم



عيـــن تناظر عاشق المجاهيم




طلة حلوه لــ العريس أبو عذاري وياعل أيامكـ كلها أفرااااح
قلبهم : رحلة إستجمامية رائعة وإختيار موفق للأماكن ..
توثيق جميل وتقرير فايف ستار وكل نجوم السماء والأرض
دمت بسعادة
__________________



Twitter
abojoodxp@
InstagraM
ABOJOODXP



التعديل الأخير تم بواسطة ابو جود ; 24-06-2010 الساعة 04:20 PM
ابو جود غير متواجد حالياً   رد مع اقتباس
قديم 24-06-2010, 04:24 PM   #7
ابوعذاري
مشرف سابق
 
تاريخ التسجيل: Oct 2005
الدولة: الرياض
المشاركات: 215
معدل تقييم المستوى: 0
ابوعذاري will become famous soon enough
افتراضي

تسلم ياخلفهم والله يديم المحبه والافراح علينا وعليك.. ويشرفني انك اول المشاركين في هذا التقرير
ابوعذاري غير متواجد حالياً   رد مع اقتباس
قديم 24-06-2010, 04:29 PM   #8
غريب الدار
عضو مجلس إدارة سابق
 
الصورة الرمزية غريب الدار
 
تاريخ التسجيل: Oct 2004
الدولة: الشرقية الله يخليني منها
المشاركات: 12,210
معدل تقييم المستوى: 28
غريب الدار has a spectacular aura aboutغريب الدار has a spectacular aura about
افتراضي

الف الف حمد لله على السلامه يابوعلي

ماشاء الله والله يالرحله رآيقه ==>من جد تستاهل تكون شهر عسل :)

بس لو كملتها ورحت لزيلامسي كان ياسلام ..






ماشاء الله تبارك الله يازين الطبيعه ==>حسبي الله على من حرمنا منها هالسنه :)






لبى هالطله يابوعلي ولايكبر راسك علينا علشانك تأهلت لازم تمرن بالشرقيه مثل اول :) ..

نايس هوني مون ياخلفهم

الله يعطيك الف عافيه يابوعلي على التقرير الأكثر من رائع ..

تحياتي
__________________
غريب الدار
Instagram & Twitter: A_Karim_M
غريب الدار غير متواجد حالياً   رد مع اقتباس
قديم 24-06-2010, 04:35 PM   #9
ابوعذاري
مشرف سابق
 
تاريخ التسجيل: Oct 2005
الدولة: الرياض
المشاركات: 215
معدل تقييم المستوى: 0
ابوعذاري will become famous soon enough
افتراضي

الله يسلمك رفيقي السابق في الشرقيه..نبي نسير عليك ان شالله اذا رحت انتداب الحج
نصيحه لاتفوتك مادام الصيف بأوله.. وبالنسبه لزيلامسي انا اصلا كنت مخطط على النمسا بس الخطوط مافتحوا رحلات على النمسا الى الحين وماادري وش السبب ولافيه الا رحلات ترانزيت عن طريق مصر او الاردن او دبي.. واللي معه اهله ماودك تمرمطهم من مطار الى مطار وانتظار الرحلات..
وبالاخير يوم شفت سويسرا متوفره من الرياض ومباشره قلنا خل نروح لها ماهي بعيده عن النمسا.. وزيلامسي يمكن حدود 400 كيلو من انترلاكن..
بس نصيحه اذا النمسا زيلامسي وبس واذا سويسرا انترلاكن وبس.. وغيره لاتدور
ابوعذاري غير متواجد حالياً   رد مع اقتباس
قديم 24-06-2010, 04:39 PM   #10
عاشق المجاهيم
مشرف سوبر
 
الصورة الرمزية عاشق المجاهيم
 
تاريخ التسجيل: Mar 2006
الدولة: ... كنّا بالغبيه :( ...
المشاركات: 5,283
معدل تقييم المستوى: 0
عاشق المجاهيم is just really niceعاشق المجاهيم is just really niceعاشق المجاهيم is just really niceعاشق المجاهيم is just really niceعاشق المجاهيم is just really nice
افتراضي

يا سلآآآم تقرير جميل يا أبو علي ومناظر حلوه ترد الروح

تسلم لنا هالطله ، والحمد لله على السلامه

عزّ الله إن الشباب يقولون أبو عذاري معسكر بمركز الرفع له يومين *_^


بالتوفيق ياحلو
عاشق المجاهيم غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:11 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir