عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 02-07-2010, 03:51 PM   #1
عضو فذ
 
صورة هـــوتــ شـــوكلتــ الرمزية
 
تاريخ التسجيل: Nov 2008
البلد: NewYork,Time Square
المشاركات: 6,419
قوة التقييم: 0
هـــوتــ شـــوكلتــ has a spectacular aura aboutهـــوتــ شـــوكلتــ has a spectacular aura about
Talking ابعـذر رجلتـس لـو اعـرس عليتـس وانتـي تسـذآ

السلام عليكم والرحمة مع الرز واللحمة
وياهلا ويامسهلا ويالله انك تحييهم
وبالله ماشتقتوا لي هالكم يوم اللي غبتهن عنكم
ولامستانسين تبون فرقاااي
المهم ,, مبرووووووك عليكم الأجازة :)
ومبروك نجاحكم ونجاح عيالكم وبناتكم ونجاح اخوانكم وخواتكم
واللي مانجح نقوله قلعتك هذا اللي مايسمع كلام هوت شوكلت
ولا يسمع كلام امــه بعد ^_^

ومبروووك لكل عروس وعريس
واقولهم الله يهنيكم ببعض ويسعدكم يارب
وبما اننا في ايام زواجات وعروس وحفلات
احب اقول لكل ( مرتن ) متزوجة او انه مقبله على الزواج
اسمعي نصايحي زين وحطيهن حلق بذانتس
اول شي اهتمي بزوجتس بالدرجة الأولى
وصبحي بوجه زوجتس ببتسامة :)
واستقبليه ببتسامه :) وودعيه ببتسامه :)
مهب بوجهن مكشر ومعوبس تقل انتس تفاحتن خربانه :(
وقومي الصبح صلحي له الفطور
مهب تدبخينه لمين الظهر ولاتطقين له خبر
ولايصير كل وقتس بس مع بزارينتس اوبالمطبخ
وتستقبلين زوجتس اذا جاء بريحه الكراث والثوم والبصل :(
ولو قالتس رجلتس ابجيب شغالة قلتي والله ماتطب بيتي
وان وافقتي وجبتي شغالة خليتيه تتغطى عن زوجتس
واللي يبي يشوف اسواتس يقول جايبتن من ممثلات هوليود ولا لبنانيات
تراء ماجبتي الا اندونيسية فنساء وخشمة تقل نفق من وسعه
ولا سرلنكية لونه اصفر على اسود على ازرق
وبه امراض لاتعد ولاتحصى وجدري وملاريا وهربس
انا مدري وراتس خايفيتن على زوجتس منهن وماوثقتي من نفستس
كل هذي غيرهـ ولا وش السالفة !

واذا كانت غيرهـ وماتبين عيون رجلتس تلف لا يمين ولا يسار
تسنعي واشبعيه برغباته مهب تسفهينه
واهتمي بنظافتس الشخصية وبنظافهـ بيتس وعيالتس
مهب لادخل رجلتس يلقاء البيت محيوس فوق تحت
تقل جايه زلزال
والنعال .. اعزكم الله .. بالصالة وبكل مكان مجدعه
والسراويل والفنايل فوق الثريات يتدودلن
وريحه هالبيت تصرع الطير
وهالفيران وهالصوارير اللي بكل زاويه وبكل محل
واهتمي بنظافة جسمتس وثيابتس وريحتس
وركزي على ريحه افمتس اللي تقل ريحه مصران تيس
واهتمي بريحه جسمتس اللي تقل ريحه غنمه
صرعتي هالرجال وكرهتيه بتس وبهالبيت
وتسنعي وصيري ( مرتن ) سنعه
واكشخي يامال الغنيمة مهب بس لابستن هالقميص
اللي لونه يجيب حمى الملطية
وتقل ذوق سودانية لبستن قميص أصفر ومنقط بسود
صايرتن تقل موزتن خربانه او تقل نمر
او لبستن قميص اخضر صايرتن تقل فلفل رومي
وشاريته بعشرتريل من صهايل ولا من الرشيد ولا من سوق الخميس
وتنامين بوهـ .. وتقومين بوهـ .. وتطبخين بوهـ :(
وتقعدين اسبوعين وانتي لابسته ماغيرتيه
مهب حاله والله ,, حللتيه وحللتي ابو من جابه !
وبعدين شيلي شعر رجليتس وجسمتس :(
غاديتن يادافع البلاء تقل قرد كلتس شعر
تراء بوهـ شي اسمه حلاوهـ ومكاين خاصة لشيل الشعر
وفيه كريمات نيـر وعبد المنير بعد ههههه
ولاتنامين جمب رجلتس وانتي ( لاطتن ) حنا بشعرتس
ولابستن فوق دميجتس باغه خبز
وبعدين قولي لنا وشلون تبين رجلتس يقعد عندتس بالبيت
وانتي تسذا يادافع البلا
لا وجهن يسلي ولا ...... ؟
ولو اعرس عليتس قمتي تصايحين عندنا
ويغدي جسمتس باتسر جلد وعظم من الصياح وضيقه الصدر
ترانا ماحنب فاضينن لتس ياجعلتس للي منب قايل
خلاص عطيتس من هالنصايح وهالتحذيرات
ولاتصيرين مثل بعض هالمسؤولين
حطو لهم الأعضاء تحذيرات للشارع اللي عند ( ثيل المحفل )
ويحذرون ويحذرون
واخرته مااحد سمع تحذيراتهم لمين طاح الفااس فوق الراس
وصار به حادث دهس

المهم نرجع لموضوعنا وين وصلنا .. ايه
تكشخي وتعطري .. وعطري غرفة نومكم .. وبخري بيتكم ونظفي البيت
والبسي ملابس على سنع والوان ذوق والبسي ملابس مغريه وقت النوم
وتروشي قبل تنامين وتنظفي وكبكبي من هالكريمات وهاللوشنات
وحطي بفمتس من هالروائح الحلوة
وتفرشي بامعجون ولابصابون لوكس
ولا ادعتسي سنونتس بالشامبو الأحمر حق العبايات
اللي امي تشتريه علشان غسيل العبايات ههههههه

خبرة هوت شوكلت
دايم اروح لم محلات العطارة ادور هالشامبو الأحمر
المهم نرجع لموضوعنا :)
ولا كولي لتس علتس ريحته تهبل
مهب تروحي تاكلين علتس ( لامي )
اللي ريحته تقل ريحه مرابيع خشب
وغيري بين كل فترة وفترة تسريحه ( شوشتس )
و ( مكياجتس ) و ( خلاقينتس ) < غاديتن سحيله ام الخلاقين
لأن الرجال يحبون المرة الأنيقة والمتألقة والكاشخة المتكشخة :)
مايحبون اللي (: هي هي نفسه ماتغيرت وجهه البارح هو هو وجهه اليوم :)
يعني مثل قوله .. هو هو حموووووووود

واهم شي , واهم شي , واهم شي
احترمي اهل رجلتس ولاتقللين من قدرهم وزوريهم واطلعي معهم
وتعوذي من ابليس واتركي عنتس الدوجة من بيت لبيت
والطلعات والروحات والجيات اللي مالهن سنع

واتركي عنتس كثرة الهمق بهالتليفون عابدته عبادة ليل نهار
بس حش بالفطمي وبمزون وبالرقي < وش رايكم با اسامي الدلع ههههههه
وتاركتن رجلتس وعيالتس ومهملتن بيتس كله بسبه هالتليفون
وهالحش بجلود هالناس ونقل الأخبار صايرتن تقل قناة الجزيرة

واتركي عنتس حتسي فلانه وعلانه
هاللي ماوراهن الا خراب هالبيوت وبس

لاتطاوعينهن اذا منهن وشنتس على رجلتس
وقالن لتس فتشي مخابيه وجواله ودروج سيارته واغراضه ووو... الخ

تراهن مهب نافعاتس والله ماوراهن الا المشاكل والقيل والقال
ولو صارت بينتس انتي ورجلتس مشكلة حلوهـ بيناتكم ولاتدخلون احد بمشاكلكم ولاتنشرون غسيلكم وعلومكم لفلان وفلانتان
واذا قالتس رجلتس مشينا نبي نسافر لم تركيا ولا لبنان ولا لأي ديرة للخارج
لاتعيين وتسوين اني انا اطلز ماعلى وجه الأرض

وما ابي اعود رجلي على السفر للخارج وافتح عيونه على هالشقر الحمر
وما ابي اصور علشان ماتطلع خشتي بالجواز ولا احد يشوفن
تراء مااحد حالمن بتس يا مريام فارس ولا يا ام هوت شوكلت
يوم انتس ماتبين احد يشوف صورتس
يعني بختصار لاتلومين رجلتس اذا سافر لحاله
وجتس انواع الشكوك وضيقه الصدر

خلاص العالم والناس والرجال تفتحوا يبون يسافرون للخارج ويستكشفون
ويتونسون ويغيرون جو ,, تراهم ملو من السياحة هنا لاجو يفتح النفس
ولا اماكن سنعه ولا شي سنع

وانتي ماتبين تفارقين قرود الطايف وغبرات ابها وخياس جدة
وثيل المحفل وحديقه فيصل بن بندر والقشيع .. واتسبديه بس
يعني خلتس مطيعه لرجلتس
واقصري الشر من اوله
وتراء يقولون الرجال مايضرب المرة بالعصا
الرجال يضرب المرة بمرة علشان تتأدب وتسمع حتسيه وتتسنع ^_^
مهب تعاند ومسويه قرانديزر بالبيت ولسانه يلوط اذانه من طوله
ومهمله كل واجباته ومقصرهـ مع زوجه وماملت عيونه
وانت بعد يالأفندي المحترم تراه يشملك بعض الكلام اللي قلته يابعد حيي
يعني يمدحون المسواك يصير دايم بمخباتك والعطورات والتكشخ
وبعدين دلع زوجتك وعيالك ولاتقصر عليهم بشي
واهم شي المدام لاتقصر معه ودهـ وجبه وسافر به وجب له كل طلباته
ولاتجرح مشاعرهـ ولاتضربه ولاتتكلم بوجهه بصوت عالي وتنفخ عليه

تراء الناس مازوجوك بنتهم الا علشان يبونك تحترمه وتقدرهـ
مهب تهينه وتحتقرهـ وتحسبه مجدوعتن لك بالشارع

واذا دخلت البيت جب معك هدية له :)
ودلعه اذا كان اسمه ريم قله ياهلا وغلا با احلى رورو بالدنيا كله
واذا كان اسمه جمانه قله ياهلا وياغلا ويامرحبا ويامسهلا بقلبي جوجو
واذا كان اسمه خزامى دلعه بخوخو
واذا كان اسمه ميس قله سوسو
واهم شي تقوله ياحياتي وياعمري وياروحي ويادلوعتي ويا اميرتي
مهب تدخل تنافخ وتأفف
وتقول وين الغداء ولا وين شماغي وتصارخ وتلجلج
يعني خل لسانك معه عسل
وشاركه بكل شي يعني مهب عيب انك تغسل معه او تطبخ معه
او على الأقل تصلح الفطور وتضبطه وتروح تصحيه
وتقول قومي ياعين امي افطري
ومايمنع بعد انك توكله وتشربه :)

وتطلع انت وياهـ لكفي ولا لمطعم تغيرون جو
واذا طلعت من البيت تأخذهـ معك توسع صدرهـ
واذا طلعت كلمه بين فترة وفترة وارسله رسايل شوق وحب وغرام
واذا وديته للسوق انزل معه مهب تنزله وتخليه لحاله
ولاتنسى تسوي له مفاجأت يعني اذا دخلت البيت جب له
خاتم او اسوارهـ او سلسال او ساعة

وامزح معه ونكت مهب تصير انا الرجل الحديدي دايم معصب ومكشر
وابتسم بوجهه صبح وليل وخلك حنون ورومانسي
وامدحه وامدح طبخه حتى لو انه ماعجبك لاتجلس تتطنز
وتجرح بنت الناس ولاتعامله بخشونه او تقل انك تعامل واحد من اخوياك
لا .. تراء الزوجة تبي معاملة خاصة
وخلك كريم ولاتصير بخيل وتغثه وماتجيب له اللي تبي
واذا طلع راتبك مايمنع انك تعطية الف ريال كل شهر
وخصص لك يوم بالأسبوع مثل وقت المغرب
تزور فيه اهل زوجتك وتجلس وتسولف وتمزح معهم
وحسسهم انك واحد منهم وفيهم ومنتب غريب عنهم
وخذ ارقام جوالات اخوانه وعيال اخوانه وعيال خواته ورجال خواته
ولاتصير رسمي معهم وارسلهم بين كل فترة وفترة رسايل واعزمهم
واسئل عنهم وجب اهلك يزورون اهل زوجتك
والعكس

واعزم اهلك ببيتك ,, واعزم اهل زوجتك ببيتك
واهم شي ام زوجتك حطه فوق راسك
لانه هي اللي عطتك جوهرة من جواهرة يعني
مايمنع لو لفزت له الف ريال او على الأقل خمس مية كل شهر
ومايمنع انك اذا رحت لبيت اهل زوجتك تجيب معك هدية لأم زوجتك
وانتبه تدخل عليهم وانت تدودل يدينك فاضيات تسذا تراهـ عيب
جب على الأقل حلا وفطاير

واذا بغيت انت والمدام تروحون لمكة تأخذون عمرهـ او للمدينة
خوذوا ام زوجتك معكم يعني مرهـ تأخذ ام زوجتك ,, ومرهـ تأخذ امك
يعني عيشوا بسعادة واحترموا بعضكم وقدروا بعضكم
وتراء الدنيا مهب مطاوله لأحد

ولاتخلون زواجكم اوله عسل واخرهـ مثل مايقولون بصل
وكل حياتكم نكد وهواش ومشاكل ومعط شوش
واخرته مصيركم يا للطلاق او ان الرجُل يتزوج ثانية على ام عياله
والضحية العيال ..

وقبل ختام موضوعي ابقولكم سالفة قصيرة :)
يقولون فيه رجال تزوج له اربع حريم
أمريكيه و سوريه و لبنانيه و سعوديه
ويوم قام من النوم الفجر شاف الأمريكية صاحيه
وقال له : وش مصحيتس هالحزة
قالت له : صباح الخير حياتي
ابد صاحيه اسوي رياضه
واحافظ على رشاقتي علشان ماتناظر احد غيري

وطلع من عنده وراح لم المطبخ وحصل السوريه بالمطبخ
وقال له : وش مصحيتس هالحزة
قالت له : يسعد لي صباحك يا ابن عمي
انا صاحيه من شآن اسوي لك الفطور
زعتر ومقدوس وتبولها يحبها ألب البك يا البي
:)
لأنه مابيهون علي تروح بلا ما تاكل من ايدي
وطلع من عنده وراح لم الغرفه وحصل اللبنانيه صاحيه
وقال له : وش مصحيتس هالحزهـ
قالت له : صباحك ورد وسكر حبيب ألبي :)
وانا صاحيه من حوالي ساعه من شأن اطلع لك ملابس حلوة واجهزها لك
وبعدين رحت ازبط شعراتي واتعطر من شأن تصبح على احلى وجه

المهم طلع من عنده وسمع صوت
طالع من غرفه السعودية
طاااااخ طيييييييييخ
وراح يبي يشوف وش فيه يوم دخل غرفه السعودية
قال له : وش مصحيتس هالحزة
قالت له : ياربييييييييه ويالله صباح خير .. تحقيق هو :(
هالحين انا سئلتك وقلت وش مصحيك يوم انك تسئلن :(
يعني بالله وش مصحين اكيد صاحيه علشان ابروح للحمام ( اعزكم الله )
وابرجع انااام علشان افتك من وجهك هههههههههه
^^^
دوعاااابه
وسؤال اليوم @
وش السبب اللي يخلي الرجال يطلقون ويتزوجون على حريمهم !
هل النظافة وعدم الأهتمام تعد سبب من اسباب الطلاق
ومن اسباب الزواج بالثانية وبالمسيار !
ام انه حجه لدى البعض من الرجال !
وللأجابة على هالسؤال ارسل كلمه :)
( طالق 1 / طالق 2 / طالق 3 )
على الأرقام التالية :)
888 للجوال
888 موبايلي
888 زين
888 شين
ودمتم جميعاً بخير
وجمعة مباركة على الجميع :)
والله يرزقنا بزوجهـ صالحهـ وهاديهـ وحبوبهـ ودايم مبتسمهـ ونظيفة
وتقبلوا تحيات .. هتهوت لبيع التوت:)



__________________

يسلمووو ياذوووق ع التوقيع الحلووو $
هـــوتــ شـــوكلتــ غير متصل  

 
قديم(ـة) 02-07-2010, 03:57 PM   #2
عضو لم يُفعل
 
صورة الـدبـلـومـاسـي الرمزية
 
تاريخ التسجيل: Dec 2009
البلد: الرياض سابقاً الرس حالياً
المشاركات: 1,907
قوة التقييم: 0
الـدبـلـومـاسـي is on a distinguished road
عوداً حميداً يا صاح ,,
ماشاء الله عليك ,,
آخذ عزم هاليومين و داعس الطبلون ,,
قضيت من اللي (بالي بالك) بديت بالحريم المهمّ خل أبو خشّة على وضع (ستاند باي) دعم لوجستي عند اللزوم ,,

اقتباس:
ولا ادعتسي سنونتس بالشامبو الأحمر حق العبايات
اللي امي تشتريه علشان غسيل العبايات
حلوة ,,
مهما عملت المرأة فلديها قناعة بأن الرجل (مايملى عينه الا التراب) ,,

الـدبـلـومـاسـي غير متصل  
قديم(ـة) 02-07-2010, 04:23 PM   #3
عضو بارز
 
صورة اتحادي الرس الرمزية
 
تاريخ التسجيل: Jan 2008
البلد: الرس
المشاركات: 464
قوة التقييم: 0
اتحادي الرس is on a distinguished road
خبرة بعلوم الحريم غريبة كل هالكلام طلعت عزوبي
تراك شهويتنا للزواج الله يهدينا وياك مانتحمل هالهرج
__________________
ملاحظة: صاحب العضوية ليس متعصب (نرجو عدم الازعاج بأمور كرة القدم)
ربعـي تميم من قبــل عز الاســــلام .. اسمـ(ـن) به التاريخ ذكره عظيمي
بعد الرسول الهاشمي ودرب الاحكام .. افــعال ربعــي كنهـا صــب ديمي
لاضاق صدرك من صــواديف الايام .. ازبن على اللي تالي اسمه تميمي
اتحادي الرس غير متصل  
قديم(ـة) 02-07-2010, 04:44 PM   #4
Banned
 
تاريخ التسجيل: Jul 2004
البلد: الرس
المشاركات: 2,746
قوة التقييم: 0
ابوخشه is on a distinguished road
هلا بك ياهوت شوكلت

نصاااااااااااااااااااااااااااائح رائعه جدا شكرا لك

لكن الظاهر (((لاحياة لمن تنادي لاالحريم ولا الر جال ))) انا مااقول الكل فيه وفيه 0000
ابوخشه غير متصل  
قديم(ـة) 02-07-2010, 05:01 PM   #5
عضو
 
تاريخ التسجيل: Oct 2007
المشاركات: 9
قوة التقييم: 0
برنقز is on a distinguished road
تدري وش ازين شي في موضوعك .. ؟
انك تعبت بالالوان صراحه ..
أما الباقي ودك تضغط عليه زر الباك سبيس لين يطلع اصبعك مقابل
واتوقع ان اي كلمه سمعتها يوم تكتب الموضوع حطيتها في موضوعك
او انك ماكتبت الموضوع لحالك شكل اللي معك عشرين يوم تكتب الموضوع
انا من رأيي انك تسوي تحرير للموضوع وتمسحه وتخلي الدعاء اللي بآخر شي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
برنقز غير متصل  
قديم(ـة) 02-07-2010, 05:08 PM   #6
عضو فذ
 
صورة هـــوتــ شـــوكلتــ الرمزية
 
تاريخ التسجيل: Nov 2008
البلد: NewYork,Time Square
المشاركات: 6,419
قوة التقييم: 0
هـــوتــ شـــوكلتــ has a spectacular aura aboutهـــوتــ شـــوكلتــ has a spectacular aura about
اطلعوا ياحاقدين

وخربوا موضوعي

اطلعوا ياراعين المعرفات الانتحاريه

اللي مافيهن ولا موضوع

بس كلهن مشاركات سب في سب


وكثرو من السب

وقال الإمام الشافعي - رحمه الله -:

إذا سبني نذل تزايدت رفعة

وما العيب إلا أن أكون مساببه

ولو لم تكن نفسي على عزيزة

لمكنتها من كل نذل تحاربه



__________________

يسلمووو ياذوووق ع التوقيع الحلووو $
هـــوتــ شـــوكلتــ غير متصل  
قديم(ـة) 02-07-2010, 05:12 PM   #7
عضو بارز
 
تاريخ التسجيل: Sep 2005
المشاركات: 341
قوة التقييم: 0
اموت بالرس is on a distinguished road
بالمليميتر ياهوت

صراحة ما خليت شي

هذا وانت عزوبي اجل وش بتسوي اذا اعرست هع هع هع

الله يعينهم عليك

مبدع ياهوت شوكلت
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
اموت بالرس غير متصل  
قديم(ـة) 02-07-2010, 05:14 PM   #8
عضو ذهبي
 
صورة صرخة انثى الرمزية
 
تاريخ التسجيل: Apr 2008
البلد: ضيعت دروبي وخطواتي
المشاركات: 2,845
قوة التقييم: 0
صرخة انثى is on a distinguished road
Talking اهلن اهلن

ههههههههههههههههههههههههههه منت صاحي على هالوصف الأليم لبعض الأمور ... نسيت اقولك فقدناك يالدوووب حمدالله ع السلامة
انت تهرج عن ريحة المرة عاد من زين ريحة الرجل وااااااااااااااوتس والله يامرينا بأشكال والعياذ بالله اعجز اوصف ذاك الوضع

مير المرة اذا ادودت وطلعت ريحته نقول بعذرة من الكرف والشغل بالبيت من قومته الصبح وهي تدهر ياحول مابين طبخ ونفخ وكنس مع اني عمري ماشجع على الوصخ لأن ابد مايضر الوحدة اخر النهار تدخل الحمام وتفرك جسمه بالصابون وشوشته بشامبو على قولتك لو الاحمر حق العبايات ابد مايضر اهم شي تتروش وتغسل ريحة الخياس والعرق وعوووووه وربي انه حامت تسبدي وانا اهرج فمابالك لو اني اشم هالريحه الله لايبلانا مابلاهم على العموم اهنيك ياهوت بصراحة غطيت على مواضيع ابو خشة

على كلن لي عودة لأن موضوعك بجد حمسن وعندي هرجن واجد بس وقتي مايسعفن
__________________
صرخة انثى غير متصل  
قديم(ـة) 02-07-2010, 05:43 PM   #9
عضو ذهبي
 
صورة حبحره الرمزية
 
تاريخ التسجيل: Feb 2008
المشاركات: 3,715
قوة التقييم: 0
حبحره is on a distinguished road

هـــوتــ شـــوكلتــ

الحمد لله ع السلامه
__________________
.........................
ياكثر مايطري على البال توقيع ....ولاشفت لي توقيع يرضي غروري !!!!
إن ماحصل توقيع فوق التواقيع .....وإلا عن التوقيع يكفي حضوري
حبحره غير متصل  
قديم(ـة) 02-07-2010, 06:51 PM   #10
عضو ذهبي
 
صورة هبوب الرس الرمزية
 
تاريخ التسجيل: Feb 2008
البلد: AL RASS
المشاركات: 3,835
قوة التقييم: 0
هبوب الرس is on a distinguished road
موضوعاً حميداً

والحمد لله على الموضوع

ووين حقاااق المواضيع

8
8
8
8

عجز السان على الترحيب لكـ يا عزيزي

فأنت عضوو لكـ وحشه





نصااائح رااائعه




وشكلكـ نااااااااااااااااااويهااااااااااااااااااااااااااا




و أإأإأإأإأإأقصد الحياة الزوجية



تقبل مروري


تسلم على هالموضوع

والله يسلم الاناامل اللي كتبت
__________________

Twitter

sra515@
هبوب الرس غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 10:12 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19