لقاء بعـــد خمســـة عشــرعام((شوفوا الدنيا كيف تدور))

[زعيم الراجحيه]

لقاء بعد خمسة عشر عام

سبحان الله العظيم

وصدق من قال ((مادام الزمان يدوووووووووور مصير الحي يتلاقى ))

قصيده رائعه لشاعر

عقاب بن نهار

شفتها صدفة(ن)من بعد خمسة عشرعام
ما عرفته اعرفتنى عقب فرقـا سنيـن
اقبلت تقصر الخطـوه وقالـت سـلام
نبرت الصوت واضح به دموع او ونين
التحظت العيون وضاع منـى الكـلام
يوم شفت الدمـوع ابعينهـا والحنيـن
الحيا والخجـل والنـاس وذاك اللثـام
وقفّنـى لا امسـح دمعهـا باليـديـن
قلت كفكف دموعـك لاتلعثـم حـرام
ما طلبتى عطيتك بـس وشـو تبيـن
قالت انت ولا غيرك عسـى ماتضـام
ما ابى المال ولالـى حاجة(ن)مكتفيـن
حام فكرى على الماضى وبحرالغـرام
واحيت الشوق فى قلب ابغلاهـا دفيـن
قلت وينك بعد وقت(ن)مضـى يامـرام
غاويه فـى عذابـى يالله انـك تعيـن
كم سهرت الليالى بيـن نجـم اوظـلام
اتحـرا شبيهـك بالسمـا لـى يبيـن
يـوم جينـا لحارتكـم عطـاه الهـدام
والدركتر على بيتك غـدا لـه رطيـن
اصبح الجو عندى عقب صحوه عسـام
ورحت للى جمعنـا موقع(ن)تذكريـن
قلت علـك تجينـى يـوم خلقـه نيـام
واتحرا علـى الله يـوم يمـي تجيـن
طول الوقت عندى قلت وش به عـلام
لالفيتـى ولا شفتـك لنـا تنشـديـن
رحت انشد بحارتكم ارجال(ن)احشـام
قالوا انه رحـل والله مـا ادرى لويـن
هـذه قصتـى والظـن مانـى مـلام
عامل(ن)ما بوسعى والاهـل خابريـن
اصرخت كنها لحظـه طواهـا انتقـام
التفت من مشى حوله يسـار او يميـن
قلت ياهيـه شوفينـا ابوسـط الزحـام
هدى وضعك وابيك ابصوتكم تقصرين
قالت انـه لفانـى علـم مثـل الغمـام
قال ابووويا تـرى لديارنـا راحليـن
باغى(ن)للقرايـب والأهـل والعـمـام
ببني البيت وصعب(ن) يا(؟؟؟)تقعديـن
يوم رحنـا لفانـا واشرقـت بالكـلام
قالوا انه خطبنـى غصـب تتزوجيـن
ما اقدر ارفض وتعرف سلمنا باهتمـام
كل بنت(ن)لابن عمه ولـو ترفضيـن
اقسم أبمن امر حجـه بلبـس الاحـرام
ما نسيتك وليلـى بيـن هـم او انيـن
بينـت كفهـا تشـر لـذاك الـوشـام
صورة العين وشمه قاصده حرف عين
قلت انا ارجوك يكفى لاتزيـدى سـلام
روّحى يا عسـاك ابدنيتـك تسعديـن

[ملح الجريف]

كم سهرت الليالى بيـن نجـم اوظـلام
اتحـرا شبيهـك بالسمـا لـى يبيـن
يـوم جينـا لحارتكـم عطـاه الهـدام
والدركتر على بيتك غـدا لـه رطيـن
اصبح الجو عندى عقب صحوه عسـام
ورحت للى جمعنـا موقع(ن)تذكريـن
قلت علـك تجينـى يـوم خلقـه نيـام
واتحرا علـى الله يـوم يمـي تجيـن
طول الوقت عندى قلت وش به عـلام
لالفيتـى ولا شفتـك لنـا تنشـديـن ..........

زعيم الراجحيه -

اختيارك جميل ... وذوقك رائع

اللقاء بعد الفراق ..... تأكيد للحب

سلمت يازعيم.....وصح لسان الشاعر - عقاب

.