LinkBack أدوات الموضوع انواع عرض الموضوع
قديم 05-03-2005, 04:42 PM   رقم المشاركة : 1
معلومات العضو
 
الصورة الرمزية قمـ الرياض ــر
 
 

إحصائية العضو








Lightbulb حاول فضيحتها فبلاه الله (قصه واقعيه)

(( بسم الله الرحمن الرحيم ))


القصة كما وصلتني بالايميل..
من أحد مواقع القصص الواقعيه
وهي علي لسان الراوي..




أمس رحت للمستشفى أزور ولد خالتي اللي صار عليه حادث بـ......(أحد مدن منطقه القصيم) وصارت الأصابه بسيطه ولله الحمد طاحت السنون بس
انتهت فترة الزيارة وانا صنفت معي اقعد مع ولد خالتي كمرافق ليلة امس عيو علي وطلعوني بعد ما حاولت وحاول معهم ولد خالتي بس مافيه فايدة
طبعا لي افكاري والحقوق محفوظة طلعت من الباب الرئيسي للمستشفى ودخلت مع باب الطوارئ ورحت لغرفة ولد خالتي لا من شاف ولا من درى والولد يقول يا جني وشلون قدرت تدخل بدون محد يقول لك شي..بس موب هذي القصة
السالفة وما فيها ان أحد الأستشاريين جا يشوف المرضى ويطمئن عليهم دخل الغرفة اللي انا وولد خالتي بها ويقول وش قاعد تسوي قلت مرافق قال ممنوع قلت هذاك يوم انتهت وقت الزيارة وبعدين المريض نفسه قال ابيه يقعد

قعدنا ناخذ ونعطي الين اعجبته السواليف وجلس...

اللب هنا===================
سألته وش المواقف العجيبه الي مرت عليك..؟؟

قال قلي وش النوع الي تبيه حوادث..امراض نفسيه..قصص..؟ وش تبي؟؟

قلت اعجب ما مر عليك خلال عملك بالمستشفى..

قال الشي الي موب طبيعي ومر علي خلال 13 سنه عمل بالمستشفى هو:

انه مره احد المرضى شاب عمره 22 سنه جا يستشيرني بخصوص شي اعتقدت بالبدايه انه بسيط وعلاجه مره سهل..

هو انه حسب ما قالت لي الممرضه قبل ما يدخل انه فيه بقع خال بيده ويبي يستشيره بأي طريقه يشيله...

يوم دخل علي الشاب لاحظت انه لابس قفازات وسلم علي وهو لابسهن ويوم حاولت معه يمين شمال ابي اشوف يده وبقع الخال عيا وقال انت استشاري وبس

قال الدكتور لهالشاب انا ما اقدر اساعدك الا اذا شفت الحاله بعيني.. اقتنع الشاب بصعوبه

فصخ القفازات....قال الدكتور: شفت شي عجييييب

مكتوب ببقع الخال على يده اليمين بس اسم بنت...فلانه بنت فلان

يقول انا احسبه بالبدايه مكتوب بخط يد او وشم لكن يوم دققت فيه طلع فعلا دم جامد او مثل ما يسمونه بقع خال....

استغربت وسألت المريض يف جاك هالشي هل هو من الولاده..(الدكتور يقول توقعت انه ولد غير شرعي او من هالقبيل واسم امه مكتوب على يده من يوم ولد)

لكن الشاب رفض يتكلم... ويوم حاول معه الدكتور وقاله استنتاجه انه يمكن هذا اسم امه وانه ولد غير شرعي واستفزه)

عصب الشاب وبكى وقعد يقول القصه للدكتور..

قال الشاب ودموعه تنهمر : عرفت فتاة بنفس عمري عن طريق الهاتف و صارت بينا مكالمات على مدى 8 شهور وثقت فيها البنت فيني وقالت لي اسمها كامل وتعرفنا على بعض زين...

ويوم من الأيام طلبت منها اننا نتقابل بأحد الأسواق والبنت رفضت رفض كلي وصرت اترجاها على مدى شهر مافيه فايده البنت اصرت انه ما تقابله طفح فيني الكيل وهددته اني افضح اسمه لو ما قابلتني فرفضت وقالت انه عذاب اهله خير له من انه تقابله

وفعلت فعلتي ونشرت اسمه بين اصحابي وكتبت اسمه على احد الجدران فلانه بنت فلان...

بعدها بأسبوع او اسبوعين ظهرت البقع على يدي وما كانت بقع....خط عادي كأنه مكتوبه بخط اليد وانكتبت على يدي بالضبط نفس الخط اللي كتبته على احد الجدران...

وانا نادم على الي سويته وودي لو اتخلص من يدي بأي طريقه..

الدكتور: نعم انت غلطت أليس لديك اخوات تخاف ان يفعل بهن مثل ما فعلت انت ببنت فلان إلي مكتوب اسمه على يدك.؟

ولم يستطع الشاب نطق كلمه واخذ يجهش بالبكاء...

الدكتور يكلمني الآن: بعد كذا حولته على مختص الليزر والحروق (مدري نسيت اسم اختصاصه )

واتفقوا على موعد ويوم راح الأسم الي مكتوب على يد الشاب.. ارتاح نفسيا ونام في المستشفى على احد الأسرة بعد هالتعب النفسي

لكن يوم صحى بصباح ذاك اليوم رجع على يده الأسم مثل ما كان عليه قبل العمليه....

وحاولنا مره ثانيه وثالثه تبقى بعد العمليه مثل الحروق ومن بكرا ترجع مثل ما كانت بعد العمليه...!!

قلنا له انه مافيه علاج ثاني غير المراهم وانه راح تاخذ وقت طويل الين تختفي..(الدكتور:حنا عارفين انه مافيه فايده من المراهم لكن ما نبي الشاب يتعب نفسيا ويجيه شي).

وكل شهر يجي هالشاب يراجعني ويقول ما فاد المرهم وانا اقول له الصبر زين.. ونصحته بأحد المرات انه يكلم البنت اللي نشر اسمها ويروح يمسح الاسم اللي كتبه على الجدار...

فعلا راح مسح الاسم اللي على الجدار وكتب بداله سبحان الله وبحمده سبحان الله العظيم...

ويوم كلم البنت بعد جهد لأنه ما كانت تبي ترد عليه... وقال لها القصة .. والبنت لأنه ما وصل لأهلها قصة انها كانت تكلم فلان واسمها مكتوب على احد الجدران وانه هالشاب مسحه وكتب بداله تسبيح وتحميد الله..

نصحته انه يتوب ويروح لمكة ويدعي لها و لنفسه... ويمسح اسم البنت اللي على يده بموية زمزم خلال اسبوع او إلين يروح الأسم...

وفعلا الشاب سوى الي قالته البنت وقعد بمكه بعد كل صلاه يمسح الأسم على يده بموية زمزم وخلال 10 ايام يقول الشاب للدكتور انه سبحان الله.. والله الأسم انمسح بعد صلاة الفجر من يدي مثل ما ينمسح الحبر من اليد اذا جاه مويه...

والدكتور يكمل كلامه يقول ومن ذاك اليوم (قاطعته انا: متى هالسالفه؟) قال: من 4 سنوات تقريبا..ومن ذاك اليوم وهو كل شهر يزورني مرة وقال لي إنه تزوج تلك الفتاة اللي حاول يفضحها بعد ما هداه الله وله منها ولد وبنت..وهو الآن يعمل بهيئة الأمر بالمعروف والنهي عن المنكر بالمنطقه اللتي يسكن به..




قمـ الرياض ــر



















التوقيع

.. { أنا بائع الأزهار .. أعرف دائماً
مهما خسرتُ بأنني لا أخسرُ ~

قديم 06-03-2005, 12:16 PM   رقم المشاركة : 2
معلومات العضو
احلى الايام
عضو مبدع
 

إحصائية العضو








افتراضي

قمر كل شي جايز في الدنية هذي



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 06-03-2005, 04:06 PM   رقم المشاركة : 3
معلومات العضو
غريب الدار
عضو مجلس إدارة سابق
 
الصورة الرمزية غريب الدار
 
 

إحصائية العضو








افتراضي

سبحان الله كيف الجزاء من جنس العمل

الف شكر لك مشرفتنا الغاليه على القصه



















التوقيع

غريب الدار
Instagram & Twitter: A_Karim_M

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 01:28 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8