LinkBack أدوات الموضوع انواع عرض الموضوع
قديم 01-10-2010, 01:24 AM   رقم المشاركة : 1
معلومات العضو
 

إحصائية العضو








Talking الحريم والتحقيق ,, الحريم والتنشيد ..!!

السلام عليكم ورحمة الله وبركاته
اعزائي اعضاء منتدانا الغالي الرس اكس بي
اسعد الله مسائكم بكل خير وحب واحترام وتقدير,, اما بعد

موضوعي اليوم هو عن التنشيد والتحقيق
يعني ليش بعض الحريم يحبن ويموتن بشي اسمه تنشيد وتحقيق !!


وراح اضرب لكم امثله ,,
مثلاً لو وحدهـ من الحريم راحت للمستشفى
وجلست في غرفة الأنتظار
تجي وحدهـ وتجلس جمبه وتبداء تنشدهـ وتحقق معه

مثل تســـــــذآ ,,
سلامات وش بتس ,, ووش توجسين بوهـ ,, ووش اللي يوجعتس
ومن متى وانتي تسذآ ,, ووش انتي مستنكرهـ
ووراتس مارحتي لمستوصف الشرق ولا لمستشفى الزايد
وهذآ اللي معتس ولدتس ولامنهو ,, طيب كم عمرهـ
وهو يدرس ولا مايدرس ,, وبأي صف
وكم عندتس من العيال ,, وكم اعمارهم

وعيالتس جبتيهم وراء بعض ولا لا
طيب انتي ترضعين ولا مابتس حليب
وبشري باقي لتس ضناااء ولا خلاص منتب جايبه

ووو ... الخ
وان راحت وحدهـ للمشغل وجلست تنتظر دورهـ
وجلست جمبه وحدهـ
برضوا بيكون فيه تنشيد وتحقيق

مثل تسذآ ,,
بالخير ,, انتي اول مرهـ تجين عند هالمشغل
طيب وش تبين تسوين تاتقصين شعرتس ولا بس مكياج
طيب وش عندتس عرس ولا مناسبة
ماشاء الله اجل تبين تروحين لعرس ,, طيب منهو عرسه
ايه اجل عرسهم اليوم ,, الله مير يوفقهم ,, ومن يبي يأخذ ولدهم
ايه يبي يأخذ بنت فلان ,, طيب اللي يبي يأخذهـ الوسطى ولا التسبيرهـ
ايه .. طيب وعرسهم بوهـ طق ولا عائلي
وماتدرين من وين جايبين الطقاقة ومن هي

طيب شعرتس صابغته ولا حاطتن بوهـ حناااا << حناا ولا هم
طيب حواجبتس هن تسذآ ولا مشقرتهن انتي

ومن متى وانتي تشقرين حواجبتس ,, طيب ماجربتي مشغل غير ذآ
طيب انتي تجين لهالمشاغل شهري ولا بس بالمناسبات << ياوالله البلشه
وش دخلتس ان شاء الله تجي كل يوم

طيب انتي تبين ( تلبحين = ترقصين ) بالعرس
ولا ماعندتس نيه << لا ماعندهـ نيه عندهـ مشويه لووول
طيب من يقالكم انتم ,, وابوتس وامتس عايشين

طيب وش يقربون لكم بنات فلان
طيب عيال فلان اللي يشتغلون عند طويل العمر
هوت شوكلت يقربون لكم ولا لا

طيب انتي تدرسين ولا موظفة ,, طيب وين تدرسين
ايه ببريدهـ تدرسين ,, اجل من اللي يوديتس للجامعة
ايه النقل اللي يوديتس ,, طيب معه محرم ولا لا
طيب وكم وحدهـ انتم ,, وكم تعطونه بالشهر

وعسى سيارته وسيعه بس علشان توسعون وماتتضايقون
ووش تخصصك ,, وكم باقي لتس سنة وتخرجين

ووو .... الخ
وان راحت وحدهـ تطبق بمدرسة
يجتمعن عليه بعض المدرسات ويالله تنشيد وتحقيق

وش اسمتس ومن انتي بنته ,, وكم عمرتس
ووش يشتغل ابوتس ,, ووش اسم امتس ,, وامتس تشتغل ولا لا
ومنهم خوالتس وعمانتس ,, وانتي متزوجة ولا لا
ومنين اخذهـ ماشاء الله ,, ومن يقاله رجلتس
ايه انتي اخذهـ اخو فلان >> اللي متزوج بنت ابو فلان

طيب ياخيه اهل رجلتس حليلين معتس ولا قشران
وكم لتس وانتي متزوجة ,, واضنيتي ولا لا
ووين ساكنين ,, وبيتكم ملك ولا ايجار
وكم عدد اخوانتس ,, وعندتس خوات ولا لا

وكم عدد خواتس ومتزوجات ولا توهن
واخوانتس متزوجين ولا مثل خواتس بعد
ورجلتس وش يشتغل وكم راتبه

وسافرتوا بالعطلة ولاماسافرتوا ,, طيب سافرتوا بالسيارة ولا بالطيارة
طيب من راح معكم ,, ولا بس انتي ورجلتس
طيب كم جلستوا من يوم هناك
طيب رجعتوا من السفر قبل الرمضان ولا بعد الرمضان

ووو ... الخ
وحتى بدوريه الحارة اذا اجتمعن الحريم
وقدامهن شاهي النعناع والكراث
يالله انواع التنشيد والتحقيق

ماشاء الله يافلانه مرممين بيتكم ,, ومتى رممتوهـ
ومنين شريتوا السراميك ,, وبكم المتر ,, وكم كلف عليكم الترميم
وكله من ابوكم ,, ولا احد عاونكم من اخوانتس ولااخوانه
طيب مابعتي شي من ذهبتس وعاونتي ابوكم بترميم البيت
والله ماشاء الله ترميمكم يهبل
بس لو انتس قلتي لبوكم لاتصبغ الصالة هاللون الفاتح

تراتس تملينه على طول لأن الوصخ يبان عليه
والصز ان هاللون مهب بالحيل زين << ايه هين كله من الحسد والغيرهـ
طيب عاد ناوي يسفركم ابوكم عقب كل هالترميم والا يبي يشب اتسبادكم
مااااش الصز انكم مااصعين ظهره مصع بهالترميم
طيب عزمتي اهل رجلتس بعد الترميم وشاافوه وماقالو شي
ايه تســــــــــــــذآ

وعاد تدخل عليهن الشغاله جايبه الماء
وتنقز وحدهـ وتقول ماشاء الله هذي شغالتس ولا حقت بنتس
طيب هي فلبينيه ولا اندونيسية
ومتى جتكم ,, ومن اي مكتب جبتوهـ ,, وبكم جبتوهـ
وكم عمرهـ ,, وكد اشتغلت قبل ولا لا
وتعرف عربي ولا ماتعرف ,, والطبخ تعرف له ولا ماتعرف له
ووش لونه مع البزارين تبيهم ولا ماتبيهم
وتنقز الثانية وتقطع كلام الأولى
وتقول ام فلان إلابنت عمتكم فلانه وش اخبارهـ
ووراهـ ياخيه ماتوفقت مع رجله
قط العيب به ولا برجله ,, وهي اللي عايفته ولا هو اللي عافه
ياسفااابه مير والله انه تهبل وكله ملح ,, بس هو ماعندهـ نظر مالت عليه
طيب رجعت له قروووشه وباقي قشه ولا لا
ايه غامت يغمته والله مابوهـ خير

اصلاً الرجال اكثرهم مابهم خير إلا هوت شوكلت
طيب ياخيه سمعنا انه يماطل به وماعطاهـ ورقته هو صز
والله يقولون الناس انه ياويلي تصيح ببيت اهله انه عيااا يعطيه ورقته
يقول انه يبي باقي حقوقه منه ,, ايه تسذآ اجل
طيب وش لونه هي الحين غديه احسن
ايه ان شاء الله ربي يعوضه ازين منه

قطع يقطع مريرهـ هالسمرمدي قولي امين
ولا ماشاء الله عليه اخلاق وجمال وطول ويعااااافه
تلقين عيونه مغمصه ومايشوف هالزين كله جعله للعمى

وبعدين تدخل جارتهم توه تجي متأخره ):
ويحجرونه وانواع التنشيد

حي الله ام فلان وش اخبارتس ووش اخبار بناتس
ووراه يادافع البلااا زوجه ولدتس طلعت عنكم
والله سمعنا انه طايل لسانه وزعله تبي بيت لحاله
ماتبي تسكن معكم قط انتم تزعلونه !!
طيب بنتس حلمت ولا تو شهرهـ ,,
ووين النيه بعلطه الحج تاتحجون ,, ولا تاتخيمون بالقشيع
وووو ... الخ

حتى الشغالات والبزارين ماسلموا من تنشيد وتحقيق الحريم
يعني تجي وحدهـ وتحجر له بزر وتسئله
من جاكم ووين رحتوا ومتى تنامون ووش تاكلون ووش تشربون
وثيابكم من الي يشتريهن امك ولا ابوك
وابوك يطلع من البيت كثير ولا شوي ومتى يرجع ابوك للبيت
ومن الي يقومكم للمدرسة وتفطرون قبل تروحون للمدرسة ولا لا
طيب من يوديكم للمدرسة ومن اللي يرجعكم ووو ... الخ

والشغاله بعد يحجرونه ويحققون معه
انتي وش اسمك وجيتي للسعودية قبل كذا ولا لا
وانتي متزوجة ,, وكم عندك بيبي
وماما وبابا موت ولا مافيه موت
طيب ومدام متى تقوم من النوم الصبح ولا الظهر>> ياوالله السؤال البايخ
طيب مدام تسوي الغداء ولا انتي الي تسوينه
طيب مدام كويس ولا مافيه كويس

طيب تطبخون بالبيت ولا ماتطبخون >> وش رايتس يعني
طيب زوج مدام يتعشى بالبيت ولا براء البيت >> بتشوف زوج فلانه
مثل زوجه يجحدهـ ولا يتعشى بالبيت ولا لا

طيب زوج مدام متى يرجع بالليل>> شكل زوجه جاحدهـ
ومايرجع الا حول الفجر

وتبي تشوف زوج فلانه مثل زوجه مايرجع الا الفجر ولا لا
طيب مدام تخليك تغطين عن زوج هي ولا لا
طيب مدام تتهاوش مع زوج هي ولا لا >> وش دخلتس تتهاوش ولا لا

ووو ...الخ
واخيراً ياحلوين ,,
ودي اعرف ليش الحريم يحبن التنشيد ووش راح يستفيدن
واتمنى منكم عدم الخروج عن مسار الموضوع واحترام الأخرين
ولايجي واحد الحين ويقول وش عرفك ان الحريم راعيات تحقيق وكذا
لأن عندي خوات وعمات وخالات
واسمع اللي يصير لهن من تنشيد وتحقيق
فلا يجي احد ويقولي لا الحريم مهب راعيات تنشيد ولا تحقيق

وتقبلوا تحياتي ,,
كان معكم / هوت شوكلت
من نيويورك
وتحديداً من كفي بروكلين هاوس
^_^
























التوقيع


يسلمووو ياذوووق ع التوقيع الحلووو $
رد مع اقتباس
قديم 01-10-2010, 01:35 AM   رقم المشاركة : 2
معلومات العضو
اتحادي الرس
عضو بارز
 
الصورة الرمزية اتحادي الرس
 
 

إحصائية العضو








افتراضي

هذا طبع الحريم من فجر التاريخ



















التوقيع

ملاحظة: صاحب العضوية ليس متعصب (نرجو عدم الازعاج بأمور كرة القدم)

ربعـي تميم من قبــل عز الاســــلام .. اسمـ(ـن) به التاريخ ذكره عظيمي
بعد الرسول الهاشمي ودرب الاحكام .. افــعال ربعــي كنهـا صــب ديمي
لاضاق صدرك من صــواديف الايام .. ازبن على اللي تالي اسمه تميمي
رد مع اقتباس
قديم 01-10-2010, 01:38 AM   رقم المشاركة : 3
معلومات العضو
وسيم ودفش
عضو مشارك
 

إحصائية العضو







افتراضي

هههههههههههه موضوع حلو ومشكوور اخوي هوت

بس انا شوف هذا اللي محلي الحريم لأن البنت بطبعها عاطفيه أكثر من الرجل"""عشان

كذا لو تلاحظ اغلب الاسئله عن احوال انسانيه جدا!!

بس عاد اللي يرفع الظغط لاجت للحريم حالة الاسئله وانت طفشااان خخخخخخخ
رد مع اقتباس
قديم 01-10-2010, 01:43 AM   رقم المشاركة : 4
معلومات العضو
ميس
عضو خبير
 
الصورة الرمزية ميس
 
 

إحصائية العضو








افتراضي

هههههههههه
احلف نذرر ياالشوكولاته انكـ قاصد الاستفزااز والنرفزه...!!
ايه وشو موضوعك الجااي؟؟
يمكن يكوون وش برنامج البنت بالبيت
وش تاكل؟
وش تشرب؟
ووين تروح وين تجي؟؟


















التوقيع

{..ماعاد لي خاطر
رد مع اقتباس
قديم 01-10-2010, 01:46 AM   رقم المشاركة : 5
معلومات العضو
Dr.djah
عضو خبير
 
الصورة الرمزية Dr.djah
 
 

إحصائية العضو







افتراضي

هههههههههههههههههههههههههه قسم انك صادز والسواليف اللي كاتبه شي هههههههه
هذولي هن ان قامن ينشدن
بس ماينشدن كل كل من هب ودب لا اذا صارت تعرفه او مشبهه عليه


وان راحت وحدهـ تطبق بمدرسة
يجتمعن عليه بعض المدرسات ويالله تنشيد وتحقيق

خخخخخ هذي صارت لي
قالت اسمتس مهوب غريب علي من انتي بنته
وخذ عاد تنشيد الين جت الفسحه << ياقدمه الفسحه خخخخ
مهنا احد ماسألتن عنه خخخخخ بس حر ماعطيته وجه كل شي اقوله مدري




ترا حتى الشيبان ينشدون


















التوقيع

.
رد مع اقتباس
قديم 01-10-2010, 02:17 AM   رقم المشاركة : 6
معلومات العضو
الطموح
مشرف المنتدى الأدبي
عضو مجلس الإدارة
 

إحصائية العضو








افتراضي

أم الشباب لها حملة جيدة



















التوقيع

هنا ذكريات جميلة .. وأحلام قلب.. وأغنيات الصداقة
هنا الحاضر المؤلم
هنا المسقبل المجهول
وهناك أحلام تولد al6amooh@

رد مع اقتباس
قديم 01-10-2010, 02:19 AM   رقم المشاركة : 7
معلومات العضو
فراولهـ
عضو بارز
 

إحصائية العضو







افتراضي

والله أنك صـآآدق

قسم بعضهم مدري وش يحسوون فيه ..

أنوآآع الأسئله

العينه هذي مدري كيف تفكيرهم

طبعاً في بعضهم ع نيااتهم وطبعهم كذا

وفيه بعضهم لا يحبوون التحقيق بكل شي


شكراً هووت

أسلوووبك شي مرره يونس :)

رد مع اقتباس
قديم 01-10-2010, 02:19 AM   رقم المشاركة : 8
معلومات العضو
ســـــولآف
عضو اسطوري
 
الصورة الرمزية ســـــولآف
 
 

إحصائية العضو








Talking

ههههههههههههههههه
بطل واللهي بطل الموضوع
وياامالك من التنشيد اشي بلاغه واشي حسد << اللهم لاحسد
فيه بعضهن حتى لوتكسحه ترجع تسالك ماعنده مشكلة
أهم شي توصل للي تبيه
بس فيه انواع من النااس ودك تدخله مخاارج ههههههه ويالله تسلم
تشكرآآت هوت


















التوقيع

يَآ ربّ آرزقني بَـ فرحہ تجعلني آإأسجد لگ بآگياإأ ً



رد مع اقتباس
قديم 01-10-2010, 02:26 AM   رقم المشاركة : 9
معلومات العضو
منتدى
عضو متألق
 

إحصائية العضو








افتراضي

وعليكم السلام........
الصراحة موضوعك بالصميم وهذا واقع من بعض الحريم الله يهديهن.....بس ابسألك اللي ينقلك هالكلام كله وحده من الحريم صح ولا انا غلطان ؟؟؟؟ لأني وانا اقرأ تقل اختي اللي قاعده تهرج علي خخخخخخ........................

رد مع اقتباس
قديم 01-10-2010, 02:27 AM   رقم المشاركة : 10
معلومات العضو
(زخات المطر)
عضو متواجد
 
الصورة الرمزية (زخات المطر)
 
 

إحصائية العضو







Thumbs up

والله ياهوت شوكلت ان موضوعك بالصميم وبالحيل منتاز

لاونسيت صنف من اصناف التناشيدالمستتر>>>>>الاخت مدرسة مكتبة ونحو

اللي يسألون البزارين من تحت لتحت والا يرسلون بزارينهم للتطقس عن احوال الرعية
ثمن يدقون عليك بعد فترة لمطابقة مقتضى الحال مع اقوال البزارين تحقيق

الله يوسع صدرك على هالطرح


ايه نسيت ترى به من حليلين بالتناشيد لا وباخلاص منقطع النظير


















التوقيع

رد مع اقتباس

الكلمات الدلالية (Tags)
ممتاز, أبو قمر, موضوعك بطل يسلموو, الف شكرموضوعك رائع, اذا اعجبكم الموضوع قيمووو, ايس فيه ض1, قرقر كثير


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 04:04 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8