عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 22-11-2010, 04:33 PM   #1
عضو نشط
 
صورة ••رساوي كيف•• الرمزية
 
تاريخ التسجيل: Jul 2009
المشاركات: 77
قوة التقييم: 0
••رساوي كيف•• is on a distinguished road
تروح وتخلينــي بلحالـــي ؟؟




سئلتها يـ آغلى الأنام .. كيف الغرام ؟؟

قـالت لي انـك ما تنـام ، وأوهـام !!



حي الله كلن بأسمه .. مبطين عن بعض .. بنخش دوغري بالموضوع


شوفي ياروحي انا اليوم بطلع يعني لي 4 اسابيع ماشفت اخوياي وزملائي لازم اشوف وش صار عليهم

ودي اشوف من ترقى من فصل من انهبل من انحاش من هاجر


* يعني بتروح وتخليني بلحالي ؟؟

ياحياتي من قال اني بخليك بلحالك شوفي يمين ويسار التلفزيون حولك الفرن حولك غسالتك جنبك


* طيب متى بتجي

والله ياقلبي على حسب يعني تعرفين لي اربع اسابيع من تزوجنا ماشفتهم انا قعدت معك اربع اسابيع صح ؟

هم بقعد معهم اربع ايام شفتي انك اكثر منهم ياروحي

* اربع اياااام يوه حرام عليك بتخليني بلحالي اربع ايام وماجبت خبز الا بريال < ماهمها الا بطنها

طيب واذا قلت لك ياحياتي اني بخليها عشانك اربع ساعات بس ؟؟


* لاكثيرة اربع ساعات انا بلحالي يمكن يصير لي شيء

وش بيصير لك يعني مهب جايك الا العافية فيه وسيلة اتصال دقي علي اذا احتجتي منقذ

بس اسمعي ياحياتي ترى كل شوي تدقين مالها داعي صح ؟؟

كل ماسمعتي صوت تدقين تعال فيه احد بالبيت .. الكهرب تحسين اللمبة بتأشر تدقين تقولين شكل الكهرب بيطفى الحئني ؟؟ ترى انا مانيب سبايدر مان

كذا مايصير ياروحي يعني من الحين ودي نكون متفقين على كول حاقه


* طيب اذا سمعت البزبوز ينقط .. يقولون هذا بسم الله الرحمن الرحيم قاعد يغسل

طيب واذا غسلوا ياحياتي روحي وقربي لهم الصابون اخاف ماكلين دسم !!

وش هالخرافات ؟؟ اقول شكل بنات خالاتك نصابات ؟؟ .. لايقعدون يطقطون عليك ياروحي :

لاتحسسيني انك كذا ترى والله اغير جوالك واخليه شحن واشحن لك بريال .. تصيرين تدقين رنه وتسكرين

التفتي وش هاللي وراك


* يممممممممه

لا ارتاعي اقوى ياحياتي شفتوا وشلون الواحد ياخذ ضمه ببلاش)

ديري بالك على حالك ياروحي


فاصلة 1

( طبعاً شفتوا الحوار اللي فوق كله .. بس هيهات هيهات .. خلونا نتابع وش صار بعد ساعة ونص


ترررررررن ترررررررن .. آهلن . مين ؟


* وشو مين ماعرفتني .. ؟؟

لا لـ لأسف بس اتوقع صار بينا لقاء قبل شوي ؟؟

اوووووه اهلن حياتي همانا متفقين مافيه ترن ترن الا في الحالات الطارئة


* الحين فيه حالة طارئة

دقيقة اشبك السماعة على اذني .. تفضلي وين تحسين الوجع ..


* اشتقت لك

هاه ما اسمع ؟؟ * اشششششششتقت لك

طيب ياروحي روعتيني حسبت فيك شيء خليتيني اشبك السماعة .. عموماً هالحالة ياروحي انا امر فيها حالياً واحتمال نقصر الوقت لساعتين .. تعرفين ناشبين في خشش بعض 3 اسابيع في جزيرة مافيه الا انا وانتي واحس اني فقدتك ومن باب ان بينا عيش وملح لازم ارجع بعد ساعتين

ايه صح ياحياتي ماصب البزبوز


* يممممممممه :( لا لا خلي يمه بعد شوي الحين انا مانيب فيه

المهم ياروحي اذا صب البزبوز حطي بجنبهم صابون اخاف ينادونك ويقولون وين صابونكم فيه خخخ فشيلة عاد


* اقول ورى ماترجع بس

خلاص شوي وبرجع ولمي الأونو اسمعي شغل حركات الاولين اللي صار امس مابيه .. شارية عشر ابواك اونو .. وكل شوي حاطة لي اسحب اربع احب ابشرك اني كشفتك

* طيب


فاصلة 2 طبعاً المكالمة كانت 21 دقيقة .. خلونا نتابع وش يصير بعد نص ساعة


ترررررررن تررررررن

آلو مين


* انا

داري انه انتي ياروحي وش فيك وش صاير .. لايكون لسعة شوق ؟؟


* لابس حبيت اسئلك اسوي لك عشاء

اها عشاء لا انا تعشيت ياحياتي تعشي انتي


* اتعشى بلحالي

لاحووووول كل شيء عندك بلحالك .. تسمعين ياحياتي بالوحدة ؟؟

انا قبل لا اعرس اهلي مايدقون علي ويسئلوني تعشيت الا اذا شالوا السماط .. لاتخليني اشوف نفسي عليك


* طيب كم باقي وتجي

انا جلست عشان تقولين كم باقي ترى اسمعي يعني معليش ودي تتقبلينها بروح رياضية يازوجتي العزيزة .. اذا دقيتي ثانية ترى يمكن انوم عندهم اكيد بتقولين وتخليني بلحالي

لاماراح اخليك بلحالك دقي على اهلك خليهم يجون ياخذونك .. وش رايك فيني عاد حنون ؟؟


* اسممممممممممممممع ترى هالاسبوع بنوم عندهم لازم تعوضني عن هالروحة

هدي اعصابك هدي اعصابك ترى كل اللي طلعته ساعة ونص .. نص ساعة راحت في سلام مع اخوياي وساعة راحت معك في اتصالات

حسيت اني رايح انتداب على هالتعويض اللي تبينه .. خفي ياحياتي لا تخليني اجيب بطاقة ام عشرة واكلم على الساعة لين تروح 9 ريال ويبقى ريال واخليه لك

* طيب اصلح لك شيء تاكله

ياروحي يعني شيء تاكله تختلف عن العشاء ؟؟ عليك حركات ههههه

متعشي خلاص سمنت

ازارير ثيابي احس انها بتثور في اللي قدامي .. كل ماسلمت على اخوياي يوخرون وجييهم عني يخافون لايبنط زرار في خشتهم

نقدر نقول مع السلامة انا بطلع الحين ترى اذا دقيتي بروح انام في فندق هالمرة انا اللي بقول بلحالي

* لاتهدددد مع السلامة


فاصلة اخيرة

شفتوا ياجماعة الخير اذا توك معرس وش يصير معك تنقلب الحياة 180 درجة انت ساعات تقول وش الله قردني وتزوجت

بعض العروسات الجديدات فيهم نشبة شوي فـ ياليت ياليت تخفون شوي

لأن ترى مالها داعي ترررن ترررن كل شوي مايمدي الواحد يسولف .. وبعدين زوجك مهب طاير

يمكن بعد فترة تقولين له وراك ناشبن في حلقي ماطلعت .. فـ ياليت تجزأون هالشوق على السنوات الجاية يكون احسن ويخف الجفاف العاطفي

وانت ياعزيزي الأشهب حاول تحتوي عروستك الجديدة تعرف طايرتن بك

لاتتضايق من المكالمات وتعامل معها بدبلوماسية مطلقة وخلك ذرب .. ترى هالايام حلوة وماتنسي



لكم وديــ


__________________
7

7

اللهـ (لطيـفـ)بعبـادهـ/ي ـرزقـ مـن ي شـاآء وهـو القـويـ الـعزيـز
، ،
••رساوي كيف•• غير متصل   الرد باقتباس

 
قديم(ـة) 22-11-2010, 04:45 PM   #2
عضو ذهبي
 
صورة همس الرمزية
 
تاريخ التسجيل: Apr 2007
البلد: في مملكتي
المشاركات: 3,349
قوة التقييم: 0
همس is on a distinguished road
هههههههه
الله يعينكم علينا
صززز اننا نشبات بس افضل حل اقفلوووو الجوال واذ ا جيت قبل تهب فيك المدام
قلها مافيه ارساااااااااااااااال خخخخخ
ياحبي للنجاسة
مشكور
__________________


عساك تبقى حي ياشايب لي
يابوي ياللي مايساويك رجال
همس غير متصل   الرد باقتباس
قديم(ـة) 22-11-2010, 04:46 PM   #3
عضو فذ
 
تاريخ التسجيل: Oct 2008
المشاركات: 5,866
قوة التقييم: 0
تقي الدين عبدالحليم is on a distinguished road
هههه

ومن الحب ماقتل..

طبيعة الفتاة خصوصا في مجتمعنا المحافظ
إن أول رجل تلتقيه عاطفيا هو زوجها

فكل منابع مشاعرها تصب في ملتقاهـ
فضلا عن كونها في بيتها الجديد تكون مشتته
وفيه وحده تجمع شتاتها..






__________________
الجنة درجة عالية , فالصعود إلى أعلى يحتاج إلى مشقه
ومن المشقة المحبوبه بر العبد " لأمه "
_________________________________________
اللهمـ " إرحم من إشتاقت لهمـ أرواحنا " وهمـ تحت التراب
تقي الدين عبدالحليم غير متصل   الرد باقتباس
قديم(ـة) 22-11-2010, 05:02 PM   #4
عضو مبدع
 
صورة رساوي في الرياض الرمزية
 
تاريخ التسجيل: Jul 2010
البلد: الرياض
المشاركات: 1,261
قوة التقييم: 0
رساوي في الرياض is on a distinguished road
هههههههههههه ماشاء الله موضوعك مرره حلو
وأكيد الزوجه اذا كانت ناشبه لزوجها كل شوي تدق عليه هذا دليل أنها تحبه وتخاف عليه

والله يوفق المتزوجين والي ماتزوجو الله يزوجهم ويوفقهم ...
__________________
اللهم توفني مسلما والحقني بالصالحين /
رساوي في الرياض غير متصل   الرد باقتباس
قديم(ـة) 22-11-2010, 05:27 PM   #5
عضو بارز
 
صورة سنكرس بالقرفة الرمزية
 
تاريخ التسجيل: Feb 2006
البلد: الرس
المشاركات: 648
قوة التقييم: 0
سنكرس بالقرفة is on a distinguished road
ليتو عـ اللى توهم معاريس وربى شيبان لاهو ولا هى وكل شوى داقه عليهـ
ولدى مات بنتى طبت بالبرتسه<< مو عيال ذولا .. وربي اوب حاله ذي /وتعال شف لاسافر مع اخوياهـ
كل شوي داقهـ ,, البارح مانمت ..امى نست تاكل حبتها>> هو وشدخلو فيكم بحريقه.. ولدى عليه حرارهـ <<تسكرت المستوصفات مثلا
الخدامه مضربه .. ام الجيران ماتت وابو مرت اخوى تزوج >> هههههههه
__________________
ي رب بلغنـي بتحقيـق أمنيتـي عاجـلا غيـر أجـلا ياحـي { ياقيــوم



سنكرس بالقرفة غير متصل   الرد باقتباس
قديم(ـة) 22-11-2010, 06:08 PM   #6
عضو مبدع
 
تاريخ التسجيل: Sep 2010
المشاركات: 1,661
قوة التقييم: 0
عريفجان ساحوق is on a distinguished road
دنيا لاتدوم على حال
عريفجان ساحوق غير متصل   الرد باقتباس
قديم(ـة) 22-11-2010, 06:19 PM   #7
مشرف سابق
 
صورة سواح الحويزة الرمزية
 
تاريخ التسجيل: Jul 2010
البلد: الحويزة
المشاركات: 5,681
قوة التقييم: 0
سواح الحويزة is on a distinguished road
طافه البنيه يجيلها يوم وتدور فرقاه من غثاه
هكذا الأسابيع الأولى وطبيعة العلاقة بين الزوج والزوجة
سواح الحويزة غير متصل   الرد باقتباس
قديم(ـة) 22-11-2010, 06:31 PM   #8
عضو مبدع
 
تاريخ التسجيل: Jul 2008
المشاركات: 1,924
قوة التقييم: 0
M Y L O V E is on a distinguished road
الله يديم عليهم
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
M Y L O V E غير متصل   الرد باقتباس
قديم(ـة) 22-11-2010, 06:42 PM   #9
عضو مبدع
 
صورة نعنوع الدلوع الرمزية
 
تاريخ التسجيل: Sep 2009
المشاركات: 1,350
قوة التقييم: 0
نعنوع الدلوع is on a distinguished road
والله معرفنالهن الحريم ان جلس الرجل قالت ناشبن بحلقى ماعمرى اخذت راحتى
ون طلع برا بدت تتذمر وتدق علية كل شوى وينك تأخرت وش عندك
__________________


الله يرحمك يا ( حمادة ) ويصبرنا على فرقاك
نعنوع الدلوع غير متصل   الرد باقتباس
قديم(ـة) 22-11-2010, 07:33 PM   #10
عضو
 
تاريخ التسجيل: Nov 2009
المشاركات: 13
قوة التقييم: 0
أبو جودي is on a distinguished road
هههههههههههههههههه


اسلوب جميل


عوافي خيو
أبو جودي غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



SEO by vBSEO 3.6.0 ©2011, Crawlability, Inc.