عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 23-11-2010, 04:53 PM   #1
عضو لم يُفعل
 
صورة كثر الغلا ذباح الرمزية
 
تاريخ التسجيل: Sep 2010
البلد: آلولآيآت آلمتحده آلبكيرآويه
المشاركات: 784
قوة التقييم: 0
كثر الغلا ذباح is on a distinguished road
اه يابرد السعودية نصائح رجل سعودي هههههههههه

السلام عليكم ورحمة الله وبركاته
اه يابرد السعودية ... مو طبيعي يدخل في العظام !!!
يزين برد الخواجات يلعبون بالثلج زي الرمل عندنا !!!
الجديــر بالذكر يا الربع اني انسااان ما احب البرررد .. انساااان ما اعيش في البرررد .. يااااخي غثااا هالبررد .. يحشششرك حشر .. لا تطلع و لا تروووح آلا مكثر عليك من هالملااابس لين تقوول بس .. و المشكله ليته ينفع .. من حين تطلع مع البااااب و انت لااافحك البرد في خشششمك و كأنه يقووول : مستااانس أنت و بجاامتك على بااالك ما اقدر اوصلك .. وخذ يازكام ورشح والمخابي تصير كنها مزاود حمير من كثر المناديل اللي فيها !!!
عاااد يا شين قووومة الصبح في البرررد .. ما ودك تفك البطااانيه هذا اول شي .. و ثاااني شي لا جيت تبي تغسل وجهــك و الماااء بااارد و السخااانه خرباااانه ..
والادهى والامر اذا قمت الفجر ووراك سباحه !!! وام الكبائر اذا صرت تسبح وجا اخوك المقرود وفتح بزبوز المغسلة الحار ثم صب عليك ماء بااااااااارد !!!!!!
... ليت عندنا بيات شتوي مثل الضبان ونرتااح
المهم آنا من هالمنطلق و من هذا المنظوور الشتوي قرررت اني احط لكم وسائل لمكافحة البــرد و هي مجربه مني شخصيا ..
و من هالوسائل الله يسلمكم و يعااافيكم و يطوول اعمااااااااااركم

1 : الفــرووه

و هي سلاااااح فتااااك ضد البرد و تجعلك تحس بالدفوه في مناااطق الظهر و الكتوف و تنفع تستخدمها كبطااانيه لا جيت ترررقد .. و تجي الفروه على نوعين ..
طفيـــليــه و هي النووع المنتااز و تتكاثر في الشمال <---<< تتكاثر طلعت معزا مهيب فروه
و النووع الثاااني من الفراااوي هو النووع العاادي و هو النووع اللي حق تمشية حاال و تتكاثر في محطاات ابو هيثم و التسهيلات

2 : بجامة ام حــلق ..

هي فنيــله مخروطية الشكل لها يدين و رقبــتها تجي طويلة .. و تعمل على تدفئة جسسسمك العلوي و اجزااء من الرقبه .. و هي انوااع كثييررره .. بس عليــك با ام وزززه .. تراهااا طييييييييبه .. تسميها العجز الام الحنون !!

3 : بجامه بدون حلق ..

هالبجاامه تقوووم مقاااام البجااامه ام حلق .. بس انها ما تدفي رقبـــتك و بعدين اكثرها يشـــمر مع الغسسسيل .. و على فكره ترا يجي معها سروال طققم
ويستحسن كثير من الشيبان قلب السرواااااال يحطون اللي قدام ورا !!!

4 : شراب العايلـه ..

و هو غني عن التعرريف و يقوم بتدفئــة الكرااعين و العراقيب و الارجل << كلها مهيب نفس الشيء ببساااطه شراب العاايله .. شرااب تنمو مع الاجيــال
وسمي بشراب العائله لانه رخيص !!!

5 : الكــوت ..

و بعض النااس يدلعوونه و يسموونه جاكيت .. و هوو اكثر الوسائل الدارجه في البرد نظرا لخفته و سهولة استخدامه و ذكر في رواية عن أحد الحكماء أنه قاااال : لا صار ما عندك كوت لا تطلع في البرد
وبعض الناس يطقم الكوت مع الثوب << ياقدمهم بس تراهم موجودين الين هلحين

6 : الزنجبيـــل ...

و هو ماااده مخدره منعت في روسيا في الثمانينات و يقال انه في الاصل كان رجلا قويا في روسيا .. بعض العرب يطلقون عليه الجنــزبيــل بتقديم الجيم و ترجيع الزاء
و الزنجبيـــل عموووما مفيــد جــدا في تدفئــة العظام و العضلات و توسعة الغدد الصمااء و يشرب الزنجبيـــل مع الحليــب عادة و بعض المرات يستخدم كشابوره واذا شربته خلك حول الحمام وبه تلحق او مانلحق !!!

7 : النـــار ..

و هي شعــله حمراء كبيــرة تمسك الحطب و تحرقه احراق .. و هي احدى الوسائل الشهيره و العريقه في مكافحة البرد .. و قد استدل بها الجاحظ حين قال : يا كليـــب شب الناار يا كليب شبــه .. و قد عرف عن النااار التدفئه الكامله لجميع ما حولها
ويسميها محبيها فاكهة الشتاء .. والله يعينك ياللي تقعد حولها من الدخنه ودموع العيون وسيل النخارير ويلعبون على انفسهم يقولون الدخان يدور الزين !!

8 : الدفــايــه ..

و هي نااار مطــوره هههههه.. و تستــخدم في البيــوت و بعض النااس يحسبونها قــز و يسوون عليها شاااهي و هي رهيبه في اوقااات الفجر .. و الله من التمسيــح اللي يجي على الدفايات هالايام .. و تحلو عليها الجلسه اذا تجمعت العايله كلها عندها و مددوا رجلينهم على الدفايه و كلن قام يدفها برجله
والام تصيح وخر رجلك لا تسويك !!

9: البطانيـه ...

و تجي غاط و غاطيـن .. وينصح بالغاطين في حالات البرد الشديد .وتستخدم بالاستلحاف و التكرفس و الانسداح بين طياتها الحنونه .

10: العفيسة ...

وهي خليط من التمر مع الطحين والسمنه البرية .. تطبخ سوا وتؤكل في حالات البرد الشديدة ويازين اكلها وياشين مر ٍ تجيبه .

11: الفريك ...

ويسمى في بعض المناطق بالحنيني وتسمية طائفة من الناس القداما بالعبيطة ..
وهي قرص جمر ويصلح يسوونه بالفرن يفرك ويخلط بالتمر بدون نوى (عبس) وتوضع عليه السمنة البرية .. يؤكل في حالات البرد الشديدة
ويستحسن كثير من الناس شرب الشاهي معه ومايدرون انه يجيب الزالي .

و في نهايــة هذه الوســائل .. نشكــر العااااملين على انجااح هذا المشرووع و الراعين الرسميين على دعمهم و سعيهم الواضح في تدفئة الشعب ..
اعتمدوا هالوسااائل و ما جااكم عندي ..




مروركم محل اهتمامنا .. ولا نسمح بالمرور دون التسجيل في سجل الزيارات !!!

نتمنى لكم دفئا سعيدا ..

ولا تنسوا اخوانكم اللي ماعندهم كل هذا ...

للمزيد من مواضيعي
كثر الغلا ذباح غير متصل   الرد باقتباس

 
قديم(ـة) 23-11-2010, 05:00 PM   #2
عضو فذ
 
صورة فنونة الرمزية
 
تاريخ التسجيل: Apr 2009
البلد: مدري وين
المشاركات: 6,226
قوة التقييم: 0
فنونة will become famous soon enoughفنونة will become famous soon enough

0

0


ههههههههه ههههههههههههههه موضوعك شئ

عوافي

0

0


__________________
انستقرام fnonh222
فنونة غير متصل   الرد باقتباس
قديم(ـة) 23-11-2010, 05:02 PM   #3
عضو مميز
 
صورة مستحيل أنسآك الرمزية
 
تاريخ التسجيل: Feb 2010
البلد: لايهم أين أكون الأهم من أكون
المشاركات: 168
قوة التقييم: 0
مستحيل أنسآك is on a distinguished road
آحلى شيء بآلدنيآ البرد

له لذه جدا جميله


والله يعين اللي مايحبوه


والصدقات على الفقراء بهذا الوقت ياريت لو تكثر
__________________

ربي : بـ قدر " ألمي " .. ألهمنيے صبراً ; و بـ حجم ( صبري ) أسقنيے أملاً ..

مستحيل أنسآك غير متصل   الرد باقتباس
قديم(ـة) 23-11-2010, 05:04 PM   #4
مشرف منتدى عالم السيارات
 
صورة الامبراطور الرمزية
 
تاريخ التسجيل: Sep 2007
البلد: • بَينٌ أروٍقةٌ آلحيًآةْ «●•
المشاركات: 4,373
قوة التقييم: 15
الامبراطور is on a distinguished road
وهـ يآزين البـرد زينـآه ويآزين شبة الضوء وآنت متلحلف بالفروه والشراب وىم رقبه وكل شئ ههههههههههههههه
عوآفي يالغآلي ع الموضـوع المزكرت ..}~
__________________




آستغفر آلله العظيم و آتوب إليـه ..
الامبراطور غير متصل   الرد باقتباس
قديم(ـة) 23-11-2010, 05:25 PM   #5
عضو مبدع
 
تاريخ التسجيل: Sep 2010
المشاركات: 1,661
قوة التقييم: 0
عريفجان ساحوق is on a distinguished road
أقول احمد ربك بالسعودية مب بروسيا

-40 ...-45 عاااااادي جدا

وحنا سبحان الله عكسهم +40 +55 عاااادي جدا بعد

المهم صور من داخل الفريزر أقصد من جوا روسيا


داخل المدن .....لاحظوا داخل المدن مب بالبران





أعوذ بالله




يالله سترك يالله
تخيلوا المنظر بالرس
طامرن كياكي والسلطان وهرفي جميع....






كريمة مب ثلج




واللي يبي براااااد روسيا بالرس يروح لبنده ((( ويفتح فريزر المجمدات اللي قدامه أول مايدخل بنده))) ويحس ببراد روسيا بالرس
عريفجان ساحوق غير متصل   الرد باقتباس
قديم(ـة) 23-11-2010, 06:09 PM   #6
عضو مبدع
 
صورة الزعيم 50 الرمزية
 
تاريخ التسجيل: Feb 2010
المشاركات: 1,783
قوة التقييم: 0
الزعيم 50 is on a distinguished road
ماباقي الا تذكر اسماء المحلات الي نشتري من عندها الاغراض المذكوره هههههههههههه
عاد تبغى الصراحه موضوعك فري نايس
تقبل مروري
__________________

سبـــحان الله وبحمــده ... سبـــحان الله العظيم
الزعيم 50 غير متصل   الرد باقتباس
قديم(ـة) 23-11-2010, 07:00 PM   #7
عضو لم يُفعل
 
صورة كثر الغلا ذباح الرمزية
 
تاريخ التسجيل: Sep 2010
البلد: آلولآيآت آلمتحده آلبكيرآويه
المشاركات: 784
قوة التقييم: 0
كثر الغلا ذباح is on a distinguished road
آسعدني مروركم ..
كثر الغلا ذباح غير متصل   الرد باقتباس
قديم(ـة) 23-11-2010, 07:13 PM   #8
عضو مميز
 
صورة اقلام تتحدث الرمزية
 
تاريخ التسجيل: Mar 2010
البلد: الرس
المشاركات: 278
قوة التقييم: 0
اقلام تتحدث is on a distinguished road
Talking

وام الكبائر اذا صرت تسبح وجا اخوك المقرود وفتح بزبوز المغسلة الحار ثم صب عليك ماء بااااااااارد !!!!!!
ههههههههههههههههههه دايم تصيرGrins
مشكور على الموضوع النايس
اقلام تتحدث غير متصل   الرد باقتباس
قديم(ـة) 23-11-2010, 07:20 PM   #9
عضو لم يُفعل
 
صورة كثر الغلا ذباح الرمزية
 
تاريخ التسجيل: Sep 2010
البلد: آلولآيآت آلمتحده آلبكيرآويه
المشاركات: 784
قوة التقييم: 0
كثر الغلا ذباح is on a distinguished road
اقتباس:
المشاركة الأساسية كتبها عريفجان ساحوق مشاهدة المشاركة
أقول احمد ربك بالسعودية مب بروسيا

-40 ...-45 عاااااادي جدا

وحنا سبحان الله عكسهم +40 +55 عاااادي جدا بعد

المهم صور من داخل الفريزر أقصد من جوا روسيا


داخل المدن .....لاحظوا داخل المدن مب بالبران





أعوذ بالله




يالله سترك يالله
تخيلوا المنظر بالرس
طامرن كياكي والسلطان وهرفي جميع....






كريمة مب ثلج




واللي يبي براااااد روسيا بالرس يروح لبنده ((( ويفتح فريزر المجمدات اللي قدامه أول مايدخل بنده))) ويحس ببراد روسيا بالرس
وقت آلبرد آعيش بروسيآ ولآ آسعوديه >> صح عندهم برد بس موب زي بردنآ ( بردنآ بآلعضم هع )
يعطيك آلعآفيه ع آلمرور
كثر الغلا ذباح غير متصل   الرد باقتباس
قديم(ـة) 23-11-2010, 07:23 PM   #10
عضو ذهبي
 
تاريخ التسجيل: Apr 2010
البلد: في قلب زوجي
المشاركات: 2,342
قوة التقييم: 0
ام صالح is on a distinguished road
انا من موضوعك حسيت بالبرد
وياكرهي للبرد والله يعينا عليه

عوافي على الموضوع
__________________
ياالمرض عجل دخيلك تعديه .!
خل التعب لا يهد حيله ويصلاه
ام صالح غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 04:26 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19