ماوراء القصة

[الشعله]

فيه عندي قصة تقوووووول...


فيه شاب كان يدرس في دولة أجنبية..مره من المرات اتصل هالشاب بأهله

الشاب:هلا يمه شلونكم؟

الأم: الحمدلله بخير شلونك انت؟

الشاب: الحمدلله يمه .. أبشرك كلها كم يوم وارجع .. بس في شي ودي أقوله لك،
واحد من اصدقائي بيجي معاي .

الأم: حياه وانا أمك .. إحنا بعد يسعدنا نتعرف على أصحابك .

الشاب: بس في شي بعد لازم تعرفونه عن صاحبي ذا .. هو أتعرض
لحادث فظيع وفقد وحده من يدينه .. وفقد كمان وحده من رجوله ....

الأم: الله يكون بعونه .. احنا ممكن نساعده ونلقاله مكان يعيش فيه

الإبن: لا يمه..أنا أبيه يعيش معنا ..

هنا أخذ الأب اللي كان يسمع الحوار السماعة وقال:
هلا فيك ياولدي..بس إنت شلون تتخيل إنا بنوافق على شي مثل هذا؟!
كيف تتخيل إنا نقدر نعيش مع انسان معاق ونتحمل مسئوليات فوق
مسئولياتنا وأعباءنا؟ احنا عايشين حياة هادية ومريحة ومانبي شي مثل كذا
يعكر علينا .. إنت ارجع وانسى موضوع صاحبك هذا .. أكيد بيلقى طريقة يدبر
نفسه فيها..ومافي مانع نساعده..بس من بعيد.

هنا .. أنهى الإبن المكالمة مع أمه وأبوه وودعهم ..

مر كم يوم .. اتلقت العائلة اتصال من الشرطة اللي في البلد اللي يدرس
فيها ولدهم يقولون لهم ان ولدهم انتحر..!!

حزن شديد أصاب الوالدين .. وقرروا إنهم يسافرون عشان يودعون ولدهم ويدفنونه

لكن المفاجأة الكبيرة اللي اكتشوفها الأم والأب .. إن ولدهم ماكان له
إلا رجل وحده .. و إيد وحده

انتهت القصة

=============

الأم والأب في هالقصة مثل كثير منا للأسف ..

دايم نلقى إنه سهل جداً نحب الاشخاص الجذابين اللي روحهم حلوة
ومظهرهم بيرفكت .. وهذا شي طبيعي ..

لكن ليش في المقابل .. الأشخاص اللي يكون فيهم عاهات أو مايتمتعون
بالجاذبية والجمال نحاول دايم نبعدهم عنا؟؟

ليش نحاسب الناس على أشياء مالهم يد فيها ونحاول نقيمهم ونعتبرهم
مثل القطع البشرية اللي يبيلها كثير من التعديل والاصلاح!!

ليش نحكم على الناس من خلال انطباعاتنا دون مانعرفهم ..؟
ونردد دايم .. أنا احساسي دايم صادق وما يخوني .. !!

بالنسبة لي..دايم أدعي ربي إنه يعطيني المقدرة بإني أتقبل الناس مثل
ماهم .. وإني أكون انسانة متفهمة ومتقبلة لكل نوعيات البشر ..
والأهم من كذا .. إنه مايغيب عن بالي إن في إختلافات كثير بين الناس ..
وهذا محد له يد فيها الا الله سبحانه وتعالى ..

صدقوني شي حلو لمن تحس إنه في انسان يحبك ويهتم فيك .. حتى إذا
جردك من كل مزاياك وكل الأشيا الحلوة والجذابة فيك ..

[المستجيرة بالله]

أختي بدر النهار بارك الله فيك 00

موضوع جدا جميل ونحن بشغف لمعرفة لكل ما لديك00

بارك الله فيك ووفقك 0

[الشعله]

المستجيرة بالله
تسلمين والله يالغالية
على مرورك الاكثـر
من رائع

دمتي لي

[ريـم الصحاري]

يعطيك العاافيه بدر النهار

قصه جميله ورائعه

[ملح الجريف]

.

بدر النهار

اشكرك على القصة التي اشتملت على درس كبير للعائلة... ولمن يعتبر

تحيتي إليكِ

.

[قمـ الرياض ــر]

بدر النهار

تشكرين أختي على القصه المعبره
وجزاك الله خير على اللفته الكريمه


قمـ الرياض ـر

[سحبان]

بدر الرياض تحية طيبه

شكرا على قصتك الجميله وياليت تتحفنا بالمزيد

سحبان

[الشعله]

الله يعطيكم الصحة والعافية
على حسن المرور والتواصل


همسة
الاخوات الغاليات :
المستجيرة بالله وقمر الرياض

والاخ الغالي :
ملح الجريف

واللي يرحم لي والديكم
انا ولد ماني بنت
ارجعوا وشو فوا ردودكم

ارق تحية..،

[الفرزدق]

رمزية جميلة للغاية..

أشكرك بحرارة على هذا العمق..

[غريب الدار]

بدر النهار

يعطيك الف عافيه اخوي على القصه ..........

وننتظر منك المزيد والمزيد ..............

واتمنى انك ماتزعل على اللي استخدموا معك لفظ التأنيث لغموض اسمك .......




تحياتي لك
اخوك
غريب الدار

[الشعله]

غريب الدار

تسلم يالغالي على التواصل

وعاد ما صار الا الخير
بس قلهم لا يكررونها
مرة ثانية

تراني باطلع من المنتدى
هههههههههههههههههه

دمت لي