العودة   منتديات الرس اكس بي > منتديات الرس اكس بي > تاريخ الرس و الأدب و الشعر
التعليمـــات التقويم اجعل كافة الأقسام مقروءة

الملاحظات

تاريخ الرس و الأدب و الشعر هذا القسم توثيق لتاريخ الرس الماضي والحاضر، و أرشيف للصور القديمة، ومنتدى الأدب و الشعر

إضافة رد
 
أدوات الموضوع انواع عرض الموضوع
قديم 14-12-2010, 02:04 PM   #1
فتون
عضو ذهبي
 
الصورة الرمزية فتون
 
تاريخ التسجيل: Oct 2008
الدولة: شواطئ الشرقية
المشاركات: 2,720
معدل تقييم المستوى: 0
فتون is on a distinguished road
افتراضي ماعلى البنات شرهه


قصه واحد مع صرصور



افندي بالصلاه
أمس أو البارحة أذن المؤذن لصلاة الفجر ..
رحت ألبي النداء للصلاة .. دخلت المسجد وأذن المؤذن لأقامة الصلاة ..
كبر الأمام وكبرنا معاه .. بدأ الأمام يقرأ واحنا في خشوع .. فجأة !! لمحت صرصور أو صرصار
ومو مرة الا مرات كثيرة وانواع واشكال صراصير (دبابات )حشرات
اي شيء تتخيلونه
ما إن لمحته حتى قلت في نفسي لاحوووول ... والله العظيم كأن الصرصور سمعني !!
توقف الصرصور عن المشي في الجدار وحسيت كأنه التفت لي وهو يقول : وش تقووول يابوو ؟؟ >> صرصور عربجي

وأنا لو أدري أن السالفه راح توصل لها المواصيل كنت صارخت بأعلى صوتي .. آسفين .. آسفين يابو الصراصير؟؟

طبعا ضاع الخشوع وضاعت السكينه وصارت عيني تراقب هالصرصور لأنه غير طريقه وبدأ يقترب مني مع إن المسافه

اللي شفتها فيه كانت بعيده كان هو في الجدار عند الصف الأول وأنا كنت في الصف الثاني جنب الجدار
كان في مصلي جنب الجدار وانا كنت جنبه .. بدأ الصرصور يقترب وأنا أقول في نفسي (أنا داخل على الله ثم عليك إنك تبتعد )


ولكن هيهات .. هيهات .. ياارب يكمل مشواره ويروح قدام ولكن للأسف حاط عينه علي جاء عندي

وكان حجمه كبير يعني (عائلي) فري سايز وقف قدامي وأنا أناظر فيه راح مسرع دخل بين رجولي ( يعني كوبري ) وأنانزلت
راسي أتابعه
.. وكان جنبي واحد شايب نزل راسه بعد يتابع وين راح الصرصور
وأنا مثله جالس أدور عليه ..
قلت يا ولد شكله نشب في السروال ؟؟

وكل شوي أتحرك يمين .. يسار والشايب اللي جنبي شك إن الصرصور دخل في ملابسه .. حسبي الله خبصنا
الشايب تعقد آخر شي والتفت وراه وقطع صلاته بإلتفاتاته الشايب .. بصراحه يوم ألتفت الشايب أنا ماقدرت أتمالك نفسي من الضحك
بس .. شديت على نفسي شوي وسكت .. ركع الإمام قلت الحمد لله ركع
خلني هالحين أخذ راحتي واشوف لو هو جالس تحتي ؟؟
طالعت مافي شي قلت أكيد دخل في جسمي .. رفع الإمام ورفعنا .. بدأت احك جسمي
خلاااااااااص دخل الوسواس الخناس ؟؟؟ وكل شوي أنفض ملابسي سجد الإمام وسجدنا .. قام الإمام الركعه الثانيه

وأنا والشايب محتاسين وجالسين ندور عالصرصور ف اجسامنا .. فجأة ظهر الصرصور يتمشى من قدامنا
كأنه يضحك علينا .. هنا أرتحنا وأرتحت خلاص هو قدامنا مو في جسمي .. ركع الإمام .. ركعنا وجاء الصرصور
وقف قدام مكان السجود محل ماحط جبهتي للسجود
(وكأنه يقول لو فيك خير أسجد هنا ).. أأشر له بيدي هش هش هش ..( وكأنه يقول أترك عنك بس )
رحت لصقت في الشايب اللي جنبي وسجدت والصرصور قريب مني ما قدرت أسجد زي خلق الله عيوني تراقبه
يمكن يسوي حركة غدره ويهجم علي .. حتى في السجود عيوني تراقبه
والإمام كأنه كان حاس بمعاناتي مع الصرصور في السجود .. ما بغى يرفع وطول الإمام في السجود
.. وأخيراً رفع الإمام .. وجلسنا .. وسجد الإمام ثاني مره
وأنا أقول .. هش .. هش بيدي بس يا جبل مايهزك ريح صامد هالصرصور
جلست أقول ياااربي وش هالمخلوق ؟؟ وأنا ساجد تحرك الصرصور صوبي طبعا ماعرفت ايش اسوي رفعت راسي شوي
راح وقف جنب راسي .. رحت لصقت في الشايب أكثر رفع الإمام
وأنا مرتفع ضغطي مليووون من هالصرصور
جلسنا للتشهد .. تحرك الصرصور للأمام ومشى بسرعه للوراء وابتعد

سلم الإمام وسلمنا .. عيوني بدأت تدور في الأرض ودي أنتقم من هالصرصور حسبي الله عليه
عفس صلاتنا فوووق تحت ... إلا ألتفت لي الشايب
قال : عمى بعيونه عمى وش هالصرصور المحشش؟؟
قلت محشش والله ياهو اصحى مني ومنك .. الله يتقبل صلاتي انا وياك.. خل عنك بس

كان قلبي وعقلي كله مع الصرصور
والمشكله بعد ماهرب .. قمت أدور عليه .. نفسي أنتقم بس للأسف أختفى .. قلت ياولد لا يكوون .... ؟؟
فزيت وجري للبيت .. وكل خطوه تقول أنا أسرع ..
وصلت البيت فتحت الباب .. وعلى طووول فسخت ثوبي وجلست ألوح فيه ( مثل حركة المروحه )
جاء أخوي طالع فيني قال : (سلامات وش فيك مسجل هدف )
طالعت فيه هالخفيف اللي جالس يستخف دمه عالفجريه قلت :
لاوالله حسبوووه تسلل ..
دورت في ثيابي مالقيته مشكله لو كانوا كل الصراصير يمكلون نفس عقلية هالصرصور ؟؟
مع إني والله يا أخوان علاقتي مع الصراصير رسمية اذا شفته أقوم أحتراماً له وألحقه بالشبشب وطرااااااااااخ
وبث

...
__________________
سلام اذا حان وقت مماتي ... وغطى التراب الطهور رفاتي
وصرت بظلمة قبري وحيدا ... ولا من شفيع سوى حسناتي
فلا تذكروني بسوء فيكفي ... الذي قد جنيت طوال حياتي
فتون غير متواجد حالياً   رد مع اقتباس
قديم 16-12-2010, 02:47 AM   #2
جاسمين الرس
عضو مبدع
 
الصورة الرمزية جاسمين الرس
 
تاريخ التسجيل: Jun 2010
المشاركات: 1,182
معدل تقييم المستوى: 0
جاسمين الرس is on a distinguished road
افتراضي

شكرا لك فتون على هذه القصة والله ما الومه لوانا مكانه كنت صرخت وهجيت ولكن فعلا ضيع هالصرور صلاته مسكين ولك مني ارق تحيه
جاسمين الرس غير متواجد حالياً   رد مع اقتباس
قديم 17-12-2010, 02:05 PM   #3
فنونة
عضو فذ
 
الصورة الرمزية فنونة
 
تاريخ التسجيل: Apr 2009
الدولة: مدري وين
المشاركات: 6,146
معدل تقييم المستوى: 0
فنونة will become famous soon enoughفنونة will become famous soon enough
افتراضي

ههههههههه والله عذاب مع هاالصرصور شكرااا
__________________
انستقرام fnonh222
فنونة غير متواجد حالياً   رد مع اقتباس
قديم 18-12-2010, 11:01 AM   #4
فتون
عضو ذهبي
 
الصورة الرمزية فتون
 
تاريخ التسجيل: Oct 2008
الدولة: شواطئ الشرقية
المشاركات: 2,720
معدل تقييم المستوى: 0
فتون is on a distinguished road
افتراضي

عوافي على الطله الجميله
__________________
سلام اذا حان وقت مماتي ... وغطى التراب الطهور رفاتي
وصرت بظلمة قبري وحيدا ... ولا من شفيع سوى حسناتي
فلا تذكروني بسوء فيكفي ... الذي قد جنيت طوال حياتي
فتون غير متواجد حالياً   رد مع اقتباس
قديم 19-12-2010, 12:05 AM   #5
الحظ الشقاوي
عضو بارز
 
الصورة الرمزية الحظ الشقاوي
 
تاريخ التسجيل: Sep 2010
الدولة: النمسا....‏!‏‏!‏
المشاركات: 335
معدل تقييم المستوى: 0
الحظ الشقاوي is on a distinguished road
افتراضي

هههههههههه ايه والله ماعلى بنات شرهه
__________________
الدنياا علمتني دروس ومنهاا مااأثق بأحد
الحظ الشقاوي غير متواجد حالياً   رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:02 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir