عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 07-01-2011, 09:31 PM   #1
عضو مميز
 
تاريخ التسجيل: Dec 2010
المشاركات: 252
قوة التقييم: 0
يامكه is on a distinguished road
Cool الضوء ماتورث ...الا الرماد...

مساء الخير على الجميع......
عاد انا بنت نقوددد... هذا طبعي عاد وش اسوي ...الله يصلحن ويخليين لي ويعينن على الي اشوفه ولا اقدر اغيره في مجتمعاتنا العربيه السعوديه...<< متعوب عليه ذي
مهب لاني خايفه.. بس احاول احشمهم لايفرحون مهب هم اقصد كبار السن الي معهم <<اخلصي علينا وش عندك.....
ياناس وانا جايه من المدرسه الظهر والجو بديع وماعندي
من الشيطان طريق الا الشايب ابو جيراننا يشيل من هاالاغراض الثقيله ..والله انه يالله يشيلهن بغيت اروح اشيل معه
يوم انتبهت الا ولده واقف عند سيارته ويسولف مع زميله ماكان فيه احد باالشارع
اعنبو ابليسك ابوك يملا الغنيمه يشيل ويحط وانت اعوذ بالله طول بعرض على الفاضي انت ماتخاف من الله ...ماتستحي ...اعوذ بالله ماتهون عليك نفسك تشيلهن عنه ...
تدرون هالموقف وش يحتاج ؟انا اقولكم ..للعسيب نخله منقع بالماء ثلاث ايام علشان يمحط لين يقول اامين.. والله لولا الملامه والحياء اني لاغسل اشراعه.. بس خفت ينزل الخبر بالرس اكس بي وتقولون ..يامكه محطت ولد جيرانهم ...
حتى الزباله وانتم بكرامه اذا مرينا بالحارات الاحظ ان كبير السن هو الي يطلعها والبيت فيه اربع والاخمس شحوط طول بعرض على الفاضي ويمر من عندهن ولا كانه من سكان البيت ماغير يتبطح بالملحق ولا بغرفته وياويل احد يهرجه ..
ولا اذا اطلبت امه منه مشوار اما موعد للمستشفى والايجيب اغراض .. صبخ بالباب وقعد يمن ويعدد المشاوير الي سواهن بحياته .. والا خلي فلان يوديس قبل انا ..ولا انا تعبان ماقدرخلوها بعدين<< بس لو دقو عليه اخوياه راح التعب وتنشط وصار انشط من ابليس ...
ابوك هاذي امك يملا الغنيمه وياوجدك على يومه...
بس ابيكم توقفون عند سوق الخضره شوي مانشوف الاشيبان الله يقومهم بالعافيه ويخليهم ..
وقليل من الشباب الكفوو ..
بس ابسال متى اخر مره قلت لابوك ارتاح يبه انا ابروح اتقضى من سوق الخضره ولا اغراض البيت واشيل واحط ..
النت ماهب طاير واخوياك ينتظرون عادي ..
والمباريات تعاد مهب لازم اتابعها مباشر يامردونا زمانك على غفله ..
والله اشياء
بسيطه بس تعني الكثير لاهلك لاتحقرونه الدنيا تبي والاخره تبي....
والله يبي من يتقيه..
مدري ليه بعض الشباب وما اقول الكل
يعتبرون انفسهم ضيوف ببيت اهلهم يعني ..الملابس مغسوله ..الاكل جاهز ..المصروف على الطاوله ..انا ماقول اشتغل بالبيت انا اقول ضف الي عقبك تراه مايضر ..
على الاقل اغسل الحوش عن اختك او امك ترى البس الي بالحوش مايعض ..
اختك تبي السوق او المكتبه ودها لانها رايحه رايحه الله لايعوقه بشر لاتخلي ابوك الشايب <يالبي قلبه هو الي يروح ارحمه احترم شيباته اوالله القهر محسوبين عليهم عيال ..
والشايب اذا اساله احد عن اعياله وينهم وراه مايعونونك دلى يتصدد عن وجيه الرجال وش يقول اولدي منجطل بالملحق وانا رايح اجيب الاغراض ..
الله يخلف بس على هالجيل
<<كاني منيب منهم الله يخلين لي
عاد عندي نقد بسيط مايذكر <ادري انه لسان حالكم يقول تفضلي غردي
هالحين لبسكم وراه غادي سذا يعنني تمدنتو درينا انكم تلبسون جنز
والا الكت ياربيه من زين اكوعتكم تقل ركبت حاشي يالله لك الحمد ماودي اضحك ..
بس عاد اقول لكل لبس وقته <<الي عشاء بالاستراحه وكل العائله جايين وانت لابس جنز صارك ماتقدر تحرك وهكا البلوزه الي ياي ..ياي .. مشخمط عليها بكلام انت نفسك ماتدري وش مكتوب عليها بس ابلبس واقلد ..مهند
<تبطون ..
اول مايدخل الشايب ذاك الثوب والشماغ والعقال يالله من فضلك فديته
ويجي من وراه ذاك المايع الي ينسف شعره حاطن كيلو جل من ابو خمسه يحلفون انه يالله يشقل راسه..
ولا هالكدش الي تقل شوشة جني ماغير امشي بالسوق واسمي صرت مااميز الجني من الانسي ...
ياخي تبي تلبس كيفك بس لكل مكان لبسه المناسب يعني الترنق اذا جيت تلعب كوره ..
الجنز اذا سافرت ل ابهاء<ابمشيه بمزاجي كاني على وجهي مااعرف السفر للبرى ..
بالمنتزهات وللبر .. اذاحضرت اجتماع كبير ولا زواج << البس ثوب اطلق والله
واذا الله بلى ولبست اترنق < رجاء البس مقاسك <<ترى ماتوا الي يلبسون اسكيني ..
ترى اللبس ماهب شي ..خلك انت الي يزين اللبس .. على العموم الاول ماخلى
لاالتالي شي حيث قيل ..الزين زين لو قام من منامه والشين شين لو كحل اعيونه.....
عاد انا اقول انه بعض الشباب الله يهديهم ويصلحهم..
وبعضهم كفوو ..حطهم على يمناك ..يحطون على الجرح يبرى الله يحفظهم ويخليهم للعينن ترجيهم ..
والله يهدي الجميع ودمتم سالمين
يامكه غير متصل   الرد باقتباس

 
قديم(ـة) 07-01-2011, 09:55 PM   #2
عضو مبدع
 
صورة ريح الغضا الرمزية
 
تاريخ التسجيل: Oct 2010
البلد: الرس
المشاركات: 1,757
قوة التقييم: 0
ريح الغضا is on a distinguished road
مشكوره ياختي على موضوع الرائع
ولكن هل تساالتي عن سبب تصرف الشباب هكذا؟
انها التربية وخاصة تربية الام التي تفرق دائما بين الولد والبنت
عيب الولد ..مايشيل عيب الولد مايغسل.. عيب الولد ماينظف.. وغيرها الكثيرالكثير
وهكذا ينشأ الشاب اتكاليا معتمدا على غيره في ابسط المعاملات
__________________
.

ريح الغضا غير متصل   الرد باقتباس
قديم(ـة) 07-01-2011, 10:05 PM   #3
عضو ذهبي
 
صورة همس الرمزية
 
تاريخ التسجيل: Apr 2007
البلد: في مملكتي
المشاركات: 3,349
قوة التقييم: 0
همس is on a distinguished road
هههههههه
اعجبني اسلوبك
ذكرن بواحد مختفي عن المنتدى
المهم موضوعس جوناااااااااااااااااان
والله ياعيال هاالوقت يبطون السبد
الله يعين بس
__________________


عساك تبقى حي ياشايب لي
يابوي ياللي مايساويك رجال
همس غير متصل   الرد باقتباس
قديم(ـة) 07-01-2011, 11:43 PM   #4
عضو مميز
 
تاريخ التسجيل: Dec 2010
المشاركات: 252
قوة التقييم: 0
يامكه is on a distinguished road
اقتباس:
المشاركة الأساسية كتبها ريح الغضا مشاهدة المشاركة
مشكوره ياختي على موضوع الرائع
ولكن هل تساالتي عن سبب تصرف الشباب هكذا؟
انها التربية وخاصة تربية الام التي تفرق دائما بين الولد والبنت
عيب الولد ..مايشيل عيب الولد مايغسل.. عيب الولد ماينظف.. وغيرها الكثيرالكثير
وهكذا ينشأ الشاب اتكاليا معتمدا على غيره في ابسط المعاملات
الله يهدي شباب المسلمين
دمتي بود
يامكه غير متصل   الرد باقتباس
قديم(ـة) 07-01-2011, 11:56 PM   #5
عضو مميز
 
تاريخ التسجيل: May 2010
المشاركات: 100
قوة التقييم: 0
جلجامش is on a distinguished road
يامكه خلي عنك اللقافه
العوايل متفاهمين فيما بينهم وانتي حاشره نفسك
خلي الشياب يتحركون ترى الحركة فيها بركه والحركه لهم تساعدهم على الضغط والسكر
وبعدين انت قلبتي ام المثل الي يقول النار ماتورث الا رماد وحطيتي بدل النار الضوء
وهو على فكره مهوب مناسب لمحتوى موضوعك
شكرا
جلجامش غير متصل   الرد باقتباس
قديم(ـة) 08-01-2011, 12:02 AM   #6
عضو مبدع
 
صورة حگايۃ احســاس الرمزية
 
تاريخ التسجيل: Sep 2010
البلد: صمتي ألم00 وهمسي ندم00 على حلم تمنيته00 وصار أساسه العدم00
المشاركات: 1,210
قوة التقييم: 0
حگايۃ احســاس is on a distinguished road
ولله صدقتي

لله يهديهم بس
حگايۃ احســاس غير متصل   الرد باقتباس
قديم(ـة) 08-01-2011, 12:13 AM   #7
عضو مميز
 
تاريخ التسجيل: Dec 2010
المشاركات: 252
قوة التقييم: 0
يامكه is on a distinguished road
اقتباس:
المشاركة الأساسية كتبها جلجامش مشاهدة المشاركة
يامكه خلي عنك اللقافه
العوايل متفاهمين فيما بينهم وانتي حاشره نفسك
خلي الشياب يتحركون ترى الحركة فيها بركه والحركه لهم تساعدهم على الضغط والسكر
وبعدين انت قلبتي ام المثل الي يقول النار ماتورث الا رماد وحطيتي بدل النار الضوء
وهو على فكره مهوب مناسب لمحتوى موضوعك
شكرا
ماش اللقافه ما اقدر اخليه
والشايب يكفيه روحت المسجد
وترى الضوء بالعامي والنار بالفصحى
وقصدي ان الشايب هو النار<يالله من فضلك <والجحلط ..اعياله هم الرماد
وشكلك انت ولد جيراننا ومشكورين على المرور
يامكه غير متصل   الرد باقتباس
قديم(ـة) 08-01-2011, 10:53 AM   #8
عضو متألق
 
صورة هامور الرس الرمزية
 
تاريخ التسجيل: Apr 2010
المشاركات: 1,036
قوة التقييم: 0
هامور الرس is on a distinguished road
اقتباس:
المشاركة الأساسية كتبها يامكه مشاهدة المشاركة
:
وشكلك انت ولد جيراننا ومشكورين على المرور



هههههههههههههههههههههههه
رد في الثمانيات

شكرا يامكة
هامور الرس غير متصل   الرد باقتباس
قديم(ـة) 08-01-2011, 06:35 PM   #9
عضو مميز
 
تاريخ التسجيل: Dec 2010
المشاركات: 252
قوة التقييم: 0
يامكه is on a distinguished road
اقتباس:
المشاركة الأساسية كتبها همس مشاهدة المشاركة
هههههههه
اعجبني اسلوبك
ذكرن بواحد مختفي عن المنتدى
المهم موضوعس جوناااااااااااااااااان
والله ياعيال هاالوقت يبطون السبد
الله يعين بس
يخلق من الشبه اربعين
شرفنا مرورك والله
يامكه غير متصل   الرد باقتباس
قديم(ـة) 08-01-2011, 06:45 PM   #10
عضو ذهبي
 
صورة هتان 7-4 الرمزية
 
تاريخ التسجيل: Aug 2008
البلد: الرس
المشاركات: 3,669
قوة التقييم: 0
هتان 7-4 will become famous soon enough
ههههههههههههههههههههه تو مابردتي كبدي تابعي ونحن وراءك

والله يعينك على الوحوش ...الي يبي يفترسونك بالردود
__________________
هتان 7-4 غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 05:07 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19