LinkBack أدوات الموضوع انواع عرض الموضوع
قديم 20-01-2011, 05:34 PM   رقم المشاركة : 1
معلومات العضو
ازرق العود
عضو مميز
 

إحصائية العضو







افتراضي (سلــيـمان الـغـفـيـلي )من فحول الشعر العذب

[size="6"][center]

هو الشاعر سليمان راشد الغفيلي المحفوظي العجمي من مواليد بلدة التنومة بمحافظة الأسياح من غفالا الرس من ابناء
الامير محمد بن علي بن راشد ال محفوظ العجمي جد العجمان بمدينة الرس
نشر كثير من قصائده واستطعت أن اجمع بعض من قصائدة وهي قصائد جميلة ومعبرة . انتقل إلى مدينة بريده قبل عدة سنوات لكن لازالت ذكراه العطره بين جميع اهالي الاسياح وهو شاب خلوق . نتمنى له التوفيق في حياته .
والآن مع بعض قصائدة

شوف النفود


[poem="type=1 color=#333333 font="bold medium tahoma, verdana, arial, helvetica, sans-serif""]يا زين شوف النفود وجوه الماطر ** في خايعٍ ما وطا به قبلنا واطي
ريح النفل والخزامى يشرح الخاطر ** يسري بروحٍ عليلة همها ساطي
بيت الشعر والغنم والعد والفاطر ** أحلى ولا جلسةٍ في جانب الشاطي
مع ربعي اللي تعين وتكرم الخاطر ** سوالفٍ ما بها تكذيب وخراطي
كلٍ بنفسه لعزة ربعه إيخاطر ** يحلا له الموت دون المركز الواطي
ما منهم اللي لحق أهل الوفى باطر ** كلٍ يعد الحقايق دون الأغلاطي
والبن متزهلٍ به واحدٍ شاطر ** بيطار يعرف مقاديره ويحتاطي
لا دار وقت الضحى فنجاله العاطر ** يجلي عن الراس همٍ سبب إحباطي
والطير متحريٍ للهدة وناطر ** يبغى الأشارة من القناص متباطي
دم الحباري من اسبابه غدا قاطر ** الخرب عوَّد على ادنى هامته واطي[/poem]

ياطيف

[poem="type=1 color=#333333 font="bold medium tahoma, verdana, arial, helvetica, sans-serif""]يا طيف احييك واقبلي تحياتي**حشمتك من حشمة اللي غبت عن باله
لا غاب راعيك جيت تبدد اسكاتي** تمرني يوم خلي منّ,, بوصاله
تعال اقهويك واشرب غالي أبياتي **عندي دلال القصيد,, وهاك فنجاله
لو كان لاجيت جيت وجبت لوعاتي **حي الله الضيف مهما كانت اخصاله
لاجاني الضيف لو هو طيف ما باتي** هاذي سلوم الكريم وهاذي أفعاله
للضيف دلة قريب النار,, مركاتي **من زارني في صميم القلب منزاله
وللطيف دلة غلا وابهارها ذاتي** يهديه قلبي تباريحه ومواله
الطيف ضيف الخفوق وضيف سجاتي** عيبٍ على اللي يهين الضيف لاجاله
يا غيمة الشعر هاتي طالبك هاتي** خلّي سريب القصيد وهاتي ازلاله
ما قصر الطيف مروجاب حسراتي **وانتي عليك المعاني رتبيهاله[/poem]

ثوبها الدين ما هي كل يوم بثوب


[poem="type=1 color=#333333 font="bold medium tahoma, verdana, arial, helvetica, sans-serif""]القصايد سحايب والمشاعر هبوب **وغيمة ما تطيع الريح وش لي بها
واليماني تسجل ما تكن.. القلوب** والقصايد تسيل وينكشف.. غيبها
يوم اغني بداري يجتمع كل صوب **من حياتي الى آخر يوم في جيبها
يا قصيدي كتبتك ما كتبتك طروب** كلمة الروح وحروفي مناديبها
نبضةٍ من معاليقي بلحن.. عذوب** من مداهيل قلبي جيت أهلّي بها
شاعر ما يسوي من خياله ضروب** من مناهل شعوره دوم يشدي بها
ياهلا في بلاد حبها.. ما يذوب** قدرها بالقلوب وطيبها.. طيبها
غربها.. والشمال.. وشرقها.. والجنوب **كلها أرض وحده وين مبدي بها
يا بلاد خصال الطيب فيها وجوب** تكرم ضيوفها حشمة.. معازيبها
ثوبها الدين ما هي كل يوم بثوب** سيرة تحكي الحشمة وتحكي بها
عقب ما وجهها كاسية هم وشحوب** حسنها اليوم لابانت.. يماري بها
يوم دور المواجع والفتن والحروب** كل ذيب برز نابه.. يراوي بها[/poem]







الفضفضة
[poem="type=1 color=#333333 font="bold medium tahoma, verdana, arial, helvetica, sans-serif""]لو كل عين تهل الدمع وتسبله** ما شفت بعض القلوب تموت في غيضها
من ياخذ الهم بالأحضان. ويقبله** ياريض روحه عن الأفراح.. ياريضها
الدمع ضيف الفرح لاجاك قم صب له** من دلة القيض ويخلص على قيضها
عز الله إنه دوى اللي هاجسه كبّله** لا كبلته الهموم اسرع.. بتنقيضها
لا من دعاه الحزين ابغيمته هب له** واطفى التباريح في دمعات يهيضها
لا ربع الهم في خفاقي وشب له** نار شديدة ووقتي زاد تحريضها
أفزع الدمع بالونات واستقبله** والعين يرجع لها بالليل.. تغميضها
الشوق له ساعة الأحزان والحب له **مهرة جروحي عرف وشلون ترويضها
الفضفضة تزدري بالهم وتهبله** يكفيك عن فيضها حرفين من غيضها
والقلب كثر العنا لا ذبله.. ذبله** يالين ماتسترد الروحتعويضها[/poem]

ياطيـــــــــــــــــــــر

[poem="type=1 font="bold medium tahoma, verdana, arial, helvetica, sans-serif""]

يا طير مادام لك جنحان وش بك حزين؟** ما تاخذ الريح وتخلي عذاب الطمان
ابعد عن الأرض وأهل الأرض والشامتين** يا لين ما فيه شيءٍ من أثرها.. يبان
خل الحزن للحزين اللي عذاب.. السنين** موجود في داخله من يوم عمره ثمان
يا طير شفني وتدري انك.. ابنعمتين** تروح بعد الفجر.. وترد قبل الأذان
تشكي وتبكي لأنك فاقدٍ.. ريشتين** اجل وش يسوي اللي فاقدٍ له زمان
خل العنا والليالي والبكى .. والأنين **للي ضروفه دهنه ياالله المستعان
والا أنت طيرٍ يقسيك الزمان.. وتلين **من شاب ريشك تنقل من مكان إلى مكان
تطير فوق الحقول اللي شمال ويمين** وتداعب الورد.. والنعناع.. والقحويان
عشك بنيته وساقك يمه اكبر حنين** ما به يدينٍ تشدك وانت مالك عنان
يكفيك من جاري الماء قطرة.. وقطرتين** ويسد جوعك قليل الزاد عدل وظمان
يا ناعم الريش عندك وش يشيل الكنين **ما تترك الهم لاصحابه وساع البطان
تصدق اني عجزت القى.. رفيق يعين **انادي الناس ويضج بنداي المكان
حتى أقرب الناس حدت من عطاه السنين** اقول ياقلان ويرد الصدى يافلان
ياالله يا الله يا راضي.. عن المذنبين** إليا اقلعوا عن خطاياهم وفاضوا حنان
يا الله وأنا عبدك اللي جاك دمعة وعين **تحلها يوم عقدها عليَّ الزمان[/poem]



هلابك

[POEM="type=1 color=#333333 font="bold medium Tahoma, Verdana, Arial, Helvetica, sans-serif""]هلابك يا بعد عمري هلابك ** هلابك عقب ماخاب الرجا بك
هلا بك كثر ما جرحت قلبي** هلابك كثر ما تهت ابعذابك
انا ماني مصدق في رجوعك ** عقب ها الهجر قل لي ويش جابك
وش اللي ذكرك باللي نسيته ** من اللي قال لك راجع حسابك
اكيد انك ذكرت الحب الأول ** اكيد الشوق من يمي سرابك
تذكرت الوفى والا المحبة ** اكيد انك تبي تدرك شبابك
تعال اسكن بقلبي يا حبيبي ** تعال اسكن بقلبي مع صوابك
تفز الارض لا جاها مطرها ** وانا فزيت من جاني سحابك
روت كل المشاعر في خفوقي ** وراح الهم من ساعة درابك
هلا بك يا بعد عمري هلا بك ** اهلا بك يا هلابك يا هلابك[/POEM]

_____________________________
شاطي العشاق

[POEM="type=1 color=#CC9900 font="bold medium Tahoma, Verdana, Arial, Helvetica, sans-serif""]خذني على شاطي العشاق وابحربي ** سافر بقلبي على كيفك وغامر به
لا غبت عني ترى ممكن تعذربي ** وان جيت ريحتني من لوعة الغربة
يحسبني الليل ساكت يوم يسهربي ** سهرت حبك بكبره كيف ما اسهر به
الليل ظامي ولا يقوى على شربي ** خله علي وانت نام ولا تفكر به
اثري الليل او مدري تأثر بي ** كم لي وانا كارهٍ سلمه واي حربه
يكفيني انك على ما قلت تشعر بي ** وهذا اللي ابغاه واللي دايم افخر به
سربي على كيف سجات الهوى سربي ** قلبي قبل لا يعرفك تايه دربه
ما هوب لازم اذا زليت تنظر بي ** رضاي لك يا حياة القلب يا قربه
وما هوب لازم يحل الوقت لي كربي ** الموت مكتوب والتربة هي التربة
ماجاك حاجة وقل للقلب يصبربي ** واللي عطيتك ابي روحك تعبر به
تاصل نسايمك لو ما دغدع الغربي ** ان جيت طيفك معي وان رحت اهاجر به
وان مال غصن الغرام وجيت في قربي ** غنيت لك زاهي الالحان مع سربه[/POEM]

وهذي من القصائد العاطفية الرائعة وذات قافية صعبة ( ح به & ح لك ) ولكن لا يوضح على القصيدة
لأنها جاءت سلسة وعاطفية لأبعد حد :

سيف الجفا

[POEM="type=1 color=#333333 font="bold large Tahoma, Verdana, Arial, Helvetica, sans-serif""]سيف الجفا في يديك ودوم تجرح به ** سلمك تعذب وسلم القلب يدمح لك
تخسر ودادي ولا أدري كيف تربح به ** اصك بابي ولا أدري كيف يفتح لك
إن جيت اسلي خفوقي عنك واسرح به ** مايسمع القلب كلماتي ويجنح لك
ياصعب والله غرامك كيف ابنجح به ** وانت الذي ماتسيل دمعتك كحلك
اجهل صباحي مع إني دايم اصبح به ** وظلام ليلى يشادي قذلتك وأحلك
إن جاني الخير منك اشكرك وافرح به ** وإن جاني الذنب منك اعذرك واسمح لك
لو إن نفسك علي ياصاحبي رحبة ** كسرت حاجز عناي وجيتك اشرح لك
وإن كنت تدري بشفي ليه اصرح به ** ياكامل الزين مايحتاج اوضح لك
ارجع لقلبٍ حنانه دوم يكدح به ** ارجع لقلبٍ بنبضاته يلوح لك
ارجع لقلبٍ غريبة ماقضى نحبه ** لاجيت بين الحنايا قام يفسح لك
له تالي الليل طاروق يطوح به ** ليلى الهوى يسهر لانمت في رحلك
والموق دايم هبوبك سابق سحبه ** والخد دايم يروّي لك ويجرح لك
ليه أنت ميزان قلبي دوم ترجح به ** ليه الفرص ياحبيب القلب تسنح لك
ماقول بحر الهوى اللي طحت به طح به **اقول كيل الموده كيف يرجح لك[/POEM]


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 23-01-2011, 03:10 AM   رقم المشاركة : 2
معلومات العضو
شباط
عضو ذهبي
 
الصورة الرمزية شباط
 
 

إحصائية العضو








افتراضي

رائع بل اكثر من رائعة



















التوقيع

رد مع اقتباس
قديم 23-01-2011, 12:19 PM   رقم المشاركة : 3
معلومات العضو
 
الصورة الرمزية خجل العذارى
 
 

إحصائية العضو








افتراضي

ماشاء الله
قصايد كل وحده احلى من الثانيه
صح لسان الشاعر وسلمت يدين الناقل
يعطيك العافيه



















التوقيع

أنا مبحرهـ مع العالم على زورق بلا مجداف ،،
على كف الزمن تايههـ ولا ادري وين يرميني،،،،!!

رد مع اقتباس
قديم 23-01-2011, 12:27 PM   رقم المشاركة : 4
معلومات العضو
 
الصورة الرمزية عزتي في سمو ذآتي
 
 

إحصائية العضو







افتراضي

الله يعطيك العافية

قصائد رائعه

رد مع اقتباس
قديم 23-01-2011, 10:16 PM   رقم المشاركة : 5
معلومات العضو
صائد الكبار
عضو بارز
 

إحصائية العضو







افتراضي


الامير محمد بن علي بن راشد ال محفوظ العجمي جد العجمان بمدينة الرس
قل جد الغفالا بالرس وليس جد العجمان بالرس يا البناخي


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 23-01-2011, 11:34 PM   رقم المشاركة : 6
معلومات العضو
ازرق العود
عضو مميز
 

إحصائية العضو







افتراضي

اشكر الجميع على المرور

صائد الكبائر
جدي محمد بن علي بن راشد بن محفوظ ال محفوظ العجمي الملقب ابا الحصين
هو جد جميع العجمان بالرس
وجميعنا من ذريتة
اشترى الرس من الصقية عام 975هـ
وسكن الرس هو وابنائة
وجميع العجمان بالرس هم من ذريتة

عموما ليس هذا ما طرحت انا
فانا طرحت قصائد عذبة ارجو ان تتذوقها اذا كان لديك ذائقة ادبية شعرية
او ترك الهوامش التي ذكرناها للتعريف بمن الشاعر فقط لا غير
ومثل هذي المداخلة يا عزيزي تشتت الموضوع وتبعد بنا عن تامل القصائد

شكرا لك


















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 24-01-2011, 01:17 AM   رقم المشاركة : 7
معلومات العضو
هرري
عضو بارز
 
الصورة الرمزية هرري
 
 

إحصائية العضو







افتراضي

والله ونعم وسبعة انعام بالغفالا وشاعرهم .

رد مع اقتباس
قديم 24-01-2011, 03:22 AM   رقم المشاركة : 8
معلومات العضو
 

إحصائية العضو








افتراضي

فحل من ظهر ، فحل ..


يعطيك العافيه
رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 05:30 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8