عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 23-01-2011, 12:15 PM   #1
عضو بارز
 
تاريخ التسجيل: Jun 2007
المشاركات: 589
قوة التقييم: 0
مدحت شوقي is on a distinguished road
موقف محرج

بما ان المنتدى حاليا مافيه مواضيع جاده تستحق القراءة خذو هالموقف .........
قبل فتره كان عندي مراجعه بالرياض لأحد المستشفيات والثانية للجوازات
الساعة سبع ونا مسنتر بالمستشفى وبعد ماخلصت المراجعة , جيت خلاص بطلع إلا اشم ريحة قهوة ستار بوكس اللي تدخل النخاشيش قلت ياولد مابدهاش انت مفطر مفطر ورى ماتفطر بالمستشفى بدل البوفيهات اللي عند الجوازات اللي الله يعز النعمة مدري وش نظافتها ..المستشفى اكيد بوفيهاته او مطعمه انظف واحسن
والله واسئل ذاك الموظف اللي مدري اقول جزاه الله خير والا حسبي الله عليه !! قلت ماعندكم هنا مطعم والابوفيه ؟ قال الا .. امش وتياسر يمين ثم تيامن يسار مع ذاك السيب واطلع فوق الدور الثاني وبتلاقي المطعم ..سمعت الكلام وجيت مدرعم على الوصف اول ماوصلت المطعم , لقيتهم حاطين لوحة الرجال يمين النساء يسارقلت في خاطري بعدي والله مافيه اختلاط عند النشاما.
مالكم بالطويلة ,, اخذت الصينية او الصحن وقمت احط عليها كل ماعجبني في طريقي , بداية من الملاعق والشوك والمناديل , ثم البيض المسلوق والزبادي والخبز , وحق المتنحين الفول لأني مبطي ماتنحت ثم مريت ابي قهوة ولقيت شاهي احمد , قلت بلاش من القهوة خلينا بشاهي احمد ياما شفت دعايته ولاقد جربته ..
المهم وصلت الكاشير والناس اشكال والوان وراي وقدامي والكل يناظر
كم الحساب ؟ طقطق وقال 6 ريال , قلت في خاطري والله الرخص وتوني اطلع الفلوس بعطيه قال انت موظف هنا ؟؟ قلت لا .. ليش ؟؟
قال ياخي المطعم هذا للموظفين بس قلت افااااااا والحل
قال دقيقة , وينادي ذاك الفلبيني شسصتبلمنتيبامرتامرى نيسكنت !!قال خلاص مافيه مشكله بس تدفع 10 بدل 6 ريال
قلت يابن الحلال عساها 100 اخلص بس , ماهي في طيحة الوجه الله لايشكر فضلكم
بعدها درعمت ادور طاولة , قلت في خاطري ياولد شف لك طاولة بكرسي او ثنين , مافيه داعي تدخل مطعمهم من زين الطبايع وتجلس على طاولة بسته والااربعة كراسي مع الموقف انقلب راسي مدري وين اول المطعم من آخره
شفت ذيك الطاولة لحالها آخر المطعم بكرسيين بس , واحط الصحن واتكي افطر ومن قرادة الحظ طلعت الطاولة هذي عند باب الخروج مانتبهت الابعد ماجلست وكل ماطلع واحد خزني بعينه كأنه يقول لي تراك تفطر في مطعمنا وانت مو موظف عندنا ومن قرادة الحظ الثانية ان اللي كان وراي بالسراء طلعوا خوياه ثنين جمبي على طاولة وجا طويل العمر وجلس معهم
وكل شوي.. يقرقرون مع بعض بصوت خفيف ثم يناظروني بنص عين ويكعونها ضحكة لين طفشت وماقدرت ابلع لقمتي حسبي الله عليهم بغيت ساعتها ادور قلم خط كبير , واكتب على الجدار وراي تراني دافع 10 وانتم 6 لابارك الله فيكم وفي مطعمكم , ولا في من دلني عليه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مدحت شوقي غير متصل   الرد باقتباس

 
قديم(ـة) 23-01-2011, 12:21 PM   #2
عضو متواجد
 
تاريخ التسجيل: Aug 2010
البلد: في قلب ماما
المشاركات: 52
قوة التقييم: 0
boy-arass is on a distinguished road
هههههههههههههههههه بس باقي 4 ريال
boy-arass غير متصل   الرد باقتباس
قديم(ـة) 23-01-2011, 01:24 PM   #3
عضو ذهبي
 
صورة دمرتني طيبتي الرمزية
 
تاريخ التسجيل: Dec 2009
البلد: في قلب من احبهم ويحبوني
المشاركات: 3,403
قوة التقييم: 0
دمرتني طيبتي is on a distinguished road
ههههههههههههه
تعيش وتاكل غيره
__________________
دمرتني طيبتي غير متصل   الرد باقتباس
قديم(ـة) 23-01-2011, 02:15 PM   #4
عضو مبدع
 
تاريخ التسجيل: Feb 2007
المشاركات: 1,226
قوة التقييم: 0
!غير الناس! is on a distinguished road
اقتباس:
المشاركة الأساسية كتبها دمرتني طيبتي مشاهدة المشاركة
ههههههههههههه
تعيش وتاكل غيره
__________________
(سبحان الله وبحمده سبحان الله العظيم)
!غير الناس! غير متصل   الرد باقتباس
قديم(ـة) 23-01-2011, 03:13 PM   #5
عضو بارز
 
صورة احساس الكون الرمزية
 
تاريخ التسجيل: Dec 2009
البلد: بين قلوب احتوتني
المشاركات: 586
قوة التقييم: 0
احساس الكون is on a distinguished road
ههههههههههههههههههههههههه
تعيش وتاكل احسن منها
__________________
وحيد وَ كنّي بغ‘ــيآآبكٍ أسّطــرللأسىَ عنوآإـآن
وحييييييد وَ بسسً دمعآتيٍ علىٍ ـآلفرقىُ توآـآسينيَ..
عجزُ قلبيٍ يشيل ـآإآإلهمـ و ضآإقت فيني الـأكو‘آنٍ
تعبت أرتب جـروحيُ و ـأغرقُ في تنآـآإآـإهيدي..
احساس الكون غير متصل   الرد باقتباس
قديم(ـة) 23-01-2011, 03:48 PM   #6
عضو مبدع
 
صورة جلمبو الرمزية
 
تاريخ التسجيل: Dec 2006
البلد: .. ريحة حقروصين ..
المشاركات: 1,194
قوة التقييم: 0
جلمبو is on a distinguished road
يارجال الشباب تلقاهم يسولفون مهب لمك بس انت عشان الموقف تحس ان أي واحد يضحك يضحك عليك

بس اهم شي عدت على خير وديرتن ماتعرف به أحد فحط به ض1



__________________
جلمبو غير متصل   الرد باقتباس
قديم(ـة) 23-01-2011, 03:56 PM   #7
عضو ذهبي
 
صورة همس الرمزية
 
تاريخ التسجيل: Apr 2007
البلد: في مملكتي
المشاركات: 3,349
قوة التقييم: 0
همس is on a distinguished road
هههههههههههههههههههه
والله الفشيله
__________________


عساك تبقى حي ياشايب لي
يابوي ياللي مايساويك رجال
همس غير متصل   الرد باقتباس
قديم(ـة) 23-01-2011, 04:51 PM   #8
عضو فذ
 
صورة خجل العذارى الرمزية
 
تاريخ التسجيل: Oct 2010
البلد: ان قل توآجدي معكم فاذكروني بالخير وحللوني،، وان غبت ولم تجدوني أكون وقتها بحاجة للدعاء فادعولي..بالشفاء أوالرحمه..
المشاركات: 6,241
قوة التقييم: 0
خجل العذارى is on a distinguished road
هههههههههههههههههههه

لونك طالع للبوفيهات اللي تسبه كان ارحملك من هالموقف ^_^

تعيش وتعرمش غيره هههههههههه
__________________
أنا مبحرهـ مع العالم على زورق بلا مجداف ،،
على كف الزمن تايههـ ولا ادري وين يرميني،،،،!!

خجل العذارى غير متصل   الرد باقتباس
قديم(ـة) 23-01-2011, 05:01 PM   #9
Banned
 
تاريخ التسجيل: Oct 2008
البلد: متأرجح مابين القاع والغيـــمـ
المشاركات: 12,457
قوة التقييم: 0
جداوي كول will become famous soon enough

,






,

هههههههههههههههههههههههههههههههههه اللهـ يرجكـ
يخي المفروض دامكـ دافع اكثر منهمـ تقزهمـ بعين اقوى من عيونهمـ
4 ريال تحسبها سهلهـ
.
.










جداوي كول غير متصل   الرد باقتباس
قديم(ـة) 23-01-2011, 05:08 PM   #10
عضو بارز
 
صورة apo d7em10 الرمزية
 
تاريخ التسجيل: Aug 2010
البلد: رساوي شرقاوي
المشاركات: 435
قوة التقييم: 0
apo d7em10 is on a distinguished road
ههه+هههههه+ااااااااااااا
تعيش وتبلع غيره
__________________
apo d7em10 غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



SEO by vBSEO 3.6.0 ©2011, Crawlability, Inc.