عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 15-02-2011, 06:57 PM   #1
عضو مبدع
 
تاريخ التسجيل: Sep 2007
البلد: في قلب صغيرتي
المشاركات: 1,145
قوة التقييم: 0
الزمن القادم is on a distinguished road
شوفوا الرومنسية على أصولها عند بناتنا ،،، الله لا يخلينا ،،،

طبعا وصلتني على الإيميل فأحببت طرحها بين يديكم :
والله كلام جميل




ردّ من زوجة سعودية .. على الرسالة التي تتناقلها زوجات سعوديات .. عن الزوج السعودي









السلام عليكم ورحمة الله وبركاته ...

لقد اثار إهتمامي رسالة

تتناقلها زوجات سعوديات

عن اللي تبي الدلع والكلام الحلو ... و وين تلاقيه ..... !! ؟؟؟

فحوى الرساله : -

إن اللي تبي الدلع تاخذ لبناني
واللي تبي الكلام الحلو تاخذ سوري
واللي تبي مدري إيش تآخذ .....
واللي تبي مدري إيش تآخذ .....

واللي تبي الأجر تاخذ سعودي.

عاد الأخيره هي الشاهد ....

::

::

معلومه أفتتح فيها رسالتي:

أنا من بيئة زراعية تؤمن أن الأرض الطيبة ... تعطيها ... تعطيك ..

وكثر ما تهتم فيها ... يكون الثمر أطيب .....

::
::
::

إلى كل إمرأه سعودية تعتقد أنها مأجوره لأنها ماخذه زوج سعودي.....

إلى كل إمرأه سعودية تعتقد أنها فاقدة الدلع مع زوج سعودي.....

إلى كل إمرأه سعودية تعتقد أنها فاقدة الرومنسية مع زوج سعودي.....

إلى كل إمرأه سعودية تعتقد أنها فاقدة الكلام الحلو مع زوج سعودي.....

إلى كل إمرأه سعودية تعتقد أنها مظلومه عاطفيا لأنها مع زوج سعودي.....

إلى كل إمرأة سعودية تبحث عن زوج حق دلع ولا كلام حلو......

::

أختي الفاضله:

إجلسي مع نفسك صباح يوم من الأيام
بعد أن يغادر زوجك السعودي إلى العمل.
راجعي يوم الأمس الذي مضى لحظة بلحظة،
وأجيبي عن الأسئلة التاليه:

صباح الأمس الباكر؛ من أيقظ زوجك للعمل؟ أنت أم الساعة المنبهه؟

إذا كانت الساعة؛ أين كنتي؟

إذا كنتي أنتي؛
كيف أيقظتيه؟
وبأي صوت نبهتيه؟
وفي أي صورة كنتي عندما تفتحت عينيه؟

بعد أن استيقظ، ودخل الحمام للدش؛
هل وجد حمامه جاهز؟
لما خرج والأمل يحذوه في وجبة إفطار؛
هل كنتي جهزتي له إفطاره؟

(ولا كوب قهوه وكيكه على المكتب)

قبل أن يخرج للعمل؛ من أين أخذ ملابسه؟
(من بين يديك ولا من الدولاب)

هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛
هل من مودع؟

ولا أحسن إختاري أجابه واحدة مما يلي:

1- خرج وأنا نايمه.

2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.

3- كنت جالسه بالصاله، وهو خارج قلت له لاتنسى الأغراض اللي وصيتك عليها.

4- رافقته للباب، وكان وداع حار.

( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)

لما وصل المكتب
(طبعا إذا قام يفطر الشباب بالمكتب عرفوا وش أنتي من حرمه)؛
هل أتصلتي فيه تتطمنين إنه وصل بالسلامه؟

تالي النهار وهو راجع البيت من العمل،
دق الجرس ( معه مفتاح بس يبي أحد يفتحله و يحسسه إن له وحشه)؛
هل أستقبلتيه؟ وشلون؟

بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟
(ولا منطوله بطرف السرير)

يبي يدخل الحمام وياخذ دش؛
(كرري السؤال حق دش الصباح).

بعد الدش يبي أسترخاء،
رجليه تألمه من الوقفه طول النهار والمشي،
جسمه هلكان؛ هل ريحتيه؟
(طشت مويه وملح وهاتك يا تدليك)

الآن يبي غفوه قبل الغدا، هل ساعدتي على توفير الجو الهادئ؟

لما صحي؛ هل وجد الغدا جاهز ولا هو اللي جابه معه من المطعم؟

بعد الغدا أكيد يبي شاي،
هل قدمتي له الشاي،
وجلستي معه سواليف،
وكيف كان يومك؟

الآن فتره مستقطعه إلى الليل،
وشلون قضيتوها؟

بالليل وقبل النوم على الأقل ساعتين
(إذا فيه عيال أكيد ناموا)؛
وش كنت لابسه؟
كيف رائحتك؟
وشلون صورتك وهيئتك أمامه؟

خلال الساعتين: وش من جو عيشتيه فيه؟
يمكن تتابعون فلم ولا مسلسل وسواليف، بس الجو العام شلون؟

وقت النوم، وأنتي رايحه السرير؛ وش كنت لابسه؟

كيف وضعية النوم مع زوجك؟
(وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)

بإختصار لكل الأسئله السابقه:

هل كنتي أنثى مع زوجك السعودي وعيشتيه جو زوج وزوجه؟

طبعاًَ
هذى مو كل الأسئله المطلوبه من زوجه أنثى،
لكن المهم منها والمطلوب حتماًَ
وحق الزوج فيها.

إلى كل إمرأة سعودية
تبحث عن زوج حق دلع ولا كلام حلو:

ضعي درجه من 100 على كل سؤال،
ووزعيها بحسب الأهميه،
ثم أجيبي الإجابه الصحيحه،
ومن ثم اجمعي الدرجات التي حصلتي عليها.

كم مجموع الدرجات اللتي حصلتي عليها؟
0%
ولا 10%
ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض.
إعتبري النتيجه هي نسبة إهتمامك بالأرض.
والأرض زوجك كيف بتكون الثمره اللي تحصدينها؟

(الثمره أكيد الدلع والكلام الحلو و... و....)
اسألي مزارع إذا احتجتي مساعدة.

في النهايه: أتمني من المرأه السعوديه اللي تبي الدلع ما تاخذ لبناني،


واللي تبي الكلام الحلو ما تاخذ سوري

واللي تبي...واللي تبي....واللي تبي....

كفايه يكون في العالم العربي كله بس السعوديين محرومين من أنثى.

معلومة أختتم فيها رسالتي:

تعرفون ليه الزوج السعودي تولع عيونه
لما يشوف امرأه متبرجه وتطيح سعابيله.

تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله
بالشاشه.


تعرفون ليه الزوج السعودي لما يتزوج من سوريه
ولا مغربيه
ولا...
ولا...

يحس ان فعلاًَ
فيه جنس آخر بالكون غير الذكور.

لأنه في الأصل عايش

مع واحد من ربعه.
__________________
[
الزمن القادم غير متصل   الرد باقتباس

 
قديم(ـة) 15-02-2011, 07:03 PM   #2
Banned
 
تاريخ التسجيل: Oct 2010
المشاركات: 214
قوة التقييم: 0
حطموك ياقليبي is on a distinguished road
انا بنت لاكن اؤيد بقوه كلامها صراحه فيه بنات ماتعرف انها بنت ابد وبنات حرام تقول عنه بنات مايعرفون بالسنع شي
لااااااا وتلاقي بعضهم يتكشخ ولاتزوجت اهملت نفسها لاخر درجه خلاص وش تبي ضمنت الضعيف خخخخ
حطموك ياقليبي غير متصل   الرد باقتباس
قديم(ـة) 15-02-2011, 08:25 PM   #3
عضو ذهبي
 
صورة هتان 7-4 الرمزية
 
تاريخ التسجيل: Aug 2008
البلد: الرس
المشاركات: 3,669
قوة التقييم: 0
هتان 7-4 will become famous soon enough
بالعكس انا أخالفك الريء أخي وعن تجربه لما أرى واسمع من نساء جل اهتمامهن الرجل لاكن لأسف تردد على مسامع الرجال ومتناقلو أن المراءه هي فقط السورية ولاالمصريه ولالالالا اما السعودية فهي عبارة عن عامله ومربيه وشغالة فقط

أخي ألان النساء تعلمن وتثقفن ودخل النت في كل بيت تقريبا ...فلماذا تضع اللوم على المراءه فقط ...لماذا المراءه توقض الرجل ووووووو...الم تكن الحياة تعاون ..إذا كانت المراءة مسؤله عن زوج وأربعه او ستة أولاد يريدون الخروج للمدارس في وقت قصير ومحدود وهي أيضا عامله كيف بالله عليك سوف تجمع بين كل ماقلت ...هل تقطع نفسها ام تقوم بنصف الليل هذا اذ كانت قد نامت من صغير قلق اوكبير مريض ..اللوم دائما على المراءه خاصه في هذا المنتدى ...وكأنها جماد لاتتعب ولا تحس ...لماذا الرجل لايقوم بنفسه ويوقض اطفاله ويساعد زوجته باعداد الفطور ..
نحن دائما نطلب مالنا ...وننسى ونتناسى معلينا ؟؟؟
__________________
هتان 7-4 غير متصل   الرد باقتباس
قديم(ـة) 15-02-2011, 10:00 PM   #4
عضو لم يُفعل
 
تاريخ التسجيل: Sep 2010
البلد: الرس.
المشاركات: 622
قوة التقييم: 0
حامت سبدي is on a distinguished road

أنا الحمد لله اخذت 10% ..
أحسن من 0..
بس شف وانا اختك انا وغيري من الموظفات نقوم الساعة 5 < من فجر الله..
واضرب طريق 100 كيلو! زين؟
بعدين نرجع ناصل البيت حدود الساعه 2..
تكفى عاد من وين لنا وقت نقوم وندلع ونغسل رجول؟ .. حنا نبي من يغسل رجولنا..
يعني بالعربي تجي الوحدة تاافلة العافية!..
تدقه نومه بعدين تقعد تدرس العيال وتروش العيال بعدين عاد تقعد شوي عند النت
منين وقت؟
..
أقول اذكر الله..
اذا الرجل حط مرته بالبيت وحطه جوا عيونه وصرف عليه ذيك الساعة يشوفون الدلع على أصوله..
..
تشكرات عالموضوع ولا عاد تفتح ايميلك
__________________

اللَّهُمَّ مَنْ أَرَادَنِي بِسُوءٍ فَرُدَّهُ عَلَيْهِ، وَمَنْ كَادَنِي فَكِدْهُ.
اللَّهُمَّ َاجْعَلنِي مِنْ أَحْسَنِ عِبَادِكَ نَصِيباً عِنْدَكَ، وَأَقْرَبِهِمْ مَنْزِلَةً مِنْكَ، وَأَخَصِّهِمْ زُلفَىَ لَدَيْكَ، فَإِنَّهُ لاَ يُنَالُ ذَلِكَ إِلاَّ بِفَضْلِكَ
حامت سبدي غير متصل   الرد باقتباس
قديم(ـة) 15-02-2011, 10:38 PM   #5
عضو متواجد
 
صورة وتــين الرمزية
 
تاريخ التسجيل: Sep 2010
البلد: القصــيم
المشاركات: 44
قوة التقييم: 0
وتــين is on a distinguished road
يعنـي كل يوم لازم اسوي له زفـه إذا بيطلع وإذا بيدخل

ممكن اسوي فطور ايه اقومه ايه اشياء معقوله واشياء لاء لازم هو يسويها بنفسه

وبعض الرجال بقوهـ مايستاهل سواء عربي ولا خليجي

اما لدرجه بأي صوره كنتي لما قومتيه وبأي صوت الحن له اغنيه يعني لما اجي اقومه ولا كيف

يعني صرآحه كلام بالعربي الفصيح ماله سنـع البنت البنت البنت البنت

والرجال وش يسوي لي ؟؟

مع اني على فكرهـ انا ماتزوجت بس شايفه كيف الحريم عايشات

تشكرات
__________________
إسألوا الله الهداية في كل حين . . فالفؤاد يهوى كل حين . . ولو لم يكن شأن الهداية عظيم لما رددناها في كل صلاة: ( اهدنا الصراط المستقيم )
وتــين غير متصل   الرد باقتباس
قديم(ـة) 15-02-2011, 11:11 PM   #6
عضو نشط
 
تاريخ التسجيل: Dec 2010
البلد: في العقول رسخت .. وفي القلوب سكنت!
المشاركات: 79
قوة التقييم: 0
أنثى استثنائيه is on a distinguished road
’,
.


وأجيبي عن الأسئلة التاليه:

صباح الأمس الباكر؛ من أيقظ زوجك للعمل؟ أنت أم الساعة المنبهه؟
أنا سوف أيقظه

إذا كانت الساعة؛ أين كنتي؟
حتى لو كانت هناك ساعه فالرجل نومه ثقيل ولا قنبله تصحيه

إذا كنتي أنتي؛
كيف أيقظتيه؟
وبأي صوت نبهتيه؟
فلان حبيبي او ابو فلان حبيبي

وفي أي صورة كنتي عندما تفتحت عينيه؟
ليه بطق زيوني من فجر الله بس اكيد راح ارتب اللي خبري خبرك

بعد أن استيقظ، ودخل الحمام للدش؛
هل وجد حمامه جاهز؟
خير ان شاء الله حتى اللبنانيات مايصلحن كذا ترى الشئ إذا زاد عن حده انقلب ضده

لما خرج والأمل يحذوه في وجبة إفطار؛
هل كنتي جهزتي له إفطاره؟
أكيد راح اجهز له الفطور

(ولا كوب قهوه وكيكه على المكتب)

قبل أن يخرج للعمل؛ من أين أخذ ملابسه؟
(من بين يديك ولا من الدولاب)
من على الشماعه معليش يعني مهما كنت رومانسية فماراح اللبسه ترى التأثير بالمسلسلات الكذابة في الرومانسيه ماهوب زين

هل ساعدتيه في لبسه؟ (وكشختيه وعطرتيه)
ليه مايعرف يسكر ازاريره وين معوق ممكن اعطره أيه

بعد اللبس (وقت الخروج)؛
هل من مودع؟
أكيد راح اقول في حفظ الرحمن

طبعا ذآ الكلام لو كنت غير موظفه ولكن لو كنت موظفه فهو راح يقنع بذآ الشي وراح اهتم فيه لو صارت عطله وهو ماعطل راح يحصل اللي يبي من الدلع النتيجة انتظرها منك



,’
.
أنثى استثنائيه غير متصل   الرد باقتباس
قديم(ـة) 15-02-2011, 11:31 PM   #7
عضو لم يُفعل
 
تاريخ التسجيل: Sep 2010
البلد: الرس.
المشاركات: 622
قوة التقييم: 0
حامت سبدي is on a distinguished road
ماش حاولت انام عجزت
انا إطلب من الإداره حذف الموضوع لعدم إثارة الفتن حنا محنا ناقصين
اشوف ابو محمد جايزله الموضوع
لازم يخذف قبل مايجي الصبح
حامت سبدي ضاق صدره
__________________

اللَّهُمَّ مَنْ أَرَادَنِي بِسُوءٍ فَرُدَّهُ عَلَيْهِ، وَمَنْ كَادَنِي فَكِدْهُ.
اللَّهُمَّ َاجْعَلنِي مِنْ أَحْسَنِ عِبَادِكَ نَصِيباً عِنْدَكَ، وَأَقْرَبِهِمْ مَنْزِلَةً مِنْكَ، وَأَخَصِّهِمْ زُلفَىَ لَدَيْكَ، فَإِنَّهُ لاَ يُنَالُ ذَلِكَ إِلاَّ بِفَضْلِكَ
حامت سبدي غير متصل   الرد باقتباس
قديم(ـة) 16-02-2011, 12:21 AM   #8
عضو
 
تاريخ التسجيل: Apr 2010
المشاركات: 9
قوة التقييم: 0
آخـــ حبيب ـــر is on a distinguished road
أنا يوم شفت الموضوع توقعت فيه أنثى سعودية
مسوية حركات ورومانسية : ) بس يوم دخلت الموضوع
لقيت إن الموضوع ترفيع بالسعوديين خخخخ
يعني وش الجديد ؟ كلام إنشائي ما فيه فايدة تذكر
الزوج السعودي مثل الزوج الأمريكي مثل السوري
مثل مثل مثل ... إلخ .. كل ذكر وكل أنثى ابناء بيئتهم
وتصرفاتهم بالزواج دليل على تربيتهم وعقليتهم وتفكيرهم
وقبل الرومانسية فيه أشياء ثانية أهم .. فيه الاحترام
فيه الذوق فيه النظافة, الله يرزق السعوديين والسعوديات
اللي يملا عليهم حياتهم ويسعدهم ويوفقهم
آخـــ حبيب ـــر غير متصل   الرد باقتباس
قديم(ـة) 16-02-2011, 01:18 AM   #9
عضو بارز
 
تاريخ التسجيل: Oct 2008
المشاركات: 456
قوة التقييم: 0
فراولهـ is on a distinguished road
صرااحه في أشياء مباالغ فيها
أتوقع الرجل السعودي مايتقبلهـآ ..
يعني برووح ألبسه ملابسه ومدري أيش خيير أن شاءالله
وفيه أشياء من الي ذكرت عاادي وكثير يسونها ..
لكن ع حسب الظرووف الموظفه والي عندها أطفال صعب تقووم بكل الأشيااء ..
فراولهـ غير متصل   الرد باقتباس
قديم(ـة) 16-02-2011, 01:33 AM   #10
عضو متواجد
 
تاريخ التسجيل: Jul 2010
المشاركات: 67
قوة التقييم: 0
العذوبه is on a distinguished road
مساكين وتفكير تافه
الحياة الزوجية حب وتعاون قبل ماتكون خدمة للرجل فقط
والرجل والمرأة متساويان فيها
__________________
غريبة قصة الدمعه وهي تغسل جفون العين
تريح جفن باكيها وهو في قمة احزانه
العذوبه غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 08:07 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19