LinkBack أدوات الموضوع انواع عرض الموضوع
قديم 11-04-2005, 05:54 AM   رقم المشاركة : 1
معلومات العضو
مها
عضو بارز
 

إحصائية العضو







افتراضي شعر: ندى بنت عبد الله العلولا(لا باس يالرس)


لا باس يالرس



شاب الشعر يا ناس شاب بالراس

هاللي أشوفه صدق ولا يتلبّس؟!..

هاللي أشوفه اليوم معقول له ساس؟!

معقول هذا بيننا كان مندَس؟!..

فكرٍ دخيلٍ ما نزل فيه قرطاس

من لازمه ودّك تقيّده بالحبس..

ذولا شراذم ما بهم ذرّة إحساس

والشيخ منهم في ظلام يتلمّس..

لا باس بالرس يالغلا ألف لا باس

هذا حسودٍ صوّبك يوم بالمس..

من عكّره جوّك وخلاّه محتاس

عسى المصايب فوق راسه تكدّس..

لو البلا يضرب ترى وسط (مكناس)

تلقى القلوب من الألم ما بها حس..

وشلون عاد..!! والبلا دق الأجراس

وفجّر براكين الغضب في سما الرس..!!

أكيد أببكي وأنظم القاف بإحساس

وأنزف حروفي دم من داخل النفس..

صوت الفزع رد الصدى وسط الأنفاس

وأصبح حكيم القوم دايم موسوس..

في ظل (أبو فيصل) ترى الأمن يا ناس

ما يزلزله صوت الفِشق والمسدّس..

ثابت وأصيلٍ دون حد ومقباس

ما يهدمه جاهل.. غشيم.. ويبربس..

يالله ترد الكيد لصدور الأنجاس

ورِد الفرح لقلوب تبغى تونّس..

بالرس ترانا كلنا اليوم حراس

تفداك روحٍ ما كذبت يوم بالحس..

شعر: ندى بنت عبد الله العلولا
(بنت الرس)



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 11:33 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8