العودة   منتديات الرس اكس بي > منتديات الرس اكس بي > الرحلات و التصوير و التقنيات
التعليمـــات التقويم اجعل كافة الأقسام مقروءة

الملاحظات

الرحلات و التصوير و التقنيات الرحلات البرية و هواة التصوير و التقنيات

موضوع مغلق
 
أدوات الموضوع انواع عرض الموضوع
قديم 23-04-2005, 06:27 PM   #1
مصطفى
عضو مبدع
 
تاريخ التسجيل: Nov 2004
المشاركات: 1,410
معدل تقييم المستوى: 0
مصطفى is on a distinguished road
افتراضي مواقف في البر " شارك بما لديك " . . .

بسم الله الرحمن الرحيم

للأمانة فإن الفكرة مقتبسة ، وبعض المواقف منقولة .

أطرح هذا الموضوع في هذا المنتدى لعلنا نجد التفاعل ،

وطرد الملل والجمود الذي قد يصيب المنتدى أحياناً ،

ولإضفاء جو من المرح والمتعة على النفوس .

ــ قد لاتخلو رحلة برية من موقف طريف أو محرج أو غريب ،
شاركنا بما لديك من مواقف حصلت لك شخصياً أو لأحد أصدقائك أو سمعت بها .

واللي مستحي لايتكلم عن ما حدث له ، أو يخجل من ذلك ، مما قد يسبب له الاحراج فعليه بالتالي :

يقول هذا الموقف صار لواحد من الشباب <<<<<<<< الله يعينك ياواحد من الشباب .

أتمنى أن نسعد بمشاركاتكم وتفاعلكم جميعاً ،

واللي يبي يدخل يعلق على المواقف ويضحك علينا ، لعله يكرمنا بموقف نضحك من خلاله عليه ، ولا يسكت أحسن .

(( الزعل مرفوض ، والعتب ممنوع )) .
.
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مصطفى غير متواجد حالياً  
قديم 23-04-2005, 06:45 PM   #2
سيف الرعد
مشرف المنتدى العام
عضو مجلس الإدارة
 
الصورة الرمزية سيف الرعد
 
تاريخ التسجيل: Nov 2003
الدولة: رساوي حفراوي نجداوي شمالي
المشاركات: 11,627
معدل تقييم المستوى: 0
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
افتراضي

حلو مصطفى

بس ليش ما بديت انت ؟
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متواجد حالياً  
قديم 23-04-2005, 08:04 PM   #3
مصطفى
عضو مبدع
 
تاريخ التسجيل: Nov 2004
المشاركات: 1,410
معدل تقييم المستوى: 0
مصطفى is on a distinguished road
افتراضي إحتراماً للمشرفين الأعزاء " الكبار أول " . . .

بسم الله الرحمن الرحيم

ومادامك أذنت لي خذ هالكم حبه بدون رز .

1 / شباب كشتو ونسو الذبيحة ----------------> ذبحو خويهم !!!! خخخخ " أمزح " .

2 / ناس نسو البيالات وشربو شاهي بقصدير .

3 / ناس نسو البيالات وشربو شاهي بعلبة ببسي .

4 / ( واحد من الشباب ) اللي رايحين يصيدون بسلق وآخذين معهم ذبيحتهم ، يوم قامو الصبح أثره ذابحن وحده من السلق بدال التيس ؟؟؟؟؟ <<<<<< وردت هذه القصة في أحد الأشرطة وذكر أنهم كانو " محششين " .

5 / خمسة شباب مغرزين ، أربعه قعدو ينسمون الكفرات ، والخامس ينسم الاستبنه ؟؟؟!!!! " هذي نكته " .

هذي البداية من أجل خاطركم ، وماودي أبدا بالفضايح من بدري .

ولا خوذو هذي : ( واحد من الشباب ) عازمـ(ن) أعضاء المنتدى بالوادي العصر ، ويوم جاء حول المغرب ماغير يناظر ساعته <<<<<<< يبيهم يمشون . ( قلنا الزعل مرفوع يالي على بالي ) .
.
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مصطفى غير متواجد حالياً  
قديم 24-04-2005, 06:38 AM   #4
سيف الرعد
مشرف المنتدى العام
عضو مجلس الإدارة
 
الصورة الرمزية سيف الرعد
 
تاريخ التسجيل: Nov 2003
الدولة: رساوي حفراوي نجداوي شمالي
المشاركات: 11,627
معدل تقييم المستوى: 0
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
افتراضي

خخخخخخخخخخخخخخخخخخخخ
الله يقطع سوالفك ( مصطفى )
هاك عليك هزيم
لكن خذ هذي

واحد يصيد حمام ويحطهن بكرتون وقف الضحى يفطر طلع الحمام بكرتونهن فوق السياره
يوم افطر مشى ونسى الحمام اثرهن طاحن عقب ساعه مر من نفس طريقه شاف الحمام
قال
منهو هالخبل اللي جادعن حمامه نزل واخذهن قال حلو جدد توهن مصيودات
يوم راح يبي يحطهن بكرتونه اثره ما هب فيه ... اكتشف انه هو الخبل
وان الحمام حمامه قعد يضحك لحاله ....... قصه حقيقيه ؟ الغريبه ان الشخص ما حد يسلم منه بالتعليق .
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متواجد حالياً  
قديم 25-04-2005, 03:41 PM   #5
Admin
عضو مميز
 
تاريخ التسجيل: May 2003
الدولة: AL-Rass
المشاركات: 157
معدل تقييم المستوى: 0
Admin is on a distinguished road
افتراضي

ياملكم من الفضايح والله يعينك يا واحد من الناس

فيه واحد الله يستر عليه وهو راجع من الدوام والا هاك الضب اللي مضيع جحره
وخويكم ماصدق خبر ويكبس الفرامل وطردي وراه المهم وأقز لكم (( اقصد يقز هو ماهو انا ))
جحره واحط كفر الموتر عليه (( اقصد ويحط الكفر عليه )) المهم
وارفع الثوب وطردي وراه بهالبران لين حجره تحت هاك الرمثه المهم ابو الشباب يوم شاف
ان مافيه فكه قال ليش دايم انا اللي انطرد حل اطرد هالادمي وطردي بهالنفود وكان اجيك
وانقز (( معليش وينقز رفيقنا )) هكا النقزه الا وهو داخل من تحته وينصى هاك الجحر
المهم انتقاما مامشى خوينا الا يوم طلعه وهذي صور الضب (( السلوقي ))


الصور المرفقة
نوع الملف: jpg 1.jpg‏ (35.0 كيلوبايت, المشاهدات 274)
نوع الملف: jpg 2.jpg‏ (20.5 كيلوبايت, المشاهدات 273)
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

التعديل الأخير تم بواسطة Admin ; 25-04-2005 الساعة 03:44 PM
Admin غير متواجد حالياً  
قديم 25-04-2005, 04:44 PM   #6
عاشق الديره
عضو
 
تاريخ التسجيل: Apr 2005
المشاركات: 7
معدل تقييم المستوى: 0
عاشق الديره is on a distinguished road
افتراضي

فكرة الموضوع حلوه
والمواقف اللي ذكرهن مصطفى وسيف الرعد وادمن حلوه و طريفه وممتعه

انا عندي موقف مختلف شوي


مره رحت للعيال بشعبا مشيت من الرس وهو يذن المغرب لحااالي على جيب لاندكروزر
المهم قل اني فرقت للموقع وكان يوم ممطر وسحاااب كثير وانا اعرف المنطقه زين ولاهيب اول مره اجيه
لكن سبحان الله انجمت ضعت صرت اروح وارجع وكن اللي امر فيهم اول مره اشوفهم المهم مدري شلون قررت اتوقف ونزلت من السياره حوالي الساعه 12 وكانت مطر وما اقدر اشوف شي وبرد وكنت تعبان ومانمت الظهر واقوم واقفل السياره واسحبه نومه الى باتسر الصبح يومني ناظرت واثري بمكان هههههههههههه صراحه مهب يم المكان اللي ابروح له المهم تلفت ماحولي احد ثم شغلت سيارتي ونصيت الشباب واستفدت من هالموقف ان الليل صعب وممكن فيه كل شي


وسلامتكم

التعديل الأخير تم بواسطة عاشق الديره ; 25-04-2005 الساعة 04:46 PM
عاشق الديره غير متواجد حالياً  
قديم 05-05-2005, 04:25 AM   #7
درب المطر
عضو متواجد
 
تاريخ التسجيل: Feb 2005
المشاركات: 35
معدل تقييم المستوى: 0
درب المطر is on a distinguished road
افتراضي

كشته بد وووون غداء
من المواقف اللي صارت لنا الله لايعيده في عام 1415 اتفقنا أنا والشباب على طلعه المهم كل شي كان قطيه واحد يجيب الصحن وواحد يجيب البهارات واللي نقدر نلعب عليه خليناه يجيب اللحمه < === ( مخفتنا ) واللي يجيب البريق إلخ < ===== عاد موهب الى هالدرجه لاتصدقون و تقولون (طفارى) وأنا أتذيهن عليهم قلت عندي لكم
قدرن على كيف كيفك لو ما تعرف تطبخ أبد وتطبخ بها لقدر صار طبخك وش زينه < === أخطط لبعيد عشان الباقي من هالرزيزه ولحيمة الحاشي ترجع مع القدر << وش رايكم عاد مانب ذهين >> والله ونحمل عفشنا ونتوكل على الله وصلنا محلنا وأفطرنا وأنبسطنا إلى هالحين ماعندنا اخلاف إإإإإإيه جا الشاهد حااااااااااااان وقت الغداء < ==== والله من المطرسه أطبخ أطبخ أنت وأنت ورى ما تطبخ أنا مصدع ومن هالعذاريب واللي يقول أنا منب طابخ أبنام البارح مانمت قاعدن أجهز أغراض الطلعة < ==== أمحق من أغراض ما جاب إلا مفك الصلصه رست على الشيف اللي جايبن البهارات والله وينقز ويفسر كميماته اللي يشوفه يقول بس عز الله إنه يبي يشبعهم ويبدا رفيقنا الله يذكره بالخير بتوزيع المهام اللي يقشر البصل واللي يقطع الطماط واللي يقطع اللحمه ....
كلن خلص من اللي عليه والباقي عليه ما نسمع إلا ( إزززهلوه ) حط كل شي بالقدر عباس على دباس وحط عليهن الملح والبهارات وقال احسبو له نص ساعه يوم بدأ الماء يغلي ونشم ريحه غريبه قلنا وش هالريحه قال وش عرفكم هذي الخلطه السريه < == مشاه علينا راح يويق بالقدر قال تعالو شوفو ونتناقز نحسبه يبي يوزع علينا من لحيمة الحويشي وأثر غدانا برتقالي غامق وغلاض وش القصه ياولد هذي الخلطه الخاصه هااااااه مدري والله ونذوق من هالزين ونبدا نبالع واثر رفيقنا الطباخ اللي جايبن البهارات داخلن المستودع يتلمس بهالظلما ولاقطن حنّا أميمته يحسبه بهارات وقعدنا هكاليوم بدون غداء
.
درب المطر غير متواجد حالياً  
قديم 06-05-2005, 06:59 AM   #8
سيف الرعد
مشرف المنتدى العام
عضو مجلس الإدارة
 
الصورة الرمزية سيف الرعد
 
تاريخ التسجيل: Nov 2003
الدولة: رساوي حفراوي نجداوي شمالي
المشاركات: 11,627
معدل تقييم المستوى: 0
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
افتراضي

ههههههههههههههههههههههه

حلو ه

نبي نجرب رز بالحنىىىىىىىىىى
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متواجد حالياً  
قديم 24-05-2005, 11:37 PM   #9
مصطفى
عضو مبدع
 
تاريخ التسجيل: Nov 2004
المشاركات: 1,410
معدل تقييم المستوى: 0
مصطفى is on a distinguished road
Talking

بسم الله الرحمن الرحيم

( سيف الرعد )
" اكتشف انه هو الخبل " عادي لكل جواد كبوة " ( يالله لاتعمينا )

( Admin )
" ضب على باله ورر "
عز الله إنك " قصدي إن خويك " مزدين به
نشكرك على أخذ الصور من خويك لدعم الموضوع

( عاشق الديره )
الحمد لله على السلامه
عز الله إذا إنجمت مالك إلا اتطفي وتنام
ومن أصبح أفلح

( درب المطر )
واضح إنه مدعين عليكم
اللي سارقن قدر أهله ، واللي يبي يطبخ بدون نفس ، واللي سارقن الحناء .

ذكرتن بواحد من شباب المطية الله يذكره بالخير
دخل بيتهم بالمزرعه بالليل وهو جوعان ومايرده إلا الثلاجه
وإلا هاك الملوخيه بالقدر والله ويسخنه ويضربه ( مادري بملعقه ولا بخبز )
والله والعالم إنه يرشفه رشف من القدر ( الجوع كافر )

المهم يوم أصبحوا وتجي أمه اتدور الحناء اللي بالثلاجه وأثر " واحد من عياله " الله يهديه ساري(ن) عليه البارح والله يعافيه مسبع(ن) القدر وحاطه بالدولاب .


أشكر لكم تفاعلكم ومروركم الكريم
ونحن بانتظار المزيد من المواقف الممتعة
.
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

التعديل الأخير تم بواسطة مصطفى ; 24-05-2005 الساعة 11:42 PM
مصطفى غير متواجد حالياً  
قديم 25-05-2005, 01:32 AM   #10
هزيم الرعد
عضو أثري
 
تاريخ التسجيل: May 2002
الدولة: غير معروف
المشاركات: 11,493
معدل تقييم المستوى: 0
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
افتراضي

الصراحة مواقف رايقة بس موقف درب المطر للحين ما قريته طويل

استلموا هالموقف

هالموقف كان بالجسر الثالث تقريبا قبل كم عام وكان عام ربيع وخير

مره كنا مخيمين في البر وكانت عز البرد المهم كنا نايمين بوسط

الخيمه وقمت انا اول واحد والصراحه ماقمت الا بعد ما طلعت الشمس

الله لايواخذنا المهم

رحت ابي اتوضا من الجركل وكان الماء دافي استغربت(الماء دافي

بعز البرد؟؟) واتمضمض منه واغسل وجهي وعووووووووووه

ويشتب وجهي وعيوني واوك واثره مهوب ماء

تدرون وش طلع؟؟؟؟؟؟؟؟؟؟

طلع قققققققققققققااااااااااااااااااااااازززززززززززز

ايه قاز وانا امغط لم توانك السياره واغسل وجهي وعيوني

وصار وجهي وايديني بعدها لونها ابيض تقولون اشتغل عند طاحون

ههههههههههههههههههههههههههههههههههههههههههه

وترا هالسالفه حقيقه والله العظيم هه
__________________
هزيم الرعد غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:06 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir