LinkBack أدوات الموضوع انواع عرض الموضوع
قديم 12-05-2011, 07:18 PM   رقم المشاركة : 1
معلومات العضو
.,. مـنـاآاآاحــي .,.
مشرف المنتدى العام
 
الصورة الرمزية .,. مـنـاآاآاحــي .,.
 
 

إحصائية العضو








Unhappy زمان اول وزماننا الحالي """""""......

الاا يا ليت الزمن يرجع ...... ورى ولا الليالي تدور
ويرجع وقتنا الاول ........ وننعم في بساطتنا
زمان اول احس انه ....... زمان فيه صدق شعور
نحب ونخلص النيه ........ وتجمعنا محبتنا
زمن ما فيه لا غيبه ........ ولا حتى نفاق وزور
يا ليته بس لو يرجع ....... ونسترجع طفولتنا
صغار قلوبنا بيضا ........ نعيش بعالم محصور
ولا نعرف ابد اغراب ...... مغير عيال حارتنا
صحيح صغار في التفكير .... لكن ما علينا قصور
نخطط نكسر اللعبه ..... وتسعدنا شقاوتنا
نروح للمدرسه بدري .... ونضحك داخل الطابور
نحاول نزعج العالم ...... بروحتنا وجيتنا
وعشان نأخر الحصه .... نخبي علبة الطبشور
نشاغب بس في الآخر ..... تميزنا برآآآئتنا
نحب الضحك والفله ..... نحب النط فوق السور
نفرفش ليه ما نفرفش ...... مدام الضحك عادتنا
ولكن دارت الايام ..... وبان الخافي المستور
وصار الهم متعلي ...... على قمة سعادتنا
كبرنا وصارت الدنيا ...... تصف احزاننا بالدور
وتهديد الألم والهم ..... غصب عن عين رغبتنا
تعبنا من بلاوينا ....... احد ضايق واحد مقهور
وكل غارق بهمه ..... وبالأخير تشتتنا
وانا ما قول غير الا ...... حلالاه الزمان يدور
ويرجع للورى فتره ...... نعدل وضع عيشتنا


بعد ما قريت ها القصيده ودي انك تفكر صح بالكلام اللي اقوله ^^^^^
"""" زمان اول كان الناس فيه متصافين وش حليلهم وتلقاهم كل عصريه او مغرب يتجمعون عند فلان ولا فلان يتقهوون عنده وياخذون علوم بعض ويضحكون وهم مرتاحين لبعض
– عكس زماننا الحالي تلقى فلان ما يجي عند فلان الا لمصلحه يبغاها منه مثل فلوس ولا شي """""
"""" زمان اول كانو الناس فيه ما يعرفون الجوالات ولا القنوات الفضائيه والخرابيط الثانيه ولا نت وغيره – عكس زماننا الحالي اذا فلان ما عنده دش يقولون له هذا متخلف ولا مطوع """""
""""" زمان اول كانو الناس اذا مرض احدهم ولو هي حمى خفيفه او نزلة برد تجمعو عنده ويتطمنون عليه ويجيبون الهدايا . اصلا المريض اذا بس شاف الناس خايفين عليه ويحبونه كذا بإذن الله يطيب نفسيا – عكس زماننا الحالي تلقى الواحد فيهم يمرض مرض خطير ولا يصير له حادث ويطيح على السرير الابيض ما يجونه الا اقاربه وزين يجونه بعد واذا مات قالو الله يرحمه """""
""""" زمان اول كانو الناس يقومون بعد صلاة الفجر ويترزقون الله اللي يروح يسرح بالمواشي ولا اللي يروح للسوق يترزق الله فيه وبعد صلاة الاخير يتعشى وينام عشان يصحى الفجر من بكرا – عكس زماننا الحالي تلقى الواحد ينام وما يصحى الا العصر ويطلع للإستراحه مع اخوياه وما يرجع للبيت الا الساعه 3 الفجر وعلى ها المنوال والجيب مليان فلوس والاكل من المطاعم """""
""""" زمان اول كانو الناس ما يتركون الصلاه كل صلاه بوقتها تلقى الرجال اول ما يأذن المؤذن يطلع من بيته مع عياله ولا اخوانه ويروح للمسجد ويتعبدون الله - عكس زماننا الحالي تلقى الواحد يأذن المؤذن ويقيم وهو ما راح ويمكن ما يروح بعد """""
"""""" زمان اول كانو الناس فيه متابين في الله ومتصافين وما تلقى الحقد والبغضاء عندهم ولو ينقص احدهم شيئا من المال او من الاكل يفزعون معه ويعطونه المطلوب – عكس زماننا الحالي تلقى الرجال الفقير ياكل هوا محد يعطيه شي لولا الله ثم الجمعيات الخيريه الله يجزاهم خير كان ها الفقراء ميتين من زمان """""
""""" زمان اول كانو الناس اذا مات احد منهم يحزنون عليه ولو كان فيهم احد عنده معاصي ولا شي يتوب على طول – بعكس زماننا الحالي تلقى مسجد الشايع كل بعد صلاة تسمعه يقول ( الصلاة على الاموات ) . لا حول ولا قوة الا بالله . وحنا ما نحزن ولا نتوب صار الموت عندنا شي طبيعي """"
> زمان اول وزماننا الحالي < فرق شاااااسع
لكن ما نقول الا اللهم لا تقبض ارواحنا الاا وانت راض عنا
......... تقبلو تحياتي ...........

اخوكم : .,. مـنـاآاآاحــي .,.



















التوقيع

^
^
...‘‘‘ لاَ إِلَـهَ إِلآ أَنْت سُبْحَـــآآآنكـَـ إِنــيْ كُنــتُ مِنَ الظآآلمِيـــنْ ’’’...
رد مع اقتباس
قديم 12-05-2011, 09:52 PM   رقم المشاركة : 2
معلومات العضو
ام مصعب
عضو خبير
 

إحصائية العضو







افتراضي

يصف ماذكرته يا اخي ابيات للشاعرة العامرية اقتطفت منها هذه الأبيات:

يازين وقت فات مهوب هالحين** يوم النوايا كلهن صافياتي

والحقد مايوجد ودايم سعيدين ***ونفوسنا سمحة وسكر نباتي

الى ان تقول :

ننام من بدري ونصحى نشيطين ***بعد الشروق اشغالنا جاهزات

مابه كسل لأشغالنا مستعدين *** ماعندنا سايق ولا خادمات

ثم تصف الحال الآن:

ماهي حياة هالحين ياشين هالحين***كله غثا وهمومنا كاثرات

كلش يجيلك لو بكلمة تناديه ** كلش توفر بس مابه حلاتي



















التوقيع

لاتكن لينا فتعصر .... ولا يابساً فتكسر
رد مع اقتباس
قديم 12-05-2011, 09:59 PM   رقم المشاركة : 3
معلومات العضو
bbb
عضو متألق
 
الصورة الرمزية bbb
 
 

إحصائية العضو








افتراضي

كلام صحيح ،،،،،، وازيدك،، حتى المناسبه ماحد يعزم الا القريب مرررررررره لاحظ قريب مررررررررررره

مااقول الا ع الدنيا السلام ،،،،،،،،،، حنا في زمن المصالح ،،،،،،،،،،،،،،،،،،،،،،،،،



















التوقيع

رد مع اقتباس
قديم 12-05-2011, 11:14 PM   رقم المشاركة : 4
معلومات العضو
سديم الحياة
عضو خبير
 
الصورة الرمزية سديم الحياة
 
 

إحصائية العضو








افتراضي

الله يرحم أيآم زمـــآن ..



















التوقيع

.
.
.
يَآٍرب آنْ كَآنِتْ حَيآتي فِوِقَ آلسَمِآء آجَمِل
فـَ خذني إليِكّ روحآً طآهَرٍةّ !
رد مع اقتباس
قديم 13-05-2011, 12:30 AM   رقم المشاركة : 5
معلومات العضو
ام الغااااالين
مشرفة منتدى الأسرة و المنتدى النسائي
 
الصورة الرمزية ام الغااااالين
 
 

إحصائية العضو








افتراضي


يازين وقت فات مهوب هالحين** يوم النوايا كلهن صافياتي

والحقد مايوجد ودايم سعيدين ***ونفوسنا سمحة وسكر نباتي
ابيات رووووووعه


















التوقيع

يارب لك الحمد كما ينبغي لجلال وجهك وعظيم سلطانك

رد مع اقتباس
قديم 13-05-2011, 01:18 AM   رقم المشاركة : 6
معلومات العضو
متفائل بقوه
عضو مميز
 

إحصائية العضو








افتراضي

يذكرني بوقت اقول لها وقد طارت شعاعا من الأبطال ويحكي لن تراعي

رد مع اقتباس
قديم 13-05-2011, 01:44 AM   رقم المشاركة : 7
معلومات العضو
ضحكة
عضو مميز
 

إحصائية العضو







افتراضي

الله يرحم زمان أول

رد مع اقتباس
قديم 13-05-2011, 05:47 AM   رقم المشاركة : 8
معلومات العضو
كلير
عضو ذهبي
 

إحصائية العضو








افتراضي

كــــــــلام ســــــــلــــــــــــــــيم

رد مع اقتباس
قديم 13-05-2011, 10:26 AM   رقم المشاركة : 9
معلومات العضو
حامت سبدي
عضو لم يُفعل
 

إحصائية العضو








افتراضي

الاا يا ليت الزمن يرجع ...... ورى ولا الليالي تدور
ويرجع وقتنا الاول ........ وننعم في بساطتنا
مشكور


















التوقيع


اللَّهُمَّ مَنْ أَرَادَنِي بِسُوءٍ فَرُدَّهُ عَلَيْهِ، وَمَنْ كَادَنِي فَكِدْهُ.
اللَّهُمَّ َاجْعَلنِي مِنْ أَحْسَنِ عِبَادِكَ نَصِيباً عِنْدَكَ، وَأَقْرَبِهِمْ مَنْزِلَةً مِنْكَ، وَأَخَصِّهِمْ زُلفَىَ لَدَيْكَ، فَإِنَّهُ لاَ يُنَالُ ذَلِكَ إِلاَّ بِفَضْلِكَ
رد مع اقتباس
قديم 13-05-2011, 11:03 AM   رقم المشاركة : 10
معلومات العضو
ابوسالم
عضو متألق
 

إحصائية العضو







افتراضي


المشاركة الأصلية كتبت بواسطة كلير

كــــــــلام ســــــــلــــــــــــــــيم
وليه كلير فوق راية التوحيد


















التوقيع

قال بعض السلف : ادخر راحتك لقبرك وقلل من لهوك ونومك فإن من ورائك نومة صبحها يوم القيامة.
رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 02:36 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8