عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 30-05-2011, 10:56 PM   #91
عضو مميز
 
صورة قمر جده الرمزية
 
تاريخ التسجيل: Apr 2009
البلد: جده غير
المشاركات: 234
قوة التقييم: 0
قمر جده is on a distinguished road
اخوي العزيز ابو خشه ولا يهووون المتابعين للمنتدى
تصدق والله العظيم كان واحد بحارتنا ماعمره طلع من الرس همن راح الرياض ( العارض) وجلس ثلاث ايام بالعدد همن يوم جاء بدا يطهبل ( تسني تسني ) ويقول وين الخباز اللي بحارتنا ( شكله فقد الذاكره ) وهو كل يوم العصر يملط جبنة كيري مع خبزن حار وميرندا شفت طهبله اكثر من تسذا
__________________
قمر جده غير متصل   الرد باقتباس

 
قديم(ـة) 30-05-2011, 10:57 PM   #92
Banned
 
تاريخ التسجيل: Jul 2004
البلد: الرس
المشاركات: 2,746
قوة التقييم: 0
ابوخشه is on a distinguished road
ومن الذكريات كنت على سيارتي 200ال وتوني متعلم السواقه ومشغل المسجل على سلامة العبدالله

الله يرحمه (وظروفي ماتساعني على المشوار يالغالي 000انا ودي معاك ارحل وكل الناس اخليها ) المهم امشي قدام

الشرطه حاليا متجه شرق وطربااااااان واشوف بالمرايه ووراي تريله شكل راعيها معصب يضرب بوري

وحمقاااااااان المهم ارتبكت وبدل ماافتح له الطريق لفيت يسار ونطيت الرصيف اللي بين السيدين وماووقفت الا عند باب

الاتصالات ووجه السياره لازال شرق والناس تجمعوا يقولون اكيد سكران مهوب صاحي

وانوااااااااااااااع الهواش بغيت اتعقد من السواقه كلها
ابوخشه غير متصل   الرد باقتباس
قديم(ـة) 30-05-2011, 10:59 PM   #93
عضو مميز
 
صورة قمر جده الرمزية
 
تاريخ التسجيل: Apr 2009
البلد: جده غير
المشاركات: 234
قوة التقييم: 0
قمر جده is on a distinguished road
اقتباس:
المشاركة الأساسية كتبها ابوخشه مشاهدة المشاركة
على طاري المشق والله ياكان يلعب بأيدينا ورجلينا تصدق احيانا تخرخر دم والله مانشدنا

وكان اكره شيء عندنا (الوزالين) = (الفازلين)

ومن الذكريات كان الثوب يجلس الظاهر علينا اسبوعين مانغيره اذا فسخته يوقف جنبك من (الوسخ)

ومعروف (كم الثوب) هو افضل منديل لدينا
والله لو ماني متأكد اني خووووييي ميت لا اقول انه انت ياخوووووي المشق اول بالخدووووود بس وشوو وزالينه
__________________
قمر جده غير متصل   الرد باقتباس
قديم(ـة) 30-05-2011, 11:07 PM   #94
عضو مميز
 
صورة قمر جده الرمزية
 
تاريخ التسجيل: Apr 2009
البلد: جده غير
المشاركات: 234
قوة التقييم: 0
قمر جده is on a distinguished road
اخوي ابوخشه اول كانوا يقولوووون عسكرين ( ايس كريم ) وفينتو( فيمتو ) لا وازيدك اهل القرى ادهى وامر وكان فيه واحد شرواك يقول اول ما افتحو البروست في رياض الخبراء عام 1404 كان اسم المطعم بروست شلاش يقول جاك واحد يطلب اثنين شلاش
__________________
قمر جده غير متصل   الرد باقتباس
قديم(ـة) 31-05-2011, 12:57 AM   #95
عضو متواجد
 
تاريخ التسجيل: Jul 2008
البلد: الرس رسك لو الزمن رصك
المشاركات: 54
قوة التقييم: 0
زمان أول is on a distinguished road
اه بس تلومنن اذا حطيت معرفي زمان اول
اذكر الجذعان من اول كانوا يشرون الليف الناعم حق المواعين من الدلاله قبية الله يذكره بالخير ويربطونه بسلك حديد ويشبون بطرفه ويبرمونه بقوة يشبه النافورة حقت طرطعان هالوقت
وكانوا يموعون الليات البلاستك وينقطونه بقوارير واذا بردن اكسروه وصارت ميدالية
واذكر ماتجينا المغامرات واللعب الا بالقايلة اذا ناموا اهلنا وكنا نسمع بسيارة العسكريم تنادي بالشوارع عسكريم الحجاز بالمقرفونات
وكنا نتراكض نشري منه يازين طعمه والانشري من ام جيراننا عسكريم بطوابيق الصلصة والقشطة واذا خلصنا لااااااااازم نرجع القوطي (قمة البراءة )
وكانت العاب البنات الدبق والعتبة وفتاحي ياوردة وصبحكم بالخير يالعمال العماليه والغريب انهن كانن يرددن اغاني مصرية مدري منين سامعينه مثل السعلب فات فات بديله سبع لفات انتي يام الشعر الطويل بصي وراكي اهوه المنديل والظاهر انه من عيال المدرسين المصريين هكالوقت
وكانن يقصقصن صور من الجرايد حريم ورجال ويحطنهن صورة للعبة حقته ويجمعنهن بكرتون برتكان
والا رمضان يازين ايامه تسني اشم ريحة الزيت هالعصريه امهاتنا يسون التاوه والشربة والتطلي وبعدين طاحوا بالسمبوسة
وكنا نتابع الطنطاوي رحمه الله والفوازير
ونجسم العشيات ونتسابق على الناس اللي شرطهم زين (يعني يعطون حلاو والا بسكوت)
واذا صار عندنا كرمه يعني عشانا ذبيحه يرسلوننا اهلنا للجيران لايسوون عشاء نبي نطعمهم (وبهالوقت يطبخ الجار ذبيايح مادرا عنه جيرانه )
وكنا نطلع مع العيال والبنات للبطاط وندور على البيوت ونقول محمد يكبر يحج بامه لازلت اذكر ذاك البيت اللي بططوا علينا حصى من القرادة
وكنا نطلع للمزارع لعماني ونحضر معهم الجداد اوتغريس البصل الله ياذيك الايام ماراح ترجع واهل المزارع لهم ذكريات خاصة
آسفة طولت عليكم مشكور يابوخشة وشكلك مقرووووووووووووووووود
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
زمان أول غير متصل   الرد باقتباس
قديم(ـة) 31-05-2011, 01:06 AM   #96
مشرف المنتدى الأدبي
 
صورة أبوبلقيس الرمزية
 
تاريخ التسجيل: Aug 2009
البلد: بين أوراقي وأشواقي
المشاركات: 4,507
قوة التقييم: 13
أبوبلقيس is on a distinguished road
4
أذكر لماكنت بالمرحلة الثانوية كنت مشترك باسم نادي الحزم بسباق ألعاب القوى بسباق أختراق الضاحية على مستوى منطقة القصيم وكانت المسافة12كيلو وكنا معتادين أنا وبعض المنافسين الذين أعرفهم من نادي الرائد ومن نادي النجمة ونادي الرمة أننا بأثناء السباق نجري جميعا بسرعة واحدة كنا جميعا نعرف بعض من منافسات سابقة(وأتفقنابهذا السباق كالمعتاد إنانسولف مع بعض بالجري) لكن إذا بقى ثلاثة كيلو كل واحد (يجيب قوته) بالسباق هو ومجهوده وفعلا بدأ السباق وكنا نجري مع بعض سواليف ونكت ووناسة<<مانقصنا إلا الفصفص وبراد الشاهي
وكنا أربعتنا كلنا الأولين مبتعدين عن بقية المنافسين حتى صرنا مانشوفهم
وكنا نجري بخطوة ثابتة مع بعض أنواع الوناسة حتى نسينا التعب
لكن تفاجأة في أثناء السباق(جان ألم فضيع بالكلى) حتى صرت أجري بصعوبة
سألني لاعب الرائد :(وش فيك سلامات؟)-
قلت:(الظاهر إني ابنسحب ماأقدر أكمل جان ألم)
قال : حرام عليك باقي المرحلة الأخيرة مابقى إلا أربعة كيلو تقريبا
قلت: (خلاص والله ماأقدر)
قال : أقول تعال بس
ويجي هو ويمسك يدي ويحطه على كتفه ويسحبني
وكنا نجري بصعوبة مرة يخف الألم ومرة يشد
ولما أقتربنا إلى المدينة الرياضية ببريدة ودخلنا البوابة أخذنا لفة على مضمار الملعب حيث يكون مسار السباق وأقتربنا لسياج النهاية
طبعا أنا من باب رد الجميل للاعب الرائد طبيعي إني قلت له: تفضل قدامي
وخذ الترتيب الثالث
حيث أن لاعب النجمة والرمة سبقونا
قال لاعب الرائد: أنت الي تفضل
(وصار كل واحد يقدم الثاني- نتعازم) والجمهور أنواع الضحك والصراخ شكلهم يقولون وش هالمحششين
إلى درجة إن الحكم هدد بشطبنا من السباق وأجي واحلف على لاعب الرائد أنه يصير قدامي وياخذ هوالمركز الثالث وأنا جيت بعده ترتيبي الرابع
ويجين المدرب حقناالمصري معصب لأني قدمت لاعب الرائد

وسلامتكم
__________________
أبوبلقيس غير متصل   الرد باقتباس
قديم(ـة) 31-05-2011, 11:48 AM   #97
عضو خبير
 
صورة Dr.djah الرمزية
 
تاريخ التسجيل: Nov 2008
المشاركات: 4,498
قوة التقييم: 0
Dr.djah is on a distinguished road
تقول امي اتمنى كلن يكتب ذكرياته خاصه اللي اعمارهم فوق الثلاثين و ذكريات بيوت الطين تستانس امي اي شي عن الاولين خخخ
وتقول جيل هالتالي ذكرياتهم تلفزيونات و نت و جوالات <<يعنني ماكانت تتابع سميره توفيق
__________________
.

آخر من قام بالتعديل Dr.djah; بتاريخ 31-05-2011 الساعة 12:01 PM. السبب: بنائن على طلب الوالده :d
Dr.djah غير متصل   الرد باقتباس
قديم(ـة) 31-05-2011, 02:04 PM   #98
عضو مميز
 
تاريخ التسجيل: Jun 2009
البلد: في الرس حي ال؟!!
المشاركات: 157
قوة التقييم: 0
ايسكريم مشوي is on a distinguished road
خل أمك تحدد بس وش تبي والله لاأخليها تبكي من ذكريات الماضي

هي تبي ذكريات المفرق ولا ذكريات الرداحية ولا ذكريات الجفير ولا ذكريات جفرة شايع ولا ذكريات الراعي عبد الهادي ولا ذكريات الراعي عيد ولا ذكريات البحيرة ( ياساكنين البحيرة بالله وش ذا الجفا ) ولا ذكريات ( ست اكرام ) هههههههه
هارووون ولا سمبوسة عمر ولا شريكة عباس ههههههههههههههه
ولا ذكريات الدكتور مصطفى ولا انتظارنا للراعي قبل المغرب ولا مصلى العيد ولا الزاهرية ولا قض شارع الملك فيصل ولا ....... ولا ... ولا ... ولا ... واااااااااااااااااااااااااجد بس اطلبو هاللي اكتبو كلهم صغار الا كم واحد اعرفهم
ايسكريم مشوي غير متصل   الرد باقتباس
قديم(ـة) 31-05-2011, 02:32 PM   #99
عضو لم يُفعل
 
صورة 3 دجاجات في قلبي الرمزية
 
تاريخ التسجيل: Sep 2010
المشاركات: 3,392
قوة التقييم: 0
3 دجاجات في قلبي is on a distinguished road
اقتباس:
المشاركة الأساسية كتبها dr.djah مشاهدة المشاركة
تقول امي اتمنى كلن يكتب ذكرياته خاصه اللي اعمارهم فوق الثلاثين و ذكريات بيوت الطين تستانس امي اي شي عن الاولين خخخ
وتقول جيل هالتالي ذكرياتهم تلفزيونات و نت و جوالات <<يعنني ماكانت تتابع سميره توفيق

جيتي للرجل المناسب

اقول ذكرياتي؟؟
3 دجاجات في قلبي غير متصل   الرد باقتباس
قديم(ـة) 31-05-2011, 03:38 PM   #100
عضو خبير
 
صورة Dr.djah الرمزية
 
تاريخ التسجيل: Nov 2008
المشاركات: 4,498
قوة التقييم: 0
Dr.djah is on a distinguished road
اقتباس:
المشاركة الأساسية كتبها ايسكريم مشوي مشاهدة المشاركة
خل أمك تحدد بس وش تبي والله لاأخليها تبكي من ذكريات الماضي

هي تبي ذكريات المفرق ولا ذكريات الرداحية ولا ذكريات الجفير ولا ذكريات جفرة شايع ولا ذكريات الراعي عبد الهادي ولا ذكريات الراعي عيد ولا ذكريات البحيرة ( ياساكنين البحيرة بالله وش ذا الجفا ) ولا ذكريات ( ست اكرام ) هههههههه
هارووون ولا سمبوسة عمر ولا شريكة عباس ههههههههههههههه
ولا ذكريات الدكتور مصطفى ولا انتظارنا للراعي قبل المغرب ولا مصلى العيد ولا الزاهرية ولا قض شارع الملك فيصل ولا ....... ولا ... ولا ... ولا ... واااااااااااااااااااااااااجد بس اطلبو هاللي اكتبو كلهم صغار الا كم واحد اعرفهم

ايييييه هذا اللي امي تبيه جازله ردك بس تقول اسم السمبوسه سمبوسة عباس موب عمر
وست اكرام و زينب علي الفلسطينيات وانواع الخوف من اكرام قشرا
وكان في دكان ام القريش وام الغفيلي وصحن البقطه اللي فيه احوار وحلويات << وشو ذا خخخخ

و تقول كان لي موقف مع عبدالهادي راعي الغنم
اللي هو جدة جيراننا عنده عنز ودايم يهظلونه يعني يجيبونه عيال ولده المغرب وبيوم من الايام عيال ولده موب موجودين وقالت لي روحي المغرب هضلي عنزي وانا اروح واجلس عند المهضل اللي هو جنوب الرس
وكلن اخذ غنمه وراح وانا جلست ماعرف العنز ورحت الحق عبدالهادي واقول وين عنز جيراننا وقال خلاص راحن ماعندي غنم
وانا قعدت ادور العنز لين اذن العشاء واروح لجدة جيراننا وقلت له مالقيته قالت خلاص هذاه بالحوش
__________________
.
Dr.djah غير متصل   الرد باقتباس
إضافة رد

الوسوم
ياحبيلك يابوصالح ولعلومك, ياه من جد زمنهم حلو, والله طلعت علوووم حلوه, وين شيبان المنتدى؟؟؟


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 03:05 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19