عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 25-05-2011, 11:19 AM   #1
Banned
 
تاريخ التسجيل: Jul 2004
البلد: الرس
المشاركات: 2,746
قوة التقييم: 0
ابوخشه is on a distinguished road
يازين(( حارتنا )) اترك ذكرياتك هنا

السلام عليكم ورحمة الله وبركاته

صباح000مساء الخير

مافيه احد بها الدنيا الا ويحن ويشتاق لأيام الطفوله حتى لو ايام الطفوله كلها شقاء وغرابيل ومن الجميل ان يتذكر الانسان

شيء من ذكريات تلك الايام 0000 ولاشك ان اول مايتعرف الطفل عليه بعد البيت هو الحاره وفيها يعيش الطفل ايام صباه

وشبابه المبكر وفيها الشيء الكثير والكثير من الذكريات التي ربما لو استرجعناها لما كفانا العديد من المواضيع لكن تعالوا

نتذكر شيء مما يحصل في تلك الحارات من ذكريات جميله 000000

1-اذكر اننا كنا مدمنين لعب كوره بالحاره بالشمس ولا علينا (نعال) ولا نسأل عن حرارة الشمس ولا شفنا ولله الحمد

الا العافيه حتى اذكر في احد السنوات كنا نلعب بعد العصر وحنا صايمين برمضان (وانوااااع الضماء)

2-كان الطرطعان مافيه الا ابو عصفور وبعد فتره طلع (الصواريخ) وكنا نخاااااف منهن لكن كان هناك

طرطعان صناعه محليه ( بوجي ونربطه عليه ريش دجاجه ونحط فيه مسمار وتحت المسمار نفرك عودان الكبريت ثم نحط

المسمار ونجدعه فوق وينزل ويضرب بالزفلت وانواااااع الاصوات )

3-اذكر اننا نسمع عن بعض الشباب وأعمالهم الاجراميه بالحيوانات احدهم اخذ (بسه) وحطه بالثلاجه الفليزر وهي حيه لين جمدت

ثم مسكها وجدعه 00000(والله موتت قلب) وذكر احدهم لي انهم كانوا يجتمعون علشان ( جلد بس) يربطون البس

المسكين عند المسجد ثم يجلدونه عقب الصلاة بعصى لين يمووت (والله فسق) وكان البعض منهم يمسك (الحمار)

اعزكم الله (ويركبون برجليه قواطي بيبسي) واذا جاء الحمار يمشي تقول لابس (كعب)

4- من الذكريات لايخلو بيت تقريبا من وجود حيوانات فيه (اما اغنام او دجاج او حمام او ارانب) وكنا نجد متعه حقيقه مع

هذه الحيوانات واذكر اننا كنا (نرضع ) من العنز مباشره (لاتخلينا يابيتر) والبساسه كانت تعيش معنا

بالبيت (اجيال وراء اجيال)وكل بسه لها اسم
5-من الذكريات ايضا كنا نصلي بالمسجد بالحوش في رمضان التراويح بدون ميكروفون وبدون شيئ والحريم بيننا وبينهن (شراع)

بنفس الحوش 000 وقدامك (ترامز) الماء الكبيره لونه ازرق وابيض وكان الماء له طعم خاااااااص

6-كان النوم بالسطح بالصيف له لذه خااااااااااصه واحسن شيئ النوم بعد الفجر بالسطح


((((((((((بانتظار ذكرياتكم الحلوه)))))))))))

00000000000000000000000000000000000000
ابوخشه غير متصل   الرد باقتباس

 
قديم(ـة) 25-05-2011, 11:37 AM   #2
مشرف المنتدى الأدبي
 
صورة الوسم# الرمزية
 
تاريخ التسجيل: Apr 2008
البلد: العاقر
المشاركات: 5,463
قوة التقييم: 16
الوسم# will become famous soon enoughالوسم# will become famous soon enough
،،,الا ليت الزمن يرجع ورا والا الليالي تدور
ويرجع وقتنا الاول وننعم في بساطتنا
زمان اول احس انه زمان فيه صدق شعور
نحب ونخلص النيه وتجمعنا محبتنا
زمن مافيه لاغيبه ولاحتى نفاق وزور
ياليته بس لو يرجع ونسترجع طفولتنا
صغار قلوبنا بيضا نعيش بعالم محصور
ولانعرف ابد اغراب ماغير عيال حارتنا


والله يابو خشه بان عمرك من الموضوع اثرك كبير
من الصعب حصر ذكريات الحارة بعدة سطور والف شكر على الموضوع ..
__________________
اشـــري ونـاســة خـاطــري من حـلالــي
ولحدن يحاسبني على النقص والزود
الوسم# غير متصل   الرد باقتباس
قديم(ـة) 25-05-2011, 11:43 AM   #3
Banned
 
تاريخ التسجيل: Jul 2004
البلد: الرس
المشاركات: 2,746
قوة التقييم: 0
ابوخشه is on a distinguished road
نسيتي المزح بالقبه ** ونسيتي لعبنا الطبه

نسيتي كشختي دايم ** بثوب دوبلين خبخبه

نسيتي غترة الملل ** تغطيني تقل جبـه

نسيتي الركض بالطايه ** لا صار بدارنا شبه

لاجابو فضلة القرصان ** نتسابق ودنا نلبه

نسيتي ازعاجنا لمك ** وهي بالحوش منكبه

نسيتي معلف ام العوف ** تظـفّـينـه وانا اكبه

نسيتي ثوبك التنتر ** وغيضك لانقطع حبه

لاجابت امك الوازلين ** نهج للحوش ما نحبه

تبي تدهن قوايمنا ** وحنا نهوش ونسبه

نسيتي بسطة عزيز ** الي جا العصر بالقبه

نسيتي خرطه الماصل ** يجيب الحكي من عبه

نسيتي القربه الشنه ** وماها البارد نتفه

نسيتي قولك معصقل ** وانا اعيّـرك يالدبه

نسيتي نعالنا التليك ** هي الموتر ونلعب به

نسيتي من كثر ركضك ** انا مسميك يالذبه

نسيتي موعد الحنا ** الى جا صابكم خبه

نسيتي طيحتك بالليل ** وهي ظلما وانا السبه

نسيتي اكلنا الهبود ** نتناقر والسبب حبه

وامك لاتهاوشنا ** تحط بعيوننا شبه

نسيتي ثوبك الكرته ** ننكت فيه ونشبه

نسيتي كحة المذن ** قبل ما يذن ينبه

نسيتي تريكنا المصنق ** ننفخه قبل ما نشبه

وندعي الله يا كود العنز** تجيب وليد نلعبه
ابوخشه غير متصل   الرد باقتباس
قديم(ـة) 25-05-2011, 11:53 AM   #4
عضو متألق
 
تاريخ التسجيل: Feb 2008
المشاركات: 1,021
قوة التقييم: 0
كلنا الرس is on a distinguished road
الله يسعدك يابو خشة مثل مااسعتدنا

بكلامك عن الاذكريات الجميلة


انا من ذكرياتي يوم كنا نفطر برمضان حنا والجيران ، وكنا حاطين التلفزيون بالحوش وكنا نتفرج

على برنامج ( على مائدة الإفطار) للشيخ / علي الطنطاوي رحمه الله


واذكر لعب الطائرة بالحارة في رمضان ايضا

كذلك اذكر يوم كانت الموضة تفصيل ثوب دشداشة كويتي صفطه ........ ياهوه ياحركات والطاقية الصفراء

تقل صايبتها حصبة
__________________
كلنا الرس غير متصل   الرد باقتباس
قديم(ـة) 25-05-2011, 12:18 PM   #5
Banned
 
تاريخ التسجيل: Oct 2008
البلد: متأرجح مابين القاع والغيـــمـ
المشاركات: 12,457
قوة التقييم: 0
جداوي كول will become famous soon enough
Talking


,




يوووووووووووووووووووو ايامـ




اتذكر لما يتجمعون عيال الحاره عند بيتنا
بحكم انه بوسط الحارهـ
وبحكم كثرة اخواني وسطوتهمـ بالحارهـ
كنا نلعب كوره الظهر فعز الحر حافين
واذا انفقعت الكوره نروح نشقها ونعبيها قراطيس عشان تنتفخ ونكمل لعب فيها هههههههههههههههههههههه
واتذكر بعد لما نلعب تحت ظل بيتنا الشعبي حل >>>> اللي مايعرف هاللعبه يقلي واوضحها لهـ
امممممممممممممممممممممممممممممممم واتذكر بعد لما نلعب عنبر ههههههههههههههههههههه والله ياكنت اجلدهم جلد
خخخخخخخخخخخخخخخخخ لا ولا الخرز يوووووووهـ كانت عندي خمس علب ادوات هندسه صغير تذكرونها كنت معبيها خرز
كاسبه من عيال الحاره والله ياكانت تحديات ماننام الليل نفكر ونخطط كيف نكسب خرز فلان


واتذكر بعد مضارباتنا مع بعض
تضاربت مرره مع ولد جارنا وفقشني .. ومن بعدها اصبحت مباري الساس .. كسر عيني ابن اللذينا









جداوي كول غير متصل   الرد باقتباس
قديم(ـة) 25-05-2011, 12:26 PM   #6
عضو اسطوري
 
صورة ابو صالح الرس الرمزية
 
تاريخ التسجيل: Aug 2007
البلد: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,533
قوة التقييم: 41
ابو صالح الرس has a spectacular aura aboutابو صالح الرس has a spectacular aura about
وعليكم السلام ورحمة الله وبركاته

اعــــــوذي باللــــه
ابوك هذا اجراااام موب ذكريات
ابوك انت وينك عن عصابااات المافيا وش خليت لهم من تعذيب

ياحليل ذكريات كنت اشتري ورد احمر واوزعه على اعيال الحارة عربون صداقة وحب ووفاء
كنت ادور على ا لفجر ومعي طبلة اقومهم لصلاة الظهر
كنت انا عمدة الحارة كانو ما يحطون مطب ولا يطقون مسمار بثوب الى بشوري
__________________
وما انا سوى عابر
سأمضي يوما تاركـ خلفي احلاماً ،اوجاعاً،ذكرياتـ ، وطيف يجول في طرقات قلوب احبــابــي ...
توتر m_s_aldhalaan
ابو صالح الرس غير متصل   الرد باقتباس
قديم(ـة) 25-05-2011, 12:34 PM   #7
Banned
 
تاريخ التسجيل: Oct 2008
البلد: متأرجح مابين القاع والغيـــمـ
المشاركات: 12,457
قوة التقييم: 0
جداوي كول will become famous soon enough
Talking


,




اقتباس:
المشاركة الأساسية كتبها ابو صالح الرس مشاهدة المشاركة
وعليكم السلام ورحمة الله وبركاته

اعــــــوذي باللــــه
ابوك هذا اجراااام موب ذكريات
ابوك انت وينك عن عصابااات المافيا وش خليت لهم من تعذيب

ياحليل ذكريات كنت اشتري ورد احمر واوزعه على اعيال الحارة عربون صداقة وحب ووفاء
كنت ادور على ا لفجر ومعي طبلة اقومهم لصلاة الظهر
كنت انا عمدة الحارة كانو ما يحطون مطب ولا يطقون مسمار بثوب الى بشوري
خخخخخخخخخخخخخخخخخخخخخخخخخ
ورد احمر وتوزعهـ ع عيال الحارهـ
مرررررره ماتجي قل غيرها ياشيخ
مدري بس احس فيه هنا قصه مشابهه لقصهـ بيتر وهايدي
وبعدين وانا اخوك ماعتقد ذيك الايام كانت فيه محلات ابو ريالين يبيعون فيها ورود حمراء
لاتقول .. لا تقول .. تكفى لاتقول قاطفها من بستان بيتكمـ الغناء









جداوي كول غير متصل   الرد باقتباس
قديم(ـة) 25-05-2011, 12:47 PM   #8
عضو لم يُفعل
 
صورة الهمايون الرمزية
 
تاريخ التسجيل: May 2009
البلد: ديرة ابن سعود
المشاركات: 965
قوة التقييم: 0
الهمايون is on a distinguished road
اذكر حولنا سوداني راعي بقاله مايبي الضب ولاينشي له ريح

ثم نجي نرمي الضب عليه ثم يهج من البقاله كله ويصرخ و و و ثم ندخل حنا والربع وشعارنا كل حتى تشبع مع بقاله ...

الف شكر اخوي ابوخشة على طرحك اللامع

ابو صالح الرس ولو اثرك رومنسي ياولد ورد وحركات ووواضح
__________________
الهمايون غير متصل   الرد باقتباس
قديم(ـة) 25-05-2011, 12:53 PM   #9
عضو اسطوري
 
صورة ابو صالح الرس الرمزية
 
تاريخ التسجيل: Aug 2007
البلد: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,533
قوة التقييم: 41
ابو صالح الرس has a spectacular aura aboutابو صالح الرس has a spectacular aura about
اقتباس:
المشاركة الأساسية كتبها جداوي كول مشاهدة المشاركة
خخخخخخخخخخخخخخخخخخخخخخخخخ
ورد احمر وتوزعهـ ع عيال الحارهـ
مرررررره ماتجي قل غيرها ياشيخ
مدري بس احس فيه هنا قصه مشابهه لقصهـ بيتر وهايدي
وبعدين وانا اخوك ماعتقد ذيك الايام كانت فيه محلات ابو ريالين يبيعون فيها ورود حمراء
لاتقول .. لا تقول .. تكفى لاتقول قاطفها من بستان بيتكمـ الغناء
وراه ياخي كنت يوم اني صغير في قمة الرومانسية
كنت منبع حنان لكل عيال حارتنا كنت الاب والام لهم
محل ابو ريالين الله يهديك بس هذا موب لنا
لالا موب بستان بيتنا من استراحتنا الخاصة الي بباريس

اقتباس:
المشاركة الأساسية كتبها الهمايون مشاهدة المشاركة

ابو صالح الرس ولو اثرك رومنسي ياولد ورد وحركات ووواضح
وش دعوه لا يغرك المكاشيت والضبان تراي رومانسي
__________________
وما انا سوى عابر
سأمضي يوما تاركـ خلفي احلاماً ،اوجاعاً،ذكرياتـ ، وطيف يجول في طرقات قلوب احبــابــي ...
توتر m_s_aldhalaan
ابو صالح الرس غير متصل   الرد باقتباس
قديم(ـة) 25-05-2011, 01:02 PM   #10
عضو ذهبي
 
صورة الرجل الحديد الرمزية
 
تاريخ التسجيل: Aug 2009
البلد: بين لغة الطيور << تسني فاهم
المشاركات: 2,022
قوة التقييم: 0
الرجل الحديد is on a distinguished road



يوه ياأبو خشه قلبت علي المواجع


ذكرتني يوم كان أسمي لؤي وكان يدلعوني لولي

كنت ماأحب أطلع بالشارع وشعري على جنب وناااااااااااااااااااااااااعم وعيوني زرق
وكنت ماأحب أبعد عن أمي وش أقولك بس<< عمركم سمعتم أن الواحد يحلم بس بالمقلوب



كنت إنسان مسالم ماني إنسان شرير ذكرتني بقطوتي دلو ياألله يابو خشه بروح افتح البوم الصور حقي بروح اشوف يوم كنت على الشاطئ العب بالرمل وعي السطل والكريك البلاستيك << انواع الربو
كانت غرفتي انواع الالعاب وسريري مليان دببه وسفنج بوب << والا هذا جديد


أقول والله من الدوجه بالحواري واصلن نسيت شكل امي واخواني بعد بس كنت شايف مسلسل سوري وتأثرت

عوافي ابو خشه واخيرا رجعت للخيار اللي لابس بالصوره
__________________


إنني لم أعكر صفو حياتهم أبدا ,, إنني فقط أخبرهم بالحقيقة .. فيرونها جحيما .. !
الرجل الحديد غير متصل   الرد باقتباس
إضافة رد

الوسوم
ياحبيلك يابوصالح ولعلومك, ياه من جد زمنهم حلو, والله طلعت علوووم حلوه, وين شيبان المنتدى؟؟؟


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



SEO by vBSEO 3.6.0 ©2011, Crawlability, Inc.