منتديات الرس اكس بي  

العودة   منتديات الرس اكس بي > منتديات الرس اكس بي > المنتدى العام و الأخبار المتنوعة

الملاحظات

المنتدى العام و الأخبار المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
أدوات الموضوع انواع عرض الموضوع
قديم 04-06-2011, 07:51 AM   #1
أســـ الليل ـــير
عضو متواجد
 
الصورة الرمزية أســـ الليل ـــير
 
تاريخ التسجيل: May 2010
المشاركات: 57
معدل تقييم المستوى: 0
أســـ الليل ـــير is on a distinguished road
افتراضي ,, قد اسمعت لو ناديت حياً ** ولكن لاحياة لمن تنادي ,, الرس في خطر ,,

قد اسمعت لو ناديت حياً ** ولكن لاحياة لمن تنادي

من عندك بالرس ,,,

الاسفلت اي كلام
البلدية حدث ولا حرج
المرور تفتيش ومخالفات بالمجان
المستشفى اي كلام
وعندنا نقص بالتنظيم ونقص الفكر ونقص التخطيط السليم للمستقبل ..

يعني :

*شوارع الرس كل سنه تضيق الى متى ؟؟

*وش الحكمة من وضع اشارة قبل دوار سوق الغنم مع ان الطريق دائري؟؟

*ليش بعض الإشارات بدون عد تنازلي ..

*السفلته وش قصته كل سنه يسفلتون نفس الشارع مضيقة عليهم الدراهم ,,

*الارصفة والاشجار مايضبطونها زين يشكلونها اي كلام وامش ,,

*بعض الاحياء تحتاج سفلته وانارة والمشكلة ان الحي قديم ,,

* يحطون مطبات من غير كذابات(عيون قطط ) ماادري وش تسمونها المهم ولا بوية في المطب ,,

*وش الحكمة من وضع حصيان على طول الشعيب الراجحية بيصد الشعيب مثلاً !!!!

*كلية التقنية الجديدة له كم سنه متوقفه والا يشتغلون كل يوم يركبون بلكه وخلاص ,,

* وش قصة دوران المرور في شارع الراجحية ,, كل يوم موقف لي دورية ومشغل السفتي والا يوقف الجيب عل جمب ومطفي الانوار ,,!

* الى متى ارتفاع الأسعار بالرس من سيارات ومطاعم وبقالات وعقارات مانبي زيادة رواتب ولا نبي مكافات شهرين ولا نبي شيء رجعوا كل شيء أول ,,,

*كلية المعلمين خايسة جدا لا تليق بالرس ..
1-كافيتريا زفت ,, وزيادة الاسعار من ريال الى ريالين ,,
2- مبنى وقاعات وكراسي تسد النفس
3- تعاملهم معنا زفت والله لو ابحلف ان بعض او الاغلب ماهم بدكاتره والله الشرح تسد النفس وتجيب النوم ,,, وانا مستعد اعطيكم اسماء الدكاتره وابيكم تقعدون درسين ثلاث ونشوف ..
على فكرة هالدكاتره اكثر من 80% من الطلاب حاملين المادة ,,
4- مواقف السيارات بعيدة وشمس ياشيخ تعجز تركب السيارة من الحر لهدرجة مايقدرون يحطون مظله ,,

5- المبنى يحتاج الى توسيع وترميم كامل وخصوصا شؤون الطلاب والقاعات ,,,

* والله انقهر لارحت عنيزة ولا بريدة عشان حاجات بسيط اضرب مشوار والاصل تكون موجودة بالرس مثل الكتب دايما اسوي بحوث للكلية والمشكلة الدكتور يطلب كتب وماتحصلها الا عند جرير ,,, والا ورش على سنع والا محلات تكون اسعارها ارخص من الرس ,, والا مستوصفات سنعه ,,,


وش تبي بالمراكز وش تبي بالماركات وش تبي بالفنادق ومن هو اصلا اللي راح يجي للرس وعلى اي اساس يجي صدقني ماراح تشوف الرس الا لما يصلح النقاط اللي ذكرتها حتى الطلاب اللي يسكنون فوق 150 كيلوا يرجعون على طول ولا فكروا يجلسون لا اماكن تفتح النفس ولا اماكن تغير جو الدوري تحد من جهة والمناظر الأوربية من جهة البحر الأسود تفتح النفس (يعني المجاري احد يحطه قريبة للرس المفروض ينقلونها )

* سوق الغنم اخبرها بينقلونها وش صار عليهم والله الروائح توصل للبيوت اللي حولها تسد النفس ,,

* وساهر وماادراك ماساهر يصفط بالمواقف حق الشقق ويصيد العالم ,,

والله قهر ,,, والله لو اني مسؤول عن الرس ماخليتها كذا ,,

* حتى نادي الحزم طاح بالدرجة الأولى ,,,

يااخي خل الرس تتكلم عنها المدن الثانية خلها تصير مدينة جمالية مثل البدايع وش يفرق البدايع عنا ,,,


* ياأخوان ليش مانرفع شكاوى لمن يعنيه الأمر من الوزارات في الرياض مع اني اعتقد انه ماتنفع لكن لعلى وعسى لسوء الخدمات وغيرها بالرس ؟؟؟

* ليش نكون ساكتين عن اللي يصير حنا مالنا حقوق ؟؟!!

* بصراحة النقاش ماراح تنفع فلان يقول كذا وعلان كذا وهذا رايه كذا وبعدييييين نبي فعل مانبي قول وبس ,,

* انا طلعت كل اللي بقلبي وان تذكرت شيء راح اضيفه واسف على كل شيء وتقبلوا رأيي بصدر رحب ,,,

(( يازمن العجايب وش بقى ماظهر ** كل ماقلت هانت جد علم جديد ))
أســـ الليل ـــير غير متواجد حالياً   رد مع اقتباس
قديم 04-06-2011, 08:30 AM   #2
العسيب
عضو بارز
 
الصورة الرمزية العسيب
 
تاريخ التسجيل: Jul 2008
المشاركات: 649
معدل تقييم المستوى: 0
العسيب is on a distinguished road
افتراضي

شكل الاخ جاي من المريخ
الرس بخير يا رجال
__________________
العسيب غير متواجد حالياً   رد مع اقتباس
قديم 04-06-2011, 08:42 AM   #3
رساوي منتحر
عضو مبدع
 
الصورة الرمزية رساوي منتحر
 
تاريخ التسجيل: Jun 2011
الدولة: بالـــرســــــــــــــ
المشاركات: 1,421
معدل تقييم المستوى: 0
رساوي منتحر is on a distinguished road
افتراضي

صاز والله
العام يوم كان الجو بالشتاء خلوا الشجر ماحلقوهن
يوم جاء الصيف قعدوا يحلقونهن ابوي بلش مايدري وين يحط السيارة من حرارة الشمس
رساوي منتحر غير متواجد حالياً   رد مع اقتباس
قديم 04-06-2011, 08:56 AM   #4
أســـ الليل ـــير
عضو متواجد
 
الصورة الرمزية أســـ الليل ـــير
 
تاريخ التسجيل: May 2010
المشاركات: 57
معدل تقييم المستوى: 0
أســـ الليل ـــير is on a distinguished road
افتراضي

اقتباس:
المشاركة الأصلية كتبت بواسطة العسيب مشاهدة المشاركة
شكل الاخ جاي من المريخ
الرس بخير يا رجال

والله انت اللي عايش في باريس ,,,

انت شكلك مسنتر بالبيت 24 ساعة ,,, ولاتدري عن الرس اي شيء ,,,

يعطيك العافية على المرور ,,,
أســـ الليل ـــير غير متواجد حالياً   رد مع اقتباس
قديم 04-06-2011, 08:58 AM   #5
أســـ الليل ـــير
عضو متواجد
 
الصورة الرمزية أســـ الليل ـــير
 
تاريخ التسجيل: May 2010
المشاركات: 57
معدل تقييم المستوى: 0
أســـ الليل ـــير is on a distinguished road
افتراضي

اقتباس:
المشاركة الأصلية كتبت بواسطة رساوي منتحر مشاهدة المشاركة
صاز والله
العام يوم كان الجو بالشتاء خلوا الشجر ماحلقوهن
يوم جاء الصيف قعدوا يحلقونهن ابوي بلش مايدري وين يحط السيارة من حرارة الشمس

الظاهر من زود الحرص ,,, عليهم تفكير !!!
أســـ الليل ـــير غير متواجد حالياً   رد مع اقتباس
قديم 04-06-2011, 09:21 AM   #6
داج
عضو متواجد
 
الصورة الرمزية داج
 
تاريخ التسجيل: Jun 2009
المشاركات: 35
معدل تقييم المستوى: 0
داج is on a distinguished road
افتراضي

فعلا لا حياة لمن تنادي مهوب لو تنادي والله لو تطلع لسطح بينكم وتصارخ ما احد سمعك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
داج غير متواجد حالياً   رد مع اقتباس
قديم 04-06-2011, 09:32 AM   #7
الهمايون
عضو لم يُفعل
 
الصورة الرمزية الهمايون
 
تاريخ التسجيل: May 2009
الدولة: ديرة ابن سعود
المشاركات: 961
معدل تقييم المستوى: 0
الهمايون is on a distinguished road
افتراضي

-أما الشوراع لا ارى ضيقا بالعكس الارصفة اللي نشوف اقل حجم خطوة رائعه لكن فيه بعض الارصفة اذا كنت جاي من

شارع رئيسي او فرعي وتريد ان تدخل يمين عليهم زااوية مادري وش يحسوبه لكن هااااذي اشوفه مهب بالرس بس

-أما الاشارة اللي عند سوق الغنم معك حق لكن غباء مركب ومركز من البلدية والمرور

-والاشارات الرقمية معك حق لكن المشكلة اذا وجد ساهر عند الاشارة وبدون اشارة رقمية

-فأما السفلتة منه رئيس البلدية ومنه راعي السفلت – تكفى يابن عمي-

-والاشجار نوع ما تمام اهم شي البرسوبس راح عنا

-وبالنسبة للمطبات بالاصل تصميم هذا المطب الصناعي في جميع مدن المملكة وليس بالرس خطأ في خطأ

هذه لها مقايس ومعايير ولها ارتفاعات معينة وطول وعرض معين لكن نحن لامقياس ولامهياس خط برجلك وهذا المطب

-واما التقنية يقول المقاول كل شي غالي والمناقصة ماتكفي اللي رست علينا يقووووولون

-واما المعلمين صدقت خايسة بقووووة سكن البلدية ازين لكن وش تبي يعني مثل جامعه نورة يحطونه

-ومواقف السيارات اذا كانت الشمس تؤذيك وتؤذي بشرتك اللامعه ياخي جب لك مظلة شمسية خلك مثل الممرضات اللي بالمستشفى

-وسوق الغنم يقووولون خلاااص على وشك ينتهي واقرب شي له الامارة والله من زين الامور

-والحزم يجي ابن الرس البلطان ويرفع اسم الحزم والجحوش اللي جالسة ماعنده الا الهرج بأسيد وفليت وتنقيع ببحيرة االمسك

الواقعه في طريق القرين

-وبالنسبة تقول مثل البدائع بالعكس الرس ممتازة بالاونه الاخير مسطحات وشغل نظيف صحيح هو الطموح نكون مثل بعض

المحافظات المتقدمة لكن الصبر ثم الصبر
__________________
الهمايون غير متواجد حالياً   رد مع اقتباس
قديم 04-06-2011, 09:32 AM   #8
قوة الهدف
 
الصورة الرمزية قوة الهدف
 
تاريخ التسجيل: Aug 2010
المشاركات: 1,508
معدل تقييم المستوى: 0
قوة الهدف is on a distinguished road
افتراضي



ياا اخوي احرقت الرس احراق بالعكس فيه تطور وفيه خير

الرس في خير وليس في خطر

بس لو حددت مجال معين ثم عملت مقارنة بين الحاضر والماضي القريب
سترى تغيرا كبيرا ،،، ارجع بمخيلتك للورى وتأمل

ياحبذا لو تناقش وتطرح قضية قضية

شكرا لك على غيرتك وحماسك وتفاعلك

تقبل مروري
__________________
قوة الهدف غير متواجد حالياً   رد مع اقتباس
قديم 04-06-2011, 04:52 PM   #9
أســـ الليل ـــير
عضو متواجد
 
الصورة الرمزية أســـ الليل ـــير
 
تاريخ التسجيل: May 2010
المشاركات: 57
معدل تقييم المستوى: 0
أســـ الليل ـــير is on a distinguished road
افتراضي

اقتباس:
المشاركة الأصلية كتبت بواسطة الهمايون مشاهدة المشاركة
-أما الشوراع لا ارى ضيقا بالعكس الارصفة اللي نشوف اقل حجم خطوة رائعه لكن فيه بعض الارصفة اذا كنت جاي من
شارع رئيسي او فرعي وتريد ان تدخل يمين عليهم زااوية مادري وش يحسوبه لكن هااااذي اشوفه مهب بالرس بس

أقل حجم لكن ليس بالمطلوب راح اعطيك اماكن الشوارع بعدين لكن اللي اتذكر شارع الروضة - السوق -

أما الأرصفة حدث ولا حرج المشكلة تخاف تلبق زين يمكن اللحية تحك الرصيف سواء من الامام او الخلف لطول الرصيف ,,,
-أما الاشارة اللي عند سوق الغنم معك حق لكن غباء مركب ومركز من البلدية والمرور

نفسي أعرف كيف يفكر ,,!!؟؟

-والاشارات الرقمية معك حق لكن المشكلة اذا وجد ساهر عند الاشارة وبدون اشارة رقمية


بس السؤال ليش يشيلونها ومااعتقد راح يطبقون ساهر عند الاشارة الا بعدين ,,,

-فأما السفلتة منه رئيس البلدية ومنه راعي السفلت – تكفى يابن عمي-

امس سفلتوا شارع طريق المدينة اللي عند تفاحتي وماأذكر ان الشارع كان فيه خلل وبعدين ليتهم يضبطونه تلقى فيه مطبات والا حفر صغيره ,,, وفيه شوارع تنتظر السفلتة ولاحس ولاخبر ,,,


-والاشجار نوع ما تمام اهم شي البرسوبس راح عنا



-وبالنسبة للمطبات بالاصل تصميم هذا المطب الصناعي في جميع مدن المملكة وليس بالرس خطأ في خطأ

هذه لها مقايس ومعايير ولها ارتفاعات معينة وطول وعرض معين لكن نحن لامقياس ولامهياس خط برجلك وهذا المطب


ليش مايحطون مطبات حق الرياض ويفتكون ,,,
والله يافيه مطب اكلته المشكلة ناسي انه في مطب ولونه مثل السفلت ولاخط ولاتنبيه ولا شيء والمشكلة كنت ماشي بشويش يمكن 40 والله يابغيب اسبهم سب مو طبيعي قلت الحين الموتر تفكك ,,,
طبعا المطب هو اللي قدام المسجد بعد ثانوية طيبة على ماأذكر بحي الجوازات ,,

-واما التقنية يقول المقاول كل شي غالي والمناقصة ماتكفي اللي رست علينا يقووووولون


الله اكبر لهم كم سنة والحين صارت غالية عذر اقبح من ذنب ...

-واما المعلمين صدقت خايسة بقووووة سكن البلدية ازين لكن وش تبي يعني مثل جامعه نورة يحطونه

اكبر نفط بالعالم وماادري ايش واخرتها لاجامعات ولا شوارع ولا ملاعب ولا ولا ولا
الله يعين ,,,
-ومواقف السيارات اذا كانت الشمس تؤذيك وتؤذي بشرتك اللامعه ياخي جب لك مظلة شمسية خلك مثل الممرضات اللي بالمستشفى

لاتخلينا تكفى رح للجامعة وصقع السيارة بالشمس حتى لو حطيت المظلة الشمسية تبقى الحرارة يالذكي وعارف تتقولي افتح الدرايش شيء بسيييط .. ماراح ينفع وانا مجرب ..

-وسوق الغنم يقووولون خلاااص على وشك ينتهي واقرب شي له الامارة والله من زين الامور

لهم ثلاث سنين وهم يقولون خلاص بننقل هما الدعوة هرج

-والحزم يجي ابن الرس البلطان ويرفع اسم الحزم والجحوش اللي جالسة ماعنده الا الهرج بأسيد وفليت وتنقيع ببحيرة االمسك

الواقعه في طريق القرين


ايه هين اذا رجع البلطان يصير خييير ,,,
-وبالنسبة تقول مثل البدائع بالعكس الرس ممتازة بالاونه الاخير مسطحات وشغل نظيف صحيح هو الطموح نكون مثل بعض


المحافظات المتقدمة لكن الصبر ثم الصبر

يصير خير ان شاء الله ,,


يعطيك العافية على المرور والمشاركة
أســـ الليل ـــير غير متواجد حالياً   رد مع اقتباس
قديم 04-06-2011, 04:57 PM   #10
أســـ الليل ـــير
عضو متواجد
 
الصورة الرمزية أســـ الليل ـــير
 
تاريخ التسجيل: May 2010
المشاركات: 57
معدل تقييم المستوى: 0
أســـ الليل ـــير is on a distinguished road
افتراضي

اقتباس:
المشاركة الأصلية كتبت بواسطة قوة الهدف مشاهدة المشاركة

ياا اخوي احرقت الرس احراق بالعكس فيه تطور وفيه خير

الرس في خير وليس في خطر


بس لو حددت مجال معين ثم عملت مقارنة بين الحاضر والماضي القريب
سترى تغيرا كبيرا ،،، ارجع بمخيلتك للورى وتأمل

ياحبذا لو تناقش وتطرح قضية قضية

شكرا لك على غيرتك وحماسك وتفاعلك


تقبل مروري



ليش مايكون من بدري زي العالم ..
واشياء بسييطة او كماليات على مايقولون يزينون الرس عشان نسكت بس

رح شف البدائع تدخله تفتح النفس ..

وش تبي تطرح قضية برأيك اللي تشوفها مهم ...
الحين الرس يشتكون من قلة المياه ,,
وش تسميه ؟؟
أســـ الليل ـــير غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:40 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir