LinkBack أدوات الموضوع انواع عرض الموضوع
قديم 09-06-2011, 12:34 PM   رقم المشاركة : 1
معلومات العضو
 
الصورة الرمزية أبو حنان الشرقاوي
 
 

إحصائية العضو








افتراضي تبي تصير مثقف أنت ووجهك

((اتبع النقاط التالية وانضم لعالم المثقفين))



1 امحط اللحية و الشنب .



2 إذا سألك أحد من تسمع له قل لفيروز وشاديه حتى لو انك ماتسمع إلا,,, (تم حذفة) .



3 إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان .



4 ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!..



5 إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماجوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش.



6 كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.



7 خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .



8 انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء.



9 إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!!



10 إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا..

وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة.



11 إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ".



12 حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.





13 لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لاست مونث ، عشان يقولون واااااو لغته رااااقية خخخخ.



14 إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب"



















التوقيع

االتوقيـــــــع تحت الانشااء

رد مع اقتباس
قديم 09-06-2011, 12:46 PM   رقم المشاركة : 2
معلومات العضو
وراك_وراك
عضو متألق
 
الصورة الرمزية وراك_وراك
 
 

إحصائية العضو








افتراضي

اخي ابو حنان لقد ظلمت المثقفين بكلامك هذا
الثقافة هي سعة الافق والاطلاع
ماذكرته من نقاط ينطبق على المتمردين على الثقافة
وجهة نظر
تحياتي ومودتي لك ولقلمك الكريم


















التوقيع

رد مع اقتباس
قديم 09-06-2011, 01:10 PM   رقم المشاركة : 3
معلومات العضو
واحد من الرس
عضو مبدع
 
الصورة الرمزية واحد من الرس
 
 

إحصائية العضو








افتراضي

كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.

لو تساله عن وحده من ها الكلمات صاحب ها الثقافة قال لك
حنا الله يوم انا ببريطانيا كنا وكنا وكنا في الوي كيند نروح كذا وكذا
واذا جاء لسعودية تلقاه جالس با القشيع والا با الثمامة

حلفه با لله اخر كتاب قراءه راح يقولك ماقراء من يوم الجامعه (لاكن قراءة رواية شكسبير ) ورواية بنات الرياض وها الخرابيط اللي ماله داعي






















التوقيع

رد مع اقتباس
قديم 09-06-2011, 01:34 PM   رقم المشاركة : 4
معلومات العضو
princess of alrass
عضو متواجد
 
الصورة الرمزية princess of alrass
 
 

إحصائية العضو








افتراضي

يعني لو زينت كل اللي قلته اصير مثقف............. واااوووو



















التوقيع

Brevity is the soul of wit
رد مع اقتباس
قديم 09-06-2011, 02:14 PM   رقم المشاركة : 5
معلومات العضو
شيخ البلوله
عضو ذهبي
 

إحصائية العضو







افتراضي

واو الفضاوه تعمل هيك

رد مع اقتباس
قديم 09-06-2011, 02:47 PM   رقم المشاركة : 6
معلومات العضو
ريح الغضا
عضو مبدع
 
الصورة الرمزية ريح الغضا
 
 

إحصائية العضو








افتراضي

والله مشكله عن جد !!تدري خلهم يقولون اكبر جاهله مهوب لازم الثقافة في هذا الزمن اذا كان لازم اتبع كل هالنصائح


















التوقيع

.


رد مع اقتباس
قديم 09-06-2011, 02:52 PM   رقم المشاركة : 7
معلومات العضو
Sniper
عضو ذهبي
 
الصورة الرمزية Sniper
 
 

إحصائية العضو








افتراضي

ههههههههههههههههههههههههههههههه

يالأعضــاء اللي رديتــوا وراكـم أكلتــوا صــاحب الموضــوع ؟؟؟

تـراه منـزل الموضــوع من بـاب السخــريـة >>>شــي إستنتجــتـه من أســلوبـه


















التوقيع

((كُن في الدنيا كأنك غريب أو عابرُ سبيل ))
رد مع اقتباس
قديم 09-06-2011, 03:47 PM   رقم المشاركة : 8
معلومات العضو
الراسي12
عضو بارز
 
الصورة الرمزية الراسي12
 
 

إحصائية العضو








افتراضي

ههههههههه اللة يرجك بسس

رد مع اقتباس
قديم 09-06-2011, 04:00 PM   رقم المشاركة : 9
معلومات العضو
رساوي منتحر
عضو مبدع
 
الصورة الرمزية رساوي منتحر
 
 

إحصائية العضو








افتراضي

هههههههههههه حلوه



















التوقيع

استغفرالله استغفرالله استغفرالله
رد مع اقتباس
قديم 09-06-2011, 04:05 PM   رقم المشاركة : 10
معلومات العضو
فنونة
عضو فذ
 
الصورة الرمزية فنونة
 
 

إحصائية العضو








افتراضي

0

0

ههههههههههههههههههه



















التوقيع

انستقرام fnonh222

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 08:35 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8