عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 17-07-2011, 02:08 PM   #1
عضو ذهبي
 
صورة شباط الرمزية
 
تاريخ التسجيل: Jan 2010
البلد: بالبيت
المشاركات: 3,048
قوة التقييم: 0
شباط is on a distinguished road
قصة مبكية مضحكة

بنت تبكي وتتوسل الامها أبي أعرس ....... زوجوني"" نزلت هذهي الكلمات مثل الصاعقة على الأم كانت صدمة لها مع أن المفروض أن كل أم تفرح لما تسمع هالكلمة من واحد من عيالها لكن سبب الصدمة كان إن هالكلمة ماصدرت من ولدها...لكنها صدرت من..... من........من......"بنتها""ايه" "بنتها". والله النشبه.....إنربط لسان الأم دارت فيها الدنيا...قامت تهوجس الولد نقدر نخطب له.....لكن البنت.....من وين بنجيب لها رجل!!!!!! "يمه... ردي علي..... تكفين..... زوجيني"" صحت الأم من الهواجيس الساخنة......القاتلة......اللي​ أصابتها من الصعقة السبقة كانت البنت تهز كتف امها.. وتترجى فيها: "يمه ...افهميني.....انا ابي اعرس..." ......... لكن الأم ماقدرت ترد بأي كلمة... كانت بس تناظرفي عيون بنتها وتقول بينها وبين نفسها: هذي اللحظة اللي ماعملت حسابها.....الظاهر بنتي كبرت وأنا مادري...." رجعت البنت ورمت نفسها على الكرسي بكل إحباط وقالت: "انتم ليش ماتبون تفهموني.... انا خلاص كبرت....صرت حرمه...عمري الحين فوق العشرين سنة...يعني حرمه...افهميني يمه الله يخليك..." اخيـــــراً تكلمت الأم وقالت: "خلاص يابنيتي فهمتك...." وهي قاعدة تفكر وشلون تبي تفاتح الابو في هالموضوع....لا المصيبة!!!!!! قربت البنت من امها وقالت: "يمه وشهو اللي خلاص... انتي تحسبيني الين الحين بزره....بتصرفيني؟؟أنا حرمه..انا الحين صرت حرمه....وكل صديقاتي اللي معي تزوجوا...يمه الله يخليك حسي بشعوري " والام مسكينة يتقطع قلبها على بنيتها...وتقول في خاطرها: "الله يعينك يبنيتي ..كل هذا في قلبك ومتحملته" والبنت استمرت في صراحتها... "يمه انتي اكيد تعرفي مشاعر اي بنت في عمري..وانا ماطلبت شي خطأ طلبت العرس بس؟؟!! وهوجست الام: "العرس بس..إيه هين بس...هو العرس ينقال عنه بس؟؟!!" وكملت البنت: " يمه سامحيني على صراحتي بس مالي غيرك افضفض له انتي لو تعرفين شلون احساسي كلما فكرت في صديقاتي المتزوجات اتخيل سعادتهم..واتصور شعورهم..فاهمتني يمه؟؟؟" وقفت الام في مكانها..وحاولت انها تكون صارمه عشان تنهي الحوار وقالت: "خلاص يابنت ... قلت لك خلاص" انا فهمت وماله داعي كل هالشرح واذا جاء ابوك تفاهمت معه..انتي تحسبين الموضوع سهل..بينجلط الرجال فيها" قامت البنت من مكانها..وواجهت امها وقالت: "لا.. مابعد تفهميني..ولا حسيتي بللي احسه..انتي عايشة في نعيم..انا اشوفك كل يوم تروحين مع ابوي..وانا محرومه من هالشي..تحسبين ماافهم..مااحس اعرف شعورك لما تكونين مع الوالد" ومسكت كتوف امها بين ايديها وحطت عينها بعين امها وقالت: "يمه افهميني ليش انا ابي اتزوج" الام ماقدرت ودارت وجهها عن بنتها وقالت: "يابنت استحي" لكن البنت كملت كلامها: يمه المسالة مافيها حياء ،هذي مشاعر طبيعية.. كله كوم..ومنظر صديقاتي كوم..كل يوم اشوفهم يجيبونهم ازواجهم للكليه وانا قلبي يتفطر اشوف اشكالهم مع ازواجهم.. وانقهر..وانا كل يوم اركب مع السواق للكليه يمه انا كلي احاسيس ومشاعر..يمه افهميني عاااااد" لكن الام مااستحملت طاحت على الارض مغمى عليها والظاهر انها انجلطت..جلست البنت على ركبتيها.. جنب امها.. تحاول انها تصحيهاوهي تصرخ: "يمه افهميني...انا.......انا.......​انا.... انا ابي اتزوج عشان... عشان ابي اركب قــــــــدام
__________________
شباط غير متصل   الرد باقتباس

 
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 09:40 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19