LinkBack أدوات الموضوع انواع عرض الموضوع
قديم 27-08-2011, 02:16 AM   رقم المشاركة : 1
معلومات العضو
دلوعه ماما
عضو مبدع
 
الصورة الرمزية دلوعه ماما
 
 

إحصائية العضو








افتراضي حوسه التماسيح ليلة العيد

التماسيح في العيد!!!

وربي انكم حوسة ومسخرة هاهاهاهاها

خلونا نستـعرض اهم الاحـداث اللي تصـير للـشباب قبل العيـد و بعـده ..

1- عند الخـياط ..

لازم كل تمسـاح يستـلم ثوبـه الجـديد بليلة العيـد .. لان كل التمـاسيح يتذكرون انهم مافصلـوا مـلابس الا بـآخر لحظة.
.
و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب.
.
وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا

تسلب وراك عفطته .. والثاني ينشق حلقه وتطلع بلاعيمه ويناشق لان عزوز اخذ ثوبه بالغلط .
.
وعبود ماسكن صويلح من رقبته عشان يتأكد ان اسم صويلح مكتوب على الورقة المعلقة برقبة الثوب
..
و مناحي منسدح من القهر على بطنه لان ثوب ولد عمه سلوم طلع اطول من ثوبه ..

واللي يشق راس الخياط بالمقص عشان سعر الفاتورة ...

واللي يصن الخياط ببقس على دميحته لانه طالب قماش زبدة والخياط مفصل له ثوب من خامة تريكو ..
.
وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...
واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب ..


2- في الحلاق..

تشوف الشباب صافين بالدور .. ((يذكروني بطابور مقصف الابتدائي ))..

(((((((((((بس من جد حالتهم تقطع القلب ..)))))))))))))

واحد يجره ابوه من كشته .. تقـول نعيمية ... ..واللي يبكي لان اخوه متعود يحلقه على الصفر ..ويقول له تكفى خل

لي خصلتين <<<< و هو صادق ..على الاقل تنفع قرون استشعار .واللي مايبي الحلاق يحلق له بموس لان الصلعة

حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..

و ابوبندر ..بعد حيي والله جاي يصبغ هالشعرتين اللي براسه ..
..
...واللي يبسط بالحلاق للفجر .. وهات يا صنفرة و سمكرة ...

واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..

واللي ينجلط الا اكتشف ان السكسوكة اختربت... واللي يلعن الحلاق لانه قص له مارينز بالغلط ..
واللي جاي يزرع
وما خفي اعظم ..


3-صباح العيد..

ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا الدرويش

وعبدالمجيد يتهاوش مع منيرة اخته .. ويبي يتروش قبلها ...

وكلن يتروش بذمة و ضمير .. ويلعن اسلاف الليفة بالصابون .. ويقعد يفرك بها الين يلمع ويلق ويعرف ان الله حق ..

و حمود يسطر منقاش ... لان منقاش لبس طاقيته المشخله بالغلط ..

واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري

واللي تحرق الشغالة شماغه..

وبعدين يرتفع صوت الصراخ .. لان الاستشوار حق مزنة احترق... ولازالت كشة مهند واقفه و تسبح لربن خلقها .

واللي يتدرب شلون يصب القهوة للرجاجيل في المجلس .
.
واللي يبكي و مضيع بوكه الجديد بولمعة .. واللي اخترب طقم الكبكات الفضة حقه ..

واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم


هاوشته ومارضت تكوي له ثوب غيره <<والله شخصيات شغالتهم تشكله..!وغيره محتار ومايعرف يختار نسفة لشماغه ..

4-برى البيت..

سعيدان ..قائلا : اهبببببببببب يا محمد .. شف نوير بنت عمي اللي ماتستحي ..ماهيب لابسة سروال .. ومطلعتن

كراعينها ..وسعيدان يرد عليه ويقول له .. استح .. هي لابستن هيلاهوب بيج ...


و فيصل قاعد يحش بخلق الله مع خويه طلال .. ويقول له ::رحمت عقال بدر اللي حاشي فيه شمآغـة..اللي يشوفه

يقول شاريه من بسطه في الاحساء

وطلال يرد عليه و يقول له ترى بدر يهون عن صالح اللي كاشخ بثوب ابيض ثلجي .. لاحظ سرواله الاصفر لا مد

رجوله...
واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية
وبعد ماتصير الساعه 8 ...


تلاقي نص الشباب بشوارع ..هات يا تفحيط و تقحيص

... و الزحمة تصير عند الملاهي والشالهات
..
واللي يطلع يشوف البحر ولا البر

وياخذ معه عدة الصيد : وااللي تتكون من شوزن و بندق و خنجر..<<على بالهم رايحين حضرموت

واللي يبسط بالنعيريه ويأجر دبابات من عند المصري..

نعم لضحك لا لزعل اتمنا ما تزعلو يا تماسيح هههههه


















التوقيع

اشتقت إليك يااغلى رفيق //// اشتقت إليك يااخي يامنبع للحب والحنان
اشتقت إلى رفيق دربي ونور أيا مي //// اشتقت إلى من قاسمني أيامي بحلوها ومرها
اشتقت إلى تلك الأيام الحلوة وليتها تعود يااخي //// اشتقت إلى أيامه ألحلوه التي كانت تجمعنا كلنا
اشتقت لتلك الأيام رغم قساوة الظروف التي مرت بنا //// اشتقت إليك يااغلى رفيق
فذكراك تعطر ايامي وكل سنيني وأدعو لك في كل صباح

رد مع اقتباس
قديم 27-08-2011, 02:22 AM   رقم المشاركة : 2
معلومات العضو
fahadالبدراني
عضو ذهبي
 

إحصائية العضو







افتراضي

لاتــــــعـــلــيـــــق الأخت تراكب خخخخخخخخخ

رد مع اقتباس
قديم 27-08-2011, 02:26 AM   رقم المشاركة : 3
معلومات العضو
حبيس المشاعر
عضو بارز
 

إحصائية العضو







افتراضي

الي يسمعك يقول انك تزاحمينهم عند الخياطين والحلاقين

واتوقع الموضوع منقول
والا وش جاب البحر والاحساء النعيريه لو قلتي القشيع
وانتي قلتي التماسيح وحنا وش نقول..................

رد مع اقتباس
قديم 27-08-2011, 02:42 AM   رقم المشاركة : 4
معلومات العضو
راعي جفيفا
عضو متألق
 
الصورة الرمزية راعي جفيفا
 
 

إحصائية العضو







افتراضي

كلام واقعي ............ صدقت



















التوقيع

رد مع اقتباس
قديم 27-08-2011, 02:58 AM   رقم المشاركة : 5
معلومات العضو
m3aly
عضو بارز
 

إحصائية العضو








Cool


المشاركة الأصلية كتبت بواسطة حبيس المشاعر

[color="red"]
وانتي قلتي التماسيح وحنا وش نقول..................
والله شوف عندك خيارات امممم ممكن غزلان وروود فراشات ...يعني من هالقبيل <<ههههه بترفع ضغطه
لا احد يزعل امزح ترا
رد مع اقتباس
قديم 27-08-2011, 03:14 AM   رقم المشاركة : 6
معلومات العضو
حبيس المشاعر
عضو بارز
 

إحصائية العضو







افتراضي

[QUOTE=m3aly;4566608]والله شوف عندك خيارات امممم ممكن غزلان وروود فراشات ...يعني من هالقبيل <<ههههه بترفع ضغطه
لا احد يزعل امزح ترا[/QUOTE


بناتنا كل الحلا فيهن
واذا ماهن مقتنعات بالتماسيح التماسيح مقتنعين فيهن
لاكن اختنا نسيت وش يسوون بالتماسيح على قولتها من قبل رمضان
وهن يوم يشرن ويوم يرجعن وليلة العيد المشاغل
وهذا شي مايخفاكم من مزاحمهن عنده وهواشهن عاد وهوشت حريم الله وكيلك

رد مع اقتباس
قديم 27-08-2011, 03:43 AM   رقم المشاركة : 7
معلومات العضو
C.RONALDO.7
عضو مميز
 

إحصائية العضو







افتراضي

كل كلامك صحيح لكن انا العكس ولا ينطبق كلمة وحده بالموضوع فيني
لاني احلق قبل العيد باربع ايام
وبالعاده ما افصل بالعيد كل سنه ثوبين فقط ليش الاسراف الثوب نفسه ما يتغير كله ابيض ونفس المقاس ما يتغير

رد مع اقتباس
قديم 27-08-2011, 06:08 AM   رقم المشاركة : 8
معلومات العضو
 

إحصائية العضو







افتراضي

الموضوع شيق وجميل واللة وتصلح راوية قصص بس ليش ماتكتب قصة مماثلة لاخوات التماسيح والا نست نفسها

رد مع اقتباس
قديم 27-08-2011, 06:50 AM   رقم المشاركة : 9
معلومات العضو
 

إحصائية العضو








افتراضي

مضيعه وقت .....



















التوقيع

اذكورو الله يذككركم
لا اله الا الله

رد مع اقتباس
قديم 27-08-2011, 07:01 AM   رقم المشاركة : 10
معلومات العضو
NaaDoOoR
عضو متواجد
 
الصورة الرمزية NaaDoOoR
 
 

إحصائية العضو








افتراضي

على هوونكم يالسحالي


يوم العيد كله راح بوقفه على المرايه
رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 06:26 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8