عـودة للخلف   منتديات الرس اكس بي > منتديات الرس اكس بي > منتدى الافراح والمناسبات و التغطيات والتهاني
التسجيل الأسئلة الشائعة التقويم تعليم الأقسام كمقروءة


منتدى الافراح والمناسبات و التغطيات والتهاني تغطيات المناسبات المتنوعة سواء كانت مناسبات عامة أو خاصة مثل الزواجات وحفلات النجاح والتخرج.

موضوع مغلق
 
LinkBack أدوات الموضوع طريقة العرض
قديم(ـة) 27-08-2011, 07:22 AM   #1
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
افطار مسجد صلة بن أشيم بحي القادسية ..صور

السلام عليكم ورحمة الله وبركاته
هالتغطية هدية لعبدالله ناصر الزيادي ..أبوناصر الحاضر الغائب هذا العام
يقع مسجد صلة بن أشيم في حي القادسية
ويقع حي القادسية في الجهة الشمالية الشرقية من الرس
يحده من الشمال حي الجندل ونهر الأمازون ومن الجنوب مضيق باب الهرمز
ومن الشرق الجندل ومن الغرب حديقة الشباب للتنمية الإجتماعية
عملة الحي الريال السعودي
العاصمة بيت أبوريان
عدد السكان يمكن 140 نفسة قصدي نسمة
الديانة ...افطار جماعة مسجد يعني وش يبي يصير ..الحمد لله على ملة الإسلام
الناتج المحلي يعتمد الحي على عدد من النخيل وعدد من شجر النبق وحوض كراث ميت في بيت أبوسليمان وكذلك على الثروة الحيوانية من بساسة وشبثات وثلاث جعر جرسيات
المكانة الدولية عضو دائم في مجلسس الأمم المتحدة وصاحب حق النقض " الفيمتو"
بعد هالهرج المالغ نخش بالفطور حق حارتنا
قبل الفطور لعلي أحدثكم عن مشاعري عن هذه الحارة المباركة
سكنتها قبل سنيات ...ولم أكن أعرف بها أحدا أبدا ..وجدت جيرة طيبة ..وأهل كرام ..وأخوة لي لم تلدهم أمي ..
سأرحل قريبا عن هذه الحارة عندما أبدأ بالتفكير بعمارة بيت ..ولعمري بأن الأسى بدأ يدق ناقوسه من الآن
إلا إذا تزهلوا لي الحارة بالأرض اللي شمال بيت أبوصالح الخليفة فأنا ماعندي مانع أجلس وأعمره أنا مهيب مشكلة لا أحد يتكلف زود...بعدين تراى اذا تركت هالحارة ما أحد جالس ينزل له تقارير الفطور الرمضاني ..ومن هالحين يابوهاني تقول ازهم عليك تجي أقول اسمح لي معزوم على الفطور عند واحد
أقول لكم ان حارتنا من أهدأ الحارات ولله الحمد على مستوى العالم ..وتنعم بليالي هادئة لاازعاج فيها ولاغيره
فـ كان الله في عوني عندما أشد لبيت جديد كان الله في عوني سوف لن أنساكم أبدا
أبدا الله ياخذكم لجنات النعيم وأنا معكم
اتفقوا الجماعة على أن يكون الفطور ...عجزن أكتب التأريخ شوفوه مكتوب بالصور فوق يمين بكل صورة تتلقونه فـ وشو له يقعد الواحد يكتب التاريخ
فكان الترتيب والتنسيق من أبوسليمان الفلاح بارك الله فيه وفي جهوده المباركة فأنا أعتبره شعلة الحارة رفع الله قدره
وتم توزيع المهام وكلن تزهل وقال تم
ما أطول عليكم
الصور ...أبوسليمان الفلاح ومن معه وتنظيف سريع للحوش


أبوسليمان و وسام







وبدت الحركات ..هالتمر المحكور من بيت أبوسليمان القعيد جزاه الله خير


هذا الرجل وليس الطفل وسام ...الله يحرسك ويخليك لوالدك ..معجبن بقوة طيب حبوب خدوم مؤدب الله يستر عليك ويسعدك والله اني جدا معجب بك


الإستعداد على قدم وطائرة وتنس أرضي


من أنتم ؟


وزع التمر بسرعة تأخرنا الله يهديك اصبر لاتاكل ما أذن يالمشفوح


وبدأت الوفود المشاركة بالتوافد ومنهم جارنا الجديد علي الخالد القبلان فهلابك يابوخالد


مشاري الشبنات ...ونعم الرجل والله ..خالك أحمد ليش ماتصير رجل ومؤدب ولاهوب زود على بقية الخوال والأعمام






حي الله أبوعقيل


القرصان وهو بالمناسبة يناسب كل من أراد التهرب عن التراويح ..فهو " يحطز بالمعدة " فترة طويلة وثقيل بس مداخيل العافية وكثر خير من جابه كان جدا لذيذ
مع اني ما ذقته


بتلوا واقفين هناك مدري وش عندهم


هنا يلاحظ وجود قشطة المراعي وقد تم أخذ تعهد على محضرها بعدم تكرار مثل هذه الفعلة الشنيعة
وصحن فطاير


أهلا بجارنا العزيز ياهلابك والله يخلي لك هالأشبال


خيرات وأنعام وهالأسود مدري وشو بس شكله علبة حبر ..وشو له ما أدري ؟



أذن العشاء وهم يسولفون


يم يم


يقولون هذي قطايف على شكل سمبوسة
__________________
هزيم الرعد غير متصل  

 
قديم(ـة) 27-08-2011, 07:23 AM   #2
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
أقماع


مهيب أقماع


يامال العافية والله لذيذ هذا الشيء


أخيرا بدو يفطرون


فديتك يالصافي << يقال لك عناد بالمراعي


ويظهربالصورة يمين صالح عبدالله العقيل



ويظهر المهندس أبوريان الخليفة وكأنه حاس ان فيه شي يبي يصير


وهنا يظهر أبوصالح الخليفة


شوفوا أبوسليمان الفلاح مارضى يجلس أبد
الله يشده بالعافية




أخيرا اقتنع ..


اللي يمين واقف يصب الظاهر انه عبدالرحمن الفلاح ..يامال العافية والله يابوفلاح طالعن على جاركم هزيم الرعد قرم قرم


لقطة احترافية مع الغيوم


واحترافية أخرى


بوروتريه بس من بعيد






بالعافية ياشباب
بس فيه أثنين مسوين كناري وحركات يبي لهم صورة كلووووووووز


يتعازمون على التمرة .. عبود وحمود


صورة وأبوهاني بالخلف يتهور


أبوعبدالله الشبنات وأبوريان الخليفة وأبوخالد القبلان وأبوهاني بالخلف الله يستر بس
__________________
هزيم الرعد غير متصل  
قديم(ـة) 27-08-2011, 07:24 AM   #3
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
أبوخالد وأبومحمد الحوشاني


الدكتور ريان الخليفة وأبوعبدالرحمن الفلاح وخالد العلي القبلان


ويظهر جارنا الجديد في الصورة ويسار أبونورة امام المسجد وأسامة العقيل


أسامة ..والمؤذن أبوسعد ..غير معروف ..وأبووليد البطي


أبوصالح الخليفة أبوصالح العقيل أبوعبدالعزيز العقيل أبوأسامة الخليفة


صالح العقيل


الملاح القبلان القبلان الملاح


عبدالله الخليفة وعبدالعزيز العقيل


عامل آسيوي ..وسليمان الفلاح وجارنا السوية الجار الجديد شرفنا هذا العام
وشوفوا أبوسليمان الله يوفقه ماجلس


صخر الفلاح .... غير معروف ...البطي


وصورة خاصة بمتعب الفلاح


الرجل وسام الفلاح بالبخور


الجار الملاح


جارنا أبوهاني ..مايحتاج أكتب انه أبوهاني الفريدي لأنه معروف ..وابنه وأبوخالد القبلان


اسمحوا لي أسميه العمدة


أبوسليمان ومعه وليدي الدحمي يسوي حركات الله يصلحه لا هالحين بالكيبورد الله يخليه لي


جارنا السوية بارك الله في جهودة ماقصر


عاد بدت حركات الشباب


ترى منب مطلع صوركم مير اركدوا
__________________
هزيم الرعد غير متصل  
قديم(ـة) 27-08-2011, 07:25 AM   #4
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough


مبتسمون ..ما أجمل الإبتسامة



أبووليد البطي



أبوهاني الفريدي ينتسب شوربة ...والله يستر



مشاري وعبدالله وعبدالله





أبوعبدالله الشبنات





بالعافية يابوصالح



ياسر العبدالله وزائرنا من عنيزة الشقيقة ..صالح ابراهيم العيوني



أبومحمد الحوشاني أبوهاني الفريدي أبوصالح البطي



سليمان وصخر فلاح الفلاح



فلاح عبدالرحمن الفلاح وابنه فيصل



على القبلان وجارنا الجديد عذرا لم أعرف اسمه







وسام وأبوصالح البطي



الصغار بارك الله فيهم



وأبوسليمان الفلاح راح الفضاء وتوه نازل حتى مانزل الخوذة ..يقول أبشوف هي الأمور تمام أو لا ؟



يقول بأن أصدقاؤه من الفضاء شافوا تقرير العام الماضي لجماعة المسجد وجاز لهم وقالوا ان ودهم يحضرون هالرمضان بس يقول عيبهم انهم مايصومون وراعين تتن

قال لهم أبوسليمان واللي رفع سبع وطمن سبع ماتطبون افطار مسجدنا يالهيوس

والهيوس يعني جمع هيس والهيس هو التيس الذي يكون بإذن واحدة والثانية مشيولة وحاطين بداله سماعة بلوتوث






جماعة مسجدنا عليهم طلعات ..يقولون صح ان اليوم 20 من الشهر وليلة 21 بس وش دراكم يمكن نشوف هلال شوال ..وجلسوا يحاولون يشوفون هلال شوال



وانتهى هالإفطار المبارك

ومرحلة تنظيف المكان



وبمناسبة انتهاء هالتقرير نشكر كل بيت قدم لنا ماجاد به مطبخه وكثر خيرهم

تمنينا ان يكون الكل موجود ومنهم الأخ القديرابوحسان مؤذن المسجد سابقا رغم انه واعدنا بالحضور وماجاء

نتمنى أن يكون افطارنا في كل رمضان مميزا وأن لانتوقف عن التطوير والتفكير ..مشروع جبل عمر

شكرا لكل من ساهم وتعب

شكرا لي بعد أنا وش حيثي
إن أصبت فمن توفيق الله
وأن أخطأت فمن نفسي والشيطان

شكرا لكم جميعا
__________________
هزيم الرعد غير متصل  
قديم(ـة) 27-08-2011, 07:27 AM   #5
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
تغطيات سابقة أعوام 29 و 30 و 31
حفل إفطار مسجد صلة بن أشيم وترامس الشاي اللي زحلطن

تغطية فطور مسجدنا صلة بن أشيم....وظهور السعلو

افطار جماعة مسجد صلة بن أشيم
__________________
هزيم الرعد غير متصل  
قديم(ـة) 27-08-2011, 07:48 AM   #6
عضو ذهبي
 
تاريخ التسجيل: Jun 2011
المشاركات: 3,789
قوة التقييم: 0
الصريحه is on a distinguished road
الله لا يفرق جمعتكم ويجعلها دوم في طاعة الرحمن

و الله يونسك ويشرح بااااالك
مثل ماونستنا وشرحت بالنا بهذه الصور الرائعه .
__________________
الصريحه غير متصل  
قديم(ـة) 27-08-2011, 07:54 AM   #7
عضو بارز
 
صورة D a 7 o 0 o M الرمزية
 
تاريخ التسجيل: Jun 2011
المشاركات: 352
قوة التقييم: 0
D a 7 o 0 o M is on a distinguished road
Thumbs up

,



مآششآء الله عليكم
جمعه ونآآآسه يآبختكم والله

بس ماتقل تأخرتو ع الصلآة ولهيتو بالتصووير < يبي يشبهم ع هزيم

ألف شكر لك
D a 7 o 0 o M غير متصل  
قديم(ـة) 27-08-2011, 08:28 AM   #8
مشرف منتدى التربية والتعليم
عضو مجلس الإدارة
 
صورة ابو جود الرمزية
 
تاريخ التسجيل: Mar 2008
المشاركات: 14,333
قوة التقييم: 29
ابو جود is a name known to allابو جود is a name known to allابو جود is a name known to allابو جود is a name known to allابو جود is a name known to allابو جود is a name known to all

ماشاء الله تبارك الله
بالعافيه على قلوبكم وهزيم أولكم:)
إلا ياهزيم ماتخبر لي بيت بحارتكم . شكل علومكم سنعه هههههه
إلا عاد تبي الصراحة والله إنكم تشكرون كثير كثير على هيك جمعات وترابط بين أهل الحي
والله يخليلك عيالك ويحفظهم ويصلحهم ويصيرون أحسن من أبوهم :)
تقبل الله صيامكم وقيامكم وبعد إفطاركم والله يسهل عليكم
ولاتنسى تشوف لي بيت للإيجار عندك بس لرمضان عشان هالفطور والوجيه الغانمه ككككك
تحياتي ياأثري .. ومنورين كل أبوكم
__________________



Twitter
abojoodxp@
InstagraM
ABOJOODXP


ابو جود غير متصل  
قديم(ـة) 27-08-2011, 09:54 AM   #9
 
صورة اللون السابع الرمزية
 
تاريخ التسجيل: Nov 2005
البلد: أبعد مما تتصور
المشاركات: 658
قوة التقييم: 0
اللون السابع is on a distinguished road
ماشاء الله تبارك الله .. إجتماع مبروك ماشاء الله ..
بس الله يهديك لحست مخي .. المفروض التعليق يصير تحت الصورة الملّعق عليه .. مهوب فوقه ..
يوم أنتصفت لقيت واحد أعرفه والإسم اللي تحت ما ركب عليه !! رقيت فوق لقيت اسمه هههههههههه عاد رجعت مره ثانية للصورة الأولى نطابق الأسماء هههههههه
__________________

اللون السابع غير متصل  
قديم(ـة) 27-08-2011, 10:05 AM   #10
7up
عضو مميز
 
صورة 7up الرمزية
 
تاريخ التسجيل: Jun 2011
البلد: in her heart
المشاركات: 210
قوة التقييم: 0
7up is on a distinguished road
ما شاء الله عليكم

عقبال ماتجتمعون بالجنه ان شاء الله
__________________
Without Allah I'm nothing
7up غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 05:52 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19