عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 15-09-2011, 02:28 AM   #1
Banned
 
تاريخ التسجيل: May 2010
المشاركات: 912
قوة التقييم: 0
مشيب الروس is on a distinguished road
إليك الحل الأمثل والأروع لتجعل زوجتك تحافظ على مصروفها

السلام عليكم ورحمة الله وبركاته :

سيداتي وسادتي مخدتي ووسادتي

أعزائي وأحبائي أعضاء وعضوات هذا المنتدى الطيب العطر الرس اكس بي

كنا قد تكلمنا في الدرس السابق عن القوامة واستغلالها الخاطئ من قبل بعض الرجال

ودرسنا لهذا اليوم عن كيف تجعل زوجتك تحافظ على مصروفها

في الحقيقة والواقع والبحر ملئ بالقواقع ومن خلال خبرتي وتجاربي في هذه الحياة رايت الكثير من الأزواج يتذمرون من طلب زيادة المصروف الشهري من قبل زوجاتهم إما لحضور مناسبة معينة وإما لتتبع آخر الصرعات والموديلات فتحصل الخلافات والمشاكل بينهم فإليك يا أخي الزوج هذا الحل الأمثل والأروع لكل هذه المشاكل


إذا صار يوم 25 من الشهر ونزل الراتب عطها مبلغ معين على حسب قدرتك وقل لها هذا مصروفك الشهري ولا عندي لك أكثر من كذا شئ سوي فيه اللي تبين بس لا تجين تطالبيني بأكثر من كذا وإذا طلبت منك زيادة على سبيل المثال صار عندها مناسبة معينه مثل مناسبات الزواجات والله اذا كانت المناسبة هذي تخص اقرب الناس لها مثل زواج أخوها ولا أختها ولا ولد أخوها ولا ولد أختها ولا بنت أخوها ولا بنت أختها الواحد بالحالة هذي يعين ويعاون مهب مشكلة أما والله اذا كانت تخص بنت عمها ولا بنت خالها ولا صديقتها وتبي زيادة علشان تتبع أخر الصرعات والموديلات وبعض الرجال الله يهدينا وإياهم يدخلون بمشاكل وخلافات مع زوجاتهم ويقول لها مانتب رايحة وهي تقول إلا بروح وعطني فلوس ويتطاول الزغاغيل هو وإياها على شئ ما يسوى

ونصيحتي لك يا ايها الزوج الكريم إذا صارت مثل المواقف هذي وشفت إن الشئ هذا يبي يضايقك ويعكر مزاجك لا تدخل معها بجدال عقيم خلك سياسي وملكع شوي وسع صدرك يا ابن الحلال لا يجيك الضغط والسكر الموضوع ما يسوى الزعل هذا كله يا أخوي اذا جت وطلبت منك زيادة علشان المناسبة الفلانية ولا الموديل الفلاني قل لها كم تبين يا بعد عمري أنتي آمري وتدللي وأنا كم عندي من وحدة اسمها فلانة بحياتي طبعا نادها باسمها ودلعها وعطها الزيادة اللي تبيها وإذا نزل راتب الشهر الثاني اخصم الزيادة اللي أنت عطيتها إياها علشان ما تفكر مجرد تفكير إنها تطلب زيادة على شئ ماله داعي وعلشان تعرف كيف تحافظ على مصروفها ولا تقعد تدخل معها بسين وجيم وريح راسك وإذا قالت لك ليش المصروف ناقص قل لها وش اسوي يا بعد عمري مهب ذنبي إنك تروحين لمناسبات مالك فيها دخل وعلى حسابي تبين تحضرين مناسبات مثل كذا اجمعي مصروفك اللي أنا أعطيك إياه كل شهر وتنتهي المشكلة
غير مناسبات أقرب الأقربين لك أنا ما عندي مانع أعطيك زيادة لكن بنت عمك ولا بنت خالك ولا بنت خالتك أنا مالي دخل فيهم مهب لازم تروحين المناسبة قائمة بك ولا بدونك الله أكبر المناسبة بتوقف بدون حضورك وقل لها والله عندي التزامات أهم من مناسباتك وموديلاتك وبالطريقة هذي راح تعرف قيمة القرش وتعرف إن الفلوس هذي ما تجي بسهولة

وإليكم مني أحلى متصفح وتراني أطرح وجهة نظري ورجائي الخاص لا يجيني أحد ويقول لي أنت تلزم الناس بأفكارك أنا تراني ما ألزم أحد بوجهة نظري والاختلاف لا يفسد للود قضية
مشيب الروس غير متصل   الرد باقتباس

 
قديم(ـة) 15-09-2011, 03:03 AM   #2
عضو ذهبي
 
صورة همس الرمزية
 
تاريخ التسجيل: Apr 2007
البلد: في مملكتي
المشاركات: 3,349
قوة التقييم: 0
همس is on a distinguished road
قل امين
ينحذف موضوعك قبل لا يقراه زوجي ههههههه
وش هاالحل
عور قلبي بس يوم قريته
__________________


عساك تبقى حي ياشايب لي
يابوي ياللي مايساويك رجال
همس غير متصل   الرد باقتباس
قديم(ـة) 15-09-2011, 03:55 AM   #3
عضو بارز
 
صورة حبه سكر ناعمه الرمزية
 
تاريخ التسجيل: Sep 2010
البلد: حيث ما كنت أنا
المشاركات: 666
قوة التقييم: 0
حبه سكر ناعمه is on a distinguished road
طيب وإذا إنه عطاها
مصروفها ع قولتك وقبل
لايجي الراتب الجاي إلا وهو
قد أخذ اللي عندها بحكم إن بعضكم
يالرجال المره أحسن منه تصرف
تتوقع بالراتب الجاي يعطيها اللي هو أخذ
مع مصروفها الشهري ولا إنه يقول
خلاص مصروفك وهذا هو
__________________
حبه سكر ناعمه غير متصل   الرد باقتباس
قديم(ـة) 15-09-2011, 05:23 AM   #4
عضو بارز
 
تاريخ التسجيل: Mar 2011
البلد: .........
المشاركات: 530
قوة التقييم: 0
* نهى * is on a distinguished road
ههههههههههه

والله انكــ دااااهيـــه يامشيب الروس اجل تخصم من الراتب قصدي المصروف حق الشهر الثاني هههه وشلون ذكرت عليك هذي مشاء الله عليك

عاد تصدق اني أؤيدك بهالخطه لاني احب الاقتصاد ولا احب الاسراف خصوصا بالمناسبات البعيده
* نهى * غير متصل   الرد باقتباس
قديم(ـة) 15-09-2011, 05:26 AM   #5
عضو ذهبي
 
صورة فهد ابن أبيه الرمزية
 
تاريخ التسجيل: Mar 2010
البلد: الرس
المشاركات: 2,241
قوة التقييم: 0
فهد ابن أبيه is on a distinguished road
موضوع رائع وسياسة حكيمة

شكرا عزيزي
فهد ابن أبيه غير متصل   الرد باقتباس
قديم(ـة) 15-09-2011, 07:18 AM   #6
عضو بارز
 
تاريخ التسجيل: Feb 2009
المشاركات: 487
قوة التقييم: 0
أحتاجك أنا ..... is on a distinguished road
يارب ينحذف المووووووووووووووووووضووع ... الحين انتم وراكم علينا يالرجال شايلين شيلكم الحريم بهن والحريم مابهن

مستخسرين علينا !! اجل ليش تاخذون بنات الحمايل مدام أنكم موب شارين لهن ولا حاطين لهن !!

بنات الناس واللي يعرفن الصح والغلط موب طالبات شي اكثر من حقهن صصصدقني بالعكس يرحمونكم ولابعد يوفرون لكم !!

ششششرط انت يا اللي كتبت هالموضوع تطبقه شهر وبعده تتووووووووووب خخخخ

لاتزعل بس اسمح لي موضوعك غلط لأن الدنيا تغيرت الحين

وششششششششششكراً
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
أحتاجك أنا ..... غير متصل   الرد باقتباس
قديم(ـة) 15-09-2011, 08:28 AM   #7
عضو فذ
 
صورة الجوهرة الرمزية
 
تاريخ التسجيل: Jul 2008
البلد: في بيتــــــــــــــــنا
المشاركات: 7,923
قوة التقييم: 0
الجوهرة has a spectacular aura aboutالجوهرة has a spectacular aura aboutالجوهرة has a spectacular aura about
من زين هالهرج نظام شيبان من الثمانين وفوق

دايم نسمع ان الحياة الزوجيه عشان تصير اوك لازم التفاهم والتعامل الزين

احس من كلامك انك تعامل بزر مو مره اجل ابخصم من الراتب الجاي استغفر الله اهل العقول براحة فيه بعض الناس يمكن تقتنع انه يعطيه مصروف وكذا بس انا ماحب هالشي ابدا وبيحز بخاطري تقل يعطين راتب اذا صار متفاهم كل ماحتجت ابقوله عطن واصلا ابكون عارفه وش مادتيه وماراح اخذ اكثر مما يقدر عليه
عااااااااااد اذا صار بخيل هذا معه كلااام ثاني الله لايبلانا

ودي اقووووول لكل المتزوجين لاتصدقونه والله انه يهك عليكم ويخرب حياتكم
الجوهرة غير متصل   الرد باقتباس
قديم(ـة) 15-09-2011, 08:44 AM   #8
عضو متواجد
 
صورة روح الشنانه الرمزية
 
تاريخ التسجيل: Sep 2011
المشاركات: 38
قوة التقييم: 0
روح الشنانه is on a distinguished road
يابنات الحلال لاتغثون انفسكم علشانه انتي وزوجك متفاهمين الحمد لله هذا احسن شيء واللي متعودين عليه ماراح يتغير علشان كلمتين قالهم الاخ انتي وشطارتك تقدرين تخلي زوجك زي الصرافه والله يديم المحبه
روح الشنانه غير متصل   الرد باقتباس
قديم(ـة) 15-09-2011, 08:52 AM   #9
عضو مميز
 
تاريخ التسجيل: Jul 2011
البلد: الرس الله لايخلينا
المشاركات: 103
قوة التقييم: 0
سنان is on a distinguished road
حياك اخوي
اخالفك وبقوة ولاتزعل ترى الزوجة انسانة لها مشاعر واحاسيس
تخيل اختك ضحك عليها زوجها بالطريقة هذي كان انت تزعل من وراها الطفل مايعامل هالمعاملة وشلون زوجتك وام عيالك واعتقد خطتك الجهنمية تعدم ثقة الزوجة بزوجها ترى التفاهم حلو
ياخي الناس يختلفون اذاالزوج راضي يعطيها حلاله
لوعلى الأقل قلت يقولها اخصم من المصروف الجاي كان مشيناها مع اني مايعجبني اللي يضيق ع زوجته وهو مقتدراما غير المقتدر مثل ماقلتلك يتفاهم معها ويقول لها لو اقدر ماقصرت عليك وعطيتك اللي تبين وزيادة ومن هالكلام
وانبهك لاتحمل ذنوب خلق الله وتسبب المشاكل بالبيوت بسبب مواضيعك اللي يمكن انه تنفع معك بس الناس اجناس

(سنان)
سنان غير متصل   الرد باقتباس
قديم(ـة) 15-09-2011, 10:48 AM   #10
عضو بارز
 
تاريخ التسجيل: Jul 2008
البلد: في دنيا ღغريبة عجيبة .....
المشاركات: 503
قوة التقييم: 0
الأمير/م غ ر م is on a distinguished road
Thumbs up

اؤيدك وبقوة على حكمتك وسياستك ورأيك ...
فكرة اكثر من رائعة وحل وسط بين الزوجين..
للأسف اغلب الزوجات تبيع سعادتها الزوجية واستقرارها على حساب التباهي والتفاخر والاسراف في اللبس والأغراض الغير ضرورية..
من راقب الناس مات من الهم والغم والفقر والضغط والتعاسة
__________________
الأمير/م غ ر م غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 06:20 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19