عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

إضافة رد
 
LinkBack أدوات الموضوع طريقة العرض
قديم(ـة) 20-09-2011, 11:46 AM   #1
Banned
 
تاريخ التسجيل: May 2010
المشاركات: 912
قوة التقييم: 0
مشيب الروس is on a distinguished road
عندما يحتدم الخلاف بين ابويك المسنين فإليك الحل الأمثل والأروع

السلام عليكم ورحمة الله وبركاته

سيداتي آنساتي وسادتي مخدتي ووسادتي


أعزائي وأحبائي أعضاء هذا المنتدى العطر الطيب الرس اكس بي


في الحقيقة والواقع والبحر ملئ بالقواقع ومن خلال خبرتي وتعاملي مع الشيبان رايت كثير من الناس يجهل فن التعامل مع الشيبان فالشيبان يا جماعة الخير لهم طريقة معينة بالتعامل فاللي يعرف وزنة الشايب هو الكسبان صدقوني إذا عرفتوا وزنة الشايب راح تكسبه فكثير ما نسمع عن الشيبان إنهم عنيدين فلسان حال الشايب يقول إنه على صح وغيره على خطأ ودايم الشايب يحط حرته بزوجته العجوز المسكينة تلقاه يلعنها الليل والنهار وما غير يتهاوش معها وبعض العجز الله يهديهم ويخليهم لنا حارات ما عندهم تفاهم دائما تشيل وتحط عليه

فإليك الحل الأمثل والأروع لوضع حد للخلاف بين أبويك المسنين

إذا تهاوشوا أمك وابوك قدامك وشفت إن المعركة حامية الوطيس بينهم حاول إنك تهدي الطرفين امسك ابوك لحاله وقل له أفا يا ابيي الله يخليك لنا ويمتع عمرك على الطاعة والله ما توقعنا منك كذا الحين أمي لها مايقارب أربعين ولا خمسين سنة عايشة معك على الحلوة والمرة وآخرتها تقول لها كذا وكذا والله يا يبه ما توقعنا منك الشئ هذا أمي تحبك ولو ما تحبك وتعزك كان ما قالت لك كذا وكذا الله أكبر ما تعرف طبعها لك الفترة الزمنية هذي عايشين مع بعض ما تعرف طبعها وإذا شفت إنه عصب ولا قعد يهاوشك خلاص اتركه لا تجادله أكثر من كذا وبعدين رح امسك الوالدة لحالها قل لها يا يمه الحين انتي الله يهديك ويخليك وراك تقولين له كذا وكذا تعرفين إنه ما يحب النوع هذا من التصرفات ولا النوع هذا من الكلام وشوله تخلينه يتكلم عليك كلام مثل كذا يعني يا اميمتي ما تعرفين طبعة لك ما يقارب أربعين ولا خمسين سنة عايشة معه ولا تعرفين طبعه والله إنه يحبك بس انتي الله يهديك حارة شوي ما يصلح كذا الله يهديك على آخر العمر تتهاوشون أجل وش نصير حنا يالشباب بالنسبة لكم أنتم يالشيبان اللي أنتم قدوتنا نعدكم

وإذا شفت إن الأمور مهب زينة بينهم يعني ما فيه فائدة إنك تصلح بينهم حاول إنك تفرق بينهم خل مثلا امك تجي عندك وأبوك يروح عند حدى اخوانك وإذا أخذت لك فترة زمنية وشفت إن الأمور هدت نوعا ما بينهم ذيك الساعة اتفق أنت وإخوانك واستاجروا استراحة وخلو الاجتماع خاص بينكم ورح لم أبوك وقل له إني بزوجك والشايب يستانس إذا جبت له طاري الزواج لو إن ما به حيل بس يستانس وإني خابر لك ذيك البنية اللي تدور على الشقردي اللي مثلك وانت تكذب عليه وبعدين كلم خواتك وخلهم يضبطون الوالدة وإن حصل تجيبون لها كوفيرة تضبطها يكون أفضل وخل خواتك يلبسونها لبس جديد والوالد جب له الحلاق خله يضبطه ويتكتكه وخله يصبغ له بويه خله يرجع أربعين سنة وراء وإذا ضبطته قله يالله يبه نبي نروح لم الاستراحة علشان الشيخ يملك لك والموضوع بيني وبينك طبعا الشايب بالحاله هذي يبي يصدق نفسه إنه يبي يتزوج من صدق ومن هي العروس أمك طبعا وإذا رحت انت والوالد للإستراحة ادخل من جهة باب العريس وكلم على خواتك وهو ما يدري وقل لهم حطوا أمي بغرفة المعاريس نبي نخليه يدخل ويتفاجا وإذا دخل شف عاد وشلون راح تكون ردة فعله إذا شاف ام عياله قدامه هي العروس راح ينسى جميع الخلافات والمهاوشات اللي صارت بينهم خلال فترة العشرة وكانه توه متزوجها وإن حصل إنك تتفق أنت وإخوانك وتودونهم على مكة وتعتمرون فيهم وتاخذونهم للطائف يغيرون جو وينبسطون ويستانسون يكون افضل كانه شهر عسل بالنسبة لهم

على سبيل المثال بقول لكم قصة حصلت معي انا مع شايب ما اعرفه ولا أدري من هو علشان تعرفون إن الشيبان لهم وزنة وإذا عرفت وزنته تقدر تاخذ اللي تبي منه

مرة من المرات رح أزور لي واحد من الربع بالمستشفى كان مرقد وكان عنده شايب عنيد وحار بنفس الوقت الله يهديه وكان ولده رجال عمره يمكن بالثلاثينات جاء الممرض سعودي يبي يعطيه ابرته طبعا الشايب ما يبي الإبرة وعصب على ولده والممرض وقال لهم انقلعوا اذلفوا ومحط ولده بالعصا الولد تفشل الضعيف من الممرض فجيت أنا لمهم قلت وش السالفة قال لي الولد والممرض عجزنا عنه الله يهديه قلت أنتم الله يهديكم ما عرفتوا لوزنته قلت خلوه علي انا أعرف كيف اتفاهم معه جيت للشايب وسلمت عليه وحبيت راسه قلت وش فيك يا عم وراك كذا الله يهديك قال لي أنا ودي أطلع من المستشفى ما أبي أقعد ولا ابي لهم أبر قلت طيب هد اعصابك وتعوذ من الشيطان يا عم الله يهديك وقلت وش رايك إنك لو طلعت من المستشفى إني أخطب لك خابر لك بنية شقردية ما تبي إلا رجال شقردي مثلك علاطول وين هي قلت قريبه بس انت وراك ما تأخذ الابرة الله يهديك قال ما ابيها قلت تدري يا عم إن الابرة هذي تبي تصفي لك الكلبليتر عندك تبي تقوي البخاخ عندك قال أنت صادز قلت الله الله خذها من عندي انا تبي تقوي لك البخاخ بس انت اسمع الهرج الله يهديك لا تعاند إن كانك تبي تعاند تراني هونت مالب خاطب لك قال لي تدري ياوليدي خله يجي يعطيني الابرة الشكوى لله ما بيد حيلة ورحت للممرض وقلت له تعال عطه ابرته قال لي فكنا الله يرحم والديك لا يمحطني بالعصا قلت ما عليك من عندي أنا ما راح يسوي لك شئ لا تخاف أنا أضمنه لك يوم عطاه الابرة قال لي الممرض بسئلك يا اخوي وش انت سويت له علشان يرضخ لك وشلون قويته قلت الأمر بسيط لو يجيك مستقبلا شايب مثل كذا ورفض ياخذ علاجة ولا ابرته قله تراني بخطب لك والعلاج هذا تراه يبي يصفي الكلبليتر عندك ولا يبي يقوي البخاخ عندك وانت تكذب عليه مالك إلا الطريقه هذي علشان يفك معك ولا تدخل بمشاكل معه قال لي الله يجزاك خير قال حنا نواجه نوعيات كثيرة من الشيبان هذولاء ولا ندري وشلون نتصرف معهم قلت ما عليك جب له طاري العرس ولو إنه ما فيه حيل بس الشيبان يحبون السوالف هذي

ولكم مني أحلى متصفح وأحلى تحية
مشيب الروس غير متصل   الرد باقتباس

 
قديم(ـة) 20-09-2011, 01:19 PM   #2
عضو مميز
 
تاريخ التسجيل: Jul 2011
البلد: الرس الله لايخلينا
المشاركات: 103
قوة التقييم: 0
سنان is on a distinguished road
اقتباس:
المشاركة الأساسية كتبها مشيب الروس مشاهدة المشاركة
السلام عليكم ورحمة الله وبركاته

سيداتي آنساتي وسادتي مخدتي ووسادتي


أعزائي وأحبائي أعضاء هذا المنتدى العطر الطيب الرس اكس بي


في الحقيقة والواقع والبحر ملئ بالقواقع ومن خلال خبرتي وتعاملي مع الشيبان رايت كثير من الناس يجهل فن التعامل مع الشيبان فالشيبان يا جماعة الخير لهم طريقة معينة بالتعامل فاللي يعرف وزنة الشايب هو الكسبان صدقوني إذا عرفتوا وزنة الشايب راح تكسبه فكثير ما نسمع عن الشيبان إنهم عنيدين فلسان حال الشايب يقول إنه على صح وغيره على خطأ ودايم الشايب يحط حرته بزوجته العجوز المسكينة تلقاه يلعنها الليل والنهار وما غير يتهاوش معها وبعض العجز الله يهديهم ويخليهم لنا حارات ما عندهم تفاهم دائما تشيل وتحط عليه

فإليك الحل الأمثل والأروع لوضع حد للخلاف بين أبويك المسنين

إذا تهاوشوا أمك وابوك قدامك وشفت إن المعركة حامية الوطيس بينهم حاول إنك تهدي الطرفين امسك ابوك لحاله وقل له أفا يا ابيي الله يخليك لنا ويمتع عمرك على الطاعة والله ما توقعنا منك كذا الحين أمي لها مايقارب أربعين ولا خمسين سنة عايشة معك على الحلوة والمرة وآخرتها تقول لها كذا وكذا والله يا يبه ما توقعنا منك الشئ هذا أمي تحبك ولو ما تحبك وتعزك كان ما قالت لك كذا وكذا الله أكبر ما تعرف طبعها لك الفترة الزمنية هذي عايشين مع بعض ما تعرف طبعها وإذا شفت إنه عصب ولا قعد يهاوشك خلاص اتركه لا تجادله أكثر من كذا وبعدين رح امسك الوالدة لحالها قل لها يا يمه الحين انتي الله يهديك ويخليك وراك تقولين له كذا وكذا تعرفين إنه ما يحب النوع هذا من التصرفات ولا النوع هذا من الكلام وشوله تخلينه يتكلم عليك كلام مثل كذا يعني يا اميمتي ما تعرفين طبعة لك ما يقارب أربعين ولا خمسين سنة عايشة معه ولا تعرفين طبعه والله إنه يحبك بس انتي الله يهديك حارة شوي ما يصلح كذا الله يهديك على آخر العمر تتهاوشون أجل وش نصير حنا يالشباب بالنسبة لكم أنتم يالشيبان اللي أنتم قدوتنا نعدكم

وإذا شفت إن الأمور مهب زينة بينهم يعني ما فيه فائدة إنك تصلح بينهم حاول إنك تفرق بينهم خل مثلا امك تجي عندك وأبوك يروح عند حدى اخوانك وإذا أخذت لك فترة زمنية وشفت إن الأمور هدت نوعا ما بينهم ذيك الساعة اتفق أنت وإخوانك واستاجروا استراحة وخلو الاجتماع خاص بينكم ورح لم أبوك وقل له إني بزوجك والشايب يستانس إذا جبت له طاري الزواج لو إن ما به حيل بس يستانس وإني خابر لك ذيك البنية اللي تدور على الشقردي اللي مثلك وانت تكذب عليه وبعدين كلم خواتك وخلهم يضبطون الوالدة وإن حصل تجيبون لها كوفيرة تضبطها يكون أفضل وخل خواتك يلبسونها لبس جديد والوالد جب له الحلاق خله يضبطه ويتكتكه وخله يصبغ له بويه خله يرجع أربعين سنة وراء وإذا ضبطته قله يالله يبه نبي نروح لم الاستراحة علشان الشيخ يملك لك والموضوع بيني وبينك طبعا الشايب بالحاله هذي يبي يصدق نفسه إنه يبي يتزوج من صدق ومن هي العروس أمك طبعا وإذا رحت انت والوالد للإستراحة ادخل من جهة باب العريس وكلم على خواتك وهو ما يدري وقل لهم حطوا أمي بغرفة المعاريس نبي نخليه يدخل ويتفاجا وإذا دخل شف عاد وشلون راح تكون ردة فعله إذا شاف ام عياله قدامه هي العروس راح ينسى جميع الخلافات والمهاوشات اللي صارت بينهم خلال فترة العشرة وكانه توه متزوجها وإن حصل إنك تتفق أنت وإخوانك وتودونهم على مكة وتعتمرون فيهم وتاخذونهم للطائف يغيرون جو وينبسطون ويستانسون يكون افضل كانه شهر عسل بالنسبة لهم

على سبيل المثال بقول لكم قصة حصلت معي انا مع شايب ما اعرفه ولا أدري من هو علشان تعرفون إن الشيبان لهم وزنة وإذا عرفت وزنته تقدر تاخذ اللي تبي منه

مرة من المرات رح أزور لي واحد من الربع بالمستشفى كان مرقد وكان عنده شايب عنيد وحار بنفس الوقت الله يهديه وكان ولده رجال عمره يمكن بالثلاثينات جاء الممرض سعودي يبي يعطيه ابرته طبعا الشايب ما يبي الإبرة وعصب على ولده والممرض وقال لهم انقلعوا اذلفوا ومحط ولده بالعصا الولد تفشل الضعيف من الممرض فجيت أنا لمهم قلت وش السالفة قال لي الولد والممرض عجزنا عنه الله يهديه قلت أنتم الله يهديكم ما عرفتوا لوزنته قلت خلوه علي انا أعرف كيف اتفاهم معه جيت للشايب وسلمت عليه وحبيت راسه قلت وش فيك يا عم وراك كذا الله يهديك قال لي أنا ودي أطلع من المستشفى ما أبي أقعد ولا ابي لهم أبر قلت طيب هد اعصابك وتعوذ من الشيطان يا عم الله يهديك وقلت وش رايك إنك لو طلعت من المستشفى إني أخطب لك خابر لك بنية شقردية ما تبي إلا رجال شقردي مثلك علاطول وين هي قلت قريبه بس انت وراك ما تأخذ الابرة الله يهديك قال ما ابيها قلت تدري يا عم إن الابرة هذي تبي تصفي لك الكلبليتر عندك تبي تقوي البخاخ عندك قال أنت صادز قلت الله الله خذها من عندي انا تبي تقوي لك البخاخ بس انت اسمع الهرج الله يهديك لا تعاند إن كانك تبي تعاند تراني هونت مالب خاطب لك قال لي تدري ياوليدي خله يجي يعطيني الابرة الشكوى لله ما بيد حيلة ورحت للممرض وقلت له تعال عطه ابرته قال لي فكنا الله يرحم والديك لا يمحطني بالعصا قلت ما عليك من عندي أنا ما راح يسوي لك شئ لا تخاف أنا أضمنه لك يوم عطاه الابرة قال لي الممرض بسئلك يا اخوي وش انت سويت له علشان يرضخ لك وشلون قويته قلت الأمر بسيط لو يجيك مستقبلا شايب مثل كذا ورفض ياخذ علاجة ولا ابرته قله تراني بخطب لك والعلاج هذا تراه يبي يصفي الكلبليتر عندك ولا يبي يقوي البخاخ عندك وانت تكذب عليه مالك إلا الطريقه هذي علشان يفك معك ولا تدخل بمشاكل معه قال لي الله يجزاك خير قال حنا نواجه نوعيات كثيرة من الشيبان هذولاء ولا ندري وشلون نتصرف معهم قلت ما عليك جب له طاري العرس ولو إنه ما فيه حيل بس الشيبان يحبون السوالف هذي

ولكم مني أحلى متصفح وأحلى تحية
اهنيك على افكارك بس عساك قريت وردك

ياخوي اعقل تبي تبدأ تعقده بعد بين كبار السن

يمكن لو تسوي كذا بأبوك كان يحطك انت مع امك

حسبي الله ونعم الوكيل أف ماتقوله لوالديك تجي تبي الواحد يسوي بأبوه كذا حتى لو كان قصدك الاصلاح ( تصور موقف

هالضعيف )
سنان غير متصل   الرد باقتباس
قديم(ـة) 20-09-2011, 01:28 PM   #3
عضو ذهبي
 
صورة همس الرمزية
 
تاريخ التسجيل: Apr 2007
البلد: في مملكتي
المشاركات: 3,349
قوة التقييم: 0
همس is on a distinguished road
عاد تخيل انه لعنك انت وامك يوم انك دخلته معرس علية
وهو مشاوف لام 15
هههههههههههههههه
حل غير منطقي مع احترامي لك
__________________


عساك تبقى حي ياشايب لي
يابوي ياللي مايساويك رجال
همس غير متصل   الرد باقتباس
قديم(ـة) 20-09-2011, 01:43 PM   #4
عضو متألق
 
صورة ابن الجزيرة الرمزية
 
تاريخ التسجيل: Jan 2002
البلد: في محيط جزيرتي
المشاركات: 775
قوة التقييم: 0
ابن الجزيرة is on a distinguished road
حل غير منطقي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ابن الجزيرة غير متصل   الرد باقتباس
قديم(ـة) 20-09-2011, 03:00 PM   #5
عضو بارز
 
تاريخ التسجيل: Jun 2011
المشاركات: 415
قوة التقييم: 0
الراااقي is on a distinguished road
انت احسن حل فيك التسفيه
على شان تمل و لا تكتب مواضيع
ارجو من الاعضاء عدم الرد على مثل هذه المواضيع و مثل هذه الافكار
حتى نتخلص من هذه العقليات
و نحقق الهدف الاسمى من اجتماعنا في هذا المنتدى
الا و هو تقديم الجديد المفيد
و مساعدة البعض للوصول لثقافة تبني و لا تهدم
الراااقي غير متصل   الرد باقتباس
قديم(ـة) 20-09-2011, 03:02 PM   #6
Banned
 
تاريخ التسجيل: May 2010
المشاركات: 912
قوة التقييم: 0
مشيب الروس is on a distinguished road
اقتباس:
المشاركة الأساسية كتبها سنان مشاهدة المشاركة
اهنيك على افكارك بس عساك قريت وردك

ياخوي اعقل تبي تبدأ تعقده بعد بين كبار السن

يمكن لو تسوي كذا بأبوك كان يحطك انت مع امك

حسبي الله ونعم الوكيل أف ماتقوله لوالديك تجي تبي الواحد يسوي بأبوه كذا حتى لو كان قصدك الاصلاح ( تصور موقف

هالضعيف )
أخوي سنان الله يجزاك خير وين العقدة اللي بين كبار السن على كلامك وبعدين يا أخوي ما تدري والعلم عند الله ربما اليوم هذا اللي يبي يدخل فيه على أمك كأنه عريس ربما يكون مصدر سعادة يعوض عن السنيين اللي مرت عليهم وينبذ الخلافات اللي صارت بينهم كلها ويعيشون بقية حياتهم بسعادة وهناء

وأرجوا يا أخوي سنان إن الاختلاف لا يفسد للود قضية ومشكور على مرورك
مشيب الروس غير متصل   الرد باقتباس
قديم(ـة) 20-09-2011, 03:04 PM   #7
Banned
 
تاريخ التسجيل: May 2010
المشاركات: 912
قوة التقييم: 0
مشيب الروس is on a distinguished road
اقتباس:
المشاركة الأساسية كتبها همس مشاهدة المشاركة
عاد تخيل انه لعنك انت وامك يوم انك دخلته معرس علية
وهو مشاوف لام 15
هههههههههههههههه
حل غير منطقي مع احترامي لك

ما هو الحل المنطقي برأيك يا أخت همس
مشيب الروس غير متصل   الرد باقتباس
قديم(ـة) 20-09-2011, 03:07 PM   #8
Banned
 
تاريخ التسجيل: May 2010
المشاركات: 912
قوة التقييم: 0
مشيب الروس is on a distinguished road
اقتباس:
المشاركة الأساسية كتبها الراااقي مشاهدة المشاركة
انت احسن حل فيك التسفيه
على شان تمل و لا تكتب مواضيع
ارجو من الاعضاء عدم الرد على مثل هذه المواضيع و مثل هذه الافكار
حتى نتخلص من هذه العقليات
و نحقق الهدف الاسمى من اجتماعنا في هذا المنتدى
الا و هو تقديم الجديد المفيد
و مساعدة البعض للوصول لثقافة تبني و لا تهدم

ومن شر حاسد إذا حسد وانت أحسن حل لك الحقران والحقران يقطع المصران
مشيب الروس غير متصل   الرد باقتباس
قديم(ـة) 20-09-2011, 03:42 PM   #9
عضو مميز
 
تاريخ التسجيل: Sep 2011
البلد: In your hearts
المشاركات: 147
قوة التقييم: 0
lbaal3rab is on a distinguished road
حل غير منطقي مع احترامي لك....
انت قاعد تتعامل مع كبار بالسن مووووووووو أطفال....

أنا أشوف لو الواحد يبي يصلح بينهم يكلم خاله ولا عمه أو احد اصداقاء الشايب المقربين ويحاول يهدي الأمور....وجهة نظر
lbaal3rab غير متصل   الرد باقتباس
قديم(ـة) 20-09-2011, 04:03 PM   #10
عضو متألق
 
تاريخ التسجيل: Nov 2009
البلد: الرس رسك لو الزمن رصك
المشاركات: 1,060
قوة التقييم: 0
&سيلا& is on a distinguished road
اقتباس:
المشاركة الأساسية كتبها الراااقي مشاهدة المشاركة
انت احسن حل فيك التسفيه
على شان تمل و لا تكتب مواضيع
ارجو من الاعضاء عدم الرد على مثل هذه المواضيع و مثل هذه الافكار
حتى نتخلص من هذه العقليات
و نحقق الهدف الاسمى من اجتماعنا في هذا المنتدى
الا و هو تقديم الجديد المفيد
و مساعدة البعض للوصول لثقافة تبني و لا تهدم
والله انك صادق مافيه حل الا نسفهه خلص من الحريم بداء بالشيبان

مااقول الاياصبر الارض عليك
&سيلا& غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 06:16 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19