LinkBack أدوات الموضوع انواع عرض الموضوع
قديم 02-10-2011, 01:44 PM   رقم المشاركة : 1
معلومات العضو
 

إحصائية العضو







افتراضي التفاخر بالكشخة عند بعض النساء

[SIZE="6"]السلام عليكم ورحمة الله وبركاته :

سيداتي آنساتي وسادتي مخدتي ووسادتي

Ladies and gentlemen Ladies

أعزائي وأحبائي أعضاء هذا المنتدى العطر الطيب الرس اكس بي

Dear and beloved members of this forum Alazr good Cork

في الحقيقة والواقع والبحر ملئ بالقواقع

In truth and reality and the sea is full of Balqguaqa

درسنا لهذا اليوم الكشخة و التفاخر فيها عند بعض النساء

يا جماعة الخير انا مستغرب من الكماليات عند الحريم صراحة يعني

لازم تكون الشنطة تتناسق مع التيور اللي تبي تلبسه طبعا والتيور يجيك عدة ألوان تلقى البدي لون بلحال والتنورة لونها بلحال والبلوزة بلحال وتكرمون الجزمة ولا الصندل بلحال وياالله والضحية المسكين الرجال اللي تسحب فيه بالسوق علشان شئ تافه إما علشان الشنطة ما ناسبت ولا ربطة الشعر ما جت على اللي هي تبي هذا غير القروش اللي يبي يمسطها من مخباته وكله علشان ويش علشان فلانة ما تصير أحسن منها ذوق ويمكن فلانة هذي أحسن منها بتنسيق الألوان قضينا من تنسيق الألوان باللبس واخرتها يلبس مرة وحدة ويجدع بالدولاب

وإذا قلت لها وراك ما تلبسينه مرة ثانية تقول لك خلاص شافوه علي شرعا باعتقاد بعض الحريم إن اللبس يلبس مرة وحدة وحرام يلبس مرة ثانية إذا شافوه عليها

وتراني أرجع واقول بعض الحريم مهب كلهم

نجي يا جماعة الخير للشنطة الشنطة طبعا لازم إنها تكون متناسقة مع اللبس لازم إنها تكون من الماركات المقلدة اللي مثل قوتشي ولا لويس فينتون طبعا اختنا بالله تروح تشتري النوع المقلد هذا علشان تتفاخر فيه قدام صديقاتها وتهايط عليهم وتقولهم إني اشتريتها بحوالي 3000 ولا 4000 ريال وهي سعرها 400 ريال النوع المقلد ومن الرياض بعد تخيلوا إن بعض الحريم تنشب بحلق رجله علشان تروح للرياض علشان شنطة ولا بدي ولا تنورة ولا بلوزة يعني الواحد يروح يضرب مشوار لم الرياض علشان شنطة والله لو إنه نوع من العلاجات ما يوجد إلا بالرياض يقول الواحد صح أما علشان شنطة مهب منطق علشان تتفاخر به عند صديقاتها ولا قريباتها وتقول إني شريتها من الرياض

ويمكن بعد مهب شرط إنها من الرياض يمكن لاقيتها عند حدى المحلات اللي بالسوق ولا بسوق الخميس والثلاثاء بس مهب معترفة قدام الحريم الثانيات إنها مشتريتها من الديرة تبي تقول إني مشتريتها من الرياض ومن حدى المولات الشهيرة مثل الفيصيلية ولا المملكة ولا باريس غاليري علشان ما يضحكون عليها ويعلقون عليها طبعا

تبي الحريم الثانيات يقولون فلانة شرت أغراضها من الرياض ومن المولات الشهيرة طيب وبعدين وش الفائدة من الكلام هذا وإذا قالوا كذا وش تستفيدين إذا قالوا كذا

أنا ما ادري وشوله الكذب والهياط اللي ماله داعي وآخرتها تنكشف كذبتها بيوم من الأيام وتصير مضحكة صدق لغيرها

والله يعينكم يارجال إذا طاوعتوهم علشان الخرابيط هذي علشان تهايط قدام الحريم الثانيات مشكلة كذا صراحة وأفضل حل لك انت يالرجل إذا كنت تبي تروح بيوم من الأيام لم الرياض مثلا عندك شغل خاص فيك انت مهب علشان السوق نقول مهب مشكلة خذها معك وخلها تروح للسوق وتاخذ اللي تبي أما والله إنك تبي تروح علشان الخرابيط لا تطيعها تبي شئ السوق قدامها تأخذ اللي تبي من هناك ولا إن كان أحد من أهلها يبي يروح للرياض خلها تروح معه واطلع منها انت يالرجل واللي ببي يطيعهم يبي يتعب وكله وش علشان علشان الهياط قدام الثانيات والثانيات نفس بالهياط والهك على بعضهم كل وحدة تهك على الثانية وعلى حساب من على حساب رجالهم طبعا

قضينا من اللبس ومشاكله نجي للمكياج والتسريحات وأنواعها

الله يعينك يالرجل على عواهين الحريم لازم يصير كريم الأساس والمسكرة والمناكير والروج يتناسق مع اللبس وأكثر الألوان اللي يحبونها الحريم سواء باللبس ولا المكياج عندك الفوشي والخربزي والموف هذي ألوان أشوفها دارجة عند الحريم ولا يتكلمون إلا فيهم

لازم إنها تروح للمشغل والمشغل طبعا يبيون يهكون عليها طبعا وهذا على حسابك أنت يالرجل ويالله إذا دخلت للمشغل ابي صبغة خصل ولا كريستال وأبي تسريحة ميبي ولا شنيون ولا كيرلي

وأبي قصة فراولة ولا فراشة ولا كوكتيل ولا ايفيلي

وآخر شئ تبي تطقطق لك حوالي ما يقارب 2000 ريال والألفين ريال هذي احسبها وين راحت

المكياج يغسل ويروح مع الماء تكرمون ويكرمون القراء بالمجاري

التسريحة مع أول ترويشة تروح

اللبس مكرفس بالدولاب ما يلبس إلا مرة وحدة وآخرتها يودى للجمعية الخيرية وزين إذا اخذوه منك

وانتهى المسلسل والله يعينك على المسلسلات الجاية ويا حليلنا حنا يالرجال اللي ما نكلف شئ أبد شماغ وثوب وعقال يكفيك مرات عديدة والحلاق إن هك عليك بخمسين ريال ولا مائة ريال

يا أخوي ألفين ريال هذي تسدد لك ايجار البيت ولا تسدد لك قصد عليك تستفيد منها أكثر من الخرابيط هذي والواحد لايطيعهم بكل شئ الله يهديكم يا رجال


وأرجوا من أخواتي النساء إنهم يمسكون أعصابهم وتراني ارجع واقول بعض النساء مهب كلهم علشان ما ينقز لي واحد ويقول لي انت تعمم وعذرا على هذا المقال الساخر

واشكركم من جميع اعماق قلبي المسكين

Thank you from the bottom of my heart all the poor

رد مع اقتباس
قديم 02-10-2011, 02:00 PM   رقم المشاركة : 2
معلومات العضو
همس
عضو ذهبي
 
الصورة الرمزية همس
 
 

إحصائية العضو








افتراضي

هههههههههههههههههه
شكل حريمك مشيبات راسك من كثر الطلبات
عموما
كلامك كلوووووو صح مية بالمية
الله يعينكم



















التوقيع



عساك تبقى حي ياشايب لي
يابوي ياللي مايساويك رجال
رد مع اقتباس
قديم 02-10-2011, 02:24 PM   رقم المشاركة : 3
معلومات العضو
دلوعه ماما
عضو مبدع
 
الصورة الرمزية دلوعه ماما
 
 

إحصائية العضو








افتراضي

والله هذا وقعنا
ومافيه احد احسن من احد



















التوقيع

اشتقت إليك يااغلى رفيق //// اشتقت إليك يااخي يامنبع للحب والحنان
اشتقت إلى رفيق دربي ونور أيا مي //// اشتقت إلى من قاسمني أيامي بحلوها ومرها
اشتقت إلى تلك الأيام الحلوة وليتها تعود يااخي //// اشتقت إلى أيامه ألحلوه التي كانت تجمعنا كلنا
اشتقت لتلك الأيام رغم قساوة الظروف التي مرت بنا //// اشتقت إليك يااغلى رفيق
فذكراك تعطر ايامي وكل سنيني وأدعو لك في كل صباح

رد مع اقتباس
قديم 02-10-2011, 03:07 PM   رقم المشاركة : 4
معلومات العضو
 
الصورة الرمزية أبو حنان الشرقاوي
 
 

إحصائية العضو








افتراضي

أشوووووووووووووووف علووووووووووم الحريم كلهاااااااااااا عندك
شد حيلك أبوووووووووووووووي



















التوقيع

االتوقيـــــــع تحت الانشااء

رد مع اقتباس
قديم 02-10-2011, 03:17 PM   رقم المشاركة : 5
معلومات العضو
روح مجروحه
عضو نشط
 

إحصائية العضو








افتراضي

ههههههههههه
ماشاء الله عليك شكلك دارس الحريم دراسه



















التوقيع



~~~~~~~~~~~~~~~~~

رد مع اقتباس
قديم 02-10-2011, 03:19 PM   رقم المشاركة : 6
معلومات العضو
الضياء
عضو متواجد
 

إحصائية العضو








افتراضي

الله يعين زمان المظـــــــاهر

رد مع اقتباس
قديم 02-10-2011, 03:22 PM   رقم المشاركة : 7
معلومات العضو
المغغترب
عضو بارز
 

إحصائية العضو







افتراضي

بيض الله يور فيس
عن جد معاناة

رد مع اقتباس
قديم 02-10-2011, 03:29 PM   رقم المشاركة : 8
معلومات العضو
شذى الياسمين
عضو بارز
 
الصورة الرمزية شذى الياسمين
 
 

إحصائية العضو







افتراضي

هههههههه
تصدق يا مشيبنا والله إني إذا بغيت أوسع صدري قريت مواضيعك
بس الاخيرة مو الأولى
وإذا بغيت أحرق أعصابي قريت المواضيع الأولى

عالعموم مشكور عالموضوع والله إنك صادق هالمرة، الله يصلح أحوالنا وأحوال المسلمات
رد مع اقتباس
قديم 02-10-2011, 03:30 PM   رقم المشاركة : 9
معلومات العضو
 

إحصائية العضو







افتراضي

شديت الجميع يا مشيب !!!بدت إعلومك تصير إدقا قه !!!بديت أشك في المعرف إمرأة أم رجل !!!على كل حال إعلومك تصلح للطرفين وتلا مس غالب الواقع !!!وبالعربي (عجايب )



















التوقيع

(لا تبذل نفسك إلا فيما هو أغلى منها وليس ذلك إلا في ذات الله عز وجل وباذل نفسه في غير ذلك من حضوض الدنيا كبائع الياقوت بالحصى) إبن حزم
مرحبا بكم معنا على تويترعبدالعزيز الخليفة أو200Abdulaziz

رد مع اقتباس
قديم 02-10-2011, 04:45 PM   رقم المشاركة : 10
معلومات العضو
H3..H3
عضو بارز
 
الصورة الرمزية H3..H3
 
 

إحصائية العضو







افتراضي

انت تجلس مع حريم والا رجآل !
العلوم كله عندك =d

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 04:23 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8