العودة   منتديات الرس اكس بي > منتديات الرس اكس بي > تاريخ الرس و الأدب و الشعر
التعليمـــات التقويم اجعل كافة الأقسام مقروءة

الملاحظات

تاريخ الرس و الأدب و الشعر هذا القسم توثيق لتاريخ الرس الماضي والحاضر، و أرشيف للصور القديمة، ومنتدى الأدب و الشعر

إضافة رد
 
أدوات الموضوع انواع عرض الموضوع
قديم 17-10-2011, 02:04 AM   #1
خالد الوقيت
 
تاريخ التسجيل: Mar 2006
المشاركات: 519
معدل تقييم المستوى: 0
خالد الوقيت is on a distinguished road
افتراضي " موت الأحاسيس " صوت وصدى مع الشاعر محمد العسكر ..

.
صباااااحكم خييير ..
ــــــــــــــــــــــــــــــــــــــــــــــــــ ــــــــــــ
.



"مووت ألأحاسيس "



يامحمد العسـكر تموت الأحاسيس ..
في قلب شاعرها من اللي يشوفه !!


لا خابت الفزعــــه بوجه القراطيس ..
الله يعـــــــــــــين اللي تعافه حروفه !!


هِمنا بواقعــنا وبتـــنا مفـــــــــــــاليس ..
وبكره تبي تكـــــــبر علينا الحسوفه!!


كنّا نظنّ إنّ اللـــــيال المــــناحيس ..
ولّت ولكن فاجــــــــــأتنا بنكـــــوفه !!


والورد لو هبّت علــــــيه النــــسانيس ..
وش ينفعه والقيــــــــظ حاله كلوفه !!


خرايط القــــــــــوقل بغبر التضاريس ..
معها اختفى حلم الجلاوي وخوفه !!


واللي يبي يسطي على كنز بلقيس ..
لازم من الهــــــدهد ينال المروفه !!


والمخلص اللي قطّع العمر تدريس ..
راحت اسنينه والـــهواجس تلوفه !!


شفني معه يوم الوجـــــيه المعابيس ..
خذوا على بند الأحاســـيس نوفه !!


من يوقد الشمعه بليـــــل الغطاليس
ضــــــاعت عباراته بظلــــمة رفوفه !!


واليوم والواقع يعكس المــــــقاييس ..
كل النتــــــــــايج يالرفيق امعروفه !!


لو ينفرط حبل الدموع المحابيس ..
لايضيق بالك واللــــيال امخلوفه !!


لابد للضــــــــايق مع الوقت تنفيس ..
تكشف بها كف البـــــــــشاير ظروفه !!


حرام يامــحمد تموت الأحاسيس ..
في قلب شاعرها من اللي يشوفه !!
.
خالد الوقيت




ــــــــــــــــــــــــــــــــــــــــــــــ


" صدر الزعل "



ياخالد بن وقيت .. شََبّ الفوانيس
في ليلةٍ قمرا .. مجرد كلوفه !!


ماللخفوق احيان فالوقت تنفيس
غير الشعور اللي تسرك حروفه !!


اماتفل الكيس والا اربط الكيس
والكفو للي تكملتها .. كفوفه !!


اللي تكدس في صدور الملاحيس
بكره تهب الريح ويطير صوفه !!


ماتذبح الشامخ سيوف الجواسيس
مايذبحه ياغير طعنه سيوفه !!


لو تنفع الشبكه بموت المعاريس
تنفع عقب صدام بصره وكوفه !!


ماينبني بيت على غير تأسيس
ولاتركب البيبان من غير طوفه !!


ولاينطرب صدر الزعل للمراويس
لا جار حزن اللي تكالب ظروفه !!


اكبر براءة في صدور المتاعيس
اللي عناهم طال وابطى وقوفه !!


( فل الحجاج وخل عنك الهواجيس)
لا بد ما يكتب عليـــــــــــــــنا نشوفه !!
.
محمد العسكر
.
__________________
.

تويييتر 1kwq1@
.
خالد الوقيت غير متواجد حالياً   رد مع اقتباس
قديم 17-10-2011, 10:42 PM   #2
}ريح المطر
عضو اسطوري
 
الصورة الرمزية }ريح المطر
 
تاريخ التسجيل: Feb 2008
المشاركات: 13,196
معدل تقييم المستوى: 0
}ريح المطر will become famous soon enough}ريح المطر will become famous soon enough
افتراضي

قصائد مميزه
وكلمات جميله وفي غاية الروعه من شاعرين متميزين
صح لسان الشاعرين القديرين
اشكرك أخي خالد على الطرح الرائع
__________________
ان قل توآجدي معكم فاذكروني بالخير وان غبت ولم تجدوني أكون وقتها بحاجة للدعاء فادعولي
}ريح المطر غير متواجد حالياً   رد مع اقتباس
قديم 12-11-2011, 11:15 PM   #3
خالد الوقيت
 
تاريخ التسجيل: Mar 2006
المشاركات: 519
معدل تقييم المستوى: 0
خالد الوقيت is on a distinguished road
افتراضي

اقتباس:
المشاركة الأصلية كتبت بواسطة قارورة مكسورة مشاهدة المشاركة
قصائد مميزه
وكلمات جميله وفي غاية الروعه من شاعرين متميزين
صح لسان الشاعرين القديرين
اشكرك أخي خالد على الطرح الرائع
قارورة مكسوورة

هلا بك اختي

شرفتي ولا كلفتي

بمرورك الجميل

تحيتي لك
.
__________________
.

تويييتر 1kwq1@
.
خالد الوقيت غير متواجد حالياً   رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:02 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir