جـــــــــــــــــــــــده

[الكاتب الشمولي]

جـــــــــــــــــــــــده


بيت من الحجر وطعوس ..

وعزيز ظمني ظله ..

وقلب كنت به محروس ..

وسعد الكون ذا كله ..

وديره بردها دافي ..

وناسٍ ما دخلهم غش على كيف الهوى الصافي ..

قوافي تسكن عيوني ..

وقصيدٍ يسكن الحافي عوافي ..

يا زمان الشيح والتهليل والتسبيح ..

عوافي وين وداك إشتعال الريح ..؟!

طفيت ولا ضوتك شموس ..

ولا شفنا بعدك عروس ..

ولا حتى بياض نفوس ..

مساء الخير يا جده ..

حظي جابني يمك ..

وأنا أدريبك يزورك من يزورك مادريتيبه ولاهمك ..

على رغم الهجير الثلج أحسه يسبح بدمك ..

وعلى رغم البحر كل الجفاف أختارك وضمك ..

ركام وطين مابه روح ..

وصباحٍ كنه المذبوح ..

ونوحٍ ضمك وصمك ..

عن الهمس ومعاني الهمس ..

ونشيد النورس المجروح ..

سهر والليل كنه ليل ..

غريبٍ ومتغير حيل ..

أدور فيه عن بقايا صدق ..

عن خلٍ يشيل الشيل ..

أخوض بعالمه بين الحطام ورعشة القنديل ..

سهر ما عدت أميز فيه بين الناس والجدران ..

ولا بين البكاء والدان ..

ولا بين الغبي المتروس والطفران ..

ولا بين السجين وخشة السجان ..

سهر وتشابهت كل اللغات وكلها حرمان ..

هروب ..

وكل شيء يذوب ..

وشمعٍ بالصحون يذوب ..

ودمعٍ بالعيون يذوب ..

وهمٍ بالقلوب يذوب ..

وفنانٍ مهوب فنان ..

وستاير مالها معنى وعمى ألوان ..

معك يا الطفله اللي من عرفتك وأنتي الطفله ..

معك من أول الحفله ..

معك لين أول الحفله ..

معك يا اللي على صدرك هموم كثير محتفله ..

معك هم قروي صابه على غفله ..

ومعك مفتاح بابٍ ضايع قفله ..

تقولي شاعرٍ كذاب أقول الصدق ينزفله ..

صريح ولا عليه حجاب وفن الحب يعرف له ..

وكل الأرض لو حبك ولو مره ..

تشوفيها كثير أحلى تغنيله وكل الكون يعزف له ..

خذيني من الجنون ..

أحتاج للأكثر ..

خذيني للسكون المدهش الأغزر ..

أنا عفت إنتصارات الحضاره ..

أنا مهزوم بجداره ..

أبنسى في مساحتك وجودي ..

وأبدفن في شواطيك المراره ..

صغير لا تغرك بصمة الأيام في وجهي ..

أنا الدنيا كست وجهي ..

مثل ما لونت وجهك ..

مثل ما غيرت وجهه السنين وقالت أتجهي ..

صغير ما عرفت أقرأ ولا أكتب غير في الأحلام ..

صغير ما عرفت الفرق بين الحلم والأوهام ..

خذيني قبل أمل من الملل تكفين ..

خذيني لين أصير أثنين ..

وجع ذيك الشوارع داس تفكيري ..

ولا أدري إذا كنت الخطأ والإ الخطأ غيري ..؟!

على عكس الصحيح أمشي أنا والإ الصحيح العكس ..؟!

تحيرنا وتحير كلنا من كلنا وأحتار فينا العكس ..

متى يا أمس ..؟!

متى يا المختفي بين العروق وفلسفات النفس ..؟!

متى تشرق على اللي ما لمح من ألف صبح شمس ..؟!

متى تتوحد الأحزان بالأفراح ..؟!

متى بال الشقي يرتاح ..؟!

أحن ..

وحيلة العاجز إذا يبغى المحال يحن ..

يدور في الحلم ديره ..

يدور في الفكر موطن ..

يحلق بالخيال المشرك الدجال ..

يضيع بضيعة الترحال ..

وإذا ما واعد الفرحه يعانق خيبة الآمال ..

وكيف الحال ..؟؟!

أنا صبري وصل حده كيف الحال ..؟!

ما جتني أبد أخبار من مده ..

وش آخر ما كتبتي من شعر ..؟!

وش آخر ما رميتي في البحر ..؟!

وش أخبار المسايير الغلابا ..؟!

وش أخبار المصايد والذيابا ..؟!

وش أخبار السهر والفن وأهل الفن يا جده ؟!

[الطموح]

يصح ان يقال هذا ومثله في الرس عدا ما ختمت به ومقتطفات من هنا وهناك .


شكرا لك اخي الكريم