عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 30-05-2005, 12:08 PM   #1
عضو مشارك
 
تاريخ التسجيل: Jan 2005
المشاركات: 22
قوة التقييم: 0
بعير على التنده is on a distinguished road
Angry دوريات الرس..إلى متى؟؟

بسم الله الرحمن الرحيم
الحمد لله والصلاة والسلام على رسول الله أما بعد:
بالأمس حصل معي موقف أسأل الله الا تقعون بمثله..

الموقف حصل بجنب الكليه الصحيه..كنت أنا جاي من بنده ولفيت يمين بعد الكليه ومير ينطحن ذاك التفتيش (وأنا أتحسبن عليهم) المهم بغيت أربط الحزام بس ما أمدان والله وأجزم قلت بلا حزام بلا هم المهم يوم جيت عند العسكري والله ويقول الرخصه والاستماره ومير أعطيه البطاقه والاستماره وقال (كيف الحال يبو الشباب) بتمشيها علينا وين رخصتك؟
وأنا من عادتي ما أعرف التسذب أبد قلت له للحين ما قصيت رخصه وان شاء الله قريب أقص..
قال ما ودك تصفط شوي ودي أسولف معك(أمحق تسولف) قلت أبشرررررررررررر..
المهم يوم صفطت جان العسكري الثاني قال وراك صفطت قلت له ماهناش رخصه قال ماقصيت قلت لاااااااااا..
قال عز الله انك قعدت فيها رح كلم الضابط..
والله مير أروح للضابط قاعد ومكخي بالفورد ويوم جيته عرف الموضوع من العسكري الثاني قال وين بطاقتك وأعطيه اياه قال أنت يا(فلان) متعدي الثمان طعش ليش ما قصيت رخصه؟
قلت له قريب انشاء الله قال اييييييييييييييه قريب اجل شرايك ناخذ بك فره على التوقيف شكلك ماعمرك رحت تدور هناك؟
قلت لاااا وش دعوىىىى مايحتاج يبو الشباااب ترى ماله داااعي الوالد نيم ألحين (الساعه حدعش وربع) وماله داعي أقومه من النوووم
قال أجل خذ مخالفه وامش ويوم رحت للعسكري قال فكك الله انك مارحت للحجز وعطان مخالفه من امهات ثلاث ميه وقال توكل على الله يوم جاء يعطين الاستماره قاااال ياهوووووه تعاااال وين عايش يبو الشباب قلت ليش (بريء) قال الاستماره مطوفه قلت وشووو قال خلاااص بما انك آخذن مخالفه دسمه بمشيك يله رح توكل طس فارق تقلع طبعاً (بحكم العاده) قلت أبشررررر....

أنا عندي عدة نقاط تحتاج للتوضيح...
1-ليش ماطبق القانون وأخذن للحجز؟
لو رحت للحجز يعني بالعربي لو كبرت كان جاء الوالد وتفاهم معهم وخلاهم يلغون المخالفه غصبن عليهم..
2-أنا ماكنت لابس الحزام ليش ما أعطان مخالفه؟
3-الاستماره مطوووفه ليش ما أعطان مخالفه؟
4- يعطين مخالفه على الرخصه ويترك الباقيات لييييش؟
5-فيه (شباب) يمرون بدون مايفتشهم ليش؟ طبعاً الشباب من راعين الكوامري المزبرقات..
6-فيه شيبان يمرووون بدون تفتيش ليش؟ يمكن يكون واحدن منهم مطوفه رخصته؟
7-ليش يختلف التعامل من (عسكري) لآخر أو بشكل أوضح بين البدوي والحضري؟
مره من المرارير وانا ماشي بالطريق السريع وقفت عند تفتيش (أمن الطرق) والظاهر انكم تعرفون أمن الطرق زييين اهم شيء وقفت عند عسكري (حضري) قال الرخصه والاستماره عطيته البطاقه والاستماره قال وين الرخصه قلت (قريب ان شاء الله) وطبعاً بالغلط شاف معي دستة فشق خرازه قال شكلكم تصيدون ضبان قلت زي ما انت شايف قال انت وين ساكنن بالرس قلت الحي اللي انا ساكنن به قال اييييه اجل توكل على الله...
ونفس الموضوع حصل معي عند عسكري (بدوي) بتفتيش مفاجئ وقال وين الرخصه قلت مامعي وبطلع قريب ان شاء الله قال توكل على الله..
8-بعض العسكر يحمل في فكره عنصرية (هذا حضري وهذا بدوي) سواء من الحضر أو البدو..!!

يمكن يقول أحد ان النقاط 2-3-4 فيها شوية غباء لكن لو يدقق شوي راح يلاحظ ان الموضوع مهم وان الغباء يعود اليه لان هالنقاط هذي (لو صلحت) لصلح سائر الشعب وأصبحنا شعباً يربط الحزام في كل وقت,ملتزم بالقوانين,,


أتمنى ألا يأخذ هذا الموضوع منحى آخر وينقلب الى حوار عنصري...


تحياتي
بعير على التنده
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر من قام بالتعديل بعير على التنده; بتاريخ 30-05-2005 الساعة 12:12 PM.
بعير على التنده غير متصل  

 
قديم(ـة) 30-05-2005, 12:22 PM   #2
عضو نشط
 
تاريخ التسجيل: Dec 2001
البلد: الرس
المشاركات: 84
قوة التقييم: 0
ساني is on a distinguished road
السلام عليكم ورحمة الله
سلمت يابعير مامت
أخي الكريم
الامة تمر باكبر
من هذه التفاهات الذي تذكر
بدو حضر انتهى نحنو يدا واحده
والتعامل الذي ذكرت حضاري
ويومي عادي فردي يقع الخطاء
والصح وسلمت على جنبك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ساني غير متصل  
قديم(ـة) 30-05-2005, 12:38 PM   #3
عضو مشارك
 
تاريخ التسجيل: Jan 2005
المشاركات: 22
قوة التقييم: 0
بعير على التنده is on a distinguished road
مشكوووور أخوي ساني على مرورك..
كلامك سليم لكن هناك من يسعون لأن يكون التعامل (بداوي) وليس حضاري..(تخلف)؟؟!!!
يا حبيبي اذا اردت ان تتحدث فاشمل بكلامك جميع النقاط لاتصالها ببعضها..



()()()(""كلن يمشي على كيفه وأنا بمشي على كيفي"")()()()


تحياتي

بعير على التنده
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بعير على التنده غير متصل  
قديم(ـة) 30-05-2005, 01:02 PM   #4
عضو متألق
 
تاريخ التسجيل: May 2004
البلد: الخـــبر
المشاركات: 1,080
قوة التقييم: 0
طـــآرق is on a distinguished road
أخوي العزيز بما انك حضري وهذا اللي فهمته من كلامك إنك حسيت بالتفرقة بس من جهة الدوريات وأمن الطرق

لا تنسى المماطلات اللي قاعدة تصير لاخوانك البدو في أغلب الدوائر الحكومية من الموظفين الحضر وهنا ماأتكلم مرة أو

مرتين بل دائما الا من رحم الله منهم......وأحب أقولك اني انا ياما تضررت من الدوريات بالرس بس الشكوى لله بما انهم

مصدقين ما تقدر تسوي شئ



ارجوا منك انك ما تزعل علي,,,,,,,

مع العلم اني ضد القبليات والتعصب و أنا محااااااااااايد,,,,,,,,,,,,,,,,,,,,,,,,,



أخوك طارق698
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
طـــآرق غير متصل  
قديم(ـة) 30-05-2005, 01:13 PM   #5
عضو مميز
 
تاريخ التسجيل: May 2005
المشاركات: 205
قوة التقييم: 0
ياسر الغفيلي is on a distinguished road
اتصور ان رجال الامن هم من هذا المجتمع بمعنى انهم يحملون ميزاته وعيوبه

اليس كذلك؟
ياسر الغفيلي غير متصل  
قديم(ـة) 30-05-2005, 01:29 PM   #6
عضو مشارك
 
تاريخ التسجيل: Jan 2005
المشاركات: 22
قوة التقييم: 0
بعير على التنده is on a distinguished road
اخوي طارق ألف شكر لمرورك..وألف شكر لأنك ((محايد))
بالنسبه للمماطل بالدوائر الحكوميه عام على المملكه بأكمله وأنا هنا أتحدث عن الرس والرس فقط..
أوكي حبيبي؟




////////////////////////////////////



اخوي انسان فاهم..

كلامك صحيح لكن اذا كانت الدوريات متعوده على شعب (ساكت) ما يتكلم عن وضعهم فهم يزيدون من سوء تعاملهم للشعب وأكبر دليل شف تعاملهم معنا ومع الاجانب (أقصد من هم على مستوى وليس الهنود والبنقاليه) ؟؟!!!!!
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بعير على التنده غير متصل  
قديم(ـة) 30-05-2005, 10:11 PM   #7
عضو
 
تاريخ التسجيل: Apr 2005
المشاركات: 6
قوة التقييم: 0
ابوريما is on a distinguished road
وسع صدرك تراك ما شفت شي
(وبعدين الناس بالوجيه)
ابوريما غير متصل  
قديم(ـة) 30-05-2005, 11:10 PM   #8
عضو بارز
 
تاريخ التسجيل: Apr 2005
البلد: الرس
المشاركات: 536
قوة التقييم: 0
خطير is on a distinguished road
أنا أعاني مثل مشكلتك باضبط أخذة قسيمتين قبل أسبوعين وحدة عدم إخراج رخصة 350ريال وحدة عدم حمال رخصة 150ريال الله يعين
خطير غير متصل  
قديم(ـة) 30-05-2005, 11:54 PM   #9
عضو مشارك
 
تاريخ التسجيل: Jan 2005
المشاركات: 22
قوة التقييم: 0
بعير على التنده is on a distinguished road
أهلين أخوي أبو ريما ومشكور على تشطيفتك...(:




//////////////////////////////////////////////

أخوووي عاااشق..
يارجال زي ما قال ابو ريما وسع صدرك ترى ماحولك احد والله لو تقعد تحلطم من اليوم لباتسر محدن معطيك وجه ولا حتى معبرك ب ثلاث ميه يعني عن قولت فزعه وفزعنااا...

//////////////////////////////////////////////

عندي سؤال للأخوان ألا وهو هل يجوز أقول للعسكري اني مطلع رخصه وأنا ما طلعت يعني بدال ما آخذ قسيمه بثلاث ميه أخليه تصير مية ريال؟؟
وسبب سؤالي عن الحكم هو عدم قيام العسكري بواجبه حق القيام فإذا كان مقصر بعمله فسأقصر بمدى صدقي..؟!!!
(***دقة بدقه ولو زدت لزاد السقى***)

تحياتي

بعير على التنده
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بعير على التنده غير متصل  
قديم(ـة) 31-05-2005, 06:30 AM   #10
عضو متألق
 
تاريخ التسجيل: May 2004
البلد: الخـــبر
المشاركات: 1,080
قوة التقييم: 0
طـــآرق is on a distinguished road
اخوي بعير على التنده

أهلين أقين ,,,,,,,,,
أنا أقول ورا ما تريح نفسك وتطلع الرخصة وصدقني أنت راح تدور التفاتيش عشان توريهم الرخصة


(من قدك معك رخصة),,,,,,,


نصيحة يا بعدي

(ترى بعدين اذا جيت بطلع الدفتر الاخضر لازم تسدد المخالفات)
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
طـــآرق غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 10:25 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19