عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 12-11-2011, 09:05 PM   #1
عضو متألق
 
تاريخ التسجيل: Oct 2011
المشاركات: 724
قوة التقييم: 0
مطيح الروس is on a distinguished road
قصة زواجي من الثالثة

السلام عليكم ورحمة الله وبركاته

سيداتي آنساتي وسادتي مخدتي ووسادتي

أعزائي وأحبائي أعضاء وعضوات هذا المنتدى العطر الطيب الرس اكس بي

في الحقيقة والواقع والبحر مليئ بالقواقع

موضوعي لهذا اليوم قصة زواجي من الثالثة

يا جماعة الخير أنا كنت من قبل أدور الثالثة وعلى رغم ما خطبت من عوائل كثيرين وكل اللي خطبتهم مطلقات وقعدوا يتشرطون شروط مال أبوأمها داعي صراحة يعني مطلقة وتتشرطين بعد ولا صار نصيب منهم

المهم كنت قاعد مع واحد من الربع بالاستراحة وسئلني مرة وقال وش صار عليك ما لقيت الثالثة قلت كل ما خطبت لي من أحد ما يصير نصيب بسبب شروط مالها داعي قال أنا عندي لك خطابة وعطاني رقمها وكلمتها والخطابة هذي سعودية من أصول فلسطينية المهم كلمت الخطابة وقلت لها إني أبي لي زوجة قالت لي فيه بنت مواصفاتها كذا وكذا وصارت على نفس المواصفات اللي أنا أبغاها والبنت هذي اللي خطبتها لي بنت أختها سعودية من أصول فلسطينية وساكنة ببريدة قلت حلو قريبة حولي ما عندي مشكلة من ناحيتها وعمرها حوالي 24 سنة تزوجت لها شايب وما جلست معه إلا حوالي شهر ونص وطلقها الشايب المهم إني خطبتها ونسقت موعد مع أهلها ورحت وشفتها وأعجبتني وعطيتهم المهر حوالي ثلاثين ألف ريال وقلت لهم هذا اللي عندي لكم وعطيت خالتها حق الخطبة ثلاثة ألاف ريال وكل الكلام هذا صار بعد عيد الفطر بأيام ويوم تملكت عليها كلمت لي واحد من الربع اللي أنا أعرفه عنده مكتب سياحي بالرياض وضبط لنا قروب لشهر العسل بتركيا وبسعر خاص لي أنا طبعا المهم حدننا موعد الزواج يوم الخميس بتاريخ 29/11/1432هـ والسفرة بتاريخ كانت يوم السبت بتاريخ 2/12/1432هـ من مطار الملك خالد بالرياض إلى مطار دالامان بتركيا نزلنا من مطار دالامان إلى مامريس عن طريق الخطوط التركية وقعدنا فيها حوالي أربعة أيام ومن ما مرميس إلى اسطنبول وقعدنا فيها ثلاثة أيام واليوم الرابع رجعنا للسعودية من مطار اسطنبول عن طريق الخطوط التركية إلى مطار الملك عبدالعزيز بجدة نزلنا من طيارة الخطوط التركية وأخذنا عفشنا وبعدها ركبنا طيارة الخطوط السعودية رجعنا على مطار القصيم لأني كنت مضبط حجز الرجعة للقصيم من قبل ما أروح لتركيا وحريمي الأولى رايحة مع أهلها لم الشرقية يتمشون ومعطيها مصروفها والثانية رايحة مع أهلها لدبي ومعطيها مصروف وتصريح خروج ومع ذلك أنا ما قصرت مع الأولى قبل زواجي بأيام طلعت لها تصريح خروج وقلت إذا كانوا أهلك يبون يروحون هنا ولا هنا ولا التصريح هذا خليه معك من باب الاحتياط علشان ما تزعل علي وتقول ليش طلعت للثانية تصريح وأنا لا
تعرفون العدل واجب بالامور هذي لأني قلت لها ترى فلانة تبي تسافر لدبي وتراني معطيها تصريح خروج أنتي بعطيك تصريح من باب الاحتياط إذا صنفت مع أهلك يسافرون هنا ولا هنا ولا تصريحك جاهز قالت لا
أهلي يبون يسافرون للشرقية قلت لها بكيفك تبين تروحين معهم روحي معهم بكيفك

وهذي هي قصة زواجي من الثالثة وطريقة تعاملي مع الحريم اللي قبلها كلهم واحد بالنسبة لي القصة هذي ما نزلتها إلا بعد إلحاح من بعض الناس وكثرة الاتصالات علي الكل وده يعرف قصة زواجي من الثالثة وكيف أرضيت زوجاتي قبل ما أتزوج والله يعيني على الثالثة هذاني أنا وإياها شيل وحط علشان أسوي لها إعادة هيكلة وبرمجة مثل حريمي اللي قبلها والحريم يبون يساعدوني عليها وأبشركم يا جماعة الخير إن حريمي الأولى والثانية جمعتهم مرة من المرات وصارت علاقتهم مع بعض أحسن من أول بكثير

وياجماعة الخير التعدد يبي له رجال حكيم وجامد مهب أي شئ يهزه ولا يعصبه يبي له وساع صدر مع الحريم وبرود أعصاب وقدرة مادية وأنا الحمدلله حريمي كلهم موظفات وحدة منهم مديرة مدرسة والثانية مدرسة بأحد القرى القريبة

وأشكركم من جميع أعماق قلبي ولكم مني أحلى متصفح
مطيح الروس غير متصل  

 
قديم(ـة) 12-11-2011, 09:21 PM   #2
 
تاريخ التسجيل: Jul 2008
المشاركات: 4,667
قوة التقييم: 0
عبدالعزيزالخليفه is on a distinguished road
إقتباس ( وياجماعة الخير التعدد يبي له رجال حكيم وجامد مهب أي شئ يهزه ولا يعصبه يبي له وساع صدر مع الحريم وبرود أعصاب وقدرة مادية) ... صدقت.......لكن لازلت متحير في تحليل شخصيتك !!! في كل بحر تسبح !!!على كل حال وفقك الله في زواجك وإحرص على العدل وإصبر على وجع الرأس...
__________________
(لا تبذل نفسك إلا فيما هو أغلى منها وليس ذلك إلا في ذات الله عز وجل وباذل نفسه في غير ذلك من حضوض الدنيا كبائع الياقوت بالحصى) إبن حزم
مرحبا بكم معنا على تويترعبدالعزيز الخليفة أو200Abdulaziz
عبدالعزيزالخليفه غير متصل  
قديم(ـة) 12-11-2011, 09:22 PM   #3
Banned
 
تاريخ التسجيل: Feb 2011
المشاركات: 729
قوة التقييم: 0
خفرع is on a distinguished road
اقتباس:
بعد إلحاح من بعض الناس وكثرة الاتصالات علي الكل وده يعرف قصة زواجي من الثالثة
الله يعينك على هالاتصالات ..

من جد معاناة ..

لكن نعود الى محور حديثنا ..

وش المطلوب ..؟
خفرع غير متصل  
قديم(ـة) 12-11-2011, 09:26 PM   #4
عضو مجلس الإدارة
مشرف منتدى السفر و الرحلات البرية والصيد
 
صورة ابونادر الرمزية
 
تاريخ التسجيل: Nov 2004
المشاركات: 9,688
قوة التقييم: 23
ابونادر is on a distinguished road

والله ياخي مدري وانا اقرا موضوعك مره اقول يمزح ومرة اقول صادق لكن اذا كنت صادق الله يهنيك ويوفق لكن ماقلت رايك بالتعدد تنصح فيه ولا لا
__________________

lnstagramABONADR88
https://twitter.com/smsd1393
ابونادر غير متصل  
قديم(ـة) 12-11-2011, 09:27 PM   #5
عضو متألق
 
تاريخ التسجيل: Oct 2011
المشاركات: 724
قوة التقييم: 0
مطيح الروس is on a distinguished road
اقتباس:
المشاركة الأساسية كتبها عبدالعزيزالخليفه مشاهدة المشاركة
إقتباس ( وياجماعة الخير التعدد يبي له رجال حكيم وجامد مهب أي شئ يهزه ولا يعصبه يبي له وساع صدر مع الحريم وبرود أعصاب وقدرة مادية) ... صدقت.......لكن لازلت متحير في تحليل شخصيتك !!! في كل بحر تسبح !!!على كل حال وفقك الله في زواجك وإحرص على العدل وإصبر على وجع الرأس...
الله يجزاك خير يا ابوعمر وأنا أخذ الدنيا بوساع صدر مع الحريم ولا بد المشاكل بين المعددين بس يبي لها حكمة وحنكة ومعها شوية لكاعة تمشي الأمور معك وأهم شئ العدل بين الزوجات بكل شئ

ومشكور على مرورك يا أبو عمر
مطيح الروس غير متصل  
قديم(ـة) 12-11-2011, 09:29 PM   #6
عضو ذهبي
 
تاريخ التسجيل: May 2011
المشاركات: 2,228
قوة التقييم: 0
شيخ البلوله is on a distinguished road
ههههههههههههههههههههههههههههههههههه


زواجك سكاتي والا معلن

كان الله بعونك
شيخ البلوله غير متصل  
قديم(ـة) 12-11-2011, 09:31 PM   #7
عضو متألق
 
تاريخ التسجيل: Oct 2011
المشاركات: 724
قوة التقييم: 0
مطيح الروس is on a distinguished road
اقتباس:
المشاركة الأساسية كتبها ابونادر مشاهدة المشاركة

والله ياخي مدري وانا اقرا موضوعك مره اقول يمزح ومرة اقول صادق لكن اذا كنت صادق الله يهنيك ويوفق لكن ماقلت رايك بالتعدد تنصح فيه ولا لا

شف يا أخوي أبو نادر التعدد إذا كان عندك قدرة مادية وتقدر تصرف عليهم وش اللي يمنعك من الشئ هذا وأهم شئ العدل بين الزوجات وصحيح إنك لو فكرت إنك تعدد إن الزوجة الأولى ما راح تتقبل الموضوع وراح تزعل وتروح بيت أهلها لها فترة وممكن إنها تطلب منك الطلاق بس أنت لا تطيعها خلها تروح بيت أهلها ومع الأيام راح ترضى وترجع لك أحسن من أول وأهم شئ إنك لا تخفي عنها إذا بغيت تتزوج حطها بالأمر الواقع بس الله الله بالعدل بينهم بكل شئ مثل ما تعطي هذي عط هذي

ومشكور على مرورك أخوي ابونادر
مطيح الروس غير متصل  
قديم(ـة) 12-11-2011, 09:33 PM   #8
عضو متألق
 
تاريخ التسجيل: Oct 2011
المشاركات: 724
قوة التقييم: 0
مطيح الروس is on a distinguished road
اقتباس:
المشاركة الأساسية كتبها شيخ البلوله مشاهدة المشاركة
ههههههههههههههههههههههههههههههههههه


زواجك سكاتي والا معلن

كان الله بعونك
هلا بشيخ البلولة لا والله زواجي من الثالثة كان معلن والحريم اللي معي كانوا عارفين كل شئ لأني ما أخفي عنهم أمور مثل هذي

ومشكور على مرورك
مطيح الروس غير متصل  
قديم(ـة) 12-11-2011, 09:35 PM   #9
عضو مميز
 
تاريخ التسجيل: Sep 2010
المشاركات: 161
قوة التقييم: 0
noora is on a distinguished road
في اي زمن انت معقوله
صادق انت والا بس ودك تشوف ردة فعل الحريم
noora غير متصل  
قديم(ـة) 12-11-2011, 09:38 PM   #10
عضو متألق
 
تاريخ التسجيل: Feb 2008
المشاركات: 1,021
قوة التقييم: 0
كلنا الرس is on a distinguished road
عموماً يقولون القدر مايركب إلا على ثلاث. هذا الكلام اللي يصحي من النوم
__________________
كلنا الرس غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 01:21 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19