عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 18-11-2011, 01:15 PM   #41
عضو متألق
 
تاريخ التسجيل: Sep 2006
المشاركات: 791
قوة التقييم: 0
الهدد is on a distinguished road

هلا بحبايبي:

ندخل بالغويط عن شمس السياسة المحرقة اللي وش كاري منها أصلاً واقول لكم: أكثر الردود اللي قريتها تعكس ثلاث متلقين أو خلونا نقول ثلاث شخصيات تختلف اهتماماتها: شخص يحمل همّ كبييييييييير بسبب حال المسلمين أو يهتم بالقضايا الحساسة،، والمعذرة لا أحد يقول وضّح أكثر عشان ما أتوهّق حتى لو كان رئيس المباحث،، لأن الشق أكبر من الرقعة.

وشخص له ميول لاهية،، يحب السفرات،، والطلعات،، والرحلات البرية،، والصيد،، والله يوفقه وإذا بغا خوي تراني جاهز بس مهب هاليومين،، يصبر شوي لين يركد الرمي.

وشخص يحمل همّ مختلف يزعجه كثير،، وهو حالة الطرق البرية المزرية،، والمصايب اللي ما أعتقد فيه بيت واحد بالديرة إلا وانكوى من نارها أعوذ بالله منها،، ويمكن يكون اللي فهم موضوعي كذا واحد من المتضررين بشكل مباشر،، فالله يكون بعونه.

عاد الله لا يهينكم كل صاحب ردّ يراجع اهتماماته بشرط يكون رده غير مبني على ردود اللي قبله وما هوب من بني دَرْعِم وحرِّك العداد لا يوقف (آسف قوية شوي لكن انتبه لساهر)،، المهم يكون الرد غير موجّه يعني يكون مبني من النص الأساس (الموضوع).

نكمل الثالث بعدين...

__________________


كن أصلاً ولا تكن نسخة؛ فالأصل واحد والنسخ متعدّدة
الهدد غير متصل   الرد باقتباس

 
قديم(ـة) 18-11-2011, 09:17 PM   #42
عضو متألق
 
تاريخ التسجيل: Sep 2006
المشاركات: 791
قوة التقييم: 0
الهدد is on a distinguished road


أبشركم أخواني وأخواتي حتى الساعة ما جاني استدعاء،، الله كريم ولا امر بالتهاليك،،

تصدقون ما احب اللغة العامية،، والله ما احبها،، لكني مضطر على الأقل بالموضوع هذا وبس،، لغديها النوبة وبس،،

وعلى فكرة كل التعقيبات هذي ما جت الا بسبب بعض الردود اللي بغت توهقني بدوامة السياسة،، أجل وجهي وجه خروج وجهاد ومخالفة ولي الأمر! (معليش بعدين أرفق لكم خشتي عشان تمقلون فيها زيييين).

أقول كل التعقيبات ما جت الا بسبب بعض الردود اللي هبلت بي وخلتني أكنسل سفرتي،، ورب ضارة نافعة،، وبدون مجاملة استفدت منكم الكثييييييير،، ومثل ما يقول المثل: كلّ صبخة بتعليمه،، صراحة يا بغضي للامثال والـحِكم اللي من هالطقة،، والله انها تبني المجتمع بشكل سلبي رهيييييب،، ويا كثرها عندنا،، خذ مثلاً: القناعة كنز لا يفنى.. إن طاعك زمانك والا طعه.. خطأ منشور خير من صواب مغمور،، فِهرٍ ما له عن راسك تلقّه،،

والله حالة!! يعني خلاص ما فيه حل،، أقتنع باللي أنا فيه حتى لو ما ارضاني!! واطيع زماني ولو ضامني!! واستسيغ الخطا عشانه منتشر بين الناس وأخلي الصواب عشانه غير معروف!! أما الحكمة الأخيرة فاللي قالها من مسترقي السمع والله أعلم والا وش درّاه ان الفهر يبـي يفلقه،، ولو فرضنا انه قال الحكمة بعد ما انفلق يعني خلاص نقول له صح لسانك ونطلّع روسنا لكل فهر (تخيلو أشكالنا بالشوارع أي شي يبـي يطيح نتلقاه بالصلعة،، عارف عارف دريتو اني أصلع)،،

معليش ياخواني خلونا بالمهم مع ان صلعتي قاهرتني شوي،، بس أصلع يمذرح أفضل من كدش بالسجن،،

أقول: شوفو وشلون اهتمامات الواحد منا تعفج به شوي عن الجادة بعض الاحيان،، وهو ما يدري،، وعلى فكرة فالاهتمامات هذي تلعب لعبتها بكل شيء،، حتى بالجانب الديني (خط أحمر) ويمكن السياسي،، أقول يمكن وتراي أنفض شليلي وانا بري منها،، وتراي عارف ان أكثركم يتساءل وش أبي بالضبط،، واعتذر لكم عن الإطالة ولكنها ضرورية شوي،، تجملوا جمل الله حالكم.

وأبكمل لكم إن شاء الله...
__________________


كن أصلاً ولا تكن نسخة؛ فالأصل واحد والنسخ متعدّدة
الهدد غير متصل   الرد باقتباس
قديم(ـة) 19-11-2011, 06:00 PM   #43
عضو متألق
 
تاريخ التسجيل: Sep 2006
المشاركات: 791
قوة التقييم: 0
الهدد is on a distinguished road

لا عدمناكم على كل حال:

أكثر أخطائنا تجي من الخطوة الأولى غير السليمة،، وبما أننا في عالم اللغة أبحط لكم معادلة بسيطة وأبطبقها على الموضوع هذا:

صاحب الموضوع= مرسل.

الموضوع نفسه= رسالة.

صاحب الرد= متلقي.

الرد نفسه= ترجمة يكتبها المتلقي بناء على ما فهمه من الرسالة.

عاطفة المتلقي أو اهتماماته أو الردود الأخرى= تشويش داخلي على المتلقي تمنع أحياناً من وصول الرسالة سليمة.

إذا بغى الواحد منا يرد على الموضوع لازم يتأكد انه فهم الموضوع صح،، ولا يمكن يفهم الموضوع صح الا اذا جدع اهتماماته على جنب،، ولا يمكن يجدعها على جنب الا اذا وصل لدرجة معينة من الوعي بما يحمله الموضوع (أحس اني ذكرتكم بياحمام زارينا وش يدلك دارينا.. أكبر من خمسين سنة يطلع طقه).

أوضحها لكم باختصار: مهب الموضوع هو الأصل؟! خلاص ياااااااخي وش لك بوجع الراس،، اقرا الموضوع دون أي خلفية سابقة،، صدّقني إذا قدرت على هذي تراك تتصير من أحسن اللي يفهمون المواضيع،، في منتدى أو ندوة أو صحيفة أو حديث شفوي أو أي رسالة نصية توجّه لك.

يمكن ارجع لكم بمشيئة الله...
__________________


كن أصلاً ولا تكن نسخة؛ فالأصل واحد والنسخ متعدّدة
الهدد غير متصل   الرد باقتباس
قديم(ـة) 19-11-2011, 06:29 PM   #44
عضو متواجد
 
صورة **^-^** الرمزية
 
تاريخ التسجيل: Sep 2009
المشاركات: 30
قوة التقييم: 0
**^-^** is on a distinguished road
،

الله معاك اخوي ..
**^-^** غير متصل   الرد باقتباس
قديم(ـة) 19-11-2011, 09:47 PM   #45
عضو متألق
 
تاريخ التسجيل: Sep 2006
المشاركات: 791
قوة التقييم: 0
الهدد is on a distinguished road
اقتباس:
المشاركة الأساسية كتبها **^-^** مشاهدة المشاركة
،

الله معاك اخوي ..
ماااااااااااااش
تقطعت أصابعي وانا أوضح
الله مع الجميع
تحياتي
__________________


كن أصلاً ولا تكن نسخة؛ فالأصل واحد والنسخ متعدّدة
الهدد غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



SEO by vBSEO 3.6.0 ©2011, Crawlability, Inc.