LinkBack أدوات الموضوع انواع عرض الموضوع
قديم 29-11-2011, 10:01 PM   رقم المشاركة : 1
معلومات العضو
 
الصورة الرمزية سفيرالاحساس
 
 

إحصائية العضو







Exclamation سولف لي عن احوالك.. وخل عنك القصيد‎




... ألا انت سولف لي عن احوالك وخل عنك القصيد

يعني وش اللي فـي غيابـك راح اقولـه واكتبـه ؟







شعري .. على حطة يدك !! في غيبتك ما من جديد

البيت من قبـل اكتبـه .. افكـر انـي اشطبـه !!!







دامـك تعـرف ان الشعـر لا يقنعـك ولا يفـيـد

استوعب حضوري ! وهـو انسـآآه لا تستوعبـه!







ركـز معـي .. الله يرضالـي عليـك ولا تـزيـد

الهـم هـم .. وعدّنـي ضيـف ٍ نويـت توّجـبـه







ما ابيك من بعد الجفـا ترجـع لـي بقلـب ٍ بليـد

حسسني بشوقك ! ودمعك مـن عيونـك اسكبـه !







ضيّعني بشهقة بكاك .. وجيب فيني ألـف عيـد !!

بحكيّـك اللـي حافظـه ولا عـرفـت ترتـبـه !!







هـي كلهـا هالساعتيـن وعقبهـا ببقـى وحـيـد

لا تشح بشعورك علـي ّ ولا اتمـادى !! وانتبـه :







لا شفتني سجيت ( عنك / فيك ) جوّدني من ( إيـد

قلبـي ) ووصلنـي لقلبـك برضـاه او اغصـبـه







هذه سنه ! ان ما سكنت القلب ! مسكنك الوريـد !

ونفس السنه مرت ! وحقي فيـك ضايـع واطلبـه







يـا آدمـي مـدام نظراتـك باحاسيسـي تشيـيـد

لا تترك ( اسألتي ) تموت ولا لقت بك ( أجوبـه )







ليه انت راضي بالعناد ؟ وبالرضى تصبـح عنيـد ؟

ليه اتساهـل بالجفـا ؟ ليـه الوصـل تستصعبـه ؟







وليه اتمنى الموت في بعـدك واحـس انـه بعيـد ؟

وليه اشعر ان الموت في لحظة وصولك ما اقربـه ؟







وليه اعتبر نفسي إذا ذبحني شوقـي لـك شهيـد ؟

ولا انت حتى الشـوق لا ردك علـيّ تستغربـه !!







جاوب وريحني !! أو انسى كل شي .. ولا تعيـد :

سؤالك عن شعر ٍ شطبتـه مـن قبـل لا أكتبـه !!
رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 12:36 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8