LinkBack أدوات الموضوع انواع عرض الموضوع
قديم 29-11-2011, 10:37 PM   رقم المشاركة : 1
معلومات العضو
صديق نفسه
عضو مميز
 
الصورة الرمزية صديق نفسه
 
 

إحصائية العضو







Talking مــا العلاقة بين شيابنا والرومانسية ؟ + 15

احيانا تمر عليك امور تتوقف عندها كثيييير وتحاول تتخيلها لكن مخك يعطيك بنق ويقولك ( اركد ) !

لعدة اعتبارات وابرزها الارهاق الشديد اللي راح يعانيه مخك المغلوب على امره فّ (التخيل) !

طبعا انا سحبت عليه و واصلت تخيلي بلا كلل او ملل والنتيجة المخ (هنـق)

واحتجت لمساعدة من الشباب وطرحت عليهم الامر وكلهم اجمعوا اني (مهبول) وعزائي الوحيد انه حتى العلماء كان يقال عنهم ذلك !

الامر وما فيه انه لي حول شهر كل ما انام افكر كيف شيباننا زمان كانوا يدللون و يغازلون سواء زوجاتهم او اي وحدة ترعى غنم فّ القرية ؟

وكيف شيباننا كانوا يدلعون حريمهم زمان وكيف كان جوهم الرومانسي ؟

وهل كان عندهم زي ما يسموونه البعض الحين ( الحب قبل الزواج ) ؟

لا في بلوتوث ولا بي بي وفوق كذا اغلبهم اميين لا يقرأ ولا يكتب يعني ما في امل حتى يقدر يكتب رقم (البيجر)فّ ورقة ولا حتىا فّ قفا (عنز) !

وما طلع معي إلآ مشهد وحيد يكون فيه الشايب رومانسي وماسك وردة حمراء <~ لا احد يسألني من وين بّ يجيبها

ومتخبي ورى غنمتين ويصفر لّ (مزنى) !

واختنا فّ الله مزنى مشغولة تضرّم الغنم ولا تحلبها ولا تروي الحلال وفجأة تلتفت يمه وتخققققق معه < التفتت من ريحته المخيسة مو من التصفيرة

--

لانه هالاسئلة محيرتني ؟ خاصة انه اغلبية الشياب الاحظ عليهم انهم يشوفون انه عيب تدلع البنت وكذا بالذات البدو ،

وعلى طاري البدو والحضر احب اصبح عّ الاخ الكريم صاحب المقطع الموجود عّ اليوتيوب اللي طرح فيه حل بسيط وسهل ورائع للمشكلة التااريخية بينهم

عن طريق دمج الكلمتين مع بعض ( حضبدو ) ونفي اهل الرياض وجلب لندنيون او باريسيون خخخخ

--

فّ الختام : اتمنىا من الجميع انه يطرح ما تجود به مخيلته حول الموضوع ؟

حتىا لو كلف الامر انه يروح يسأل جده او جدته كيف كان جوهم الرومانسي ,؟ <~ ناوي يخليهم يتكفخون

لعل شباب هـ اليومين وانا منهم نستفيد :)

وشكرا لكم ،



















التوقيع

رد مع اقتباس
قديم 29-11-2011, 10:51 PM   رقم المشاركة : 2
معلومات العضو
طيب ؟
Banned
 

إحصائية العضو







افتراضي

ههههههههههههههههههههههههههههه عليك تفكير إنما إيه
نآوي تفضح الشيبان الله يهديك ؟

لايغرونك يامآ خلف السوآهي دوآهي ، أكيد كانت عندهم هالحركات ،
ولاتنسى كانوا جنب بعض وكلن يعرف الثاني ، أمتع للحب ههههههه
لكن نحسن الظن بهم ونقول حب بريء

يعطيك العافية وسعت صدري ياصديقي
رد مع اقتباس
قديم 29-11-2011, 11:12 PM   رقم المشاركة : 3
معلومات العضو
صديق نفسه
عضو مميز
 
الصورة الرمزية صديق نفسه
 
 

إحصائية العضو







افتراضي


المشاركة الأصلية كتبت بواسطة طيب ؟

ههههههههههههههههههههههههههههه عليك تفكير إنما إيه
نآوي تفضح الشيبان الله يهديك ؟

لايغرونك يامآ خلف السوآهي دوآهي ، أكيد كانت عندهم هالحركات ،
ولاتنسى كانوا جنب بعض وكلن يعرف الثاني ، أمتع للحب ههههههه
لكن نحسن الظن بهم ونقول حب بريء

يعطيك العافية وسعت صدري ياصديقي
مهب أنت أول شخص يقولي عليك تفكير ولا أعتقد إنك آخر شخص كذلك خخخ
إيه ناويين نطلع علومهم ونشوف شلون (أساليبهم) أبلشونا دايم (أنتم) يالشباب يالسمرمد والخ
بس أتوقع الوآزع الديني بوقتهم (كبير) والإغراءات قليلة ، ومع ذلك (سرابيت) يمكن !

نورت يا أخ طيب ..*


















التوقيع

رد مع اقتباس
قديم 29-11-2011, 11:51 PM   رقم المشاركة : 4
معلومات العضو
ملامحـ خجولهـ
مشرف منتدى سوالف متنوعة
 
الصورة الرمزية ملامحـ خجولهـ
 
 

إحصائية العضو








افتراضي

بالعكس الشيباان راعين حركاات

اجل من وين طلع نمر بن عدوان ..وعنتر بن شداد .. و محسن الهزاني << حق قصيدة قالوا كذا مبسم هيا

مير ع الاقل الشيبان منول ماعنده الا زوجته ومايشوف الا زوجته يتغزل فيها
بلاكم شباب الحين
اللي تفتحت عيونه وصار يشوف وجيه اشكال والوان


يكفيني ان تقال بي قصيده تتوارثها الاجيال
من وردتن ماتقعد الا يومين وتذبل
هو صح اهم شي اللي بالقلب

بس بعلمكم ان الشيبان لهم قلب مثل مالكم قلووب


قالوا كذا مبسم هيا .. قلت لا لا
============== بين البروق وبين مبسم هيا .. فرق
ويالله .. بنوٍ مدلهم الخيالا
============== طافح ربابه .. مثل شرد المها الزرق
لا جا على البكرين بنا الحلالا
============== ولاعاد لا يفصل .. رعدها عن البرق
يسقي غروسٍ .. عقب ماهي همالا
============== وحط الحريق ديار الاجواد .. له طرق
يسقي نعامٍ .. ثم يملا الهيالا
============== ويصبح حمامه ساجعٍ .. يلعب الورق
جريت إنا صوت الهوى .. باحتمالا
============== في وسط بستانٍ .. سقاه أربع فرق
طبّيت مع فرعٍ .. جديد الحبالا
============== وظهرت مع فرعٍ .. تناوح به الورق
روشن هيا .. له فرجتينٍ شمالا
============== وبابٍ على لقبله .. وبابٍ على الشرق
مبسم هيا .. له بالظلام اشتعالا
============== بين البروق .. وبين مبسم هيا فرق
برقٍ تلالا .. بأمر عز الجلالا
============== وأثره جبين صويحبي .. واحسبه برق
يا شبه صفرا .. طار عنها الجلالا
============== طويلة السمحوق .. تنزح عن الدرق
له ريق .. أحلى من حليب الجزالا
============== وأحلى من السكر .. إلى جاء من الشرق
حنيت إنا .. حنة هزيل الجمالا
============== ينقض ردي الخيل .. قد حسه الفرق
ويا قلته .. في عاليات الجبالا
============== ماها قراح .. مير من دونها غرق
ماعاد للصبيان .. فيها احتمالا
============== من كود مرقاها يديهم .. غدن طرق
قالوا تتوب من الهوى .. قلت لا لا
============== إلا إن تتوب .. ارماح علوى عن الزرق
قالوا تتوب من الهوى .. قلت لا لا
============== إلا إن يتوبون .. الحناشل عن السرق
قالوا تتوب من الهوى .. قلت لا لا
============== إلا إن تتوب الشمس .. عن مطلع الشرق


وردة لكل شااايب
خخخخخخ



















التوقيع

[MP3]http://www.quran4iphone.com/Audio/Maher_Al_Muaiqly/mp3/002.mp3[/MP3]

رد مع اقتباس
قديم 29-11-2011, 11:57 PM   رقم المشاركة : 5
معلومات العضو
مدموزيل وضحى..!!
عضو متواجد
 
الصورة الرمزية مدموزيل وضحى..!!
 
 

إحصائية العضو







افتراضي

هههههههههههههههههههههههههههههه
والللهى دااخله المنتدى ونفسيتى زفتت

بس من قريت موضووعك رووقت
الله يوسع صدرك على هالالتخيلات خخخخخخ
اعتقد انهم اول كانو يغازلون بعض بالقصاايد يعنى بدل مايمر ويجدع رقم
لا يمر ويجدع له بيت يتغزل بعيونها والا بجديلتها بعد موكلهم تسذا لا الصايعين فقط
ياليييت احد الشيباان يفيدناا
[/COLOR]
شكراا لك صديق نفسك

رد مع اقتباس
قديم 30-11-2011, 01:08 AM   رقم المشاركة : 6
معلومات العضو
قطيه
عضو مبدع
 
الصورة الرمزية قطيه
 
 

إحصائية العضو








افتراضي

عندي لكم رأي
وش رايكم واحد جريئ منكم ويمون على الشيبان
لاشاف له شايب بالشارع يمشي يسأله هالسؤال
ويجي يعلمنا >>>>وراه ماتجرئين انتيولا خايفتن تلحقك
النعله ولا تنشاف الا غبرتك



















التوقيع

لاتنسوا اموات المسلمين فهم بحاجه لدعائك فدعواتكم لهم بكل صلاة وبكل وقت وحين
اللهم ارحم اخي اللهم : اجعله في جنه الخلد خالدا فيها وله ما يشاء
اللهم : انه كان صابرا فبشره بوعدك للصالحين والمؤمنين يا ارحم الرحمين
اللهم : انه صبر على البلاء فلم يكل ولا يجزع ولا يشكو – فامنحه درجه الصابرين الذين يوفون أجورهم بغير حساب.
اللهم امين اللهم امين لاخي واموات المسلمين

رد مع اقتباس
قديم 30-11-2011, 09:04 AM   رقم المشاركة : 7
معلومات العضو
حبه سكر ناعمه
عضو بارز
 
الصورة الرمزية حبه سكر ناعمه
 
 

إحصائية العضو








افتراضي

إي وأنا أشهد إن الشيبان
راعين حركتات
مثل خذ عندك جدي كان يحب جدتي
مع إنها مطلقه وهو ماقد تزوج يجي لمهم عند
البيت يقالي مسير ويجيب معه مشط وكريم
لشعره كان شعره طويل وعليه شوفة نفس جدي من
يوم إنه (ترى فيه الصفه هذي للحين الله يحفظه لنا ويطول بعمره )
المهم بعد مايخلص من جدل شعره يخلي أغراضه ويمشي يروح مع خالي
على أبو إني أبرجع وهوقصده يبي جدتي تستخدمهن طبعآ هذا اختبار
من عنده كانه تحبني تستخدم أغراضي وجدتي الله يرحمها كانت عارفه
قصده ولا تجيهن مانفعت الحركه هذي لجأو للقصايد وماشاء الله جدتي عاد شاعره
بس للمعلوميه توفت وهي ماتحب أحد يذكرها بالقصيد حقها مادري وش( مخنبتسه)
المهم نهاية كل حب تزوجوا وعلمو بعض بالحركات اللي كانوا يسوونها
من أجل عيون بعض وتوته توته خلصت الحتوته
عذرآ ع الاطاله



















التوقيع

رد مع اقتباس
قديم 30-11-2011, 09:28 AM   رقم المشاركة : 8
معلومات العضو
 

إحصائية العضو







افتراضي

يعطيك العافية



















التوقيع

-
-
رد مع اقتباس
قديم 30-11-2011, 09:59 AM   رقم المشاركة : 9
معلومات العضو
الهدد
عضو متألق
 

إحصائية العضو







افتراضي



القلوووووووووب وحده
ووسائل التعبير تختلف

وش نسوي،، الله خلقنا كذا!!
والزين جذاااااااااااب

والشيبان كانوا بزمنهم شباب مثلنا،، وعليهم حركااااااااااات وعلوووووووووووم
اجلس معهم وشف الدواهي تحت السواهي هههههههههههه

لكن لا تضحك كثير يا خوي،، ترانا نبي نصير مثلهم باكر،، ويجون الشباب اللي بعدنا ويتريقون علينا،،
لأنه طبعا لا يمكن تتفق الأجيال بالتعبير عن الحب أو غيره،،

تبي تسمع الشباب يقولون بعد عشرين سنة ان الله عطاك عمر: تصدقون ان الشيبان كانوا يعبرون عن الحب والرومانسية بالبلوتوثات والمسجات خخخخخخخخخخخخخ
ولااااااااا! من زين الرومانسية يشب شمعات حمرا بغرفة النوم!!! شمعات حمرا ياشبااااااااااب!!! خخخخخخخ

ويقول الثاني: أجل اسمعوا!!! أبوي يقول تصدق يا ولدي كنت أكلم أمك قبل الدخلة!!!،، قلت له: وين؟ بمجلسنا هذا؟ قال: لا يا جاهل كنت أكلمها بالجوال بنص الليل،، قلت ووووه عسى ما شر؟! هو كان فيها شي؟! قال: لا يا كمخة ما ادري من أنت طالع عليه،، حنا كنا نعيش الرومانسية على أصولها!!!! ويطيح مجلس الشباب ضحك!!!!!!!!!

قال الثالث وعيونه تدمع من الضحك: ما دام الدعوى فرييييييي اسمعوا قصتي!! دخلت مرة مبكر الساعة ثلاث بالليل،، وميير أمر على غرفة أبوي وأمي،، والاااااااي أسمع صوتهم،، قلت بنفسي شكل فيه مشكلة الله يستر،، ويوم قربت أثرهم يضحكون،، والاااااااااا امي تقول لابوي: عاد خلاص يابو وائل تراي أستحي مررررررررررره،، بالله عليك لا تذكرني بسوالفنا الأوله،، قالها أبوي وهو يضحك مرة: ولا تذكرين قبل الدخلة يوم أجي أبعيش جو رومانسي معك،، لكن أمك الله يهديها مسنترة عندنا بالمجلس خخخخخخخخخخخخ

اللهم اعفُ عنا يا غفور،، شكلك خليتنا نستاثم بالصبح
أقول أخيرا:
هذي حال الأجيال،، لكن (الشاطر) اللي يضحك بالآخر

تحياتي


















التوقيع



كن أصلاً ولا تكن نسخة؛ فالأصل واحد والنسخ متعدّدة
رد مع اقتباس
قديم 30-11-2011, 10:07 AM   رقم المشاركة : 10
معلومات العضو
أبولمياء
عضو بارز
 

إحصائية العضو







افتراضي

يعطيك العافية موضوع شيق

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 01:14 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8